Popularne wersety biblijne z Matáyoso 13

Udostępnij

Ombu úmáaguá agá ginɔ́g gá gus, unyɛ́ anyɛ mɔnd ubɛ́dɔ́lɛ́gɔnɔ́ gugál wond usɔ́ŋɔ́n gú. Wád guóm biínd, gímoom insamɔ nɔgɔn, gímodió etín ádadɔ, gímodió sɔ́n nitín na siát.»

Ewe úmáaguá agá bigud bá insánd, búnyɛ mɔnd wɔ́bɔnɔ́ gugál, ɛŋágɛ́nɛ́n gɔg na gubísésenyi manda má gus mányɛ́gɛnɛn gugál, ulɔb udióm biínd.

Gɛsɛgɛl mɔnd bɛ́dɔ́lɛ́gɔnɔ́ gugál gá Bufuŋ bá muana udisɔ́ŋɔ́nɔ, anaány gúnyá ɔmbɛ́lɛmbɛ́l gúleén wéli buanda bányá guág agág gá ɔdɛm. Mɔnd uwaány nyɛ anyɛ masiá má nŋili kɔɔ́m ansamɔ máaguá.

Ewe úmáaguá agá anságáy, unyɛ anyɛ ewe ubɛ́dɔ́lɛ́gɔnɔ́ gugál gá Gɔdányá, úgɔ́l gú na bɛdɔdɛn; Gugál gɔg dɛluá ɛŋaŋa ɔgɔbɔ́, unyɛ mɔnd unúgenyé fiaŋ, gɛsɛgɛl meyú mánusiámá, gúmén bésésenyé wɔ́ góbusió bá gugál, ubɛ́nɛɛn.

«Bufuŋ bá muana gúbɛ́fuáganan bɔnɛ́m búmáabá buɔsɛ́gɔ́n agá gɛsɔmb, mɔnd uwɔfuɔg bɔ́, uwɔsɛg. Na bɛdɔdɛn giod, uwɔb uwedú buanda gidigid umáabiánán, uwɔɔ́nd gɛsɔ́mb igiány.

Síndodió sɔ́n isiánaguánán agá gɛ́nɔ́g gá gus. Isiébumug, isiágɔm, isióm biínd: ebie ágaan insamɔ́ nɔgɔn, bindodi etín ádadɔ, bíndodió sɔ́n insamɔ nitín na siát.

Ánɔnɛɛ́n manda amaány mem mágɔ́man ɔlɔŋ gutɔ guám agá magaya, ngɔyɛd gá begeyi agá gɛsɛgɛ́l giád igiány ká: Ánuál guélenyi biád bá bigud, nuála bimbi gá gúbegesi bɛ́. Núgɔ́l buanda búbɛ́fuágananá nkene nuágaan agám gá gɛsasɔ.”»