Popularne wersety biblijne z Matáyoso 6

Udostępnij

Ánuál guamba Bufuŋ bá Gɔdányá na gusɔ́d wófonó, ugɔnuɔ́yɛ́kɛnɛn gudúmbídenyi.

Nudiágɛ́nán gɔg na nŋɔ́guɔ́, nŋɔ́guɔ́ gágɛ́naan na ɛyɛ́ muát. Sig buɔ́s gúsɛgɛmanan na guɔ́bɛ́g gág.

«Buád buanda nnuɔ́yɔnɔ́ ká: Nudiákɛ́nán gán gá gusɔ́d, gá ubɔ́ nuganúnyánan, ta gá nuɔ́l naán, ta gá ubú nuganúbɛ́láŋa. Gusɔ́d dɛgúdɔ́mbaan manyán e, nuɔ́l dɔ́mbaan gɛsɔnɔ e?

Aŋuá gɔg, gɛsɛgɛl ambaná gubísógólidi, bíŋín ɔgɔ́w gá nɛgɛlɛ, éfuug niíd ná gians, óbísógólónyó tiɔ́ unyá agá kɔɔ́m agany gányá agá niɔs; ány gɔg tiɔ́ wánaná agá niɔs gonúguondinyi bɔ́.

«Banuá gɔg, ana nubiananá ká núbísógólonyi: Sié wasɔ unyá ugumuana, alá ká mɔnd gidigid lɛns ubɔ́ ányá, Bufuŋ bɔ́w buúl, nuged nɔ́w biála egegus anyɛ ugumuana.

Diéŋín manyán ɔmɔ́ diambaná ínen

dɛ́tɛ́nɛ́n bɛnana bás kɔɔ́kɔ anyɛ́ basuá sɔ́n dɛtɛ́naná ebe sɔ́n bádiálaná bɛnana

adidiág agá mbuge, edídúgúne gá bɔbɛ.

«Gá guán, númátɛ́nɛn band bɛnana bɔ́b, síe wanɔ unyá ugumuan ganútɛ́nɛn sɔ́n.

Ánulɛ́ŋá munoni: Múdɛgúgɔ́na, múdigúgaya, mudɛgúbɛ́dɛ́gaan agá gɛsasɔ, sié wanɔ unyá ugumuana guáfɛnan mɔ́! Nudigúdúmbaan mú e?

«Nudiágɔ́sá bɔnɛ́m bán egegus kɔɔ́m ɔgɔ́ buɛ́nyá na nŋeéŋ nyá bágúsɛŋɛn bɔ́, gúmén ká ta eŋéb úgús nɛmám, úman gugɔ́l bú. Ánugɔ́sá bɔnɛ́m bán ugumuana kɔɔ́m ta buɛ́nyá ta iŋéŋ diábáná bágúsɛŋɛn bɔ́, ta béeb diábáná bégúgús amam ká beéb bɔ́. Gágual ká kɔɔ́m bɔnɛ́m bɔ́w nyá, gɔ́gɔ́ ɔdɛm wɔ́w nyá.

«Ta mɔnd udɛbá bágualaan bá gɔdányá bándɛ buol, únúbɛ́la omoom, ubíléne omodió, gúmén, únúbɛ́gɔ́dɛ́n omoom, usɛ́gɛ́nan omodió. Nudɛ́bá bágualaan na Gɔdányá na muonyi buol.

Gɔdányá málaŋa bigud bá bisién bínyá kɔ́ ínen ana, ɛbɛ́ bégenuéti agá yoóg nŋɔ́guɔ́, udɛ́nuál bɔ́ gudúmbídenyi gán góbusió banuá band ɔbɔ́ nŋádáb yánɔ nyá fágɔfág e?

Aŋuá gɔg, gɛsɛgɛl éŋéné ɔsúgɔsugɔ buanda, ɔmbɔ́g wɔ́w adád dɛgúsɛgɛmanan gulɛns ɔbɔ́ ɔmbɔ́g ɔnɛ́m álaná, ká mfaán yɔ́w lɔ́bɛn agá niɔs; tiɔ́ wánaná agá niɔs, gagufá bɛnama bɔ́w.

«Nudialá agá eŋís yá band manda ɔmɔ́ Gɔdányá ófonó, ká núbídíyenyi. Kand nɔ́, nudɛ́nubiá bɛnama aga síe wanɔ unyá ugumuana.

«Gɛsɛgɛl numénubílég manyán, nudiɔ́lɔbɔɔ́n gɔsɔ́g anyɛ bɔsɔ́b sɔb álaná: bɔ́gúgɔ́lɔn edényi uwaány gá gudíye band ká bégubílég manyán. Agá meliŋítas ngunuɔ́yɔɔn ká: Básaman gubia bɛnama bɔ́b. Aŋuá, gɛsɛgɛl ebílégené manyán, bɛ́sɔ́gɛ́d busió, ébífú megud má ɔlɔf, ká edidíyé band ká esebílég manyán. Kɔɔ́k tiɔ́ gɔg unyá agá niɔs wánaná ubá alaná agá niɔs, uganúgúfá bɛnama bɔ́w.