Popularne wersety biblijne z Oknayene Ibo 6

Udostępnij

Eriko, Yawe kandre, ye okna yoba beke yogwa kide prisre, dem muduo yubun dogwa.

Ana Yawe kanugwa yoba ege ege mabuno kide keme kinano gudu pre, mabuno erikwa ama kide kaima erikwa.

Yegl dugwa ba yagl swara ta moglkwa, kagie Noa we digwa. Ana Noa i we, Yawe ye swara wakai kanugwa.

Ana ka magigl paugwa i, Noa ya ye gawama kano paugwa. Ana Noa mabuno kide erekre, yoba du moglkwa pre gagie ka ta sikrikwa. Ye God bogl deno muduno swara yedre, boma daguma miurka.

Dem muduo yubun dogo, ye yegl dugwa, Na yoba beke yeiga ba etne kide prika pre mudu si goraglka. Yoba si goglsre, agl bugla ya dua kabu ya kua ki ama mudu si goragle di, yegl dugwa.

Ana okuo yoba mere kide makan mina bage bage moglsre, ye abroma mere kiglkwa. Kiglko, God wama tau yoba abai gak kiglkwa i wakai kandre, yene wakai kanimere igwa. Igo, Yawe yegl dugwa, Yoba we, ye aimadi moglkraiglkwa. Te, na Murubuglona aimadi ka giglede ta di te moglkrabuka. Yoba bugla yugu 120 moglsre, goraiglmiwe dugwa. Ana God wana tau ye abai gak igwa ikra, akie bogl swara paigo, abai wagle ikra yagl gak kiglkwa. Yagl gak kiglkwa i podo mogl, olto kaima meglkwa. Ege i meglko, okuo tau ama meglkwa. Ana yoba podo meglkwa i, ye okna ibo yobuglo podo eriko, ye kagno paugwa.

God ka yegl di te kodugo, yagl Noa i we, God dumere mudu duglo boglkwa.

Ana God ere mogl, Noa yegl di togwa, Yoba uglo koglo koglo meglkwa i kuda keme beglkwa pre na yoba mudu si goragledi prika. Na kuri ta mogl, yoba mudu si goglsre, makan ama ere kide eraglka.

Ana ene we, ede gopa we digwa i, tau si yudre, sip ta bekenatniwa. Sip ta bekenatnga yugugl i we, agai pere pere yenabuka. Ana sip beke kodin, nigl ede yugugl pi dinabedi ene ede nuglo idre, sip meda ya yugugl akie egratniwa.

God kanugwa, yoba mudu ka kaima mabuno kide keme beglkwa pre u kide pi kodigwa.

Ana agl bugla ya dua kabu ki we, ene taragl mudu makan mina meglkwa suo suode idre, i pi sip yugugl edinatniwa. Taragl swara swarade kumugl ta idre, abai ta idre, ye ene bogl kor moraiglmedi i pi sip yugugl edinatniwa.