Popularne wersety biblijne z Rukasà 19

Udostępnij

Enyhoruhnu komo yohony me nomokye, Toto me Enusaho, kekon hatà. Àro wyaron komo yonyhoryeny me nomokye, kekon hatà, Txesusu.

Kohkom yano me omohsaho ryhe mosonà, ketxkon xarha tà. Kàkayaryet komo rma mosonà. Towakryexem me xaxa hak nahko, mosonà, ketxkon hatà. Noro yano me teryehorye rma haxa natxow hamà, kahe yawon komo. Nyamoro rma, ohxe xaxa nay hamà, Khoryenkomo, kany me natxow hamà, ketxkon hatà, Txesus yakoron komo.

Onà wyaro nkekon hatà, Txesusu. Amnye rma Khoryenkomo nenyhoryetxho me harha naha, mosonà, kekon hatà. Khoryenkomo nenyhoryetxho me harha naha. Àsok tawro hana. Akmaraw heno yohamàtho me nay hamà, noro xarha, kekon hatà. Àmàn yawon komo xarha, Khoryenkomo nenyhoryetxho me rma rha natxhe, kekon hatà, Txesusu.

Àsna tomokàtxhe rma, nosompotày hatà, Txesusu. Sakewu y, kekon hatà, àwya. Ohtok ha, amamehra. Omàn yaka àtehe hampànà, hawana me, kekon hatà, Txesusu. Àtoko rma nàhtoy hatà, Sakewu. Teryehorye rma haxa Txesusu yarày hatà, bàn yaka.

Onà wyaro mak kekon hatà, Sakewu, Kohkomo wya, toto komo nenytxanàr me hatà. Rohà y, kekon hatà. Rokatxho hoye wàmyaha, àkatxhomnà komo wya. Yake nyhe wàmyaha, àrakataha tehxe ro, kekon hatà. Àsok tawro hana. Atxke wehxan hamà, rowya toto komo yonkuhtonàr ke. Rowya àtxenyerunuthuyamo yahosnàtoko, eho nyhe wahohsakonà, kekon hatà. Roh komo rwonàmàthàr yawo rohra eho nyhe wahohsakonà, toto komo txenyerunutho. Àro wyaro ryexetxhàr hoye ro atxke wehxan hamà, kekon hatà. Àro ke wàmtàhkehe harha, àwyanye. Àro marmahnà wàmyaha. Eho rma haxa wàmyaha. Wàmyaha xarha. Wàmyaha xarha. Wàmyaha xarha. 4 me rma wàmyaha, àwyanye, kekon hatà, Sakewu, Txesusu wya.

Àto nehxatxkon hatà, Farysew kukur komo, thenyenohnà kom wawo rma hatà. Onà wyaro nketxkon hatà, nyamoro ha. Khananàhnye y, eytxoko, ayakoron komo, ketxkon hatà. Onà wyaro haxa neyuhtxownà hatà, Txesusu. Onà wyaro àkehe, owyanye, kekon hatà. Tatàknye moxam yehtoko, tohu txko haxa rwonàmràtho haryhe, rohoko, kekon hatà. Totohnà rma rwonàmràtho haryhe, rowakryenàr horà, kekon hatà, Txesusu.