Popularne wersety biblijne z JONI 6

Udostępnij

Sa qai kaya vei ira ko Jisu, “Oi au na madrai ni bula. O ira sa lako mai vei au era na sega vakadua ni viakana; kei ira sa vakabauti au era na sega vakadua ni viagunu.

Sa i koya na Yalo ni Kalou ka solia na bula, ia na kaukauwa ni tamata e sega sara ga na kena yaga. A vosa ka'u sa vosataka vei kemuni sa vosa vakayalo ka sa vu ni bula.

Ni kakua ni ogataka na kakana e rawa ni rusa, ia na kakana ga ena tu dei tu ka yacova na bula tawamudu, na kakana ka na solia vei kemuni na Luve ni Tamata: ni sai koya sa tiko vua na i vakatakilakila ni sa vakadonui koya na Kalou o Tamana.”

Ni sai koya oqo na ka e vinakata ko Tamaqu, o ya me ra rawata na bula tawamudu o ira vakayadua sa raica na Luvena ka vakabauti koya; ka'u na vakaturi ira cake ena i otioti ni gauna.”

Sa qai sauma ko Jisu ka kaya vei ira, “Sa i koya oqo na cakacaka e vinaka vua na Kalou: mo ni vakabauti koya ka a tala mai o koya.”

O ira kece sa solia mai vei au ko Tamaqu era na lako mai vei au. Au na sega ni vakatala tani e dua vei ira sa lako mai vei au

Sa qai sauma vua o Saimoni Pita ka kaya, “Turaga, me keitou qai lako tale vei cei? Sa tu ga vei kemuni na vosa ni bula tawamudu.

Oi au na madrai ni bula sa lako sobu mai lomalagi; kevaka e dua sa kania na madrai oqo, ena bula ka tawamudu. Na madrai au na solia vua sai koya na lewequ, ka'u sa solia me yaco rawa kina na bula vei ira na kai vuravura.”

E sega ni rawa ni lako mai vei au e dua na tamata kevaka e sega ni vakayarayarataki koya mai ko Tamaqu, o koya ka a talai au mai; ka'u na vakaturi koya cake ena i otioti ni gauna.

Na madrai sa solia na Kalou sai koya ka sa lako sobu mai lomalagi ka sa solia na bula ki vuravura.”

Oi au na madrai ni bula.

Sa qai taura na madrai ko Jisu, ka vakavinavinakataka vua na Kalou, ka vota vei ira na tamata era sa dabe e kea; ka vakakina na ika, me vaka na kena levu era sa vinakata. Ia ni ra sa mamau kece, sa qai tukuna vei iratou na nona tisaipeli, “Dou kumuna vata na veitikina lalai sa vo; ka me da kakua ni vakamaumautaka e dua na tikina.”

Ia ni sa rauta beka e lima se ono na kilomita na vanua e ratou vocera, e ratou sa qai raici Jisu ni sa lako tiko ena dela ni wai, ka sa torova tiko yani na waqa, ka ratou sa rere vakalevu. Ia sa qai kaya vei iratou ko Jisu, “Oi au ga oqo; dou kakua ni rere.”