KAHBHAO 13
13
Abram hi Lot Nyi Yanpü
1Hanangkü Abrami Ijip leipü vamei Negebei chenyüha, büpalei angpü lemphü yah-ei aong, hatü büpa mü Lot-ao dai.
2Abramü yemhimak, hon hi ngin longi angpü shemmeipa nyuteke. 3Büpa Negeb leipü shing hük kübü hük shei büpai shongei ashakshem vepü Bethel hi Ai nyi aa mangngoi thahshi longteiyei nyu, 4halei büpai shongei moidü hük ling. Halei Abrami Shembüpa kü khüm.
5Shaang Abram mü daipü Lot leiyao mi, mohoh hatü ashakshem nyu, 6hanangkü jiji jemi nyuhen mü kahdok neshiü; mehenangkü jiji jemi nenyuaokhen mü mophimo longi nyuteke, 7hatü nyeinya vaishi Abramei mi yombüthü hi Lotei mi yombüthü aa kü deyeilaoei nyu. Hahepak kü Kanan hatü Perizz amü hapa kahdokei nyuhamteke.
8Hahepak kü Abrami Lot kü, “Ji aa kü hatü jilei mi yombüthü aa kü meheyao dehilao nenyushah; mehenangkü jiyü shem am hih. 9Nüng she leipü kahdok eenyüla? Ji yanshah. Nüng laknyong lemei daijema, ngei lakdah lemei; nüng lakdah lemei daijema ngei laknyong lemei daihen” shei e. 10Lot-i laophü shing kahdok vei, hatü Jordan Kahji yung changshi Shembüpalei pemong kei, hatü Zoar lemeipü Ijip kahdok kei eeteke. (Hapayü Shembüpai Sodom hatü Gomorrah mahtük shekü shiüteke.) 11Hanangkü Lot-i büpa shing Jordan Kahji kemei jehahtü heong philei dai. Hapakei jiji yanteke. 12Abramü Kanan kahdokei nyu, hatü Lot-ü kahji leipü chingnyüthü chi kü nyu, hatü Sodom yopailei baümtap ve. 13Shaang Sodom amü ahshi nemei, hatü Shembüpa khüei mang longi thah.
Abram Hebronei Heihpü
14Abram toueipü Lot yandai pheikü Shembüpai büpa kü, “Nüng yaongpü shing kübü ngangei heong, heshü, apsha, pehe peü lemei veituh. 15Nüngi eepü kahdok kemei ngei nüng hatü nüngei lihilathü kü den shing shuohhen. 16Ngei nüngei lihila molo bhihhiphang kei leihühen. Hanei ami molo bhihhiphang ieaokjema nüngei hühihathüao ieaokhen. 17Shaang, layaongei kahdok bahiyang kemei kü kamtuh; ngei nüng kü ha shuohhen” shei e. 18Hanangkü Abrami büpalei baümtap chaiyei daiyei Hebron Mamre leipü kahdok longkham püchongei nyu, hatü halei büpai Shembüpa kü moidü hük ling.
Obecnie wybrane:
KAHBHAO 13: PHOMBSI
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.
KAHBHAO 13
13
Abram hi Lot Nyi Yanpü
1Hanangkü Abrami Ijip leipü vamei Negebei chenyüha, büpalei angpü lemphü yah-ei aong, hatü büpa mü Lot-ao dai.
2Abramü yemhimak, hon hi ngin longi angpü shemmeipa nyuteke. 3Büpa Negeb leipü shing hük kübü hük shei büpai shongei ashakshem vepü Bethel hi Ai nyi aa mangngoi thahshi longteiyei nyu, 4halei büpai shongei moidü hük ling. Halei Abrami Shembüpa kü khüm.
5Shaang Abram mü daipü Lot leiyao mi, mohoh hatü ashakshem nyu, 6hanangkü jiji jemi nyuhen mü kahdok neshiü; mehenangkü jiji jemi nenyuaokhen mü mophimo longi nyuteke, 7hatü nyeinya vaishi Abramei mi yombüthü hi Lotei mi yombüthü aa kü deyeilaoei nyu. Hahepak kü Kanan hatü Perizz amü hapa kahdokei nyuhamteke.
8Hahepak kü Abrami Lot kü, “Ji aa kü hatü jilei mi yombüthü aa kü meheyao dehilao nenyushah; mehenangkü jiyü shem am hih. 9Nüng she leipü kahdok eenyüla? Ji yanshah. Nüng laknyong lemei daijema, ngei lakdah lemei; nüng lakdah lemei daijema ngei laknyong lemei daihen” shei e. 10Lot-i laophü shing kahdok vei, hatü Jordan Kahji yung changshi Shembüpalei pemong kei, hatü Zoar lemeipü Ijip kahdok kei eeteke. (Hapayü Shembüpai Sodom hatü Gomorrah mahtük shekü shiüteke.) 11Hanangkü Lot-i büpa shing Jordan Kahji kemei jehahtü heong philei dai. Hapakei jiji yanteke. 12Abramü Kanan kahdokei nyu, hatü Lot-ü kahji leipü chingnyüthü chi kü nyu, hatü Sodom yopailei baümtap ve. 13Shaang Sodom amü ahshi nemei, hatü Shembüpa khüei mang longi thah.
Abram Hebronei Heihpü
14Abram toueipü Lot yandai pheikü Shembüpai büpa kü, “Nüng yaongpü shing kübü ngangei heong, heshü, apsha, pehe peü lemei veituh. 15Nüngi eepü kahdok kemei ngei nüng hatü nüngei lihilathü kü den shing shuohhen. 16Ngei nüngei lihila molo bhihhiphang kei leihühen. Hanei ami molo bhihhiphang ieaokjema nüngei hühihathüao ieaokhen. 17Shaang, layaongei kahdok bahiyang kemei kü kamtuh; ngei nüng kü ha shuohhen” shei e. 18Hanangkü Abrami büpalei baümtap chaiyei daiyei Hebron Mamre leipü kahdok longkham püchongei nyu, hatü halei büpai Shembüpa kü moidü hük ling.
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.