Lii Lolo dhu Uru Tèka 9
9
Ama Lamatua pajaji dènge Noh
1Hèia Ama Lamatua pala-bagi berkat mi Noh dènge ana-ana na, peka na, “Miu matana paꞌae-ae, sèna ka papènu rai-haha ne. 2Ladhe èèna na, badha hui, manu-bhui dènge iꞌa aaꞌi-aaꞌi ra madhaꞌu dènge miu. Miu ka dhu ator si. 3Sisi badha aaꞌi-aaꞌi, miu bisa miꞌa, sèmi dhu miꞌa hua-hela, dènge rèu ana aajꞌu se. Aaꞌi-aaꞌi se, Jaꞌa hia miu.
4Dhoka sisi dhu dènge raa era, miu madha mèu miꞌa, lula samanga badha ètu raa na. 5-6Jaꞌa pajꞌajꞌi dhèu madhutu raropa Jaꞌa. Nèti èèna ka, baku pamadhe dhèu. Ladhe abhu dhèu, do badha, dhu pamadhe dhèu, na, pamadhe ne kahèi. Neꞌe, lii paredha nèti Jaꞌa. 7Miu se hudꞌi matana paꞌae-ae ku, sèna ka papènu hari rai-haha ne.”
8Ka Ama Lamatua tuhu hari lii padhai lii Na, 9“De neꞌe ne, Jaꞌa pajaji dènge miu, toke dꞌai lai ana lai èpu. 10Lii pajaji ne, lèke kahèi mi aaꞌi-aaꞌi dhu mamuri, sèmi: badha ani, badha hui, dènge manu-bhui. Peka ka laa, lèke aaꞌi-aaꞌi dhu kalua palere-lere dènge miu nèti dedha kapa. 11Lii pajaji Jaꞌa sèmi neꞌe: Jaꞌa hia heka èi aae lala, ho pamadhe aaꞌi ngaa-ngaa dhu mamuri, aa dènge paꞌele iie rai-haha ne.
12-13Jaꞌa pasa saroo ètu dedha-liru, sèna ka jꞌajꞌi tadha pasanèdꞌe lii pajaji Jaꞌa dhu maꞌète boe dènge miu, dènge aaꞌi-aaꞌi dhu mamuri, aa dènge rai-haha ne. 14-17Ladhe abhu raꞌi-liru, ho saroo cèu, èèna na pasanèdꞌe Jaꞌa nèti lii pajaji èèna. Na peka na, èi aae paꞌele iie heka aaꞌi-aaꞌi dhu mamuri. Dènge jꞌara neꞌe ne ka, lii pajaji Jaꞌa dhu maꞌète boe, paꞌèki tèke le dènge miu, aa dènge aaꞌi-aaꞌi dhu mamuri.”
Noh mahu
18Ana-ana Noh dhu puru nèti dedha kapa, Sem, Yafet dènge Ham (Ham èèna, ama Kanaꞌan). 19Dhèu aaꞌi-aaꞌi ra ètu rai-haha ne, jꞌajꞌi nèti ana Noh dhèu tèlu sèra.
20Noh èèna, dhèu sabꞌa oka-tedhe. Nèngu ka dhu uru jꞌara tao oka anggor. 21Ca tèka, na ninu èi anggor, ka na mahu titu kèna. Hèia na puru eele mèdha-papake nèti ua na. Ka na jꞌunu lega-loli dènge boe mèdha-papake ètu dꞌara paleo na. 22Ropa Ham ladhe nèdhi era makae ama na, ka rai liꞌu laꞌe, lolo dènge aꞌa na, Sem dènge Yafet. 23Hèia dua ra rare sigꞌi-kalolo ca bèla, ka ra bhoke mema ètu kabela-kao ra. Ka dua ra kako kabodho lasi asa dꞌara paleo ama ra, sèna ka ra pahutu mi ngiꞌu na. Dènge sèmi èèna, rèdhi boe era makae ama ra. Èle èèna ka, ra kalua sa liꞌu.
24Ropa Noh maseꞌa, na neꞌa tatao nèti ana limuri na, Ham. 25Ka na peka, aku nèngu na, “He! Ama Kanaꞌan! Jaꞌa dhoo èu! Èu ne, èèna na jꞌajꞌi ènu nèti aꞌa mu si!
26Koa-kio LAMATUA, lula Sem!
Te ngaa Kanaꞌan jꞌajꞌi ènu Sem.
27Hudꞌi laa, Ama Lamatua pataleo rai unu Yafet.
Aa ana-èpu na mamuri mera-milu dènge ana-èpu Sem.
Te ngaa hudꞌi Kanaꞌan jꞌajꞌi ènu Yafet.”
28Nèti èle èi aae lala, Noh mamuri era dꞌai 350 (tèlu ngasu lèmi nguru) tèu. 29Umur Noh dꞌai 950 (ceo ngasu lèmi nguru) tèu, heka madhe kèna.
Obecnie wybrane:
Lii Lolo dhu Uru Tèka 9: nfaNTPO
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2012, Wycliffe Bible Translators, Inc. All rights reserved
Lii Lolo dhu Uru Tèka 9
9
Ama Lamatua pajaji dènge Noh
1Hèia Ama Lamatua pala-bagi berkat mi Noh dènge ana-ana na, peka na, “Miu matana paꞌae-ae, sèna ka papènu rai-haha ne. 2Ladhe èèna na, badha hui, manu-bhui dènge iꞌa aaꞌi-aaꞌi ra madhaꞌu dènge miu. Miu ka dhu ator si. 3Sisi badha aaꞌi-aaꞌi, miu bisa miꞌa, sèmi dhu miꞌa hua-hela, dènge rèu ana aajꞌu se. Aaꞌi-aaꞌi se, Jaꞌa hia miu.
4Dhoka sisi dhu dènge raa era, miu madha mèu miꞌa, lula samanga badha ètu raa na. 5-6Jaꞌa pajꞌajꞌi dhèu madhutu raropa Jaꞌa. Nèti èèna ka, baku pamadhe dhèu. Ladhe abhu dhèu, do badha, dhu pamadhe dhèu, na, pamadhe ne kahèi. Neꞌe, lii paredha nèti Jaꞌa. 7Miu se hudꞌi matana paꞌae-ae ku, sèna ka papènu hari rai-haha ne.”
8Ka Ama Lamatua tuhu hari lii padhai lii Na, 9“De neꞌe ne, Jaꞌa pajaji dènge miu, toke dꞌai lai ana lai èpu. 10Lii pajaji ne, lèke kahèi mi aaꞌi-aaꞌi dhu mamuri, sèmi: badha ani, badha hui, dènge manu-bhui. Peka ka laa, lèke aaꞌi-aaꞌi dhu kalua palere-lere dènge miu nèti dedha kapa. 11Lii pajaji Jaꞌa sèmi neꞌe: Jaꞌa hia heka èi aae lala, ho pamadhe aaꞌi ngaa-ngaa dhu mamuri, aa dènge paꞌele iie rai-haha ne.
12-13Jaꞌa pasa saroo ètu dedha-liru, sèna ka jꞌajꞌi tadha pasanèdꞌe lii pajaji Jaꞌa dhu maꞌète boe dènge miu, dènge aaꞌi-aaꞌi dhu mamuri, aa dènge rai-haha ne. 14-17Ladhe abhu raꞌi-liru, ho saroo cèu, èèna na pasanèdꞌe Jaꞌa nèti lii pajaji èèna. Na peka na, èi aae paꞌele iie heka aaꞌi-aaꞌi dhu mamuri. Dènge jꞌara neꞌe ne ka, lii pajaji Jaꞌa dhu maꞌète boe, paꞌèki tèke le dènge miu, aa dènge aaꞌi-aaꞌi dhu mamuri.”
Noh mahu
18Ana-ana Noh dhu puru nèti dedha kapa, Sem, Yafet dènge Ham (Ham èèna, ama Kanaꞌan). 19Dhèu aaꞌi-aaꞌi ra ètu rai-haha ne, jꞌajꞌi nèti ana Noh dhèu tèlu sèra.
20Noh èèna, dhèu sabꞌa oka-tedhe. Nèngu ka dhu uru jꞌara tao oka anggor. 21Ca tèka, na ninu èi anggor, ka na mahu titu kèna. Hèia na puru eele mèdha-papake nèti ua na. Ka na jꞌunu lega-loli dènge boe mèdha-papake ètu dꞌara paleo na. 22Ropa Ham ladhe nèdhi era makae ama na, ka rai liꞌu laꞌe, lolo dènge aꞌa na, Sem dènge Yafet. 23Hèia dua ra rare sigꞌi-kalolo ca bèla, ka ra bhoke mema ètu kabela-kao ra. Ka dua ra kako kabodho lasi asa dꞌara paleo ama ra, sèna ka ra pahutu mi ngiꞌu na. Dènge sèmi èèna, rèdhi boe era makae ama ra. Èle èèna ka, ra kalua sa liꞌu.
24Ropa Noh maseꞌa, na neꞌa tatao nèti ana limuri na, Ham. 25Ka na peka, aku nèngu na, “He! Ama Kanaꞌan! Jaꞌa dhoo èu! Èu ne, èèna na jꞌajꞌi ènu nèti aꞌa mu si!
26Koa-kio LAMATUA, lula Sem!
Te ngaa Kanaꞌan jꞌajꞌi ènu Sem.
27Hudꞌi laa, Ama Lamatua pataleo rai unu Yafet.
Aa ana-èpu na mamuri mera-milu dènge ana-èpu Sem.
Te ngaa hudꞌi Kanaꞌan jꞌajꞌi ènu Yafet.”
28Nèti èle èi aae lala, Noh mamuri era dꞌai 350 (tèlu ngasu lèmi nguru) tèu. 29Umur Noh dꞌai 950 (ceo ngasu lèmi nguru) tèu, heka madhe kèna.
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2012, Wycliffe Bible Translators, Inc. All rights reserved