LUK 24
24
Jisu Aringkhirna
(Mat. 28:1-10; Mrk. 16:1-8; Jhn. 20:1-10)
1Han chei uol khat sunga a phut na nikhuo jingtiang masa hin arimhuiphur an hong choia anmanin than en an lui hong. 2Thankot lungham alui kanlong ha an mu jui. 3Hale an en karra Jisu a taksa ha mu lai ma u. 4Anmanin an ning a donga an lui ompha lai tak han hingahin a hong nijui, enru puan analpet atiang pasal anni anmani karra an lui ngir. 5Numeingai ning a tam anlui chit, an lu ha simleia an lui burver, han pasal anni ngaining anti, “Athi ngai karra a ring ha ijarra mo nang nin nantok? 6Ama ko hin omlaimak, a thuikhir jui, ngaidonru ama ning imo alui ti, a man Galili han a om lai. 7Mi pasalnai ha siatnei kut anlapeklut rang ke, khros han an that rang ke, hale ni thum suale hong thuikhir ret na ta ringkhirnati chong ngaiha an lui ngaidon”.
8Han anmanin Jisu chong lui ri rakipngai ha an ngaidonjui. 9Anmanin thaanram tenna an hong kir pha han, hiva ruia thiamruoi somleikhat ngai jiang le adang mingai jiang an lui manjet jui. 10Anmani ngaiha ko, Meri Magdalen, Joanna, ha Jems anu Meri, hale anmani le a kan ruai numeingain nom a dang thiamruoingai jiang hiva chong hi anlui ripe. 11Thiamruoi ngainingning hiva chong hi adik chong nimak tia tak luingaipe ma u. 12Han Pitar ning a thuia thanramma a chea alui hong en karra ama ning puan jak ha amu jui, hale a suak chuan ngaiha a man a jet karra a ngak reia in tiang ahong kanlejui.
Emmaus Lamma
(Mrk. 16:12-13)
13Hava nikhuo tak han anmani karra mi anni ning Jerusalem tenna mail sari a lak Emmaus anti khopui han an lui che. 14Han anmanin a suak chuan ruia khat le khat an lui kan biak tirra anlui che jui. 15Hale anmanin an kan dingkel lai tak han hingahin a suak jui, Jisu a tak tak a hong kandoa anmani le anlui kan ruai suam ma anche jui. 16Jisu ning anmani jiang a mel ha lui man kan jet mak. 17Hale Jisu ning anmani hi adep a anmani jiang a ti, “Nang ni ning khat le khat nan kan biak ha imo ani?” Han anmanin chit le kan ruaia an ngirrepjui. 18Han an karra Kleopa anti ha ning ading keljui, “Jerusalem ma imo a suak tia jet luia a hong khualmi hi nangjak mo nani?”
19Jisu ning anmani jiang a sang, “I mo asuak jui”? Han anmanin an lui ti, “Pathian le mirakip madonna chuan tho Nazaret Jisu a ruia ani. 20Thiampulian ngain, hale keini vaihom ngai ning ijarra mo ama ha khros chunga an that na chong ha ani, 21tak-ha keinin ko Israel naingai San ringpa ha ani tia tak kan ngai, hijak ni luia hiva a hong suak chuan hi ni thum a hong ni jui. 22Hale kanshap numei aviar’ning om keini hi an na man ngak jui, anmanin thaanram an lui en; 23tak-ha aruak ha ko lui mu mau, han thaneithiangngai ha mang anga an lui mu, hale anmanin jiang an tipe, ‘Puma hako a ringkhir jui. 24Hale keini le a kan ruai mi ngaining, om thanna an che karra numeingai ning anti anga aluini jui, Jisu ha ko lui mu lai ma u”
25Han Jisu ning anmani jiang a ti, “lduk apangmo nan ni, hale Pathian tashanthei ngain an lui ri ha iduk amo tak telluia nanluingai? 26Khrista ning khodeng itheia Pathian lianpui na imuranghi ngai mak mo? 27Mousi tenna an phut Pathian tashanthei ngain chong thiang rabu sunga an lui jiak”, Jisu arui ngai ha ama ning anmani jiang aman jet jui.
28Anmanin khopui ha anhongnai karra Jisu vei khat a lak che ranga alui tho. 29Han anmani ning Jisu jiang anti, keini hi na om puiro, ajarko, ni ahong takjui, hale Jisun anmani le om ranga alui che jui. 30Hale Jisun anmani le an kan ruaia chak na ranga an lui ong jui, hale Jisun tal ha a luia Pathian jiang alam suale a ek senna anmani jiang a pek jui. 31Han Jisun anmani jiang a mel a man kan jet jui, hale anmani tenna an phut a mang dejui. 32Anmani khat le khat an kan biakjui, “Puman lampuia keini jiang Pathian chong thiang inari peha, kan lunga meikang anga timakmo”?
33Hale anmanin hava phat tak han an thuia Jerusalem an hong kan le khir jui, han a dang thiamruoi somleikhat ngaiha an kan chun na midang ngaile anlui om jui. 34Han anti, ‘Jisu hi a thianga athuikhir jui’, Simon jiang om a man mu tihi an jet jui.
35Hale lampuia ija mo alui suak, Jisu ning tal ha a eksenna, ija mo anmanin Jisu a mel an hong jet tiha anmanin an ri manthangjui.
Jisun A thiamruoi Jiang Akando
(Mat. 28:16-20; Mrk. 16:14-18; Jhn. 20:19-23; Tir. 1:6-8)
36Anmanin hiva chongngai hi an lui ri karra, Jisu ning an karra a hong ngirra a ti, “Nan karra a hip ha om rase”.
37Anmanin a tam anlui chit, khonammo kan mu tia an lui ngaidon. 38Tak-ha Jisu ning anmani jiang a ti, “Nang ni ijarra mo nan ning adong? Nanlunga imo keichi keiok nan nei? 39Na enru, ka kut le ka ke ngaihi, enru kei khet ha ka ni, nasitru nan jet rang ke, ajarko khonam ko aru le a tak om mak, tak-ha kei ko ka nei.”
40Jisu ning hingahin ati pe a kut le a ke ngaiha alui dopejui. 41Anmanin ningsat le kan ruaia an om laitak han Jisun ading kel, “Nang nin chak ranga imo nan nei?” 42Anmanin nga aminsa khat anleipek. 43Hava ha an madonna achakjui.
44Han Jisu ning anmani jiang a ti, “Hiva ngaihi a thianga kei ning nang ni le kan om suam lai kina ripe ha ko, kei ka ruia Mousi dan sunga han an lui jiak jui, Pathian tashantheingai ning an lui jiak hale labu han nom an lui jiak ngaiha ka man tung rang a suak.
45Jisu ning anmani ha Pathian chong an jet thei na rang an lung kot a long pe jui. 46Hava suale ama ning a ti ret, “Khrista ning khodengtheia thinata ni thum chang na han a thui khir ret rang ke. 47A ma minga lung thulna chong le ngaidam na chong ha Jerusalem ma anphut jat rakip jiang anlaripe rang ani. 48Nang ni hiva rakip ranga shakhi nan ni. 49Han enru ka pa ning a chong ngir na ha kein nang ni jiang kavatir; tak-ha chung tianga ranak ha nan chunga a hong mak karje nang nin hiva khopui hin ngaktitru.
vanram Tiang Jisu Akal
(Mrk. 16:19-20; Tir. 1:9-11)
50Jisu ning anmani ha Bethani khopui tenna a kan ruai puia, a kut a dom ma anmani jiang phual alui pek. 51Hingahin phual a pek anmani tenna vanram tiang akaldejui. 52Anmani ning ningsat tak a Pathian chubei an buk, Jerusalem ma an hong kanlejui. 53Han phat rakip a biakinn hin Pathian an manpak jui.
Obecnie wybrane:
LUK 24: AIMOLBSI
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
LUK 24
24
Jisu Aringkhirna
(Mat. 28:1-10; Mrk. 16:1-8; Jhn. 20:1-10)
1Han chei uol khat sunga a phut na nikhuo jingtiang masa hin arimhuiphur an hong choia anmanin than en an lui hong. 2Thankot lungham alui kanlong ha an mu jui. 3Hale an en karra Jisu a taksa ha mu lai ma u. 4Anmanin an ning a donga an lui ompha lai tak han hingahin a hong nijui, enru puan analpet atiang pasal anni anmani karra an lui ngir. 5Numeingai ning a tam anlui chit, an lu ha simleia an lui burver, han pasal anni ngaining anti, “Athi ngai karra a ring ha ijarra mo nang nin nantok? 6Ama ko hin omlaimak, a thuikhir jui, ngaidonru ama ning imo alui ti, a man Galili han a om lai. 7Mi pasalnai ha siatnei kut anlapeklut rang ke, khros han an that rang ke, hale ni thum suale hong thuikhir ret na ta ringkhirnati chong ngaiha an lui ngaidon”.
8Han anmanin Jisu chong lui ri rakipngai ha an ngaidonjui. 9Anmanin thaanram tenna an hong kir pha han, hiva ruia thiamruoi somleikhat ngai jiang le adang mingai jiang an lui manjet jui. 10Anmani ngaiha ko, Meri Magdalen, Joanna, ha Jems anu Meri, hale anmani le a kan ruai numeingain nom a dang thiamruoingai jiang hiva chong hi anlui ripe. 11Thiamruoi ngainingning hiva chong hi adik chong nimak tia tak luingaipe ma u. 12Han Pitar ning a thuia thanramma a chea alui hong en karra ama ning puan jak ha amu jui, hale a suak chuan ngaiha a man a jet karra a ngak reia in tiang ahong kanlejui.
Emmaus Lamma
(Mrk. 16:12-13)
13Hava nikhuo tak han anmani karra mi anni ning Jerusalem tenna mail sari a lak Emmaus anti khopui han an lui che. 14Han anmanin a suak chuan ruia khat le khat an lui kan biak tirra anlui che jui. 15Hale anmanin an kan dingkel lai tak han hingahin a suak jui, Jisu a tak tak a hong kandoa anmani le anlui kan ruai suam ma anche jui. 16Jisu ning anmani jiang a mel ha lui man kan jet mak. 17Hale Jisu ning anmani hi adep a anmani jiang a ti, “Nang ni ning khat le khat nan kan biak ha imo ani?” Han anmanin chit le kan ruaia an ngirrepjui. 18Han an karra Kleopa anti ha ning ading keljui, “Jerusalem ma imo a suak tia jet luia a hong khualmi hi nangjak mo nani?”
19Jisu ning anmani jiang a sang, “I mo asuak jui”? Han anmanin an lui ti, “Pathian le mirakip madonna chuan tho Nazaret Jisu a ruia ani. 20Thiampulian ngain, hale keini vaihom ngai ning ijarra mo ama ha khros chunga an that na chong ha ani, 21tak-ha keinin ko Israel naingai San ringpa ha ani tia tak kan ngai, hijak ni luia hiva a hong suak chuan hi ni thum a hong ni jui. 22Hale kanshap numei aviar’ning om keini hi an na man ngak jui, anmanin thaanram an lui en; 23tak-ha aruak ha ko lui mu mau, han thaneithiangngai ha mang anga an lui mu, hale anmanin jiang an tipe, ‘Puma hako a ringkhir jui. 24Hale keini le a kan ruai mi ngaining, om thanna an che karra numeingai ning anti anga aluini jui, Jisu ha ko lui mu lai ma u”
25Han Jisu ning anmani jiang a ti, “lduk apangmo nan ni, hale Pathian tashanthei ngain an lui ri ha iduk amo tak telluia nanluingai? 26Khrista ning khodeng itheia Pathian lianpui na imuranghi ngai mak mo? 27Mousi tenna an phut Pathian tashanthei ngain chong thiang rabu sunga an lui jiak”, Jisu arui ngai ha ama ning anmani jiang aman jet jui.
28Anmanin khopui ha anhongnai karra Jisu vei khat a lak che ranga alui tho. 29Han anmani ning Jisu jiang anti, keini hi na om puiro, ajarko, ni ahong takjui, hale Jisun anmani le om ranga alui che jui. 30Hale Jisun anmani le an kan ruaia chak na ranga an lui ong jui, hale Jisun tal ha a luia Pathian jiang alam suale a ek senna anmani jiang a pek jui. 31Han Jisun anmani jiang a mel a man kan jet jui, hale anmani tenna an phut a mang dejui. 32Anmani khat le khat an kan biakjui, “Puman lampuia keini jiang Pathian chong thiang inari peha, kan lunga meikang anga timakmo”?
33Hale anmanin hava phat tak han an thuia Jerusalem an hong kan le khir jui, han a dang thiamruoi somleikhat ngaiha an kan chun na midang ngaile anlui om jui. 34Han anti, ‘Jisu hi a thianga athuikhir jui’, Simon jiang om a man mu tihi an jet jui.
35Hale lampuia ija mo alui suak, Jisu ning tal ha a eksenna, ija mo anmanin Jisu a mel an hong jet tiha anmanin an ri manthangjui.
Jisun A thiamruoi Jiang Akando
(Mat. 28:16-20; Mrk. 16:14-18; Jhn. 20:19-23; Tir. 1:6-8)
36Anmanin hiva chongngai hi an lui ri karra, Jisu ning an karra a hong ngirra a ti, “Nan karra a hip ha om rase”.
37Anmanin a tam anlui chit, khonammo kan mu tia an lui ngaidon. 38Tak-ha Jisu ning anmani jiang a ti, “Nang ni ijarra mo nan ning adong? Nanlunga imo keichi keiok nan nei? 39Na enru, ka kut le ka ke ngaihi, enru kei khet ha ka ni, nasitru nan jet rang ke, ajarko khonam ko aru le a tak om mak, tak-ha kei ko ka nei.”
40Jisu ning hingahin ati pe a kut le a ke ngaiha alui dopejui. 41Anmanin ningsat le kan ruaia an om laitak han Jisun ading kel, “Nang nin chak ranga imo nan nei?” 42Anmanin nga aminsa khat anleipek. 43Hava ha an madonna achakjui.
44Han Jisu ning anmani jiang a ti, “Hiva ngaihi a thianga kei ning nang ni le kan om suam lai kina ripe ha ko, kei ka ruia Mousi dan sunga han an lui jiak jui, Pathian tashantheingai ning an lui jiak hale labu han nom an lui jiak ngaiha ka man tung rang a suak.
45Jisu ning anmani ha Pathian chong an jet thei na rang an lung kot a long pe jui. 46Hava suale ama ning a ti ret, “Khrista ning khodengtheia thinata ni thum chang na han a thui khir ret rang ke. 47A ma minga lung thulna chong le ngaidam na chong ha Jerusalem ma anphut jat rakip jiang anlaripe rang ani. 48Nang ni hiva rakip ranga shakhi nan ni. 49Han enru ka pa ning a chong ngir na ha kein nang ni jiang kavatir; tak-ha chung tianga ranak ha nan chunga a hong mak karje nang nin hiva khopui hin ngaktitru.
vanram Tiang Jisu Akal
(Mrk. 16:19-20; Tir. 1:9-11)
50Jisu ning anmani ha Bethani khopui tenna a kan ruai puia, a kut a dom ma anmani jiang phual alui pek. 51Hingahin phual a pek anmani tenna vanram tiang akaldejui. 52Anmani ning ningsat tak a Pathian chubei an buk, Jerusalem ma an hong kanlejui. 53Han phat rakip a biakinn hin Pathian an manpak jui.
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.