LUK 9
9
Thiamruoi Somleini Jisun Atir
(Mat. 10:5-15; Mrk. 6:7-13)
1Hingahin Jisu ning a thiamruoi somleini akuia thavang satlui Seitan not cheina le a nat mandam torna ranak anmani jiang a pek jui. 2Han a man Pathian rengram chong thiang rirangle mi mandam ranga atirjui. 3Puman anmani jiang a ti, “Nang ni i om choi maru, ramchei nan che karra, chak thei, hale Puankok, peisa hale kuntai tennaom anni abo choi maru. 4Nang nin nanlutna inn tak han om ru, hale hava tenna an phut kanthuiru. 5Han nanlutna khopui mingai ning an na mahokmak inko nang nin suakderu, nan suak karra an mit an mu thei na ranga nankedirha khongthakru.”
6Hava suale thiamruoingai ning khopui rakip an lut Pathian chong thiang an ri manthang, hale a nat rakipham an mandamjui.
Herod Ning Jet Torlui
(Mat. 14:1-12; Mrk. 6:14-29)
7Hingahin Herod rengpa ning alui suak chuan rakip a jet karra a tam a lung avetjui, ajarko mi a her khat ning Johon ke anti, 8han mi aviarinko Elija ha a hong suak khirretjui anti, hale mi her khat inko an lui ti, a tuan laia Pathian chong lui ri ngaiha an hong ringkhir ret jui. 9Herod in a ti, “Johonko a ring katanna a thi sa ke, tak-ha tu mo ini ama ha? Herodin ama ha aluimujot.”
Pasal Lishing Ranga Jisun A vai
(Mat. 14:13-21; Mrk. 6:30-44; Jhn. 6:1-14)
10Thiamruoingai an hong kirra an tho rakipngai ha Puma jiang an ri jui, han Puma jiang anmani ha a tuanga Bethsaida khopui han an che jui. 11Han mitamngain hiva chong hi an jet karra mitam ning an nuk an hong jui, Puman mirakip ha a huia a donjui, Pathian rengram ruia aripe hale anatngai ha amandampejui.
12Nilut tiang pha han thiamruoingain Jisu jiang an lui ti “Mingaihi khuo sunga tirro, hale chak rang nek rang hong manchoiro, ajarko keini achikna mun na kan om ani.”
13Jisu ning a ti, “Thiamruoingai jiang nang ni ning anmani jiang chak le nekha pekru.” Thiamruoi ngain an sanga, keini kanneiko tallom ranga le nga annnijak ke. “keini mitamngai ranga chak rang nek rang vachok kan ti an lui ti.” 14Ajarko mingai hi lising ranga dor anni, Jisun thiamruoingai jiang a ti, “Mingaihi arup arup man om ru, rup khat a somrangaje man ongru.”
15Tirlon ngain an lui man ong jui. 16Han Jisu ning tallom ranga le nga anni ha a luia chungvan tiang a en na Pathian phual a lamjui, hale tal ha a ek khamma thiamruoingai jiang a pek mitamngai jiang amansemjui. 17Hava mun na a om mingain an chak an nek suale a liam bang ha thiamruoingai ning anrut a luk somleini alui sip jui.
Pitar Ning Jisu Ari Manthiang
(Mat. 16:13-19; Mrk. 8:27-29)
18Hinga hin Puma ning atheia lam na a nei lai han, thiamruoingain ama jiang an honga han Puma ning anmani jiang ading kel. “Mitamngain kei hi tu mo annati?”
19Mi aviar ningko anti, “Elija, hale mi aviarin Pathian Tashanthei khat a hong kir ret annati.”
20Han Puman anmani jiang ading kelret, nang ninko kei hi tumo nan na manchang? han Pitar ning a sang, “Nang Pathian nai sangringpu Khrista ha na ni.”
Jisun Akhodeng Theirang Le A thirang Ari
(Mat. 16:20-28; Mrk. 8:30—9:1)
21Han Puma Jisu ning a ti, hiva chong hi tu jiang om manjet maru tia a man chong a be, 22han Puman a ti, “Mi pasalnai ha pong khodengthei na mu rang ani, hale a chong che ulianrup, thiampulian, hale dan ojangai ning ama ha enda na nei nanta a maha that rang anni, hale ni thum suale ama ha a thui khir rang ke.”
23Puma ning mirakip jiang a ti, “Tu ang khat in kei kanuk annajuijot aninko a tak tak ning kan jot ma rase kan ma tirrase, hale a tak Khros hong kan choi senlang ni khat ni khat kanuk na jui rase. 24Ajarko a thavang akansanringjot ama han mang nati, hale kei ranga a ringkhuo a manmang tor ama han thavang ring na ha mu nanti. 25Mi khat ning ramuol pumpui a tum a chang in nom, a ringkhuo a kan santormak aninko ama rang a nem na imo a om. 26Ajarko kei jarra, ka chong thiang ri ranga ajak ngaiha Mi Pasalnai le a pa le thaneithiang ngain lianpui na, a hong pha han amanjak rang ke. 27Kei ning nang ni jiang ka na ti tor mi aviar ko Pathian rengram an mu mak kar je thi tihi om noning.”
Jisu Ramil
(Mat. 17:14-18; Mrk. 9:2-8)
28Hapta khat suale hingahin a hongni, Jisun Pitar, Johon, hale Jems Jakob hi a tuanga tangbunga, Pathian jiang a hong lam. 29Pathian jiang an lam lai tak han Jisu amelle a tak ha a hong kan thul, han a puan adiar ha om pumnguia alui ngui. 30Han mi anni anmanin an lui mu, Puma le an kan biak, anmani ha Mousi le Elija anni. 31Vanram tenna a hong ngain anmani jiang an manjet, Jisu ning thinata hale Jerusalem ma Puma lungdo a man tung rang ani. 32Han Pitar le a kan ruaipui ngai han imu anvuangjui, hale an hong har karra Jisu a lian na ha an lui mu, ti ko mi anni ning an ngirra Puma ha an lui ngak. 33Mingai han Jisu ha an mak an che suale Pitar ning Jisu jiang a ti, “Puma keini hin kan om hi i duk asatmo ani jui? keini ning Tham inn an thum sin kan ti, Tham khat hi nang ranga, khat hi Mousi ranga, khatlam hi Elija ranga, Pitar in imo alui ti ha kan jet tor mak.”
34Pitar ning hingahin a ri lai tak sum phai ning a khu de jui, Sumphai ning ahongkhude karra anmanin an lui chitjui. 35Sumphai karra rasa khat alui hong, “Hivahi ka nai kathangsaha ani, nang nin ama chong ha ngairu,” 36rasa a hong pha han Jisu a bing jak a alui om. Thiamruoingaiha an om chianjui, anmanin an jet an mungai ha tu khat jiang om risuakmau.
Thavangsatlui Nei Pasal Khat Jisun A mandam
(Mat. 17:14-18; Mrk. 9:14-27)
37Hingahin ni khat suale Puma ning a thiamruoingai le tangbung tenna an phut anhongchum pha han mitam ning anmani ha andonjui. 38Han mitam karra mipa khat ning a hong khek, “Ajarko kanaihi amajak ke. 39Enru thavang satlui Seitan khat ning ama ha aluichurra, ama ha khang khek akhekjui, acherhuan suak na rang khan na a man pongjui, han naitepaha a suak jot mak chuchunga a saukjui. 40Kein na thiamruoingai jiang kari tak-ha anmanin luimansat tor ma u.”
41Han Jisu ning anmani jiang a sanga, “O, takngai lui, aniluitho mirualngai, i duk mo kein nang ni le kan om suamrang? Nanaiha hong tuangro.”
42Nai tepaha a hong tuang karra Seitan ning ama ha anok simlei chunga a man kanlumjui, han Jisun alui ti, Seitan nang suak taro; hingahin naitepaha Jisu ning amandam ma apaijiang vei khat an pek khir jui. 43Mirakip ning Jisun a tho chuan ha an ngak ver jui.
Jisun athirang chong vei khat a ri retna
(Mat. 17:22-23; Mrk. 9:30-32)
Mingain an lung avet an ngak laitak han Jisun a thiamruoingai jiang a ti, 44“Nang nin chongngai hi nankuarra thunru, ajarko minai pasal hi mikut chunga pek rang anni jui.” 45Tak-ha Jisun a ri ngaiha anmanin lui jet ma u, anmanin an lung sunga anthupjui, hale Puma Jisu jiang hava arui dingkelrang om an chitjui.
Tutak mo A lian
(Mat. 18:1-5; Mrk. 9:33-37)
46Han thiamruoi karra tu ning mo a lian tak ichang rang tia chong ri siat an lui tho jui. 47Han Puman an lung sunga an kan kherha a mu han Puma ning naipangte khat ha ankolla a siak anmani jiang a ti. 48“Tu ang manin kei ka minga hiva naipangtehi alui don mi ha kei analuidon ani. Hale kei a na lui don anmaningai ha, kei a na hong tirpu ka pa an lui don ani, ajarko, nankara asin tak ama han nan karra a lian tak ni nati.”
Nang a na endaluiha namike
(Mrk. 9:38-40)
49Han Johon ning a hong sang, “Puma nang na minga bhut ngaihi anot chaitor keinin ama ha kan khap, ajarko ama hi keini karra kan chel mak.” 50Tak-ha Jisun ama jiang a ti, “Khapmaru, ajarko nang ni a na endalui ngaiha nang ni sapke.”
Samarija Khuoning Jisu Don Mau
51Hingahin Jisun vanram ma a kal narangpha a hong nai jarra, ama ning Jerusalem che ranga ama hi a hong kan heijui. 52Puman tirlonngaiha ma sat a aluimanche, Samarija khopuilian na ama hong ranga kan ningru tia atirjui. 53Han Jisun Jerusalem tiang che rang alui kan ning jarra anmanin asat a luimahok lai ma u. 54Han Puma tirlon Jakob le Johon in an mu karra Puma jiang anti, “Puma keini vanram tenna an phut Meilom kui kanta anmani ha manmang kan ti, najotmo?”
55Puman anmani jiang a ti, “Nang nin ho anga thavangmo ani tihi jet mak che u, ajarko Mi Pasalnai han mithavang manmang a hong nimak, tak-ha sanrang tia a hong ani.” 56Hava suale anmani ning khopuidang khat a an che jui.
Dan Oja ning Jisu A jui jot
(Mat. 8:19-22)
57Hingahin anmanin kal anthonna an che pha han mi khat ning Jisu jiang a ti, “Kei ko na che na mun rakip a kinajui rang ke.”
58Jisu ning anmani jiang a ti, “Ram ui ngai om ankhur a om, vangai om rabu an nei, tak-ha mi pasalnai ha ko alusiak na rang tenna a mun om mak.”
59Hale a man a dang khat jiang ariret, “Kanuk na juiro,” tak-ha hava mipahan a sang “Puma kei inna ama sat ka pa ruak varebak ranga na jotpero.”
60Han Jisu ning a ti ret “A thingahin a thi ngai ha anruak luikanre rase u, nang che in lang Pathian rengram chong ha vari manthangro.”
61Hale a dang mi khat ning a ti ret, Puma na nuk najuikati, tak-ha inna chebak kata ka insung mingai hong mathan bakrong. 62Jisu ning a sang, tu ang khat ning langkuan a lek chunga a nuk a kan heia a en mi han Pathian rengram ha mu rang a rahui chang mak.
Obecnie wybrane:
LUK 9: AIMOLBSI
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
LUK 9
9
Thiamruoi Somleini Jisun Atir
(Mat. 10:5-15; Mrk. 6:7-13)
1Hingahin Jisu ning a thiamruoi somleini akuia thavang satlui Seitan not cheina le a nat mandam torna ranak anmani jiang a pek jui. 2Han a man Pathian rengram chong thiang rirangle mi mandam ranga atirjui. 3Puman anmani jiang a ti, “Nang ni i om choi maru, ramchei nan che karra, chak thei, hale Puankok, peisa hale kuntai tennaom anni abo choi maru. 4Nang nin nanlutna inn tak han om ru, hale hava tenna an phut kanthuiru. 5Han nanlutna khopui mingai ning an na mahokmak inko nang nin suakderu, nan suak karra an mit an mu thei na ranga nankedirha khongthakru.”
6Hava suale thiamruoingai ning khopui rakip an lut Pathian chong thiang an ri manthang, hale a nat rakipham an mandamjui.
Herod Ning Jet Torlui
(Mat. 14:1-12; Mrk. 6:14-29)
7Hingahin Herod rengpa ning alui suak chuan rakip a jet karra a tam a lung avetjui, ajarko mi a her khat ning Johon ke anti, 8han mi aviarinko Elija ha a hong suak khirretjui anti, hale mi her khat inko an lui ti, a tuan laia Pathian chong lui ri ngaiha an hong ringkhir ret jui. 9Herod in a ti, “Johonko a ring katanna a thi sa ke, tak-ha tu mo ini ama ha? Herodin ama ha aluimujot.”
Pasal Lishing Ranga Jisun A vai
(Mat. 14:13-21; Mrk. 6:30-44; Jhn. 6:1-14)
10Thiamruoingai an hong kirra an tho rakipngai ha Puma jiang an ri jui, han Puma jiang anmani ha a tuanga Bethsaida khopui han an che jui. 11Han mitamngain hiva chong hi an jet karra mitam ning an nuk an hong jui, Puman mirakip ha a huia a donjui, Pathian rengram ruia aripe hale anatngai ha amandampejui.
12Nilut tiang pha han thiamruoingain Jisu jiang an lui ti “Mingaihi khuo sunga tirro, hale chak rang nek rang hong manchoiro, ajarko keini achikna mun na kan om ani.”
13Jisu ning a ti, “Thiamruoingai jiang nang ni ning anmani jiang chak le nekha pekru.” Thiamruoi ngain an sanga, keini kanneiko tallom ranga le nga annnijak ke. “keini mitamngai ranga chak rang nek rang vachok kan ti an lui ti.” 14Ajarko mingai hi lising ranga dor anni, Jisun thiamruoingai jiang a ti, “Mingaihi arup arup man om ru, rup khat a somrangaje man ongru.”
15Tirlon ngain an lui man ong jui. 16Han Jisu ning tallom ranga le nga anni ha a luia chungvan tiang a en na Pathian phual a lamjui, hale tal ha a ek khamma thiamruoingai jiang a pek mitamngai jiang amansemjui. 17Hava mun na a om mingain an chak an nek suale a liam bang ha thiamruoingai ning anrut a luk somleini alui sip jui.
Pitar Ning Jisu Ari Manthiang
(Mat. 16:13-19; Mrk. 8:27-29)
18Hinga hin Puma ning atheia lam na a nei lai han, thiamruoingain ama jiang an honga han Puma ning anmani jiang ading kel. “Mitamngain kei hi tu mo annati?”
19Mi aviar ningko anti, “Elija, hale mi aviarin Pathian Tashanthei khat a hong kir ret annati.”
20Han Puman anmani jiang ading kelret, nang ninko kei hi tumo nan na manchang? han Pitar ning a sang, “Nang Pathian nai sangringpu Khrista ha na ni.”
Jisun Akhodeng Theirang Le A thirang Ari
(Mat. 16:20-28; Mrk. 8:30—9:1)
21Han Puma Jisu ning a ti, hiva chong hi tu jiang om manjet maru tia a man chong a be, 22han Puman a ti, “Mi pasalnai ha pong khodengthei na mu rang ani, hale a chong che ulianrup, thiampulian, hale dan ojangai ning ama ha enda na nei nanta a maha that rang anni, hale ni thum suale ama ha a thui khir rang ke.”
23Puma ning mirakip jiang a ti, “Tu ang khat in kei kanuk annajuijot aninko a tak tak ning kan jot ma rase kan ma tirrase, hale a tak Khros hong kan choi senlang ni khat ni khat kanuk na jui rase. 24Ajarko a thavang akansanringjot ama han mang nati, hale kei ranga a ringkhuo a manmang tor ama han thavang ring na ha mu nanti. 25Mi khat ning ramuol pumpui a tum a chang in nom, a ringkhuo a kan santormak aninko ama rang a nem na imo a om. 26Ajarko kei jarra, ka chong thiang ri ranga ajak ngaiha Mi Pasalnai le a pa le thaneithiang ngain lianpui na, a hong pha han amanjak rang ke. 27Kei ning nang ni jiang ka na ti tor mi aviar ko Pathian rengram an mu mak kar je thi tihi om noning.”
Jisu Ramil
(Mat. 17:14-18; Mrk. 9:2-8)
28Hapta khat suale hingahin a hongni, Jisun Pitar, Johon, hale Jems Jakob hi a tuanga tangbunga, Pathian jiang a hong lam. 29Pathian jiang an lam lai tak han Jisu amelle a tak ha a hong kan thul, han a puan adiar ha om pumnguia alui ngui. 30Han mi anni anmanin an lui mu, Puma le an kan biak, anmani ha Mousi le Elija anni. 31Vanram tenna a hong ngain anmani jiang an manjet, Jisu ning thinata hale Jerusalem ma Puma lungdo a man tung rang ani. 32Han Pitar le a kan ruaipui ngai han imu anvuangjui, hale an hong har karra Jisu a lian na ha an lui mu, ti ko mi anni ning an ngirra Puma ha an lui ngak. 33Mingai han Jisu ha an mak an che suale Pitar ning Jisu jiang a ti, “Puma keini hin kan om hi i duk asatmo ani jui? keini ning Tham inn an thum sin kan ti, Tham khat hi nang ranga, khat hi Mousi ranga, khatlam hi Elija ranga, Pitar in imo alui ti ha kan jet tor mak.”
34Pitar ning hingahin a ri lai tak sum phai ning a khu de jui, Sumphai ning ahongkhude karra anmanin an lui chitjui. 35Sumphai karra rasa khat alui hong, “Hivahi ka nai kathangsaha ani, nang nin ama chong ha ngairu,” 36rasa a hong pha han Jisu a bing jak a alui om. Thiamruoingaiha an om chianjui, anmanin an jet an mungai ha tu khat jiang om risuakmau.
Thavangsatlui Nei Pasal Khat Jisun A mandam
(Mat. 17:14-18; Mrk. 9:14-27)
37Hingahin ni khat suale Puma ning a thiamruoingai le tangbung tenna an phut anhongchum pha han mitam ning anmani ha andonjui. 38Han mitam karra mipa khat ning a hong khek, “Ajarko kanaihi amajak ke. 39Enru thavang satlui Seitan khat ning ama ha aluichurra, ama ha khang khek akhekjui, acherhuan suak na rang khan na a man pongjui, han naitepaha a suak jot mak chuchunga a saukjui. 40Kein na thiamruoingai jiang kari tak-ha anmanin luimansat tor ma u.”
41Han Jisu ning anmani jiang a sanga, “O, takngai lui, aniluitho mirualngai, i duk mo kein nang ni le kan om suamrang? Nanaiha hong tuangro.”
42Nai tepaha a hong tuang karra Seitan ning ama ha anok simlei chunga a man kanlumjui, han Jisun alui ti, Seitan nang suak taro; hingahin naitepaha Jisu ning amandam ma apaijiang vei khat an pek khir jui. 43Mirakip ning Jisun a tho chuan ha an ngak ver jui.
Jisun athirang chong vei khat a ri retna
(Mat. 17:22-23; Mrk. 9:30-32)
Mingain an lung avet an ngak laitak han Jisun a thiamruoingai jiang a ti, 44“Nang nin chongngai hi nankuarra thunru, ajarko minai pasal hi mikut chunga pek rang anni jui.” 45Tak-ha Jisun a ri ngaiha anmanin lui jet ma u, anmanin an lung sunga anthupjui, hale Puma Jisu jiang hava arui dingkelrang om an chitjui.
Tutak mo A lian
(Mat. 18:1-5; Mrk. 9:33-37)
46Han thiamruoi karra tu ning mo a lian tak ichang rang tia chong ri siat an lui tho jui. 47Han Puman an lung sunga an kan kherha a mu han Puma ning naipangte khat ha ankolla a siak anmani jiang a ti. 48“Tu ang manin kei ka minga hiva naipangtehi alui don mi ha kei analuidon ani. Hale kei a na lui don anmaningai ha, kei a na hong tirpu ka pa an lui don ani, ajarko, nankara asin tak ama han nan karra a lian tak ni nati.”
Nang a na endaluiha namike
(Mrk. 9:38-40)
49Han Johon ning a hong sang, “Puma nang na minga bhut ngaihi anot chaitor keinin ama ha kan khap, ajarko ama hi keini karra kan chel mak.” 50Tak-ha Jisun ama jiang a ti, “Khapmaru, ajarko nang ni a na endalui ngaiha nang ni sapke.”
Samarija Khuoning Jisu Don Mau
51Hingahin Jisun vanram ma a kal narangpha a hong nai jarra, ama ning Jerusalem che ranga ama hi a hong kan heijui. 52Puman tirlonngaiha ma sat a aluimanche, Samarija khopuilian na ama hong ranga kan ningru tia atirjui. 53Han Jisun Jerusalem tiang che rang alui kan ning jarra anmanin asat a luimahok lai ma u. 54Han Puma tirlon Jakob le Johon in an mu karra Puma jiang anti, “Puma keini vanram tenna an phut Meilom kui kanta anmani ha manmang kan ti, najotmo?”
55Puman anmani jiang a ti, “Nang nin ho anga thavangmo ani tihi jet mak che u, ajarko Mi Pasalnai han mithavang manmang a hong nimak, tak-ha sanrang tia a hong ani.” 56Hava suale anmani ning khopuidang khat a an che jui.
Dan Oja ning Jisu A jui jot
(Mat. 8:19-22)
57Hingahin anmanin kal anthonna an che pha han mi khat ning Jisu jiang a ti, “Kei ko na che na mun rakip a kinajui rang ke.”
58Jisu ning anmani jiang a ti, “Ram ui ngai om ankhur a om, vangai om rabu an nei, tak-ha mi pasalnai ha ko alusiak na rang tenna a mun om mak.”
59Hale a man a dang khat jiang ariret, “Kanuk na juiro,” tak-ha hava mipahan a sang “Puma kei inna ama sat ka pa ruak varebak ranga na jotpero.”
60Han Jisu ning a ti ret “A thingahin a thi ngai ha anruak luikanre rase u, nang che in lang Pathian rengram chong ha vari manthangro.”
61Hale a dang mi khat ning a ti ret, Puma na nuk najuikati, tak-ha inna chebak kata ka insung mingai hong mathan bakrong. 62Jisu ning a sang, tu ang khat ning langkuan a lek chunga a nuk a kan heia a en mi han Pathian rengram ha mu rang a rahui chang mak.
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.