Cakirok 7
7
Pi mikula
1Kenyo Rwoth owaco ri Nowa ni, “Donji i ye gi peco perin je. Atieko nwaŋo ni in kende am'otire i luse me. 2Kwany kisi nger ogwaŋe m'olony ma cwo abirio gi ma mon abirio, to makoc, nyaka jario; ma jacwo gi madhako. 3Kwany kisi nger winyo ma cwo abirio gi ma mon abirio. Tim ameno ŋey kisi nger ogwaŋ gi winyo wobedi makwo to doko jonywol i piny. 4Rupiri i ndelo abirio wok pama akidho dhiro koth ma lacwe ma odieceŋ piero aŋwen gi wor; ŋey worey woko kisi gima kwo m'acweyo.” 5Aka Nowa otimo kisi gima Rwoth omiyo go or ni wotim.
6Nowa oyido jaoro 600 munyo pi mikula obino i piny. 7#Mat 24:38,39; Luk 17:27Aka go gi cege, gi wote kodi mon pajo jodonjo i ye both pi mikula. 8Kisi nger ogwaŋe m'olony gi makoc, ma jacwo gi madhako 9odonjo i ye gi Nowa paka Were oyido omiyo Nowa or. 10Aka rumacen ma ndelo abirio pi mikula obino i piny.
11Munyo Nowa jaoro 600 k'apar g'abirio i dwe mar'ario, i ndelo no waŋ pi je ma piny omwomere, aka waŋ pi ma pondeponde je oyaw. 12Koth ocwe i piny ma odieceŋ piero aŋwen gi wor. 13I ndelo no won Nowa gi cege kodi wote adek, Semu, Ham, kodi Yafeth gi mon pajo jodonjo i ye. 14Gi jo okadho kisi nger ogwaŋe ma peco gi madudi, mathindho gi madongo, kodi kisi nger winyo. 15Ma jacwo gi madhako ma kisi nger gima kwo i ye gi Nowa 16paka Were oyido omiyo go or. Kenyo Rwoth ocego thigo yuŋey Nowa.
17Mikula pi omedere i piny ma ndelo piero aŋwen, aka pi olokere maluth ma romo ye mol. 18Pi olokere maluth aka ye omol i wiye. 19Olokere maluth swa to umo kiri gote maboyo loyo; 20omedere ay cuka otundo mita abirio kalo wi gote. 21Kisi gima nitie gi kwo i piny otho; kisi winyo, kisi ogwaŋe, gi kisi nyatoro. 22Kisi gima ywe i piny otho 23Rwoth oreyo woko kisi gima kwo i piny; ji, ogwaŋe, kodi winyin. Nyaka ma jodoŋ obedo Nowa kodi jom'oyido nitie gi go i ye. 24Aka pi obedo i piny ma ndelo 150.
Obecnie wybrane:
Cakirok 7: DHOPE
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Dhopadhola DC Bible © Bible Society of Uganda, 2018.
Cakirok 7
7
Pi mikula
1Kenyo Rwoth owaco ri Nowa ni, “Donji i ye gi peco perin je. Atieko nwaŋo ni in kende am'otire i luse me. 2Kwany kisi nger ogwaŋe m'olony ma cwo abirio gi ma mon abirio, to makoc, nyaka jario; ma jacwo gi madhako. 3Kwany kisi nger winyo ma cwo abirio gi ma mon abirio. Tim ameno ŋey kisi nger ogwaŋ gi winyo wobedi makwo to doko jonywol i piny. 4Rupiri i ndelo abirio wok pama akidho dhiro koth ma lacwe ma odieceŋ piero aŋwen gi wor; ŋey worey woko kisi gima kwo m'acweyo.” 5Aka Nowa otimo kisi gima Rwoth omiyo go or ni wotim.
6Nowa oyido jaoro 600 munyo pi mikula obino i piny. 7#Mat 24:38,39; Luk 17:27Aka go gi cege, gi wote kodi mon pajo jodonjo i ye both pi mikula. 8Kisi nger ogwaŋe m'olony gi makoc, ma jacwo gi madhako 9odonjo i ye gi Nowa paka Were oyido omiyo Nowa or. 10Aka rumacen ma ndelo abirio pi mikula obino i piny.
11Munyo Nowa jaoro 600 k'apar g'abirio i dwe mar'ario, i ndelo no waŋ pi je ma piny omwomere, aka waŋ pi ma pondeponde je oyaw. 12Koth ocwe i piny ma odieceŋ piero aŋwen gi wor. 13I ndelo no won Nowa gi cege kodi wote adek, Semu, Ham, kodi Yafeth gi mon pajo jodonjo i ye. 14Gi jo okadho kisi nger ogwaŋe ma peco gi madudi, mathindho gi madongo, kodi kisi nger winyo. 15Ma jacwo gi madhako ma kisi nger gima kwo i ye gi Nowa 16paka Were oyido omiyo go or. Kenyo Rwoth ocego thigo yuŋey Nowa.
17Mikula pi omedere i piny ma ndelo piero aŋwen, aka pi olokere maluth ma romo ye mol. 18Pi olokere maluth aka ye omol i wiye. 19Olokere maluth swa to umo kiri gote maboyo loyo; 20omedere ay cuka otundo mita abirio kalo wi gote. 21Kisi gima nitie gi kwo i piny otho; kisi winyo, kisi ogwaŋe, gi kisi nyatoro. 22Kisi gima ywe i piny otho 23Rwoth oreyo woko kisi gima kwo i piny; ji, ogwaŋe, kodi winyin. Nyaka ma jodoŋ obedo Nowa kodi jom'oyido nitie gi go i ye. 24Aka pi obedo i piny ma ndelo 150.
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Dhopadhola DC Bible © Bible Society of Uganda, 2018.