Genèse 8
8
1Unimbɔti kaa nìn súntì Noowa nì ipeel nì tiwaŋkuti tin kɔkɔ nìn bí u-cee meela poonee pu. Di sá u nìn yāntì kubuŋu kubɔ dɔ́miń ki jítì kitiŋ pu ní nnyim sīntì. 2Anyimbulnimbil nìn ŋéeb́ ní utaa gbēeǹ kaa ti bíi nì. 3Ní nnyim kíĺ ki bíi fóotí kitiŋ pu fiii fiii, ki tin cáa sāā iwiin dilaataal nì imuŋku ili nì saalaa. 4Uŋmaluluúti poon iwiin saalku nì ili dal ní meela sīntì ki tɔ́kɔǹ ajoon ŋin bi yíì Araratee pu. 5Nnyim nìn mɔ̀tīi sìntī ki cá ki tin cáa sāā uŋmasaalaati. Uŋmasaalaati gbanti wimpeepeekaaŋu dalee, ní ajoon gbīitìń nnyimin.
6Iwiin imuŋku ili boonee ní Noowa pīitì meela tɔkɔlau un u nìn lēēyee. 7U nìn dū kulaagaau ki líì taapu, ní ku cá ki gítiń ki cá ki gítiń áli nnyim dāa fóotì ní kitiŋ kūń. 8U nìn tí dū dibeenanjil ki líì kí kpèè yii nnyim yaa bātì kitiŋ pu. 9Ama dibeenanjil kaa ká tin pu di làá tɔ́kɔńee ní ki fātìi nín gítí u-cee meela poon, kun puee nnyim nìn dáá gbíntìi bí kitiŋ kɔkɔ pu. Ní Noowa tāntì u-ŋal ki cúú-dì ki kɔ́ǹ u-cee meela poon. 10Ní u gíti kāl̀ iwiin iluli boonee ní ki tí nyántì dinanjil ki líì. 11Kujoouee ní dibeenanjil fātìi gítì u-cee ki bàb̄ ɔliifi faasɔŋku. Niinee ní Noowa béè yii nnyim fóotì ki bātì kitiŋ pu. 12Ní u gíti tí kāl̀ iwiin iluli, boonee ní u fātìi tí nyántì dibeenanjil ki líì ní dàa ti gítì u-cee.
13Noowa biŋŋi alaataa aluu nì dibindi diba, uŋmapeepeekaa wimpeekaaŋu dalee, ní u pīitì meela yilpu ki kpēeń taapuee ní ki ká yii nnyim fóotì kitiŋ pu. 14Uŋmaliliiti iwiin mmuŋku nì iluli dalee ní kitiŋ kūń.
15Niinee ní Unimbɔti bí Noowa yii: 16«Nyā meelan, sii nì a-nimpuu nì a-jipɔmbi nì a-coopoobi. 17Nyāntí tin kɔkɔ pée cáá kufoou ki bí a-ceeyee, an dàkà yii inoon nì tiwaŋkuti nì tin kɔkɔ fù kitiŋee mun, tí kpátí kí gbí kitiŋ pu kí màal̀ kí bùtī kí gbí kitiŋ.» 18Ní Noowa nyáń meela poon u nì u-nimpuu nì u-jipɔmbi nì u-coopoobi. 19Ní tiwaŋkuti nì ipeel nì tin fù ti-biŋŋi puee nì tin kɔkɔ fù kitiŋ puee, ti-kɔkɔ nì ti-buluku ti-buluku nyáń meela poon.
20Noowa nyáńee, ní ki máń ti-Dindaan nsaraafan, ní ki lēē tiwaŋkuti tin kɔkɔ ŋān̄ bí dūú ŋá saraayee poon tiba, nì inoon in kɔkɔ ŋān̄ bí dūú ŋá saraayee poon iba ki dūu wùn̄ ŋŋmi nsaraafanee pu ki ŋá saraa ki tīī ti-Dindaan. 21U-saraauee sɔnsɔfiŋu kɔ́ ti-Dindaan ki mɔ́ɔkiǹ-u ní u lī u-pɔbilin yii: «Kí yòon̄ díǹ kí nīn cée, maa làá ti bīil̀ kitiŋ unil pu. Báà nì min doooo unil biyatin ní u-pɔbil sá dikpitilee, maa làá ti dáaĺ tin kɔkɔ cáá kufoouee tafal kii m nín dáaĺ pu nee.
22Iyunti in kɔkɔ kitiŋ cáá kí nīn bée,
tiwan dibɔldi nì tijin dical,
tiwool nì kutuntuŋu,
dipeel nì kuseeu,
ŋwiimpu nì kunyeeu
kpá ki gbèen̄.»
Obecnie wybrane:
Genèse 8: BASSARDC
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
BIBLE EN N'TCHAM (Bassar) © Alliance Biblique du Togo, 2013.
Genèse 8
8
1Unimbɔti kaa nìn súntì Noowa nì ipeel nì tiwaŋkuti tin kɔkɔ nìn bí u-cee meela poonee pu. Di sá u nìn yāntì kubuŋu kubɔ dɔ́miń ki jítì kitiŋ pu ní nnyim sīntì. 2Anyimbulnimbil nìn ŋéeb́ ní utaa gbēeǹ kaa ti bíi nì. 3Ní nnyim kíĺ ki bíi fóotí kitiŋ pu fiii fiii, ki tin cáa sāā iwiin dilaataal nì imuŋku ili nì saalaa. 4Uŋmaluluúti poon iwiin saalku nì ili dal ní meela sīntì ki tɔ́kɔǹ ajoon ŋin bi yíì Araratee pu. 5Nnyim nìn mɔ̀tīi sìntī ki cá ki tin cáa sāā uŋmasaalaati. Uŋmasaalaati gbanti wimpeepeekaaŋu dalee, ní ajoon gbīitìń nnyimin.
6Iwiin imuŋku ili boonee ní Noowa pīitì meela tɔkɔlau un u nìn lēēyee. 7U nìn dū kulaagaau ki líì taapu, ní ku cá ki gítiń ki cá ki gítiń áli nnyim dāa fóotì ní kitiŋ kūń. 8U nìn tí dū dibeenanjil ki líì kí kpèè yii nnyim yaa bātì kitiŋ pu. 9Ama dibeenanjil kaa ká tin pu di làá tɔ́kɔńee ní ki fātìi nín gítí u-cee meela poon, kun puee nnyim nìn dáá gbíntìi bí kitiŋ kɔkɔ pu. Ní Noowa tāntì u-ŋal ki cúú-dì ki kɔ́ǹ u-cee meela poon. 10Ní u gíti kāl̀ iwiin iluli boonee ní ki tí nyántì dinanjil ki líì. 11Kujoouee ní dibeenanjil fātìi gítì u-cee ki bàb̄ ɔliifi faasɔŋku. Niinee ní Noowa béè yii nnyim fóotì ki bātì kitiŋ pu. 12Ní u gíti tí kāl̀ iwiin iluli, boonee ní u fātìi tí nyántì dibeenanjil ki líì ní dàa ti gítì u-cee.
13Noowa biŋŋi alaataa aluu nì dibindi diba, uŋmapeepeekaa wimpeekaaŋu dalee, ní u pīitì meela yilpu ki kpēeń taapuee ní ki ká yii nnyim fóotì kitiŋ pu. 14Uŋmaliliiti iwiin mmuŋku nì iluli dalee ní kitiŋ kūń.
15Niinee ní Unimbɔti bí Noowa yii: 16«Nyā meelan, sii nì a-nimpuu nì a-jipɔmbi nì a-coopoobi. 17Nyāntí tin kɔkɔ pée cáá kufoou ki bí a-ceeyee, an dàkà yii inoon nì tiwaŋkuti nì tin kɔkɔ fù kitiŋee mun, tí kpátí kí gbí kitiŋ pu kí màal̀ kí bùtī kí gbí kitiŋ.» 18Ní Noowa nyáń meela poon u nì u-nimpuu nì u-jipɔmbi nì u-coopoobi. 19Ní tiwaŋkuti nì ipeel nì tin fù ti-biŋŋi puee nì tin kɔkɔ fù kitiŋ puee, ti-kɔkɔ nì ti-buluku ti-buluku nyáń meela poon.
20Noowa nyáńee, ní ki máń ti-Dindaan nsaraafan, ní ki lēē tiwaŋkuti tin kɔkɔ ŋān̄ bí dūú ŋá saraayee poon tiba, nì inoon in kɔkɔ ŋān̄ bí dūú ŋá saraayee poon iba ki dūu wùn̄ ŋŋmi nsaraafanee pu ki ŋá saraa ki tīī ti-Dindaan. 21U-saraauee sɔnsɔfiŋu kɔ́ ti-Dindaan ki mɔ́ɔkiǹ-u ní u lī u-pɔbilin yii: «Kí yòon̄ díǹ kí nīn cée, maa làá ti bīil̀ kitiŋ unil pu. Báà nì min doooo unil biyatin ní u-pɔbil sá dikpitilee, maa làá ti dáaĺ tin kɔkɔ cáá kufoouee tafal kii m nín dáaĺ pu nee.
22Iyunti in kɔkɔ kitiŋ cáá kí nīn bée,
tiwan dibɔldi nì tijin dical,
tiwool nì kutuntuŋu,
dipeel nì kuseeu,
ŋwiimpu nì kunyeeu
kpá ki gbèen̄.»
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
BIBLE EN N'TCHAM (Bassar) © Alliance Biblique du Togo, 2013.