Locya 7
7
Niwakwakan na ni Yeso o lamlamsoy na no itaysang no Loma
(Matay 8:5-13)
1Mavitos o ciring na ni Yeso do aro a tao am mangay rana do Cyapaynong. 2Amyan dang so mimong no asa poo (100) a itaysang no Loma. Iya rana am amyan so asa ka ney kaglaw na lamlamsoy na meyngen a toda jyangangay so inawan. 3Mamizing no mimong no itaysang no Loma o vazay na ni Yeso am tovoin na o makanateng a kamanrarakehan da no tao do Yotay a mangay manci ni Yeso a omiwakwak do lamlamsoy na. 4Makaranes sira ji Yeso am mapasyasi rana sira jya. Maniring sira am, “Manoyong o mimong no itaysang no Loma a sidongen mo pa an. 5Ta na apzatan yamen a tao do Yotay. Nipamaring na yamen so peyneynozyan namen.”
6Meyratateng am macihza rana jira si Yeso. Alikey rana kapakaranes da am manovoy o mimong no itaysang no Loma so kagagan na manci ni Yeso. Maniring am, “Mo Panirsirngen, to mo a zikziknan o kai mo do vahay namen mo keypong. 7Am ori o namen ikasnek a manci nimo. Tana asa o ciring mo am jyabo o kaji na apyan no lamlamsoy ko a. 8Akman jyaken a yaomamizing so ciring no makarakarang pa ka nyaken a itaysang no Loma a da kamizing jyaken no yamavevevehan pa ka nyaken a itaysang. No yamyan so ko tovoin a mangay am da to ngonoci yaken. No yamyan so ko ipanci a mai am yato ngai. No ko tovoin o lamlamsoy ko a meyvazay am yato meyvazay. So na ikakman sang no ciring mo a tey mowyat a makavonas so ingingnen no tao.”
9Mamizing na ni Yeso o ciriciring na am niyak na. So nipancyan na nya do macihza jya tao. Maniring am, “Ji ko pa nimakacita so akman sang so kakdekdeng no onowned do Isedi a tao.”
10Meysinaoli sira o nitovoy no meynakem a tao do vahay da am macita da o lamlamsoy na makownong rana jya.
Nipeyvangon na o anak no vao a mavakes
11Ji meyyonownay am mangay si Yeso do Nain a ili a onotan da no macinanao jya kano aro a tao. 12Makaranes do samorangan no ili da am masinmo na o somibo no nimawakwak a tao. O nimawakwak rana mahakay am veyvowen na anak no vao a mavakes. So nikaro no tao a niomonong do inawan na. 13Macita na ni Yeso o vao a mavakes amlavi so onowned. Am ori o nikasyan na nya. Maniring jya am, “Ji ka lavi an.” 14Meyratateng am mangay na rana pinanan o nipayan da sya. Ori o niseyked da no niomonong do inawan na. Maniring si Yeso am, “Imo rana malavayo a tao am peyvangon rana.” 15Ori o nipeyvangon na rana mavyay kapeyzezyak na rana kangay na rana nya ni Yeso do ina na. 16Ori o nisavasavakan da nya no aro a tao a kasaray da nya ji Ama ta do to. So peycirngan da so, “Oyod a myan jyaten so panoyonoywan na so ciring ni Ama ta do to.” Maniring sira pa am, “Yanimakaranes rana o yamapatazadang jyaten.” 17Ori o nipeylimwangan da nya no akman sang a vazay na ni Yeso do peycyeylilyan na do Yotay a kado livolivon no pongso da.
Yeso a kano nimanaktak so tao a si Yowani
(Matay 11:2-19)
18O aro a vazay ni Yeso am nipanci da ji Yowani no macinanao jya. So niraran na so rarwa jira, 19katovoy na sira mangay ji Yeso a manci no, “Manngwa, imo o nipanci ni Yowani a mai? No namen pa nanalahen.” 20Maniring sira o rarwa do tangain ni Yeso am, “Na nitovoy yamen no nimanaktak a si Yowani a mai a mapacici jimo. Manngwa, imo o nipanci ni Yowani a mai? No namen pa nanalahen.” 21Nimacinao no kano nang o kaniomiwakwak na ni Yeso so aro a meykeyngeyngen a kano kovotan no kalamsoyan ni Satan a tao a kano mavota a tao. 22Maniring si Yeso do nitovoy ni Yowani am, “Angay kamo pancyan ji Yowani o nyo nimacita kano nyo nimamizing, do yada kapakacita rana no nimavota tao. Da kapakalam rana no nimakasapa a tao. Yada kapya rana no niomlabyab so kolit a tao. Da kapakamizing rana no nimateleh a tao. Da kavyay rana no nimawakwak a tao. Da kapakamizing rana so Mapasaray a Ciriciring no ipangoyongoyod da tao. 23Omanoyong jyaken a ji meykarwa so nakem am tey yapya ori.”
24Mangay rana o nitovoy ni Yowani am ipanci na ni Yeso o vazay na ni Yowani do aro a tao. Maniring jira am, “No kangay nyo no kakwa komala si Yowani do kabwan no nihakawan no tao am sino dang mangay nyo amizngen. Manngwa, nyo ipanci si Yowani a todapliplin so onowned? 25Manngwa, nyo mangay citahen o meyyayob so apiya ayob a tao? Ta o meyyayob rana so pipya ayob am myan sira do vahay no panirsirngen. 26Ikongo nyo yangay do dang. Manngwa, nyo mangay citahen o panoyonoywan na so ciring ni Ama ta do to? Ko pa ciring jinyo am manoyong ori. Am naknakmen nyo an, ta yamahamahama si Yowani a kano panoyonoywan na so ciring ni Ama ta do to no kakwa an. 27Iya rana am yamyan so yamonganay jya a yadomket do Seysyo. O ciring do dang am,
‘Cita pala o yako tovoin a omwadwad do rarahan mo.’#7:27 Malaci 3:1.
28O ko ipanci jinyo am yabo o tao no kakwa a makahap si Yowani. Am yawara sicyakwaya am yarana maizaizay o ney maveveh na tao do italamozong na ni Ama ta do to a kani Yowani an.”
29Omamizing so nanao ni Yeso aro a tao a kano mapeyvazay so deyking a tao am isaray da ji Ama ta do to. Sira rana ori am nitaktakan na sira ni Yowani no kakwa pa. 30Am o tao a macyagom do Vadisay a kano mangnanao no iwawalam ni Ama ta do to a jya nimya so kataktak na jira ni Yowani am nitaosya da o nakenakem na sira ni Ama ta do to.
31Maniring pa jira si Yeso am, “Ikongo o pehngehngayan ko so tao sicyakwaya. 32Sira ori am akmey kanakan a meyyalalam do rarahan a manci no, ‘Namen ipeyyanwanood inyo am kanyo ji maganam. Namen amlavi am kanyo ji lavi.’ 33Mai rana o nimanaktak a si Yowani am ji mangakaday no tomakatakaw do kanakenakem na si Ama ta do to a jya nimyop so saki. So nipancyan nyo nya zomyak. 34Yaken rana Nipamnekan na ni Ama ta do to a tao am ko koman a ko keyyop. Am no kamo maniring am, ‘Yamatetehnan a yameyyeyyopen a yamacizavoz do mapeyvazay so deyking a tao a kano meyraraten a tao.’ 35Am o teneteneng na ni Ama ta do to am manoyong a meytotwaw do makza nya tao an.”
Nimamlis a mavakes
36Amyan so asa ka tao a macyagom do Vadisay a tomaotao si Yeso do vahay da. 37No kanang am amyan do ili da so asa ka mavakes a meyraraten. Mamizing na si Yeso amyan do vahay da no tao a macyagom do Vadisay am mangai so asa ka tagaw a mahangno a ipeykeykoris, 38a meytatanek do likod ni Yeso a omoton do ai na amlavi. So nipeyranap na no kaoo na do ai ni Yeso. Meyratateng am linasan na no avok na kahangno na so ai na kakoris na rana jya no mahangno a ipeykeykoris. 39Macita na no tomaotao si Yeso a tao a macyagom do Vadisay am naknakmen na do onowned na am, “No yamanoyong o tao eya yapo ji Ama ta do to am jyabo na kaji makatenngan do vazay na no yaminan jya mavakes eya.” 40Maniring si Yeso am, “Mo Simong, yamyan so ko ipanci jimo.” Maniring si Simong ji Yeso am, “Pancyan pala.” 41Maniring si Yeso am, “Amyan so rarwa ka tao a nimamood so nizpi do asa ka lawpan. O asa ka tao am mamood so alima ranaw (500). O karwan na am mamood so alima poo (50). 42Ikongo do abwata o nizpi da paolin da do nivood da, am ikasi na sira no lawpan, kato na rana mapeykabobowan so nivood da. Naknakmen nyo pala. Sino jira ori omaglaglaw pa no lawpan da.”
43Maniring si Simong am, “Ko naknakmen am o nimamood so arwaro ang. Ta nipeykabobo na o nivood na.” Maniring si Yeso am, “Ka manoyong so ipanci.” 44So nicittan na so mavakes a kapanci na nya ji Simong so, “Mo macita o mavakes eya? Am ko somdep do vahay nyo am mo ji nipanta yaken so ranom a pangoyowyasan ko. Am iya am yana nioyasan no kaoo na o ai ko a na kalinas jya no avok na. 45Mo ji nihangno yaken am iya rana am yanimakalapo no kasdep ko o na kahangno so ai ko. 46Imo am yabwata o haneng a mo nikoris do oo ko. Am iya am na nikorisan o ai ko no mahangno a ipeykeykoris. 47Am ori o ko pancyan nya jimo an. Ta o na ikarako no pangarilawan na am yaro nimavonas rana raraten na. O alikey so nikavonasan so raraten am apereh o karilawan na jyaken an.” 48Maniring si Yeso do mavakes am, “Yana nimavonas o raraten mo.” 49Maniring o onowned da no macyakan jya am, “Sinosino ya yato vonas so raraten no tao.” 50Maniring si Yeso do mavakes am, “Makapiya ka so onowned an. Ta yana rana nipatastas imo ni Ama ta do to, do yamo kanoyong a meyhanhan nya.”
Obecnie wybrane:
Locya 7: snt
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
The Bible Society in Taiwan
Locya 7
7
Niwakwakan na ni Yeso o lamlamsoy na no itaysang no Loma
(Matay 8:5-13)
1Mavitos o ciring na ni Yeso do aro a tao am mangay rana do Cyapaynong. 2Amyan dang so mimong no asa poo (100) a itaysang no Loma. Iya rana am amyan so asa ka ney kaglaw na lamlamsoy na meyngen a toda jyangangay so inawan. 3Mamizing no mimong no itaysang no Loma o vazay na ni Yeso am tovoin na o makanateng a kamanrarakehan da no tao do Yotay a mangay manci ni Yeso a omiwakwak do lamlamsoy na. 4Makaranes sira ji Yeso am mapasyasi rana sira jya. Maniring sira am, “Manoyong o mimong no itaysang no Loma a sidongen mo pa an. 5Ta na apzatan yamen a tao do Yotay. Nipamaring na yamen so peyneynozyan namen.”
6Meyratateng am macihza rana jira si Yeso. Alikey rana kapakaranes da am manovoy o mimong no itaysang no Loma so kagagan na manci ni Yeso. Maniring am, “Mo Panirsirngen, to mo a zikziknan o kai mo do vahay namen mo keypong. 7Am ori o namen ikasnek a manci nimo. Tana asa o ciring mo am jyabo o kaji na apyan no lamlamsoy ko a. 8Akman jyaken a yaomamizing so ciring no makarakarang pa ka nyaken a itaysang no Loma a da kamizing jyaken no yamavevevehan pa ka nyaken a itaysang. No yamyan so ko tovoin a mangay am da to ngonoci yaken. No yamyan so ko ipanci a mai am yato ngai. No ko tovoin o lamlamsoy ko a meyvazay am yato meyvazay. So na ikakman sang no ciring mo a tey mowyat a makavonas so ingingnen no tao.”
9Mamizing na ni Yeso o ciriciring na am niyak na. So nipancyan na nya do macihza jya tao. Maniring am, “Ji ko pa nimakacita so akman sang so kakdekdeng no onowned do Isedi a tao.”
10Meysinaoli sira o nitovoy no meynakem a tao do vahay da am macita da o lamlamsoy na makownong rana jya.
Nipeyvangon na o anak no vao a mavakes
11Ji meyyonownay am mangay si Yeso do Nain a ili a onotan da no macinanao jya kano aro a tao. 12Makaranes do samorangan no ili da am masinmo na o somibo no nimawakwak a tao. O nimawakwak rana mahakay am veyvowen na anak no vao a mavakes. So nikaro no tao a niomonong do inawan na. 13Macita na ni Yeso o vao a mavakes amlavi so onowned. Am ori o nikasyan na nya. Maniring jya am, “Ji ka lavi an.” 14Meyratateng am mangay na rana pinanan o nipayan da sya. Ori o niseyked da no niomonong do inawan na. Maniring si Yeso am, “Imo rana malavayo a tao am peyvangon rana.” 15Ori o nipeyvangon na rana mavyay kapeyzezyak na rana kangay na rana nya ni Yeso do ina na. 16Ori o nisavasavakan da nya no aro a tao a kasaray da nya ji Ama ta do to. So peycirngan da so, “Oyod a myan jyaten so panoyonoywan na so ciring ni Ama ta do to.” Maniring sira pa am, “Yanimakaranes rana o yamapatazadang jyaten.” 17Ori o nipeylimwangan da nya no akman sang a vazay na ni Yeso do peycyeylilyan na do Yotay a kado livolivon no pongso da.
Yeso a kano nimanaktak so tao a si Yowani
(Matay 11:2-19)
18O aro a vazay ni Yeso am nipanci da ji Yowani no macinanao jya. So niraran na so rarwa jira, 19katovoy na sira mangay ji Yeso a manci no, “Manngwa, imo o nipanci ni Yowani a mai? No namen pa nanalahen.” 20Maniring sira o rarwa do tangain ni Yeso am, “Na nitovoy yamen no nimanaktak a si Yowani a mai a mapacici jimo. Manngwa, imo o nipanci ni Yowani a mai? No namen pa nanalahen.” 21Nimacinao no kano nang o kaniomiwakwak na ni Yeso so aro a meykeyngeyngen a kano kovotan no kalamsoyan ni Satan a tao a kano mavota a tao. 22Maniring si Yeso do nitovoy ni Yowani am, “Angay kamo pancyan ji Yowani o nyo nimacita kano nyo nimamizing, do yada kapakacita rana no nimavota tao. Da kapakalam rana no nimakasapa a tao. Yada kapya rana no niomlabyab so kolit a tao. Da kapakamizing rana no nimateleh a tao. Da kavyay rana no nimawakwak a tao. Da kapakamizing rana so Mapasaray a Ciriciring no ipangoyongoyod da tao. 23Omanoyong jyaken a ji meykarwa so nakem am tey yapya ori.”
24Mangay rana o nitovoy ni Yowani am ipanci na ni Yeso o vazay na ni Yowani do aro a tao. Maniring jira am, “No kangay nyo no kakwa komala si Yowani do kabwan no nihakawan no tao am sino dang mangay nyo amizngen. Manngwa, nyo ipanci si Yowani a todapliplin so onowned? 25Manngwa, nyo mangay citahen o meyyayob so apiya ayob a tao? Ta o meyyayob rana so pipya ayob am myan sira do vahay no panirsirngen. 26Ikongo nyo yangay do dang. Manngwa, nyo mangay citahen o panoyonoywan na so ciring ni Ama ta do to? Ko pa ciring jinyo am manoyong ori. Am naknakmen nyo an, ta yamahamahama si Yowani a kano panoyonoywan na so ciring ni Ama ta do to no kakwa an. 27Iya rana am yamyan so yamonganay jya a yadomket do Seysyo. O ciring do dang am,
‘Cita pala o yako tovoin a omwadwad do rarahan mo.’#7:27 Malaci 3:1.
28O ko ipanci jinyo am yabo o tao no kakwa a makahap si Yowani. Am yawara sicyakwaya am yarana maizaizay o ney maveveh na tao do italamozong na ni Ama ta do to a kani Yowani an.”
29Omamizing so nanao ni Yeso aro a tao a kano mapeyvazay so deyking a tao am isaray da ji Ama ta do to. Sira rana ori am nitaktakan na sira ni Yowani no kakwa pa. 30Am o tao a macyagom do Vadisay a kano mangnanao no iwawalam ni Ama ta do to a jya nimya so kataktak na jira ni Yowani am nitaosya da o nakenakem na sira ni Ama ta do to.
31Maniring pa jira si Yeso am, “Ikongo o pehngehngayan ko so tao sicyakwaya. 32Sira ori am akmey kanakan a meyyalalam do rarahan a manci no, ‘Namen ipeyyanwanood inyo am kanyo ji maganam. Namen amlavi am kanyo ji lavi.’ 33Mai rana o nimanaktak a si Yowani am ji mangakaday no tomakatakaw do kanakenakem na si Ama ta do to a jya nimyop so saki. So nipancyan nyo nya zomyak. 34Yaken rana Nipamnekan na ni Ama ta do to a tao am ko koman a ko keyyop. Am no kamo maniring am, ‘Yamatetehnan a yameyyeyyopen a yamacizavoz do mapeyvazay so deyking a tao a kano meyraraten a tao.’ 35Am o teneteneng na ni Ama ta do to am manoyong a meytotwaw do makza nya tao an.”
Nimamlis a mavakes
36Amyan so asa ka tao a macyagom do Vadisay a tomaotao si Yeso do vahay da. 37No kanang am amyan do ili da so asa ka mavakes a meyraraten. Mamizing na si Yeso amyan do vahay da no tao a macyagom do Vadisay am mangai so asa ka tagaw a mahangno a ipeykeykoris, 38a meytatanek do likod ni Yeso a omoton do ai na amlavi. So nipeyranap na no kaoo na do ai ni Yeso. Meyratateng am linasan na no avok na kahangno na so ai na kakoris na rana jya no mahangno a ipeykeykoris. 39Macita na no tomaotao si Yeso a tao a macyagom do Vadisay am naknakmen na do onowned na am, “No yamanoyong o tao eya yapo ji Ama ta do to am jyabo na kaji makatenngan do vazay na no yaminan jya mavakes eya.” 40Maniring si Yeso am, “Mo Simong, yamyan so ko ipanci jimo.” Maniring si Simong ji Yeso am, “Pancyan pala.” 41Maniring si Yeso am, “Amyan so rarwa ka tao a nimamood so nizpi do asa ka lawpan. O asa ka tao am mamood so alima ranaw (500). O karwan na am mamood so alima poo (50). 42Ikongo do abwata o nizpi da paolin da do nivood da, am ikasi na sira no lawpan, kato na rana mapeykabobowan so nivood da. Naknakmen nyo pala. Sino jira ori omaglaglaw pa no lawpan da.”
43Maniring si Simong am, “Ko naknakmen am o nimamood so arwaro ang. Ta nipeykabobo na o nivood na.” Maniring si Yeso am, “Ka manoyong so ipanci.” 44So nicittan na so mavakes a kapanci na nya ji Simong so, “Mo macita o mavakes eya? Am ko somdep do vahay nyo am mo ji nipanta yaken so ranom a pangoyowyasan ko. Am iya am yana nioyasan no kaoo na o ai ko a na kalinas jya no avok na. 45Mo ji nihangno yaken am iya rana am yanimakalapo no kasdep ko o na kahangno so ai ko. 46Imo am yabwata o haneng a mo nikoris do oo ko. Am iya am na nikorisan o ai ko no mahangno a ipeykeykoris. 47Am ori o ko pancyan nya jimo an. Ta o na ikarako no pangarilawan na am yaro nimavonas rana raraten na. O alikey so nikavonasan so raraten am apereh o karilawan na jyaken an.” 48Maniring si Yeso do mavakes am, “Yana nimavonas o raraten mo.” 49Maniring o onowned da no macyakan jya am, “Sinosino ya yato vonas so raraten no tao.” 50Maniring si Yeso do mavakes am, “Makapiya ka so onowned an. Ta yana rana nipatastas imo ni Ama ta do to, do yamo kanoyong a meyhanhan nya.”
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
The Bible Society in Taiwan