ᠢᠣᠸᠠᠨ 3
3
ᠭᠤᠷᠪᠠᠳᠤᠭᠠᠷ ᠪᠦᠯᠦᠭ ᠅
1ᠹᠠᠷᠢᠰᠢ ᠨᠠᠷ ᠠᠴᠠ ᠶᠦᠳᠠᠲᠠᠨ ᠤ ᠲᠡᠷᠢᠭᠦᠯᠡᠭᠴᠢ ᠪᠣᠯᠤᠭᠰᠠᠨ ᠨᠢᠺᠣᠳᠢᠮ ᠬᠡᠮᠡᠭᠴᠢ ᠨᠢᠭᠡᠨ ᠬᠦᠮᠦᠨ ᠪᠥᠯᠦᠭᠡ᠃ 2ᠲᠡᠷᠡ ᠢᠨᠦ ᠰᠥᠨᠢ ᠪᠡᠷ ᠢᠢᠰᠦᠰ ᠲᠦᠷ ᠢᠷᠡᠵᠦ ᠠᠶᠢᠯᠠᠳᠬᠠᠷᠤᠨ᠃ ᠪᠠᠭᠰᠢ ᠠ᠋᠂ ᠴᠢᠮᠠᠶᠢ ᠪᠤᠷᠬᠠᠨ ᠠᠴᠠ ᠢᠷᠡᠭᠰᠡᠨ ᠰᠤᠷᠭᠠᠭᠴᠢ ᠠᠬᠤᠢ ᠶᠢ ᠪᠢᠳᠡ ᠪᠡᠷ ᠮᠡᠳᠡᠮᠦᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠬᠡᠷᠪᠡ ᠪᠤᠷᠬᠠᠨ ᠠᠨᠤ ᠲᠡᠭᠦᠨ ᠯᠦᠭᠡ ᠦᠯᠦ ᠠᠬᠤ ᠪᠥᠭᠡᠰᠦ᠂ ᠬᠡᠨ ᠴᠤ ᠬᠦᠮᠦᠨ ᠢᠨᠦ ᠦᠢᠯᠡᠳᠦᠳᠡᠭ ᠭᠠᠶᠢᠬᠠᠮᠰᠢᠭ ᠤᠳ ᠢ ᠦᠢᠯᠡᠳᠴᠦ ᠡᠰᠡ ᠴᠢᠳᠠᠮᠤᠢ᠃ 3ᠢᠢᠰᠦᠰ ᠢᠨᠦ ᠲᠡᠭᠦᠨ ᠳᠦᠷ ᠬᠠᠷᠢᠭᠤ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠠᠯᠢ ᠬᠡᠨ ᠬᠦᠮᠦᠨ ᠢᠨᠦ ᠳ᠋ᠠᠬᠢᠨ ᠦᠯᠦ ᠲᠥᠷᠥᠭᠳᠡᠬᠦ ᠪᠥᠭᠡᠰᠦ ᠡᠯᠡ᠂ ᠪᠤᠷᠬᠠᠨ ᠤ ᠡᠵᠡᠯᠡᠭᠦᠷᠢᠨ ᠢ ᠦᠵᠡᠨ ᠦᠯᠦ ᠴᠢᠳᠠᠬᠤ ᠪᠣᠯᠤᠶᠤ᠂ ᠬᠡᠮᠡᠨ ᠪᠢ ᠪᠡᠷ ᠴᠢᠮᠠᠳᠤᠷ ᠮᠠᠭᠠᠳᠯᠠᠨ ᠥᠭᠦᠯᠡᠮᠦᠢ᠃ 4ᠨᠢᠺᠣᠳᠢᠮ ᠠᠨᠤ ᠲᠡᠭᠦᠨ ᠳᠦᠷ ᠠᠶᠢᠯᠠᠳᠬᠠᠷᠤᠨ᠃ ᠨᠠᠰᠤᠵᠢᠭᠰᠠᠨ ᠬᠦᠮᠦᠨ ᠢᠨᠦ ᠶᠠᠬᠢᠵᠢ ᠲᠥᠷᠥᠭᠳᠡᠵᠦ ᠴᠢᠳᠠᠮᠤᠶᠤ᠃ ᠲᠡᠷᠡ ᠢᠨᠦ ᠡᠬᠡ ᠶᠢᠨ ᠤᠮᠠᠢ ᠳᠤᠷ ᠳ᠋ᠠᠬᠢᠨ ᠣᠷᠣᠭᠠᠳ ᠲᠥᠷᠥᠭᠳᠡᠵᠦ ᠴᠢᠳᠠᠮᠤᠶᠤ᠃ 5ᠢᠢᠰᠦᠰ ᠢᠨᠦ ᠬᠠᠷᠢᠭᠤ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠠᠯᠢ ᠬᠡᠨ ᠬᠦᠮᠦᠨ ᠢᠨᠦ ᠤᠰᠤᠨ ᠬᠢᠭᠡᠳ ᠲᠣᠳᠤᠳᠬᠠᠯ ᠠᠴᠠ ᠦᠯᠦ ᠲᠥᠷᠥᠭᠳᠡᠬᠦ ᠪᠥᠭᠡᠰᠦ ᠡᠯᠡ᠂ ᠪᠤᠷᠬᠠᠨ ᠤ ᠡᠵᠡᠯᠡᠭᠦᠷᠢᠨ ᠳᠦᠷ ᠣᠷᠣᠵᠤ ᠦᠯᠦ ᠴᠢᠳᠠᠬᠤ ᠪᠤᠢ᠂ ᠬᠡᠮᠡᠨ ᠪᠢ ᠪᠡᠷ ᠴᠢᠮᠠᠳᠤᠷ ᠮᠠᠭᠠᠳᠯᠠᠨ ᠥᠭᠦᠯᠡᠮᠦᠢ᠃ 6ᠮᠠᠬᠠᠪᠣᠳ ᠠᠴᠠ ᠲᠥᠷᠥᠭᠳᠡᠭᠰᠡᠨ ᠢᠨᠦ ᠮᠠᠬᠠᠪᠣᠳ ᠪᠣᠯᠠᠢ᠃ ᠲᠣᠳᠤᠳᠬᠠᠯ ᠠᠴᠠ ᠲᠥᠷᠥᠭᠳᠡᠭᠰᠡᠨ ᠢᠨᠦ ᠲᠣᠳᠤᠳᠬᠠᠯ ᠪᠣᠯᠠᠢ᠃ 7ᠲᠠ ᠪᠡᠷ ᠳ᠋ᠠᠬᠢᠨ ᠲᠥᠷᠥᠭᠳᠡᠬᠦ ᠬᠡᠷᠡᠭᠲᠦ ᠬᠡᠮᠡᠨ ᠮᠢᠨᠦ ᠴᠢᠮᠠᠳᠤᠷ ᠥᠭᠦᠯᠡᠭᠰᠡᠨ᠋ᠡ ᠪᠦᠦ ᠭᠠᠶᠢᠬᠠᠲᠤᠭᠠᠢ᠃ 8ᠰᠠᠯᠬᠢᠨ ᠠᠨᠤ ᠬᠠᠮᠢᠭᠠ ᠪᠦᠬᠦᠶᠡ ᠰᠠᠯᠬᠢᠯᠠᠳᠠᠭ᠃ ᠴᠢ ᠪᠡᠷ ᠲᠡᠭᠦᠨ ᠦ ᠴᠤᠤᠭᠢᠶᠠᠨ ᠢ ᠰᠣᠨᠣᠰᠪᠠᠴᠤ᠂ ᠬᠠᠮᠢᠭᠠ ᠠᠴᠠ ᠢᠷᠡᠭᠰᠡᠨ ᠬᠢᠭᠡᠳ ᠬᠠᠮᠢᠭᠠᠰᠢ ᠣᠳᠬᠤᠢ ᠶᠢ ᠡᠰᠡ ᠮᠡᠳᠡᠮᠦᠢ᠃ ᠲᠡᠷᠡ ᠮᠡᠲᠦ ᠪᠡᠷ ᠲᠣᠳᠤᠳᠬᠠᠯ ᠠᠴᠠ ᠠᠯᠢᠪᠠ ᠲᠥᠷᠥᠭᠳᠡᠭᠰᠡᠨ ᠢᠨᠦ ᠪᠣᠯᠠᠢ᠃ 9ᠨᠢᠺᠣᠳᠢᠮ ᠠᠨᠤ ᠲᠡᠭᠦᠨ ᠳᠦᠷ ᠬᠠᠷᠢᠭᠤ ᠠᠶᠢᠯᠠᠳᠬᠠᠷᠤᠨ᠃ ᠡᠨᠡ ᠮᠡᠲᠦᠰ ᠢᠨᠦ ᠶᠠᠬᠢᠵᠢ ᠪᠣᠯᠵᠤ ᠪᠣᠯᠬᠤ ᠪᠤᠶᠤ᠃ 10ᠢᠢᠰᠦᠰ ᠢᠨᠦ ᠲᠡᠭᠦᠨ ᠳᠦᠷ ᠬᠠᠷᠢᠭᠤ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠴᠢ ᠪᠡᠷ ᠢᠰᠷᠠᠶᠢᠯ ᠤᠨ ᠪᠠᠭᠰᠢ ᠪᠥᠭᠡᠲᠡᠯᠡ ᠡᠨᠡ ᠮᠡᠲᠦᠰ ᠢ ᠡᠰᠡ ᠮᠡᠳᠡᠮᠦᠶᠦ᠃ 11ᠮᠢᠨᠦ ᠴᠢᠮᠠᠳᠤᠷ ᠮᠠᠭᠠᠳᠯᠠᠵᠤ ᠥᠭᠦᠯᠡᠬᠦᠢ ᠢᠨᠦ᠂ ᠪᠢᠳᠡ ᠪᠡᠷ ᠮᠡᠳᠡᠭᠰᠡᠨ ᠢᠶᠡᠨ ᠥᠭᠦᠯᠡᠨ᠂ ᠦᠵᠡᠭᠰᠡᠨ ᠢᠶᠡᠨ ᠭᠡᠷᠡᠴᠢᠯᠡᠮᠦᠢ᠃ ᠲᠡᠶᠢᠨ ᠪᠣᠯᠪᠠᠴᠤ ᠲᠠ ᠪᠡᠷ ᠪᠢᠳᠡᠨ ᠦ ᠭᠡᠷᠡᠴᠢᠯᠡᠭᠰᠡᠨ ᠢ ᠡᠰᠡ ᠠᠪᠤᠳᠠᠭ᠃ 12ᠬᠡᠷᠪᠡ ᠮᠢᠨᠦ ᠡᠨᠡ ᠶᠢᠷᠲᠢᠨᠴᠦ ᠶᠢᠨ ᠤᠴᠢᠷᠠ ᠲᠠᠨ ᠳᠤᠷ ᠥᠭᠦᠯᠡᠭᠰᠡᠨ᠋ᠡ ᠲᠠ ᠪᠡᠷ ᠡᠰᠡ ᠢᠲᠡᠭᠡᠪᠡᠰᠦ᠂ ᠪᠢ ᠪᠡᠷ ᠣᠭᠲᠠᠷᠭᠤᠢ ᠶᠢᠨ ᠤᠴᠢᠷᠠ ᠲᠠᠨ ᠳᠤᠷ ᠥᠭᠦᠯᠡᠬᠦ ᠪᠥᠭᠡᠰᠦ᠂ ᠲᠠ ᠪᠡᠷ ᠶᠠᠬᠢᠨ ᠢᠲᠡᠭᠡᠬᠦ ᠪᠤᠶᠤ᠃ 13ᠵᠢᠴᠢ ᠣᠭᠲᠠᠷᠭᠤᠢ ᠳᠤᠷ ᠠᠭᠴᠢ ᠪᠣᠯᠤᠨ ᠣᠭᠲᠠᠷᠭᠤᠢ ᠠᠴᠠ ᠪᠠᠭᠤᠭᠰᠠᠨ ᠬᠦᠮᠦᠨ ᠲᠥᠷᠥᠯᠬᠢᠲᠦ ᠡᠴᠡ ᠪᠤᠰᠤ ᠬᠡᠨ ᠴᠤ ᠣᠭᠲᠠᠷᠭᠤᠢ ᠳᠦᠷ ᠳᠡᠭᠳᠡᠨ ᠥᠭᠡᠳᠡ ᠪᠣᠯᠤᠭᠰᠠᠨ ᠪᠤᠰᠤ᠃ 14ᠪᠠᠰᠠ ᠮᠣᠰᠢ ᠠᠨᠤ ᠭᠣᠪᠢ ᠶᠢᠨ ᠳᠣᠲᠣᠷᠠ ᠮᠣᠭᠠᠢ ᠶᠢ ᠥᠷᠭᠦᠵᠢᠭᠰᠡᠨ ᠮᠡᠲᠦ᠂ ᠲᠡᠭᠦᠨᠴᠢᠯᠡᠨ ᠬᠦᠮᠦᠨ ᠲᠥᠷᠥᠯᠬᠢᠲᠦ ᠢᠨᠦ ᠥᠷᠭᠦᠵᠢᠭᠳᠡᠬᠦ ᠶᠣᠰᠤ ᠲᠤ ᠬᠡᠮᠡᠪᠡᠰᠦ᠃ 15ᠠᠯᠢ ᠬᠡᠨ ᠲᠡᠭᠦᠨ ᠳᠦᠷ ᠢᠲᠡᠭᠡᠭᠴᠢ ᠢᠨᠦ ᠦᠯᠦ ᠡᠪᠳᠡᠷᠡᠨ᠂ ᠮᠥᠩᠬᠡ ᠠᠮᠢᠨ ᠢ ᠣᠯᠬᠤ ᠶᠢᠨ ᠲᠤᠯᠠ ᠪᠣᠯᠠᠢ᠃ 16ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠪᠤᠷᠬᠠᠨ ᠠᠨᠤ ᠶᠢᠷᠲᠢᠨᠴᠦ ᠶᠢ ᠡᠨᠡ ᠮᠡᠲᠦ ᠪᠡᠷ ᠢᠨᠠᠭᠯᠠᠪᠠᠢ ᠬᠡᠮᠡᠪᠡᠰᠦ᠂ ᠣᠨᠴᠠ ᠲᠥᠷᠥᠭᠳᠡᠭᠰᠡᠨ ᠬᠥᠪᠡᠭᠦᠨ ᠢᠶᠡᠨ ᠥᠭᠪᠡᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠠᠯᠢ ᠬᠡᠨ ᠲᠡᠭᠦᠨ ᠳᠦᠷ ᠢᠲᠡᠭᠡᠬᠦ ᠪᠥᠭᠡᠰᠦ ᠦᠯᠦ ᠡᠪᠳᠡᠷᠡᠨ᠂ ᠮᠥᠩᠬᠡ ᠠᠮᠢᠨ ᠢ ᠣᠯᠬᠤ ᠶᠢᠨ ᠲᠤᠯᠠ ᠪᠣᠯᠠᠢ᠃ 17ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠪᠤᠷᠬᠠᠨ ᠠᠨᠤ ᠶᠢᠷᠲᠢᠨᠴᠦ ᠶᠢ ᠪᠤᠷᠤᠭᠤᠰᠢᠶᠠᠬᠤ ᠶᠢᠨ ᠲᠤᠯᠠ ᠪᠤᠰᠤ᠂ ᠬᠠᠷᠢᠨ ᠶᠢᠷᠲᠢᠨᠴᠦ ᠶᠢᠨ ᠲᠡᠭᠦᠨ ᠢᠶᠡᠷ ᠲᠣᠨᠢᠯᠭᠠᠭᠳᠠᠬᠤ ᠶᠢᠨ ᠲᠤᠯᠠ ᠬᠥᠪᠡᠭᠦᠨ ᠢᠶᠡᠨ ᠶᠢᠷᠲᠢᠨᠴᠦ ᠳᠦᠷ ᠢᠯᠡᠭᠡᠪᠡᠢ᠃ 18ᠲᠡᠭᠦᠨ ᠳᠦᠷ ᠢᠲᠡᠭᠡᠭᠴᠢ ᠢᠨᠦ ᠦᠯᠦ ᠪᠤᠷᠤᠭᠤᠰᠢᠶᠠᠭᠳᠠᠬᠤ ᠪᠤᠢ᠃ ᠬᠠᠷᠢᠨ ᠦᠯᠦ ᠢᠲᠡᠭᠡᠭᠴᠢ ᠢᠨᠦ ᠡᠳᠦᠭᠡ ᠴᠤ ᠪᠤᠷᠤᠭᠤᠰᠢᠶᠠᠭᠳᠠᠭᠰᠠᠨ ᠪᠤᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠲᠡᠷᠡ ᠢᠨᠦ ᠪᠤᠷᠬᠠᠨ ᠤ ᠣᠨᠴᠠ ᠲᠥᠷᠥᠭᠳᠡᠭᠰᠡᠨ ᠬᠥᠪᠡᠭᠦᠨ ᠦ ᠨᠡᠷᠡ ᠳᠦᠷ ᠡᠰᠡ ᠢᠲᠡᠭᠡᠪᠡᠢ᠃ 19ᠪᠤᠷᠤᠭᠤᠰᠢᠶᠠᠯ ᠠᠨᠤ ᠶᠠᠭᠤᠨ ᠪᠤᠢ ᠬᠡᠮᠡᠪᠡᠰᠦ᠂ ᠭᠡᠷᠡᠯ ᠢᠨᠦ ᠶᠢᠷᠲᠢᠨᠴᠦ ᠳᠦᠷ ᠢᠷᠡᠭᠰᠡᠨ ᠪᠣᠯᠪᠠᠴᠤ᠂ ᠬᠦᠮᠦᠨ ᠨᠦᠭᠦᠳ ᠢᠨᠦ ᠬᠠᠷᠠᠩᠭᠤᠢ ᠶᠢ ᠭᠡᠷᠡᠯ ᠡᠴᠡ ᠦᠯᠡᠮᠵᠢ ᠲᠠᠭᠠᠯᠠᠪᠠᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠲᠡᠳᠡᠨ ᠦ ᠦᠢᠯᠡᠰ ᠢᠨᠦ ᠮᠠᠭᠤ ᠪᠥᠯᠦᠭᠡ᠃ 20ᠠᠯᠢ ᠬᠡᠨ ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢ ᠢᠨᠦ ᠭᠡᠷᠡᠯ ᠢ ᠥᠰᠢᠶᠡᠯᠡᠨ᠂ ᠲᠡᠭᠦᠨ ᠦ ᠦᠢᠯᠡᠰ ᠦᠨ ᠦᠯᠦ ᠨᠡᠭᠡᠭᠳᠡᠬᠦ ᠶᠢᠨ ᠲᠤᠯᠠ ᠭᠡᠷᠡᠯ ᠳᠦᠷ ᠡᠰᠡ ᠢᠷᠡᠳᠡᠭ᠃ 21ᠵᠦᠭᠡᠷ ᠠᠯᠢ ᠬᠡᠨ ᠦᠨᠡᠨ ᠢ ᠦᠢᠯᠡᠳᠦᠭᠴᠢ ᠢᠨᠦ ᠦᠢᠯᠡᠰ ᠶᠦᠭᠡᠨ ᠪᠤᠷᠬᠠᠨ ᠳᠤᠷ ᠪᠦᠲᠦᠭᠡᠭᠳᠡᠭᠰᠡᠨ ᠮᠥᠨ ᠠᠬᠤᠢ ᠶᠢ ᠦᠵᠡᠭᠦᠯᠬᠦ ᠶᠢᠨ ᠲᠤᠯᠠ ᠭᠡᠷᠡᠯ ᠳᠦᠷ ᠢᠷᠡᠳᠡᠭ᠃ 22ᠬᠡᠮᠡᠨ ᠵᠠᠷᠯᠢᠭ ᠪᠣᠯᠤᠭᠠᠳ ᠢᠢᠰᠦᠰ ᠢᠨᠦ ᠱᠠᠪᠢᠨᠠᠷ ᠢᠶᠠᠨ ᠳᠠᠭᠠᠭᠤᠯᠤᠨ᠂ ᠶᠦᠳᠢᠶᠠ ᠭᠠᠵᠠᠷ ᠲᠤᠷ ᠥᠭᠡᠳᠡ ᠪᠣᠯᠤᠭᠠᠳ᠂ ᠲᠡᠨᠳᠡ ᠲᠡᠳᠡᠨ ᠯᠦᠭᠡ ᠪᠠᠶᠢᠯᠴᠠᠵᠤ ᠪᠠᠹᠲ᠋ᠢᠰᠯᠠᠪᠠᠢ᠃ 23ᠵᠢᠴᠢ ᠢᠣᠸᠠᠨ ᠠᠨᠤ ᠰᠠᠯᠢᠮ ᠤᠨ ᠣᠶᠢᠷᠠ ᠠᠭᠴᠢ ᠢᠨᠣᠩ ᠳᠤᠷ ᠪᠠᠹᠲ᠋ᠢᠰᠯᠠᠨ ᠠᠪᠠᠢ ᠬᠡᠮᠡᠪᠡᠰᠦ᠂ ᠲᠡᠨᠳᠡ ᠤᠰᠤᠨ ᠠᠨᠤ ᠶᠡᠬᠡ ᠪᠥᠯᠦᠭᠡ᠃ ᠲᠡᠶᠢᠨ ᠬᠦ (ᠤᠯᠤᠰ ᠠᠨᠤ) ᠲᠡᠨᠳᠡ ᠢᠷᠡᠨ ᠪᠠᠹᠲ᠋ᠢᠰᠯᠠᠭᠳᠠᠪᠠᠢ᠃ 24ᠢᠣᠸᠠᠨ ᠬᠡᠮᠡᠪᠡᠰᠦ ᠭᠢᠨᠳᠠᠨ ᠳᠤᠷ ᠬᠣᠷᠢᠭᠳᠠᠭᠠ ᠡᠳᠦᠢ ᠪᠥᠯᠦᠭᠡ᠃ 25ᠲᠡᠷᠡ ᠴᠠᠭ ᠲᠤᠷ ᠢᠣᠸᠠᠨ ᠤ ᠱᠠᠪᠢᠨᠠᠷ ᠠᠴᠠ (ᠵᠠᠷᠢᠮ ᠤᠳ) ᠠᠨᠤ ᠶᠦᠳᠠᠲᠠᠨ ᠯᠦᠭᠡ ᠠᠷᠢᠯᠭᠠᠯ ᠤᠨ ᠤᠴᠢᠷᠠ ᠬᠡᠷᠡᠯᠳᠦᠪᠡᠢ᠃ 26ᠲᠡᠶᠢᠨ ᠬᠦ ᠲᠡᠳᠡ ᠢᠨᠦ ᠢᠣᠸᠠᠨ ᠳᠤᠷ ᠣᠳᠤᠭᠠᠳ ᠲᠡᠭᠦᠨ ᠳᠦᠷ ᠥᠭᠦᠯᠡᠷᠦᠨ᠃ ᠪᠠᠭᠰᠢ ᠡ᠂ ᠶᠣᠷᠳᠠᠨ ᠤ ᠴᠢᠨᠠᠳᠤ ᠡᠲᠡᠭᠡᠳᠡ ᠴᠢᠮᠠᠯᠤᠭᠠ ᠠᠭᠰᠠᠨ ᠪᠣᠯᠤᠨ ᠴᠢᠨᠦ ᠭᠡᠷᠡᠴᠢᠯᠡᠭᠰᠡᠨ ᠲᠡᠷᠡ ᠪᠠᠹᠲ᠋ᠢᠰᠯᠠᠮᠤᠢ᠃ ᠤᠯᠤᠰ ᠪᠦᠭᠦᠳᠡᠭᠡᠷ ᠢᠨᠦ ᠲᠡᠭᠦᠨ ᠳᠦᠷ ᠢᠷᠡᠳᠡᠭ᠃ 27ᠬᠡᠮᠡᠭᠰᠡᠨ ᠳᠦᠷ ᠢᠣᠸᠠᠨ ᠠᠨᠤ ᠬᠠᠷᠢᠭᠤ ᠥᠭᠦᠯᠡᠷᠦᠨ᠃ ᠣᠭᠲᠠᠷᠭᠤᠢ ᠠᠴᠠ ᠡᠰᠡ ᠥᠭᠳᠡᠭᠰᠡᠨ ᠶᠠᠭᠤᠨ ᠢ ᠴᠤ ᠬᠦᠮᠦᠨ ᠢᠨᠦ ᠠᠪᠴᠤ ᠡᠰᠡ ᠴᠢᠳᠠᠮᠤᠢ᠃ 28ᠪᠢ ᠪᠡᠷ ᠬᠡᠷᠢᠰᠲ᠋ᠣᠰ ᠪᠤᠰᠤ᠂ ᠬᠠᠷᠢᠨ ᠲᠡᠭᠦᠨ ᠦ ᠡᠮᠦᠨᠡ ᠢᠯᠡᠭᠡᠭᠳᠡᠭᠰᠡᠨ ᠪᠤᠢ᠂ ᠬᠡᠮᠡᠨ ᠮᠢᠨᠦ ᠥᠭᠦᠯᠡᠭᠰᠡᠨ ᠳᠦᠷ ᠲᠠ ᠪᠡᠷ ᠭᠡᠷᠡᠴᠢᠨᠡᠷ ᠪᠣᠯᠠᠢ᠃ 29ᠭᠡᠷᠭᠡᠢ ᠶᠢ ᠠᠪᠬᠤᠢ ᠪᠣᠯᠤᠭᠰᠠᠨ ᠬᠦᠮᠦᠨ ᠢᠨᠦ ᠲᠤᠰᠢᠶᠠ ᠲᠤ ᠡᠷᠡ ᠮᠥᠨ ᠪᠣᠯᠠᠢ᠃ ᠵᠦᠭᠡᠷ ᠲᠤᠰᠢᠶᠠ ᠲᠤ ᠡᠷᠡ ᠶᠢᠨ ᠢᠨᠠᠭ ᠠᠨᠤ ᠪᠠᠶᠢᠵᠤ ᠲᠡᠭᠦᠨ ᠢ ᠰᠣᠨᠣᠰᠬᠤᠢ ᠳᠤᠷ᠂ ᠲᠤᠰᠢᠶᠠ ᠲᠤ ᠡᠷᠡ ᠶᠢᠨ ᠳᠠᠭᠤᠨ ᠤ ᠤᠴᠢᠷᠠ ᠶᠡᠬᠡᠳᠡ ᠪᠠᠶᠠᠰᠤᠳᠠᠭ᠃ ᠲᠡᠷᠡ ᠮᠡᠲᠦ ᠪᠡᠷ ᠡᠨᠡ ᠮᠢᠨᠦ ᠪᠠᠶᠠᠰᠬᠤᠯᠠᠩ ᠠᠨᠤ ᠲᠡᠭᠦᠰᠪᠡᠢ᠃ 30ᠲᠡᠷᠡ ᠢᠨᠦ ᠥᠰᠬᠦ ᠶᠣᠰᠤ ᠲᠤ ᠠᠲᠯᠠ [ᠠᠲᠠᠯᠠ]᠂ ᠪᠢ ᠪᠡᠷ ᠪᠠᠭᠠ ᠪᠣᠯᠬᠤ ᠶᠣᠰᠤ ᠲᠤ ᠪᠤᠢ᠃ 31ᠳᠡᠭᠡᠷᠡ ᠡᠴᠡ ᠢᠷᠡᠭᠴᠢ ᠢᠨᠦ ᠬᠠᠮᠤᠭ ᠠᠴᠠ ᠳᠡᠭᠡᠳᠦ ᠪᠣᠯᠠᠢ᠃ ᠶᠢᠷᠲᠢᠨᠴᠦ ᠡᠴᠡ ᠢᠷᠡᠭᠴᠢ ᠢᠨᠦ ᠶᠢᠷᠲᠢᠨᠴᠦ ᠡᠴᠡ ᠪᠣᠯᠤᠭᠠᠳ ᠶᠢᠷᠲᠢᠨᠴᠦ ᠶᠢᠨ ᠤᠴᠢᠷᠠ ᠥᠭᠦᠯᠡᠳᠡᠭ᠃ ᠣᠭᠲᠠᠷᠭᠤᠢ ᠠᠴᠠ ᠢᠷᠡᠭᠴᠢ ᠢᠨᠦ ᠬᠠᠮᠤᠭ ᠠᠴᠠ ᠳᠡᠭᠡᠳᠦ ᠪᠣᠯᠠᠢ᠃ 32ᠲᠡᠷᠡ ᠢᠨᠦ ᠦᠵᠡᠭᠰᠡᠨ ᠬᠢᠭᠡᠳ ᠰᠣᠨᠣᠰᠤᠭᠰᠠᠨ ᠢᠶᠠᠨ ᠭᠡᠷᠡᠴᠢᠯᠡᠮᠦᠢ᠃ ᠬᠠᠷᠢᠨ ᠬᠡᠨ ᠴᠤ ᠲᠡᠭᠦᠨ ᠦ ᠭᠡᠷᠡᠴᠢᠯᠡᠯᠭᠡᠨ ᠢ ᠡᠰᠡ ᠠᠪᠤᠳᠠᠭ᠃ 33ᠲᠡᠭᠦᠨ ᠦ ᠭᠡᠷᠡᠴᠢᠯᠡᠯᠭᠡᠨ ᠢ ᠠᠪᠤᠭᠴᠢ ᠠᠨᠤ ᠪᠤᠷᠬᠠᠨ ᠦᠨᠡᠨ ᠪᠤᠢ ᠬᠡᠮᠡᠨ ᠦᠨᠡᠮᠰᠢᠭᠦᠯᠦᠭᠰᠡᠨ ᠪᠤᠢ᠃ 34ᠵᠢᠴᠢ ᠪᠤᠷᠬᠠᠨ ᠠᠴᠠ ᠢᠯᠡᠭᠡᠭᠳᠡᠭᠰᠡᠨ ᠢᠨᠦ ᠪᠤᠷᠬᠠᠨ ᠤ ᠦᠭᠡᠰ ᠢ ᠥᠭᠦᠯᠡᠳᠡᠭ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠪᠤᠷᠬᠠᠨ ᠠᠨᠤ ᠲᠡᠭᠦᠨ ᠳᠦᠷ ᠬᠡᠮᠵᠢᠶᠡ ᠦᠭᠡᠢ ᠪᠡᠷ ᠲᠣᠳᠤᠳᠬᠠᠯ ᠢ ᠥᠭᠭᠦᠳᠡᠭ᠃ 35ᠡᠴᠢᠭᠡ ᠢᠨᠦ ᠬᠥᠪᠡᠭᠦᠨ ᠢᠶᠡᠨ ᠲᠠᠭᠠᠯᠠᠨ᠂ ᠲᠡᠭᠦᠨ ᠦ ᠡᠷᠬᠡ ᠳᠦᠷ ᠬᠠᠮᠤᠭ ᠢ ᠥᠭᠭᠦᠭᠰᠡᠨ ᠪᠤᠢ᠃ 36ᠬᠥᠪᠡᠭᠦᠨ ᠳᠦᠷ ᠢᠲᠡᠭᠡᠭᠴᠢ ᠢᠨᠦ ᠮᠥᠩᠬᠡ ᠠᠮᠢᠨ ᠢ ᠣᠯᠤᠭᠰᠠᠨ ᠪᠤᠢ᠃ ᠬᠥᠪᠡᠭᠦᠨ ᠳᠦᠷ ᠡᠰᠡ ᠢᠲᠡᠭᠡᠭᠴᠢ ᠢᠨᠦ ᠠᠮᠢᠨ ᠢ ᠦᠯᠦ ᠦᠵᠡᠬᠦ᠃ ᠬᠠᠷᠢᠨ ᠪᠤᠷᠬᠠᠨ ᠤ ᠬᠢᠯᠢᠩ ᠢᠨᠦ ᠲᠡᠭᠦᠨ ᠦ ᠳᠡᠭᠡᠷᠡ ᠪᠠᠶᠢᠮᠤᠢ ᠅
Obecnie wybrane:
ᠢᠣᠸᠠᠨ 3: MB1840
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Digital edition of the Mongolian translation published in 1840 (the Old Testament) and 1846 (the New Testament) by Edward Stallybrass and William Swan. Created by Bayarjargal Garamtseren and Simon Wong. Digital edition © United Bible Societies, 2020.