ᠢᠣᠸᠠᠨ 5
5
ᠲᠠᠪᠤᠳᠤᠭᠠᠷ ᠪᠦᠯᠦᠭ ᠅
1ᠲᠡᠨᠳᠡᠴᠡ ᠶᠦᠳᠠᠲᠠᠨ ᠤ ᠨᠢᠭᠡᠨ ᠨᠠᠶᠢᠷ ᠠᠭᠰᠠᠨ ᠪᠥᠭᠡᠳ᠂ ᠢᠢᠰᠦᠰ ᠢᠨᠦ ᠶᠢᠷᠤᠰᠠᠯᠢᠮ ᠳᠤᠷ ᠥᠭᠡᠳᠡ ᠪᠣᠯᠪᠠᠢ᠃ 2ᠲᠡᠨᠳᠡ ᠶᠢᠷᠤᠰᠠᠯᠢᠮ ᠳᠤᠷ ᠬᠣᠨᠢᠨ ᠤ ᠬᠠᠭᠠᠯᠭᠠᠨ ᠤ ᠳᠡᠷᠭᠡᠳᠡ ᠶᠪᠡᠷᠢᠢ ᠶᠢᠨ ᠬᠡᠯᠡᠪᠡᠷ ᠪᠢᠳ ᠾᠢᠰᠳᠠ᠋ ᠬᠡᠮᠡᠭᠴᠢ ᠨᠢᠭᠡᠨ ᠬᠥᠪ ᠪᠤᠢ᠃ ᠲᠡᠭᠦᠨ ᠳᠦᠷ ᠲᠠᠪᠤᠨ ᠣᠷᠣᠬᠤᠢ ᠡᠭᠦᠳᠡ ᠪᠥᠯᠦᠭᠡ᠃ 3ᠲᠡᠳᠡᠨ ᠳᠦᠷ ᠣᠯᠠᠨ ᠡᠪᠡᠳᠴᠢᠲᠡᠨ ᠬᠢᠭᠡᠳ ᠪᠠᠯᠠᠢ ᠨᠢᠳᠦᠲᠡᠨ ᠪᠠ ᠳᠣᠭᠣᠯᠠᠩ ᠬᠥᠯᠲᠡᠨ ᠬᠢᠭᠡᠳ ᠬᠠᠲᠠᠭᠰᠠᠨ ᠪᠡᠶᠡ ᠲᠡᠨ ᠢᠨᠦ ᠤᠰᠤᠨ ᠤ ᠬᠥᠳᠦᠯᠬᠦᠢ ᠴᠠᠭ ᠢ ᠬᠦᠯᠢᠶᠡᠵᠦ ᠬᠡᠪᠲᠡᠨ ᠠᠪᠠᠢ᠃ 4ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠠᠯᠢ ᠨᠢᠭᠡᠨ ᠴᠠᠭ ᠲᠤᠷ ᠨᠢᠭᠡᠨ ᠠᠩᠭᠢᠯ ᠠᠨᠤ ᠲᠡᠷᠡ ᠬᠥᠪ ᠲᠦᠷ ᠪᠠᠭᠤᠵᠤ ᠤᠰᠤᠨ ᠢ ᠬᠥᠳᠡᠯᠭᠡᠳᠡᠭ ᠪᠥᠯᠦᠭᠡ᠃ ᠤᠰᠤᠨ ᠤ (ᠲᠡᠷᠡ ᠮᠡᠲᠦ ᠪᠡᠷ) ᠬᠥᠳᠡᠯᠦᠭᠰᠡᠨ ᠦ ᠬᠣᠶᠢᠨᠠ ᠠᠯᠢ ᠬᠡᠨ ᠲᠡᠷᠢᠭᠦᠯᠡᠵᠦ ᠣᠷᠣᠭᠴᠢ ᠠᠨᠤ ᠶᠠᠮᠪᠠᠷᠪᠠ ᠡᠪᠡᠳᠴᠢᠨ ᠢᠶᠡᠷ ᠡᠪᠡᠳᠪᠡᠴᠦ ᠡᠳᠡᠭᠡᠳᠡᠭ ᠪᠥᠯᠦᠭᠡ᠃ 5ᠲᠡᠨᠳᠡ ᠭᠤᠴᠢᠨ ᠨᠠᠶᠢᠮᠠᠨ ᠵᠢᠯᠡ ᠡᠪᠡᠳᠴᠢᠲᠦ ᠠᠭᠰᠠᠨ ᠬᠦᠮᠦᠨ ᠪᠥᠯᠦᠭᠡ᠃ 6ᠢᠢᠰᠦᠰ ᠢᠨᠦ ᠲᠡᠭᠦᠨ ᠦ ᠬᠡᠪᠲᠡᠬᠦᠢ ᠶᠢ ᠦᠵᠡᠭᠡᠳ᠂ ᠲᠡᠭᠦᠨ ᠦ ᠣᠯᠠᠨ ᠵᠢᠯᠡ ᠡᠪᠡᠳᠳᠦᠭᠰᠡᠨ ᠢ ᠮᠡᠳᠡᠵᠦ ᠠᠶᠢᠯᠠᠳᠤᠭᠠᠳ ᠲᠡᠭᠦᠨ ᠳᠦᠷ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠴᠢ ᠪᠡᠷ ᠡᠳᠡᠭᠡᠬᠦᠶᠡ ᠳᠤᠷᠠ ᠲᠤ ᠪᠤᠶᠤ᠃ 7ᠡᠪᠡᠳᠴᠢᠲᠦ ᠬᠦᠮᠦᠨ ᠢᠨᠦ ᠬᠠᠷᠢᠭᠤ ᠠᠶᠢᠯᠠᠳᠬᠠᠷᠤᠨ᠃ ᠡᠵᠡᠨ ᠡ᠂ ᠤᠰᠤᠨ ᠤ ᠬᠥᠳᠡᠯᠭᠡᠭᠳᠡᠭᠰᠡᠨ ᠴᠠᠭ ᠲᠤᠷ ᠨᠠᠮᠠᠶᠢ ᠬᠥᠪ ᠲᠦᠷ ᠣᠷᠣᠭᠤᠯᠬᠤ ᠬᠦᠮᠦᠨ ᠦᠭᠡᠢ ᠪᠤᠢ᠃ ᠬᠠᠷᠢᠨ ᠮᠢᠨᠦ ᠣᠷᠣᠰᠤᠭᠠᠢ ᠬᠡᠮᠡᠨ ᠢᠷᠡᠬᠦᠢ ᠳᠤᠷ᠂ ᠨᠠᠳᠠ ᠠᠴᠠ ᠤᠷᠢᠳᠠ ᠪᠤᠰᠤ ᠨᠢᠭᠡᠨ ᠢᠨᠦ ᠣᠷᠣᠮᠤᠢ᠃ 8ᠢᠢᠰᠦᠰ ᠢᠨᠦ ᠲᠡᠭᠦᠨ ᠳᠦᠷ ᠡᠶᠢᠨ᠃ ᠪᠣᠰᠲᠤᠭᠠᠢ᠃ ᠳᠡᠪᠢᠰᠬᠡᠷ ᠢᠶᠡᠨ ᠠᠪᠤᠭᠠᠳ ᠣᠳᠲᠤᠭᠠᠢ᠃ 9ᠬᠡᠮᠡᠨ ᠵᠠᠷᠯᠢᠭ ᠪᠣᠯᠤᠭᠰᠠᠨ ᠳᠤᠷ ᠲᠡᠷᠡ ᠬᠦᠮᠦᠨ ᠢᠨᠦ ᠭᠡᠨᠡᠳᠲᠡ ᠡᠳᠡᠭᠡᠭᠡᠳ᠂ ᠳᠡᠪᠢᠰᠬᠡᠷ ᠢᠶᠡᠨ ᠠᠪᠤᠭᠠᠳ ᠣᠳᠪᠠᠢ᠃ ᠲᠡᠷᠡ ᠡᠳᠦᠷ ᠢᠨᠦ ᠰᠠᠪᠠᠳ ᠡᠳᠦᠷ ᠪᠥᠯᠦᠭᠡ᠃ 10ᠲᠡᠶᠢᠮᠦ ᠶᠢᠨ ᠲᠤᠯᠠ ᠶᠦᠳᠠᠲᠠᠨ ᠢᠨᠦ ᠲᠡᠷᠡ ᠬᠦ ᠡᠳᠡᠭᠡᠭᠰᠡᠨ ᠬᠦᠮᠦᠨ ᠳᠦᠷ ᠥᠭᠦᠯᠡᠷᠦᠨ᠃ ᠡᠨᠡ ᠢᠨᠦ ᠰᠠᠪᠠᠳ ᠪᠤᠢ᠃ ᠳᠡᠪᠢᠰᠬᠡᠷ ᠢᠶᠡᠨ ᠡᠷᠭᠦᠬᠦᠢ ᠢᠨᠦ ᠴᠢᠮᠠᠳᠤᠷ ᠶᠣᠰᠤ ᠦᠭᠡᠢ ᠪᠤᠢ᠃ 11ᠲᠡᠷᠡ ᠢᠨᠦ ᠲᠡᠳᠡᠨ ᠳᠦᠷ ᠬᠠᠷᠢᠭᠤ ᠥᠭᠦᠯᠡᠷᠦᠨ᠃ ᠨᠠᠮᠠᠶᠢ ᠡᠳᠡᠭᠡᠭᠡᠭᠰᠡᠨ ᠢᠨᠦ ᠳᠡᠪᠢᠰᠬᠡᠷ ᠢᠶᠡᠨ ᠠᠪᠤᠭᠠᠳ ᠣᠳᠲᠤᠭᠠᠢ ᠬᠡᠮᠡᠨ ᠨᠠᠳᠤᠷ ᠥᠭᠦᠯᠡᠭᠰᠡᠨ ᠪᠤᠢ᠃ 12ᠬᠡᠮᠡᠭᠰᠡᠨ ᠳᠦᠷ ᠲᠡᠳᠡ ᠢᠨᠦ ᠲᠡᠭᠦᠨ ᠡᠴᠡ ᠠᠰᠠᠭᠤᠷᠤᠨ᠃ ᠳᠡᠪᠢᠰᠬᠡᠷ ᠢᠶᠡᠨ ᠠᠪᠤᠭᠠᠳ ᠣᠳᠲᠤᠭᠠᠢ ᠬᠡᠮᠡᠨ ᠴᠢᠮᠠᠳᠤᠷ ᠥᠭᠦᠯᠡᠭᠰᠡᠨ ᠢᠨᠦ ᠬᠡᠨ ᠪᠤᠶᠤ᠃ 13ᠬᠡᠮᠡᠪᠡᠴᠦ ᠲᠡᠷᠡ ᠡᠷᠡᠭᠦᠯ ᠪᠣᠯᠭᠠᠭᠳᠠᠭᠰᠠᠨ ᠠᠨᠤ ᠬᠡᠨ ᠠᠭᠰᠠᠨ ᠢ ᠡᠰᠡ ᠮᠡᠳᠡᠪᠡᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠣᠯᠠᠨ ᠤᠯᠤᠰ ᠲᠡᠨᠳᠡ ᠪᠠᠶᠢᠭᠰᠠᠨ ᠪᠥᠭᠡᠳ᠂ ᠢᠢᠰᠦᠰ ᠢᠨᠦ ᠲᠡᠨᠳᠡᠴᠡ ᠴᠢᠨᠠᠭᠰᠢ ᠥᠭᠡᠳᠡ ᠪᠣᠯᠤᠭᠰᠠᠨ ᠪᠥᠯᠦᠭᠡ᠃ 14ᠲᠡᠭᠦᠨ ᠡᠴᠡ ᠬᠣᠶᠢᠨᠠ ᠢᠢᠰᠦᠰ ᠢᠨᠦ ᠲᠡᠭᠦᠨ ᠢ ᠰᠦᠮᠡ ᠶᠢᠨ ᠳᠣᠲᠣᠷᠠ ᠣᠯᠤᠭᠠᠳ ᠲᠡᠭᠦᠨ ᠳᠦᠷ ᠡᠶᠢᠨ᠃ ᠮᠡᠨᠡ᠂ ᠴᠢ ᠪᠡᠷ ᠡᠷᠡᠭᠦᠯ ᠪᠣᠯᠪᠠᠢ᠃ ᠡᠭᠦᠨᠴᠡ ᠬᠢᠯᠢᠨᠴᠡ ᠶᠢ ᠪᠦᠦ ᠦᠢᠯᠡᠳ᠃ ᠲᠡᠶᠢᠨ ᠪᠤᠰᠤ ᠪᠥᠭᠡᠰᠦ ᠴᠢᠮᠠᠳᠤᠷ ᠦᠯᠡᠮᠵᠢ ᠵᠣᠪᠠᠯᠠᠩ ᠢᠷᠡᠬᠦ ᠪᠣᠯᠤᠭᠤᠵᠠᠢ᠃ ᠬᠡᠮᠡᠨ ᠵᠠᠷᠯᠢᠭ ᠪᠣᠯᠪᠠᠢ᠃ 15ᠲᠡᠷᠡ ᠬᠦᠮᠦᠨ ᠢᠨᠦ ᠣᠳᠤᠭᠠᠳ᠂ ᠨᠠᠮᠠᠶᠢ ᠡᠳᠡᠭᠡᠭᠡᠭᠰᠡᠨ ᠢᠨᠦ ᠢᠢᠰᠦᠰ ᠪᠤᠢ᠂ ᠬᠡᠮᠡᠨ ᠶᠦᠳᠠᠲᠠᠨ ᠳᠤᠷ ᠮᠡᠳᠡᠭᠦᠯᠪᠡᠢ᠃ 16ᠲᠡᠶᠢᠨ ᠪᠥᠭᠡᠳ ᠢᠢᠰᠦᠰ ᠦᠨ ᠡᠭᠦᠨ ᠢ ᠰᠠᠪᠠᠳ ᠡᠳᠦᠷᠡ ᠦᠢᠯᠡᠳᠦᠭᠰᠡᠨ ᠦ ᠲᠤᠯᠠ ᠶᠦᠳᠠᠲᠠᠨ ᠢᠨᠦ ᠲᠡᠭᠦᠨ ᠢ ᠴᠥᠬᠡᠭᠡᠵᠦ ᠠᠯᠠᠬᠤᠶᠠ ᠬᠦᠰᠡᠪᠡᠢ᠃ 17ᠵᠦᠭᠡᠷ ᠢᠢᠰᠦᠰ ᠢᠨᠦ ᠲᠡᠳᠡᠨ ᠳᠦᠷ ᠬᠠᠷᠢᠭᠤ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠮᠢᠨᠦ ᠡᠴᠢᠭᠡ ᠢᠨᠦ ᠡᠳᠦᠭᠡ ᠪᠣᠯᠲᠠᠯᠠ ᠦᠢᠯᠡᠳᠦᠭᠰᠡᠭᠡᠷ ᠪᠥᠭᠡᠳ ᠪᠢ ᠴᠤ ᠦᠢᠯᠡᠳᠦᠮᠦᠢ᠃ 18ᠲᠡᠶᠢᠮᠦ ᠶᠢᠨ ᠲᠤᠯᠠ ᠶᠦᠳᠠᠲᠠᠨ ᠢᠨᠦ ᠲᠡᠭᠦᠨ ᠢ ᠠᠯᠠᠬᠤᠶᠠ ᠦᠯᠡᠮᠵᠢ ᠬᠦᠰᠡᠪᠡᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠲᠡᠷᠡ ᠢᠨᠦ ᠰᠠᠪᠠᠳ ᠡᠳᠦᠷ ᠢ ᠲᠠᠰᠤᠯᠤᠭᠰᠠᠨ ᠪᠠᠶᠢᠲᠤᠭᠠᠢ᠂ ᠪᠤᠷᠬᠠᠨ ᠤ ᠥᠪᠡᠷ ᠦᠨ ᠡᠴᠢᠭᠡ ᠪᠣᠯᠭᠠᠨ ᠬᠡᠮᠡᠭᠰᠡᠨ ᠢᠶᠡᠷ ᠪᠡᠶᠡ ᠪᠡᠨ ᠪᠤᠷᠬᠠᠨ ᠯᠤᠭᠠ ᠠᠳᠠᠯᠢ ᠪᠣᠯᠭᠠᠭᠰᠠᠨ ᠪᠥᠯᠦᠭᠡ᠃ 19ᠲᠡᠶᠢᠨ ᠪᠥᠭᠡᠳ ᠢᠢᠰᠦᠰ ᠢᠨᠦ ᠲᠡᠳᠡᠨ ᠳᠦᠷ ᠬᠠᠷᠢᠭᠤ ᠵᠠᠷᠯᠢᠭ ᠪᠣᠯᠤᠷᠤᠨ᠃ ᠮᠢᠨᠦ ᠲᠠᠨ ᠳᠤᠷ ᠮᠠᠭᠠᠳᠯᠠᠨ ᠥᠭᠦᠯᠡᠬᠦᠢ ᠢᠨᠦ᠂ ᠬᠥᠪᠡᠭᠦᠨ ᠢᠨᠦ ᠡᠴᠢᠭᠡ ᠶᠢᠨ ᠶᠠᠭᠤᠨ ᠦᠢᠯᠡᠳᠦᠭᠰᠡᠨ ᠢ ᠦᠵᠡᠭᠰᠡᠨ ᠡᠴᠡ ᠪᠤᠰᠤ ᠶᠠᠭᠤᠨ ᠢ ᠴᠤ ᠥᠪᠡᠷ ᠦᠨ ᠪᠡᠶᠡ ᠡᠴᠡ ᠦᠢᠯᠡᠳᠴᠦ ᠡᠰᠡ ᠴᠢᠳᠠᠮᠤᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠡᠴᠢᠭᠡ ᠢᠨᠦ ᠶᠠᠮᠪᠠᠷ ᠦᠢᠯᠡ ᠶᠢ ᠦᠢᠯᠡᠳᠦᠳᠡᠭ᠂ ᠲᠡᠷᠡ ᠮᠡᠲᠦ ᠦᠢᠯᠡ ᠶᠢ ᠬᠥᠪᠡᠭᠦᠨ ᠴᠤ ᠦᠢᠯᠡᠳᠦᠮᠦᠢ᠃ 20ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠡᠴᠢᠭᠡ ᠢᠨᠦ ᠬᠥᠪᠡᠭᠦᠨ ᠢᠶᠡᠨ ᠲᠠᠭᠠᠯᠠᠵᠤ ᠥᠪᠡᠷ ᠦᠨ ᠬᠠᠮᠤᠭ ᠦᠢᠯᠡᠳᠬᠦᠢ ᠶᠢ ᠲᠡᠭᠦᠨ ᠳᠦᠷ ᠦᠵᠡᠭᠦᠯᠦᠮᠦᠢ᠃ ᠵᠢᠴᠢ ᠲᠠᠨᠤ ᠭᠠᠶᠢᠬᠠᠬᠤ ᠶᠢᠨ ᠲᠤᠯᠠ ᠲᠡᠷᠡ ᠢᠨᠦ ᠡᠳᠡᠨ ᠡᠴᠡ ᠦᠯᠡᠮᠵᠦ ᠶᠡᠬᠡ ᠦᠢᠯᠡᠰ ᠢ ᠲᠡᠭᠦᠨ ᠳᠦᠷ ᠦᠵᠡᠭᠦᠯᠬᠦ ᠪᠤᠢ᠃ 21ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠡᠴᠢᠭᠡ ᠢᠨᠦ ᠦᠬᠦᠭᠰᠡᠳ ᠢ ᠪᠣᠰᠬᠠᠨ ᠠᠮᠢᠳᠤᠷᠠᠭᠤᠯᠤᠳᠠᠭ ᠮᠡᠲᠦ᠂ ᠲᠡᠭᠦᠨᠴᠢᠯᠡᠨ ᠬᠥᠪᠡᠭᠦᠨ ᠴᠤ ᠲᠠᠭᠠᠯᠠᠯ ᠢᠶᠠᠷ ᠢᠶᠠᠨ ᠠᠯᠢ ᠬᠡᠨ ᠢ ᠴᠤ ᠠᠮᠢᠳᠤᠷᠠᠭᠤᠯᠤᠮᠤᠢ᠃ 22ᠡᠴᠢᠭᠡ ᠢᠨᠦ ᠬᠡᠨ ᠢ ᠴᠤ ᠡᠰᠡ ᠰᠢᠭᠦᠮᠦᠢ᠃ ᠬᠠᠷᠢᠨ ᠪᠦᠭᠦᠳᠡᠭᠡᠷ ᠦᠨ ᠡᠴᠢᠭᠡ ᠶᠢ ᠬᠦᠨᠳᠦᠯᠡᠳᠡᠭ ᠮᠡᠲᠦ᠂ ᠲᠡᠭᠦᠨᠴᠢᠯᠡᠨ ᠬᠥᠪᠡᠭᠦᠨ ᠢ ᠴᠤ ᠬᠦᠨᠳᠦᠯᠡᠬᠦ ᠶᠢᠨ ᠲᠤᠯᠠ ᠠᠯᠢᠪᠠ ᠰᠢᠭᠦᠪᠦᠷᠢᠨ ᠢ ᠬᠥᠪᠡᠭᠦᠨ ᠳᠦᠷ ᠥᠭᠪᠡᠢ᠃ 23ᠬᠥᠪᠡᠭᠦᠨ ᠢ ᠡᠰᠡ ᠬᠦᠨᠳᠦᠯᠡᠭᠴᠢ ᠢᠨᠦ ᠲᠡᠭᠦᠨ ᠢ ᠢᠯᠡᠭᠡᠭᠰᠡᠨ ᠡᠴᠢᠭᠡ ᠶᠢ ᠴᠤ ᠡᠰᠡ ᠬᠦᠨᠳᠦᠯᠡᠮᠦᠢ᠃ 24ᠮᠢᠨᠦ ᠲᠠᠨ ᠳᠤᠷ ᠮᠠᠭᠠᠳᠯᠠᠨ ᠥᠭᠦᠯᠡᠬᠦᠢ ᠢᠨᠦ᠂ ᠠᠯᠢ ᠬᠡᠨ ᠮᠢᠨᠦ ᠵᠠᠷᠯᠢᠭ ᠢ ᠰᠣᠨᠣᠰᠤᠨ᠂ ᠨᠠᠮᠠᠶᠢ ᠢᠯᠡᠭᠡᠭᠰᠡᠨ ᠳᠦᠷ ᠢᠲᠡᠭᠡᠭᠴᠢ ᠢᠨᠦ ᠮᠥᠩᠬᠡ ᠠᠮᠢᠨ ᠢ ᠬᠦᠷᠲᠡᠨ᠂ ᠵᠠᠷᠭᠤᠨ ᠳᠤᠷ ᠦᠯᠦ ᠤᠨᠠᠬᠤ ᠪᠣᠯᠤᠶᠤ᠃ ᠬᠠᠷᠢᠨ ᠦᠬᠦᠯ ᠡᠴᠡ ᠭᠠᠷᠤᠨ ᠠᠮᠢᠨ ᠳᠤᠷ ᠣᠷᠣᠰᠢᠮᠤᠢ᠃ 25ᠮᠢᠨᠦ ᠲᠠᠨ ᠳᠤᠷ ᠮᠠᠭᠠᠳᠯᠠᠨ ᠥᠭᠦᠯᠡᠬᠦᠢ ᠢᠨᠦ᠂ ᠪᠤᠷᠬᠠᠨ ᠤ ᠬᠥᠪᠡᠭᠦᠨ ᠦ ᠳᠠᠭᠤᠨ ᠢ ᠦᠬᠦᠭᠰᠡᠳ ᠦᠨ ᠰᠣᠨᠣᠰᠬᠤᠢ ᠴᠠᠭ ᠠᠨᠤ ᠢᠷᠡᠮᠦᠢ᠃ ᠡᠳᠦᠭᠡ ᠴᠤ ᠪᠤᠢ᠃ ᠲᠡᠶᠢᠨ ᠬᠦ ᠰᠣᠨᠣᠰᠤᠭᠴᠢᠳ ᠠᠨᠤ ᠠᠮᠢᠳᠤ ᠪᠣᠯᠬᠤ ᠪᠤᠢ᠃ 26ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠡᠴᠢᠭᠡ ᠢᠨᠦ ᠳᠣᠲᠣᠷᠠ ᠪᠠᠨ ᠠᠮᠢᠨ ᠲᠤ ᠪᠤᠢ ᠮᠡᠲᠦ᠂ ᠲᠡᠭᠦᠨᠴᠢᠯᠡᠨ ᠲᠡᠷᠡ ᠢᠨᠦ ᠬᠥᠪᠡᠭᠦᠨ ᠳᠦᠷ ᠪᠡᠶᠡ ᠳᠡᠭᠡᠨ ᠠᠮᠢᠨ ᠲᠤ ᠪᠣᠯᠬᠤᠢ ᠶᠢ ᠥᠭᠭᠦᠭᠰᠡᠨ ᠪᠤᠢ᠃ 27ᠵᠢᠴᠢ ᠰᠢᠭᠦᠪᠦᠷᠢᠨ ᠢ ᠰᠢᠭᠢᠢᠳᠬᠡᠬᠦᠢ ᠡᠷᠬᠡ ᠶᠢ ᠲᠡᠭᠦᠨ ᠳᠦᠷ ᠥᠭᠭᠦᠭᠰᠡᠨ ᠪᠤᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠲᠡᠷᠡ ᠢᠨᠦ ᠬᠦᠮᠦᠨ ᠲᠥᠷᠥᠯᠬᠢᠲᠦ ᠮᠥᠨ ᠪᠣᠯᠠᠢ᠃ 28ᠡᠭᠦᠨ ᠢ ᠤᠴᠢᠷᠠ ᠪᠦᠦ ᠭᠠᠶᠢᠬᠠᠭᠲᠤᠨ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠪᠤᠯᠠᠰᠢᠳ ᠤᠨ ᠳᠣᠲᠣᠷᠠ ᠬᠠᠮᠤᠭ ᠠᠭᠰᠠᠳ ᠤᠨ ᠲᠡᠭᠦᠨ ᠦ ᠳᠠᠭᠤᠨ ᠢ ᠰᠣᠨᠣᠰᠬᠤᠢ ᠴᠠᠭ ᠠᠨᠤ ᠢᠷᠡᠮᠦᠢ᠃ 29ᠲᠡᠶᠢᠨ ᠬᠦ ᠲᠡᠳᠡ ᠢᠨᠦ ᠭᠠᠷᠬᠤ ᠬᠡᠮᠡᠪᠡᠰᠦ᠂ ᠰᠠᠶᠢᠨ ᠢ ᠦᠢᠯᠡᠳᠦᠭᠰᠡᠳ ᠢᠨᠦ ᠠᠮᠢᠨ ᠤ ᠬᠤᠪᠢᠲᠠᠨ ᠪᠣᠯᠤᠨ ᠠᠮᠢᠳᠤᠷᠠᠬᠤ ᠪᠥᠭᠡᠳ᠂ ᠮᠠᠭᠤ ᠶᠢ ᠦᠢᠯᠡᠳᠦᠭᠰᠡᠨ ᠢᠨᠦ ᠵᠠᠷᠭᠤᠨ ᠤ ᠬᠤᠪᠢᠲᠠᠨ ᠪᠣᠯᠬᠤ ᠶᠢᠨ ᠲᠤᠯᠠ ᠠᠮᠢᠳᠤᠷᠠᠬᠤ ᠪᠣᠯᠤᠶᠤ᠃ 30ᠪᠢ ᠪᠡᠷ ᠥᠪᠡᠷ ᠦᠨ ᠪᠡᠶᠡ ᠡᠴᠡ ᠶᠠᠭᠤᠨ ᠢ ᠴᠤ ᠦᠢᠯᠡᠳᠴᠦ ᠡᠰᠡ ᠴᠢᠳᠠᠮᠤᠢ᠃ ᠪᠢ ᠪᠡᠷ ᠰᠣᠨᠣᠰᠤᠭᠰᠠᠨ ᠢᠶᠠᠷ ᠢᠶᠠᠨ ᠰᠢᠭᠦᠮᠦᠢ᠃ ᠮᠢᠨᠦ ᠰᠢᠭᠦᠪᠦᠷᠢ ᠢᠨᠦ ᠵᠥᠪ ᠲᠦ ᠪᠤᠢ ᠬᠡᠮᠡᠪᠡᠰᠦ᠂ ᠪᠢ ᠪᠡᠷ ᠥᠪᠡᠷ ᠦᠨ ᠳᠤᠷᠠᠨ ᠢ ᠡᠰᠡ ᠡᠷᠢᠮᠦᠢ᠃ ᠬᠠᠷᠢᠨ ᠨᠠᠮᠠᠶᠢ ᠢᠯᠡᠭᠡᠭᠰᠡᠨ ᠡᠴᠢᠭᠡ ᠶᠢᠨ ᠲᠠᠭᠠᠯᠠᠯ ᠢ (ᠪᠦᠲᠦᠭᠡᠬᠦ ᠶᠢ) ᠡᠷᠢᠮᠦᠢ᠃ 31ᠬᠡᠷᠪᠡ (ᠢᠮᠠᠭᠲᠠ) ᠪᠢ ᠪᠡᠷ ᠥᠪᠡᠷ ᠦᠨ ᠪᠡᠶᠡ ᠶᠢᠨ ᠤᠴᠢᠷᠠ ᠭᠡᠷᠡᠴᠢᠯᠡᠪᠡᠰᠦ᠂ ᠮᠢᠨᠦ ᠢᠲᠡᠭᠡᠮᠵᠢ ᠲᠦ ᠪᠤᠰᠤ ᠪᠤᠢ᠃ 32ᠮᠢᠨᠦ ᠤᠴᠢᠷᠠ ᠪᠤᠰᠤ ᠭᠡᠷᠡᠴᠢᠯᠡᠭᠴᠢ ᠪᠤᠢ᠃ ᠮᠢᠨᠦ ᠤᠴᠢᠷᠠ ᠲᠡᠭᠦᠨ ᠦ ᠭᠡᠷᠡᠴᠢᠯᠡᠯᠭᠡ ᠢᠨᠦ ᠦᠨᠡᠨ ᠪᠤᠢ ᠬᠡᠮᠡᠨ ᠪᠢ ᠪᠡᠷ ᠮᠡᠳᠡᠮᠦᠢ᠃ 33ᠲᠠ ᠪᠡᠷ ᠢᠣᠸᠠᠨ ᠳᠤᠷ ᠢᠯᠡᠭᠡᠪᠡᠢ᠃ ᠲᠡᠷᠡ ᠴᠤ ᠦᠨᠡᠨ ᠳᠦᠷ ᠭᠡᠷᠡᠴᠢᠯᠡᠪᠡᠢ᠃ 34ᠬᠠᠷᠢᠨ ᠪᠢ ᠪᠡᠷ ᠬᠦᠮᠦᠨ ᠦ ᠭᠡᠷᠡᠴᠢᠯᠡᠯᠭᠡᠨ ᠢ ᠡᠰᠡ ᠬᠡᠷᠡᠭᠯᠡᠮᠦᠢ᠃ ᠵᠦᠭᠡᠷ ᠲᠠᠨᠤ ᠲᠣᠨᠢᠯᠭᠠᠭᠳᠠᠬᠤ ᠶᠢᠨ ᠲᠤᠯᠠ ᠪᠢ ᠡᠭᠦᠨ ᠢ ᠥᠭᠦᠯᠡᠮᠦᠢ᠃ 35ᠲᠡᠷᠡ ᠢᠨᠦ ᠰᠢᠲᠠᠭᠰᠠᠨ ᠭᠡᠷᠡᠯ ᠲᠦ ᠵᠤᠯᠠ ᠪᠥᠯᠦᠭᠡ᠃ ᠲᠠ ᠴᠤ ᠨᠢᠭᠡᠨ ᠴᠠᠭ ᠵᠠᠭᠤᠷᠠ ᠲᠡᠭᠦᠨ ᠦ ᠭᠡᠷᠡᠯ ᠢᠶᠡᠷ ᠵᠢᠷᠭᠠᠬᠤᠶᠠ ᠳᠤᠷᠠᠰᠢᠪᠠᠢ᠃ 36ᠵᠦᠭᠡᠷ ᠢᠣᠸᠠᠨ ᠤ ᠭᠡᠷᠡᠴᠢᠯᠡᠯᠭᠡ ᠡᠴᠡ ᠶᠡᠬᠡ (ᠭᠡᠷᠡᠴᠢᠯᠡᠯᠭᠡ) ᠨᠠᠳᠤᠷ ᠪᠤᠢ ᠬᠡᠮᠡᠪᠡᠰᠦ᠂ ᠡᠴᠢᠭᠡ ᠶᠢᠨ ᠮᠢᠨᠦ ᠲᠡᠭᠦᠰᠬᠡᠬᠦ ᠶᠢᠨ ᠲᠤᠯᠠ ᠳᠠᠭᠠᠭᠠᠯᠭᠠᠭᠰᠠᠨ ᠦᠢᠯᠡᠰ ᠬᠡᠮᠡᠪᠡᠰᠦ᠂ ᠮᠢᠨᠦ ᠪᠦᠲᠦᠭᠡᠳᠡᠭ ᠦᠢᠯᠡᠰ ᠢᠨᠦ ᠡᠴᠢᠭᠡ ᠶᠢᠨ ᠨᠠᠮᠠᠶᠢ ᠢᠯᠡᠭᠡᠭᠰᠡᠨ ᠢ ᠭᠡᠷᠡᠴᠢᠯᠡᠮᠦᠢ᠃ 37ᠵᠢᠴᠢ ᠨᠠᠮᠠᠶᠢ ᠢᠯᠡᠭᠡᠭᠰᠡᠨ ᠡᠴᠢᠭᠡ ᠢᠨᠦ ᠮᠢᠨᠦ ᠤᠴᠢᠷᠠ ᠭᠡᠷᠡᠴᠢᠯᠡᠭᠰᠡᠨ ᠪᠤᠢ᠃ ᠲᠠ ᠪᠡᠷ ᠲᠡᠭᠦᠨ ᠦ ᠳᠠᠭᠤᠨ ᠢ ᠬᠡᠵᠢᠶᠡ ᠴᠤ ᠡᠰᠡ ᠰᠣᠨᠣᠰᠤᠨ᠂ ᠲᠡᠭᠦᠨ ᠦ ᠪᠠᠶᠢᠳᠠᠯ ᠢ ᠴᠤ ᠡᠰᠡ ᠦᠵᠡᠭᠰᠡᠨ ᠪᠤᠢ᠃ 38ᠪᠠᠰᠠ ᠲᠡᠭᠦᠨ ᠦ ᠵᠠᠷᠯᠢᠭ ᠠᠨᠤ ᠳᠣᠲᠣᠷᠠ ᠲᠣᠭᠲᠠᠨ ᠦᠯᠦ ᠪᠣᠯᠤᠮᠤᠢ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠲᠡᠭᠦᠨ ᠦ ᠢᠯᠡᠭᠡᠭᠰᠡᠨ ᠢ ᠲᠠ ᠪᠡᠷ ᠡᠰᠡ ᠢᠲᠡᠭᠡᠮᠦᠢ᠃ 39ᠪᠢᠴᠢᠭᠳᠡᠭᠰᠡᠨ ᠨᠣᠮ ᠤᠳ ᠢ ᠬᠢᠨᠠᠮᠠᠭᠠᠢ ᠪᠠᠷ ᠤᠩᠰᠢᠭᠲᠤᠨ᠃ ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠲᠠ ᠪᠡᠷ ᠲᠡᠳᠡᠨ ᠢᠶᠡᠷ ᠮᠥᠩᠬᠡ ᠠᠮᠢᠨ ᠢ ᠣᠯᠬᠤ ᠪᠠᠨ ᠰᠠᠨᠠᠮᠤᠢ᠃ ᠬᠠᠷᠢᠨ ᠲᠡᠳᠡ ᠢᠨᠦ ᠮᠢᠨᠦ ᠤᠴᠢᠷᠠ ᠭᠡᠷᠡᠴᠢᠯᠡᠮᠦᠢ᠃ 40ᠲᠡᠶᠢᠨ ᠪᠣᠯᠪᠠᠴᠤ ᠲᠠ ᠪᠡᠷ ᠠᠮᠢᠨ ᠢ ᠬᠦᠷᠲᠡᠬᠦ ᠶᠢᠨ ᠲᠤᠯᠠ ᠨᠠᠳᠤᠷ ᠢᠷᠡᠬᠦᠶᠡ ᠡᠰᠡ ᠳᠤᠷᠠᠰᠢᠮᠤᠢ᠃ 41ᠪᠢ ᠪᠡᠷ ᠬᠦᠮᠦᠨ ᠨᠦᠭᠦᠳ ᠡᠴᠡ ᠬᠦᠨᠳᠦᠯᠡᠯ ᠢ ᠡᠰᠡ ᠠᠪᠤᠮᠤᠢ᠃ 42ᠵᠦᠭᠡᠷ ᠲᠠᠨᠤ ᠳᠣᠲᠣᠷᠠ ᠪᠤᠷᠬᠠᠨ ᠤ ᠢᠨᠠᠭᠯᠠᠯ ᠦᠭᠡᠢ ᠬᠡᠮᠡᠨ ᠪᠢ ᠪᠡᠷ ᠲᠠᠨ ᠢ ᠮᠡᠳᠡᠮᠦᠢ᠃ 43ᠪᠢ ᠪᠡᠷ ᠥᠪᠡᠷ ᠦᠨ ᠡᠴᠢᠭᠡ ᠶᠢᠨ ᠨᠡᠷᠡ ᠪᠡᠷ ᠢᠷᠡᠭᠰᠡᠨ ᠪᠣᠯᠪᠠᠴᠤ᠂ ᠲᠠ ᠪᠡᠷ ᠨᠠᠮᠠᠶᠢ ᠡᠰᠡ ᠲᠠᠭᠠᠯᠠᠨ ᠠᠪᠤᠮᠤᠢ᠃ ᠬᠡᠷᠪᠡ ᠪᠤᠰᠤ ᠢᠨᠦ ᠥᠪᠡᠷ ᠦᠨ ᠨᠡᠷᠡ ᠪᠡᠷ ᠢᠷᠡᠬᠦ ᠪᠥᠭᠡᠰᠦ᠂ ᠲᠠ ᠪᠡᠷ ᠲᠡᠭᠦᠨ ᠢ ᠲᠠᠭᠠᠯᠠᠨ ᠠᠪᠬᠤ ᠪᠤᠢ᠃ 44ᠲᠠ ᠪᠡᠷ ᠢᠮᠠᠭᠲᠠ ᠪᠤᠷᠬᠠᠨ ᠠᠴᠠ (ᠭᠠᠷᠬᠤᠢ) ᠬᠦᠨᠳᠦᠯᠡᠯ ᠢ ᠡᠰᠡ ᠬᠡᠷᠡᠭᠯᠡᠨ᠂ ᠥᠪᠡᠷ ᠥᠪᠡᠷ ᠡᠴᠡ ᠭᠠᠷᠬᠤᠢ ᠬᠦᠨᠳᠦᠯᠡᠯ ᠢ ᠬᠡᠷᠡᠭᠯᠡᠨ ᠠᠲᠠᠯᠠ ᠶᠠᠬᠢᠨ ᠢᠲᠡᠭᠡᠵᠦ ᠴᠢᠳᠠᠮᠤᠶᠤ᠃ 45ᠨᠠᠮᠠᠶᠢ ᠡᠴᠢᠭᠡ ᠶᠢᠨ ᠡᠮᠦᠨᠡ ᠲᠠᠨ ᠢ ᠪᠤᠷᠤᠭᠤᠰᠢᠶᠠᠬᠤ ᠪᠣᠯᠤᠭᠤᠵᠠᠢ᠃ ᠬᠡᠮᠡᠨ ᠪᠦᠦ ᠰᠠᠨᠠᠭᠲᠤᠨ᠃ ᠲᠠᠨ ᠢ ᠪᠤᠷᠤᠭᠤᠰᠢᠶᠠᠭᠴᠢ ᠨᠢᠭᠡᠨ ᠪᠤᠢ ᠬᠡᠮᠡᠪᠡᠰᠦ᠂ ᠲᠠᠨᠤ ᠢᠲᠡᠭᠡᠭᠰᠡᠨ ᠮᠣᠰᠢ ᠲᠡᠷᠡ ᠮᠥᠨ ᠪᠣᠯᠠᠢ᠃ 46ᠲᠡᠷᠡ ᠶᠠᠭᠤᠨ ᠤ ᠲᠤᠯᠠ ᠬᠡᠮᠡᠪᠡᠰᠦ᠂ ᠮᠣᠰᠢ ᠠᠨᠤ ᠮᠢᠨᠦ ᠤᠴᠢᠷᠠ ᠪᠢᠴᠢᠪᠡᠢ᠃ ᠬᠡᠷᠪᠡ ᠲᠠ ᠪᠡᠷ ᠲᠡᠭᠦᠨ ᠳᠦᠷ ᠢᠲᠡᠭᠡᠭᠰᠡᠨ ᠪᠣᠯᠪᠠᠰᠤ᠂ ᠨᠠᠳᠤᠷ ᠴᠤ ᠢᠲᠡᠭᠡᠬᠦ ᠪᠥᠯᠦᠭᠡ᠃ 47ᠵᠦᠭᠡᠷ ᠬᠡᠷᠪᠡ ᠲᠠ ᠲᠡᠭᠦᠨ ᠦ ᠪᠢᠴᠢᠭᠰᠡᠨ ᠳᠦᠷ ᠡᠰᠡ ᠢᠲᠡᠭᠡᠪᠡᠰᠦ᠂ ᠮᠢᠨᠦ ᠦᠭᠡᠰ ᠲᠦᠷ ᠶᠠᠬᠢᠨ ᠢᠲᠡᠭᠡᠬᠦ ᠪᠤᠶᠤ ᠅
Obecnie wybrane:
ᠢᠣᠸᠠᠨ 5: MB1840
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Digital edition of the Mongolian translation published in 1840 (the Old Testament) and 1846 (the New Testament) by Edward Stallybrass and William Swan. Created by Bayarjargal Garamtseren and Simon Wong. Digital edition © United Bible Societies, 2020.