مقتطفات من الزبور 16

دعاء الثقة بالله للنبي داود (ع)

1احفظني يا ربّ! أنا فيك بِحْتمي.

2اللهُمَّ بِشهَد: "إنّك سيّدي مولاي، ومن عندَك كلّ نعيمي ونِعَمي".

3فرِحْتي بكلّ أوليائَك المُختارين

يلّي عالأرض هنّ عِبادك الصّالحين.

4ويلّي بْيِعبدوا آلهة تانية حِزنُن رح بِزيد،

وأنا ما بقدِّم لآلهتُن الأضاحي،

وبْصلاتي ذِكرا عَلساني ما بْريد.

5إنتَ يا ربّ قِسِمْتي وصَلاحي،

وفيكْ الحِماية مِنْ كِلّ تَهديد.

6ما أروَع قِسِمتي ونصيبي، جودَك مش قليل.

7بْسَبِّح بإسمُه تعالى لأنّه وحدَه هوّ السّبيل،

حتّى بنُصّ الليل بِنوِّر قلبي وبِخَلّيه يْصير دَليل.

8ما عندي شكّ إنّه ربّي هوّ دايماً جنبي،

أبداً ما بْخاف لأنّه هوّ وحدَه المُعيل.

9لَهيك قلبي فرحان،

ولساني عم بِسَبِّح، فَبْعيش بِأمان.

10لأنّك مش رح تِتْرِكْني موت قَبْل الأوان،

ولا عبدَك الصّالَح حيعَفِّن بالقبر كمان.

11نَوِّرْني اللهُمَّ عالصّراط المستقيم،

بحضورك مَعي بِفْرح، وبْعيش للأبد أَعْظم نعيم.

Obecnie wybrane:

مقتطفات من الزبور 16: LRT

Podkreślenie

Udostępnij

Kopiuj

Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj

Dowiedz się więcej o الترجمة اللبنانية مع القافية