Luka 20
20
Yesu alema irouwa kya wiidimi lwakwe
(Mat 21:23-27; Mar 11:27-33)
1Naasa nkonu umwi elyi eefo aloshaa vandu efo mmba ya Iruva na iwoongoya Nrumi ya Nsia, nalyo vakohani vaniini vakasha nang'u tiny na vaarya va fitabu vasasangyi na masiingo a vandu. 2Vakarera nawe vakaamba, “Elyi kwatana indo mmbo kutiri muumu wa ngata ingai? Na nndu yeto akuvikye muumu yeto mmbi?” 3Naasa kaalwa kavavia, “Ra neeny shimuvese neeni mushirouwe! 4Ubatiso lwa Yohane luukye kwi? Ni efo iruveeu, ao ni kunu vanduny ndesa?” 5Naasa vakakusara-sara kikwawo, vakaamba, “Kwakooya lwaamba ni iruveeu luukye, mmbo ashambaa kikavaany inda elyi mulamwiirikye?” 6Indi kwakooya lwaamba nkunu vanduny luukye, ekakayo mburwa yei ya vandu shoose ishelweeraa mawe, mashika elyi veeshi na nshushwa Yohane mmbo akee nndu nkisuku. 7Nalyo vakarouwa, “Llwamanya kundo luukye-fo.” 8Na Yesu kavavia, “Nta yeny nshimuviaa mumu shatana nato indo mmbo ukee wa ngata ingai-fo.”
Kyaaso kya nnda wa misabibu na varemi
(Mat 21:33-46; Mar 12:1-12)
9Naasa kapooka irera na vandu kaveera kyaaso ekyi, “Kweefo nndu aleronga nnda wakwe wa misabibu. Kauningya varemi wikee wa waara, keenda kyaaro kya kyeeri kyaasha. 10Neelyi kyeeri kya vayo kyamfika karuma ishinga kulya kwa varemi valya vanniinge waavi lwakwe lwa fimu efyo fya misabibu. Naasa varemi valya vakamwiila vakammbiira ruu. 11Nalyo keengera iruma ishinga lyingyi. Nalyo-da vakavelyiila na ilyipira. Vakalyiviira ruu. 12Nalyo keengera iruma wa kararu. Nawe-da vakankapa mariinga vakampurusa neefo shia. 13Naasa muni nnda ulya wa misabibu kaamba, ‘A mmbo shitanaa inda? Mmbo nshevarumyaa mwana nkunde wakwa. Kulakooye we vashenreremyaa.’ 14Naasa varemi valya veekilolya ashe vakaumburana wo veni na veni, vakaamba, ‘Akakato muni ding'u! Ndifonte lumbwae ding'u yeyo ive yeeru luveni!’ 15Nalyo vakankunnya neefo kipoo ya nnda ulya, vakambwaa, ‘A muni nnda ulya wa misabibu mmbo ashevatanyaa inda? 16Mmbo asheshaa nasherumata varemi valya na nnda ulya wa misabibu asheningyaa vandu vengyi.’ Naasa elyi veeta indo vakaamba, ‘Nta kilave indo-fo!’ ” 17Naasa kavavikya miso swaa kavavia, “A kyavaany inda elyi kilereiyo kyeaamba,
Iwe elyo vetana mmba valelyilema,
llyo lyileva iwe lya ndumbeny.”
18“Wo nndu awoya iwe elyo afika-fikaa. Na yeto lyammboya lyishensa-saa.” 19Nalyo veelosha mavavaso valya vakasanga na vakohani vaniini vakasia mwaanya weentira kyeeri kyilya kyeni, vakawuya iiryaa ironda llya lya vandu lyiiyo mashika elyi valemanya mmbo aleera kyaaso kyilya kyeevaronga wo. 20Nalyo vakava vanreiyaa vakaruma vellaa vakunang'arye sheelyi vakee vandu vesha, vandenreiya na ekyo areraa, vawonise kindo naambo vedimi indenrambikya efo maakony a Serikali na mwiitori wa uruka, mmbwe nshilyi wa Kaisari. 21Nawo vakashemmbesa vakaamba, “Ale llosha! Lwiishi mmbo kukee nndu mwiirera na ilosha kisumani kulalolaa nta fisangu fya vandu. Mmbo kwafunda shia ya Iruva kyikee kya dede. 22A lukataa usanu lwa Kaisari ni kindo kisumani ndesa ao ode?” 23Nawe kaitumuso ntambo wawo, kavavia, 24“Kyeshooreny fesa-te! A ufwanu yelo lwiiyo llwa-vi na kireiyo yekyo?” Nawo vakaamba, “Llwa Kaisari-te!” 25Naasa kavavia, “Kyasiany Kaisari nningye findo fikwaani na Kaisari, na Iruva muvenniingya efyo fikwaani na Iruva.” 26Nawo valeedimi inreiya neekyo areraa efo usanguny lwa vandu valya vakuumbye-fo. Vakatirwa ntamba kya kilya avarouwa. Vakamalallya sau.
Iruka lya vafu
(Mat 22:23-33; Mar 12:18-27)
27Naasa Vasadukayo vaangu vakansheya nawo ni vandu valemmyi kya iruka lya vafu vakaamba llyiifo-fo, vakashemmbesa, 28Vakaamba, “Ale llosha! Mose mmbo areiye kyeeluvia kwakooya mwanamaye wa nndu afwa nalatiri mwana, kuti mwanamaye narwaa nka yeto, naonisye mwanamaye muya ding'u. 29Naasa kweefo vana va nka mfungare. Ulya wa mbee karwaa nka, kafwa nalare-u mwana. 30Na ulya wa kavii-da. 31Na ulya wa kararu kavenrwaa. Ni indo valya mfungare woose, valare-u nta mwana, vakasia ifwa. 32Neelyi lya ifurummya nka ulya kavefwa. 33Kyivaany inda elyi kufikaa yoo marukyony a vandu vafu kya nka yeto, mmbo ashevaa wa nndu ungau? Mashika woose mfungare veerie nka yeto.” 34Nalyo Yesu kavavia, “Vana va ulana yelu vashalyikaa na yaalyikwa. 35Kya indi yewo vasherumbuyoo mwaandu vandekooya ulana yelo lwishaa na iruka lya vafu, wo mmbashaalyikaa-se-fo, nta yaalyikwa-fo. 36Nta ifwa mmbakiidimaa-se ifwa-fo, mmbo vavaa sha vasu va Iruva, vaveva na vana va Iruva elyi vannduka. 37Na mbony ta vandu vafu shaasa varukaa dede, na Mose-da alevetironga alya akee areiye mbony ta ngorosho ilya yekee yaaka, avaangye-u Nndumi mmbwe Iruva wa Abrahamu, na Iruva wa Isaki, na Iruva wa Yakobo. 38Kyasia, Iruva nshi akee wa vandu vafu-fo, mmbo akee wa valya vakee na muu. Mashika woose vakee vakwe mmbo vava vandu vakee na muu.” 39Naasa veelosha mavavaso valya maata vakaamba, “Llosha mmbo kwarera kwaronga deny!” 40Nawo valakare immbesa-se nta kindo.
Kya Mwana wa Davidi
(Mat 22:41-46; Mar 12:35-37)
41Naasa, nawe kavavia, “Kyava inda elyi vandu vaambaye Kristo mmbo akee mwana wa Davidi? 42Kimmba Davidi we muni arerye efo kitabuny kya Saburi kaamba,
‘Nndumi alevia Nndumi wakwa,
kaa rembo yaa woko lwakwa usha,
43shitani shaara vakiduva vafo si,
shivaallwe kiri kyafo kya yeekyerya marende.’ ”
44“Naasany kimmba Davidi ammbaanga ni Nndumi, a ni inda ava-se mwana wakwe?”
Kwiiseny na veelosha mavavaso eva
(Mat 23:1-36; Mar 12:38-40)
45Naasa elyi vandu valya vakuumbye-fo veefo vashaaranyaa, nawe kavia valya vakiloshyony vakwe, 46“Kwiiseny na veelosha mavavaso vakundye iraa soori shaasha na ilanga iidikiryo efo singireny na indekaa marembo a mbee efo mmba teeterevya na marembo a mbee elyi vavaangwa ando a sukukuu. 47Ate wo mmbo vandu veemira mmba ta vaka va ding'u. Vakava vetereva fiterewo fyaasha kyikee kya ikoora vanduny tupu. Mmbo vashewonisaa uvingo uniini nnu.”
Obecnie wybrane:
Luka 20: MASNT00
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
New Testament in Kimashami © Bible Society of Tanzania, 2000.
Luka 20
20
Yesu alema irouwa kya wiidimi lwakwe
(Mat 21:23-27; Mar 11:27-33)
1Naasa nkonu umwi elyi eefo aloshaa vandu efo mmba ya Iruva na iwoongoya Nrumi ya Nsia, nalyo vakohani vaniini vakasha nang'u tiny na vaarya va fitabu vasasangyi na masiingo a vandu. 2Vakarera nawe vakaamba, “Elyi kwatana indo mmbo kutiri muumu wa ngata ingai? Na nndu yeto akuvikye muumu yeto mmbi?” 3Naasa kaalwa kavavia, “Ra neeny shimuvese neeni mushirouwe! 4Ubatiso lwa Yohane luukye kwi? Ni efo iruveeu, ao ni kunu vanduny ndesa?” 5Naasa vakakusara-sara kikwawo, vakaamba, “Kwakooya lwaamba ni iruveeu luukye, mmbo ashambaa kikavaany inda elyi mulamwiirikye?” 6Indi kwakooya lwaamba nkunu vanduny luukye, ekakayo mburwa yei ya vandu shoose ishelweeraa mawe, mashika elyi veeshi na nshushwa Yohane mmbo akee nndu nkisuku. 7Nalyo vakarouwa, “Llwamanya kundo luukye-fo.” 8Na Yesu kavavia, “Nta yeny nshimuviaa mumu shatana nato indo mmbo ukee wa ngata ingai-fo.”
Kyaaso kya nnda wa misabibu na varemi
(Mat 21:33-46; Mar 12:1-12)
9Naasa kapooka irera na vandu kaveera kyaaso ekyi, “Kweefo nndu aleronga nnda wakwe wa misabibu. Kauningya varemi wikee wa waara, keenda kyaaro kya kyeeri kyaasha. 10Neelyi kyeeri kya vayo kyamfika karuma ishinga kulya kwa varemi valya vanniinge waavi lwakwe lwa fimu efyo fya misabibu. Naasa varemi valya vakamwiila vakammbiira ruu. 11Nalyo keengera iruma ishinga lyingyi. Nalyo-da vakavelyiila na ilyipira. Vakalyiviira ruu. 12Nalyo keengera iruma wa kararu. Nawe-da vakankapa mariinga vakampurusa neefo shia. 13Naasa muni nnda ulya wa misabibu kaamba, ‘A mmbo shitanaa inda? Mmbo nshevarumyaa mwana nkunde wakwa. Kulakooye we vashenreremyaa.’ 14Naasa varemi valya veekilolya ashe vakaumburana wo veni na veni, vakaamba, ‘Akakato muni ding'u! Ndifonte lumbwae ding'u yeyo ive yeeru luveni!’ 15Nalyo vakankunnya neefo kipoo ya nnda ulya, vakambwaa, ‘A muni nnda ulya wa misabibu mmbo ashevatanyaa inda? 16Mmbo asheshaa nasherumata varemi valya na nnda ulya wa misabibu asheningyaa vandu vengyi.’ Naasa elyi veeta indo vakaamba, ‘Nta kilave indo-fo!’ ” 17Naasa kavavikya miso swaa kavavia, “A kyavaany inda elyi kilereiyo kyeaamba,
Iwe elyo vetana mmba valelyilema,
llyo lyileva iwe lya ndumbeny.”
18“Wo nndu awoya iwe elyo afika-fikaa. Na yeto lyammboya lyishensa-saa.” 19Nalyo veelosha mavavaso valya vakasanga na vakohani vaniini vakasia mwaanya weentira kyeeri kyilya kyeni, vakawuya iiryaa ironda llya lya vandu lyiiyo mashika elyi valemanya mmbo aleera kyaaso kyilya kyeevaronga wo. 20Nalyo vakava vanreiyaa vakaruma vellaa vakunang'arye sheelyi vakee vandu vesha, vandenreiya na ekyo areraa, vawonise kindo naambo vedimi indenrambikya efo maakony a Serikali na mwiitori wa uruka, mmbwe nshilyi wa Kaisari. 21Nawo vakashemmbesa vakaamba, “Ale llosha! Lwiishi mmbo kukee nndu mwiirera na ilosha kisumani kulalolaa nta fisangu fya vandu. Mmbo kwafunda shia ya Iruva kyikee kya dede. 22A lukataa usanu lwa Kaisari ni kindo kisumani ndesa ao ode?” 23Nawe kaitumuso ntambo wawo, kavavia, 24“Kyeshooreny fesa-te! A ufwanu yelo lwiiyo llwa-vi na kireiyo yekyo?” Nawo vakaamba, “Llwa Kaisari-te!” 25Naasa kavavia, “Kyasiany Kaisari nningye findo fikwaani na Kaisari, na Iruva muvenniingya efyo fikwaani na Iruva.” 26Nawo valeedimi inreiya neekyo areraa efo usanguny lwa vandu valya vakuumbye-fo. Vakatirwa ntamba kya kilya avarouwa. Vakamalallya sau.
Iruka lya vafu
(Mat 22:23-33; Mar 12:18-27)
27Naasa Vasadukayo vaangu vakansheya nawo ni vandu valemmyi kya iruka lya vafu vakaamba llyiifo-fo, vakashemmbesa, 28Vakaamba, “Ale llosha! Mose mmbo areiye kyeeluvia kwakooya mwanamaye wa nndu afwa nalatiri mwana, kuti mwanamaye narwaa nka yeto, naonisye mwanamaye muya ding'u. 29Naasa kweefo vana va nka mfungare. Ulya wa mbee karwaa nka, kafwa nalare-u mwana. 30Na ulya wa kavii-da. 31Na ulya wa kararu kavenrwaa. Ni indo valya mfungare woose, valare-u nta mwana, vakasia ifwa. 32Neelyi lya ifurummya nka ulya kavefwa. 33Kyivaany inda elyi kufikaa yoo marukyony a vandu vafu kya nka yeto, mmbo ashevaa wa nndu ungau? Mashika woose mfungare veerie nka yeto.” 34Nalyo Yesu kavavia, “Vana va ulana yelu vashalyikaa na yaalyikwa. 35Kya indi yewo vasherumbuyoo mwaandu vandekooya ulana yelo lwishaa na iruka lya vafu, wo mmbashaalyikaa-se-fo, nta yaalyikwa-fo. 36Nta ifwa mmbakiidimaa-se ifwa-fo, mmbo vavaa sha vasu va Iruva, vaveva na vana va Iruva elyi vannduka. 37Na mbony ta vandu vafu shaasa varukaa dede, na Mose-da alevetironga alya akee areiye mbony ta ngorosho ilya yekee yaaka, avaangye-u Nndumi mmbwe Iruva wa Abrahamu, na Iruva wa Isaki, na Iruva wa Yakobo. 38Kyasia, Iruva nshi akee wa vandu vafu-fo, mmbo akee wa valya vakee na muu. Mashika woose vakee vakwe mmbo vava vandu vakee na muu.” 39Naasa veelosha mavavaso valya maata vakaamba, “Llosha mmbo kwarera kwaronga deny!” 40Nawo valakare immbesa-se nta kindo.
Kya Mwana wa Davidi
(Mat 22:41-46; Mar 12:35-37)
41Naasa, nawe kavavia, “Kyava inda elyi vandu vaambaye Kristo mmbo akee mwana wa Davidi? 42Kimmba Davidi we muni arerye efo kitabuny kya Saburi kaamba,
‘Nndumi alevia Nndumi wakwa,
kaa rembo yaa woko lwakwa usha,
43shitani shaara vakiduva vafo si,
shivaallwe kiri kyafo kya yeekyerya marende.’ ”
44“Naasany kimmba Davidi ammbaanga ni Nndumi, a ni inda ava-se mwana wakwe?”
Kwiiseny na veelosha mavavaso eva
(Mat 23:1-36; Mar 12:38-40)
45Naasa elyi vandu valya vakuumbye-fo veefo vashaaranyaa, nawe kavia valya vakiloshyony vakwe, 46“Kwiiseny na veelosha mavavaso vakundye iraa soori shaasha na ilanga iidikiryo efo singireny na indekaa marembo a mbee efo mmba teeterevya na marembo a mbee elyi vavaangwa ando a sukukuu. 47Ate wo mmbo vandu veemira mmba ta vaka va ding'u. Vakava vetereva fiterewo fyaasha kyikee kya ikoora vanduny tupu. Mmbo vashewonisaa uvingo uniini nnu.”
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
New Testament in Kimashami © Bible Society of Tanzania, 2000.