John 9
9
Sa Laḻaḵi Ye Niyanaḵe Naḵuḻap
1Anadtaddaḻan ḵad aḵ Jesus, innilana laḻaḵi ye niyanaḵe naḵuḻap. 2Ḵanan da disipuluna ḵan siyae nangimus, “Mistulu, ngai gapun ni naḵuḻapan ni annae laḻaḵi? Siya ḵamman naḵabasuḻ baḵon nu da sin-abeng?”
3Ḵanan Jesus, “Daḵampun aḵ basuḻna baḵon nu da sin-abeng. Yaḵon naḵwa anna ḵan siya ta mipaila ḵabooḻan Apudyus we angaan atte ḵuḻapna. 4Ḵasapuḻane ḵoon taḵu da ḵewaaḻe paḵwan ni nangibuun ḵan saḵon te sissiyae aḻgaw te umun-uni ḵad lumabi ya ippun inon taḵu we angwa. 5Sa annaaḵ si lubung, saḵon silaw da tagu si lubung.”
6Imbagan ḵad Jesus sadi, tinuppaana gabu woḵ tamayona. Naabus ḵad impeḵlana'tta atan ni naḵuḻap. 7Ḵanana, “Inḵa daḻ-upan bosaḻnu'tte aammosan ad Siloam.” Sa pion ni ngadane Siloam ḵanan, nibuun. Pun ummoy ḵad nandaḻ-up, naḵaila woḵ ummoyon.
8Innilan ḵad da daḻnigda ya da udume tagu we siya antapatapaya si awe ḵananda, “Daḵampun ḵamman aḵ siya inninggawe tutuḵdu sinae antapatapaya?”
9Ḵanan da udum, “Siya.”
Ḵanan os da udum, “Daḵampun yaḵon iissuna.”
Ḵanana, “Saḵon sadi.”
10Pun ḵananda ḵan siya, “Ḵad ngai inome naḵaila sinsadi?”
11Ḵananae summongbat, “Sa tagu we Jesus ngadanna, tinamayna gabu woḵ impeḵlana'tta ataḵ. Pun ḵanana ḵan saḵon, ‘Inḵa andaḻ-up atte aammosan ad Siloam.’ Ummoyaḵ ḵad nandaḻ-up, naḵailaaḵ.”
12Ḵananda ḵan siya, “Dinu igawna?”
Ḵanana, “Naippun igammuḵ.”
Sa Nanumaḻyaan Da Pharisee Atte Naḵuḻape Laḻaḵi
13Ḵingwan ḵad da tagu, inniyoyda sadi ye laḻaḵi ye ḵinaan Jesus ḵuḻapna'tta Pharisee. 14Te tinamay Jesus gabu ta maḵaan ḵuḻapna'tte umillongan. 15Pun inimus da Pharisee nu ngai naḵwa ḵan siyae naḵaila. Ḵananae summongbat, “Impeḵlana'tta ataḵ tinamaynae gabu woḵ dinaḻ-upaḵ. Pun naḵailaaḵ.”
16Pune sadi ḵanan da udume Pharisee, “Daḵampun aḵ naḻpu ḵan Apudyus annae tagu te adinapun tuttuwaon lintog mipanggob si umillongan.”
Ḵanan os da udum ḵan dida, “On! Yaḵon maḵaḵwa ḵamman ḵabasbassuḻan atta nakaskasdaawe sinyale isun ni ḵingwana?” Pune sadi, nan-asisullagida.
17Pun ḵasin da Pharisee nan-imus atte laḻaḵi woḵ ḵananda, “Ḵad nu diniyat Jesus da atam, ngai ḵanam si mipanggob ḵan siya?”
Ḵanana, “Siya profeta.”
18Yaḵon da papangat da Judyu, sissiyae adidapun patiyone gagangaye naḵuḻap sadi ye laḻaḵi woḵ naḵaila. Pun ḵingwada ḵad, nangibuunda'ḵ ummoy nangayag atta sin-abeng ḵan siya. 19Dummatongda ḵad ḵanandae nan-imus, “Sana ḵamman abengyu we ḵananyu we nibuḵnage naḵuḻap? Ḵad nu siya, ngai inonae naḵaila sinsadi?”
20Ḵanan da sin-abeng, “On, tuttuwae abengni anna ya tuttuwae nibuḵnage naḵuḻap. 21Yaḵon naippun igammuni nu ngai inonae naḵaila ya nu ngai naniyat atta atana. Imusonyu ḵan siya te naangsan ḵan igammunae sumongbat.” 22-23Ḵaḵna imbagan da sin-abeng te maḵimutda'tta papangat da Judyu te nantutuḻagandae ngaimane angibabagga ḵanane, “Aḵ Jesus de Kristu,” adipun ogon maḵwae lumnoḵ atte sinagogan da Judyu.
24Inayagan os da papangat da Judyu ḵasin sadi ye laḻaḵi woḵ ḵananda ḵan siya, “Andayawḵa ḵan Apudyus we ibagam ḵatuttuwaan. Te igammuni ye sa sadi ye Jesus ḵabasbassuḻan.”
25Ḵananae summongbat, “Naippun igammuḵ nu ḵabasbassuḻan sadi ye tagu. Sa abuse igammuḵ, naḵuḻapaḵ woḵ sinsadi naḵailaaḵ.”
26Pun ḵanandae nan-imus ḵan siya, “Ngai ḵingwana ḵan siḵa? Ngai inonae naniyat atta atam?”
27Ḵananae summongbat, “Inabusḵu imbaga ḵan diḵayu yaḵon adiḵayupun nandongoḻ. Ḵad ngaipayu pion ḵasin dongngon? Pionyu ḵamman ose ambalin aḵ disipuluna?”
28Pun nan-uguugudanda sadi ye laḻaḵi woḵ ḵananda, “Siḵa osa'tta disipuluna yaḵon diḵani disipulun Moses. 29Igammuni ye naḵaugud aḵ Apudyus ḵan Moses. Yaḵon aḵ Jesus ḵad, ippun igammuni si naḻpuwana.”
30Summongbat os laḻaḵi woḵ ḵanana, “Mataagaḵ ḵan diḵayu! Ippun igammuyu si naḻpuwana yaḵon diniyatna ataḵ! 31Ḵad igammu taḵu we adimpun Apudyus dongngon da ḵabasbassuḻan yaḵon dongngona da angidayaw ḵan siya ya da angwa'tta piona. 32Inggan ni lapun ni annae lubung, naippun paat dingngoḻ taḵu'ḵ naniyat atta atan ni nibuḵnage naḵuḻap. 33Nu daḵampun aḵ naḻpu ḵan Apudyus annae tagu, ippun lamogna ḵoon.”
34Ḵananda bos ḵan siya, “Ḵabasbassuḻanḵa inggan ni niyanaḵam. Ngaipam ay diḵani tuttuduwan?” Pune sadi, pinaḻyawda'tte lasin ni sinagogan da Judyu.
35Dingngoḻ ḵad Jesus we pinaḻyawda laḻaḵi, ummoyna singngit woḵ indasana. Ḵanana ḵan siya, “Amatiḵa pagay si Abeng Di Tagu?”
36Ḵanan ni naḵuḻap, “Mistulu, ngai sanate tagu? Ibagam ḵappos ta amatiyaḵ ḵan siya.”
37Ḵanan Jesus, “Sinsadi innilam te siya annae ḵaug-uggudnu.”
38Ḵanan ni laḻaḵi, “Apu, amatiyaḵ.” Pun nanalluḵu we nandayaw ḵan Jesus.
39Ḵanan Jesus, “Ummaliyaḵ si annae lubung ta ḵuwisoḵ da tagu, ta da naḵuḻap, ḵaanoḵ da ḵuḻapda. Yaḵon da ḵanandae maḵaila, sissiyae naḵuḻapda.”
40Dingngoḻ da udum atta Pharisee ye adani ḵan siya woḵ ḵananda, “Ḵanam ḵammane naḵuḻap ḵani bos?”
41Ḵanan Jesus ḵan dida, “Nu naḵuḻap ḵayu naippun oḵyan ḵabasuḻanyu. Yaḵon sinsadi ye ḵananyu we maḵaila ḵani, sissiya da basuḻyu.”
Obecnie wybrane:
John 9: kml
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2019 Translators Association of the Philippines (TAP), All rights reserved.
John 9
9
Sa Laḻaḵi Ye Niyanaḵe Naḵuḻap
1Anadtaddaḻan ḵad aḵ Jesus, innilana laḻaḵi ye niyanaḵe naḵuḻap. 2Ḵanan da disipuluna ḵan siyae nangimus, “Mistulu, ngai gapun ni naḵuḻapan ni annae laḻaḵi? Siya ḵamman naḵabasuḻ baḵon nu da sin-abeng?”
3Ḵanan Jesus, “Daḵampun aḵ basuḻna baḵon nu da sin-abeng. Yaḵon naḵwa anna ḵan siya ta mipaila ḵabooḻan Apudyus we angaan atte ḵuḻapna. 4Ḵasapuḻane ḵoon taḵu da ḵewaaḻe paḵwan ni nangibuun ḵan saḵon te sissiyae aḻgaw te umun-uni ḵad lumabi ya ippun inon taḵu we angwa. 5Sa annaaḵ si lubung, saḵon silaw da tagu si lubung.”
6Imbagan ḵad Jesus sadi, tinuppaana gabu woḵ tamayona. Naabus ḵad impeḵlana'tta atan ni naḵuḻap. 7Ḵanana, “Inḵa daḻ-upan bosaḻnu'tte aammosan ad Siloam.” Sa pion ni ngadane Siloam ḵanan, nibuun. Pun ummoy ḵad nandaḻ-up, naḵaila woḵ ummoyon.
8Innilan ḵad da daḻnigda ya da udume tagu we siya antapatapaya si awe ḵananda, “Daḵampun ḵamman aḵ siya inninggawe tutuḵdu sinae antapatapaya?”
9Ḵanan da udum, “Siya.”
Ḵanan os da udum, “Daḵampun yaḵon iissuna.”
Ḵanana, “Saḵon sadi.”
10Pun ḵananda ḵan siya, “Ḵad ngai inome naḵaila sinsadi?”
11Ḵananae summongbat, “Sa tagu we Jesus ngadanna, tinamayna gabu woḵ impeḵlana'tta ataḵ. Pun ḵanana ḵan saḵon, ‘Inḵa andaḻ-up atte aammosan ad Siloam.’ Ummoyaḵ ḵad nandaḻ-up, naḵailaaḵ.”
12Ḵananda ḵan siya, “Dinu igawna?”
Ḵanana, “Naippun igammuḵ.”
Sa Nanumaḻyaan Da Pharisee Atte Naḵuḻape Laḻaḵi
13Ḵingwan ḵad da tagu, inniyoyda sadi ye laḻaḵi ye ḵinaan Jesus ḵuḻapna'tta Pharisee. 14Te tinamay Jesus gabu ta maḵaan ḵuḻapna'tte umillongan. 15Pun inimus da Pharisee nu ngai naḵwa ḵan siyae naḵaila. Ḵananae summongbat, “Impeḵlana'tta ataḵ tinamaynae gabu woḵ dinaḻ-upaḵ. Pun naḵailaaḵ.”
16Pune sadi ḵanan da udume Pharisee, “Daḵampun aḵ naḻpu ḵan Apudyus annae tagu te adinapun tuttuwaon lintog mipanggob si umillongan.”
Ḵanan os da udum ḵan dida, “On! Yaḵon maḵaḵwa ḵamman ḵabasbassuḻan atta nakaskasdaawe sinyale isun ni ḵingwana?” Pune sadi, nan-asisullagida.
17Pun ḵasin da Pharisee nan-imus atte laḻaḵi woḵ ḵananda, “Ḵad nu diniyat Jesus da atam, ngai ḵanam si mipanggob ḵan siya?”
Ḵanana, “Siya profeta.”
18Yaḵon da papangat da Judyu, sissiyae adidapun patiyone gagangaye naḵuḻap sadi ye laḻaḵi woḵ naḵaila. Pun ḵingwada ḵad, nangibuunda'ḵ ummoy nangayag atta sin-abeng ḵan siya. 19Dummatongda ḵad ḵanandae nan-imus, “Sana ḵamman abengyu we ḵananyu we nibuḵnage naḵuḻap? Ḵad nu siya, ngai inonae naḵaila sinsadi?”
20Ḵanan da sin-abeng, “On, tuttuwae abengni anna ya tuttuwae nibuḵnage naḵuḻap. 21Yaḵon naippun igammuni nu ngai inonae naḵaila ya nu ngai naniyat atta atana. Imusonyu ḵan siya te naangsan ḵan igammunae sumongbat.” 22-23Ḵaḵna imbagan da sin-abeng te maḵimutda'tta papangat da Judyu te nantutuḻagandae ngaimane angibabagga ḵanane, “Aḵ Jesus de Kristu,” adipun ogon maḵwae lumnoḵ atte sinagogan da Judyu.
24Inayagan os da papangat da Judyu ḵasin sadi ye laḻaḵi woḵ ḵananda ḵan siya, “Andayawḵa ḵan Apudyus we ibagam ḵatuttuwaan. Te igammuni ye sa sadi ye Jesus ḵabasbassuḻan.”
25Ḵananae summongbat, “Naippun igammuḵ nu ḵabasbassuḻan sadi ye tagu. Sa abuse igammuḵ, naḵuḻapaḵ woḵ sinsadi naḵailaaḵ.”
26Pun ḵanandae nan-imus ḵan siya, “Ngai ḵingwana ḵan siḵa? Ngai inonae naniyat atta atam?”
27Ḵananae summongbat, “Inabusḵu imbaga ḵan diḵayu yaḵon adiḵayupun nandongoḻ. Ḵad ngaipayu pion ḵasin dongngon? Pionyu ḵamman ose ambalin aḵ disipuluna?”
28Pun nan-uguugudanda sadi ye laḻaḵi woḵ ḵananda, “Siḵa osa'tta disipuluna yaḵon diḵani disipulun Moses. 29Igammuni ye naḵaugud aḵ Apudyus ḵan Moses. Yaḵon aḵ Jesus ḵad, ippun igammuni si naḻpuwana.”
30Summongbat os laḻaḵi woḵ ḵanana, “Mataagaḵ ḵan diḵayu! Ippun igammuyu si naḻpuwana yaḵon diniyatna ataḵ! 31Ḵad igammu taḵu we adimpun Apudyus dongngon da ḵabasbassuḻan yaḵon dongngona da angidayaw ḵan siya ya da angwa'tta piona. 32Inggan ni lapun ni annae lubung, naippun paat dingngoḻ taḵu'ḵ naniyat atta atan ni nibuḵnage naḵuḻap. 33Nu daḵampun aḵ naḻpu ḵan Apudyus annae tagu, ippun lamogna ḵoon.”
34Ḵananda bos ḵan siya, “Ḵabasbassuḻanḵa inggan ni niyanaḵam. Ngaipam ay diḵani tuttuduwan?” Pune sadi, pinaḻyawda'tte lasin ni sinagogan da Judyu.
35Dingngoḻ ḵad Jesus we pinaḻyawda laḻaḵi, ummoyna singngit woḵ indasana. Ḵanana ḵan siya, “Amatiḵa pagay si Abeng Di Tagu?”
36Ḵanan ni naḵuḻap, “Mistulu, ngai sanate tagu? Ibagam ḵappos ta amatiyaḵ ḵan siya.”
37Ḵanan Jesus, “Sinsadi innilam te siya annae ḵaug-uggudnu.”
38Ḵanan ni laḻaḵi, “Apu, amatiyaḵ.” Pun nanalluḵu we nandayaw ḵan Jesus.
39Ḵanan Jesus, “Ummaliyaḵ si annae lubung ta ḵuwisoḵ da tagu, ta da naḵuḻap, ḵaanoḵ da ḵuḻapda. Yaḵon da ḵanandae maḵaila, sissiyae naḵuḻapda.”
40Dingngoḻ da udum atta Pharisee ye adani ḵan siya woḵ ḵananda, “Ḵanam ḵammane naḵuḻap ḵani bos?”
41Ḵanan Jesus ḵan dida, “Nu naḵuḻap ḵayu naippun oḵyan ḵabasuḻanyu. Yaḵon sinsadi ye ḵananyu we maḵaila ḵani, sissiya da basuḻyu.”
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2019 Translators Association of the Philippines (TAP), All rights reserved.