San Mateo 9
9
Jesús ku ch'ensik junturi' a muj xima
(Mr. 2.1-12; Lc. 5.17-26)
1Pachi, oki Jesús yok'o a chem, mʌni tʌtʌjʌn ti' a peta' ij bini yok'o u lu'mi'. 2Pachi tasa ti' a muj xima charakba yok'o ch'ak, ka tu yiraj a Jesús a layo' a tu taso' a xi'ra ku jach aksik tu yoro' ti', tu ya'ti' a muj xima:
—Ti'a, chichkinte a wor, tu woro a si'pi ki laj sa'sik tech.
3A ku kʌ'sko' u t'ʌn K'uj a toj u ts'ibtamʌ a Moisés uchik, tu chu'so' u tukriko': «A ba' tu ya'a a je' tʌn u pach'ik K'uj». 4Jesús tu yueta baij ku tukriko', tu nuka y tu k'ata tio':
—¿Biken bex ka tukrike'x yok'o a pixʌne'x? 5¿Baiki mo' ne mo ya in wei'k: “In sa'sik a si'pi” o in wei'k: “Lik'en y xen”? 6Ti'a wetik u Ti'a Xi'ra yʌn u muk' ix lu'm ti' u sa'sik si'pi,
Lʌji' a Jesús ka tu ya'ti' a xi'ra a muj xima:
—Tech ki wei'k tech, lik'en, ch'ae a mo' ne yaja a ch'ak y xen ta watoch.
7A xi'ra lik'i y bini yok'o u yatoch. 8Tu woro laj peknʌ yoro', tu sʌjto' y tʌn u yei'ko' ne tsoy ba' ti' K'uj, a tu tu ts'a u muk' ti' winik.
Jesús ku pʌyik a Mateo
9Jesús bini tita y tu yira junturi' xi'ra u k'aba' Mateo, ti' kura' tuku kata u bo'ri u ba' a winiko' ti' Roma, Jesús tu ya'ti':
—T'u'ren tu kin bin
Y a Mateo lik'i ij bini yete Jesús.
10Tuk'in Jesús tʌn u jʌnʌ ix nʌj, taro' ne pim a bex a ku k'atik u bo'ri u ba' u bojo' ti' Roma y yete a mok ne yʌn u k'ebʌno' y kurajo' tu' kura' a Jesús y u kʌ'sa winiko' a Jesús. 11Ka tu yiro' u winiko' a judíos a ku ya'batio' fariseos, tu k'ato' ti' u kʌ'sa winiko' a Jesús:
—¿Biken a wʌjkʌ'si ku jʌnʌ yeta bex a ku k'atik u bo'ri u ba' u bojo' a ku meaj tij wes y bexi' yete a mok ne yʌn u k'ebʌno'?
12Ka tu yua Jesús, tu ya'a:
—A mok ne utso' mo' sik u kʌxta' ti' a mok u ye ts'ak ti' u ts'ʌka', jai' ku kʌxta' ti' a mok mo' utso'. 13Xene'x y kʌne'x baiki u nu'ku a je' a t'ʌn a ku yei'k: “In k'at a ch'eik otsi ti' a boje'x y mo' ja'ri' ka tasik a siji ten.” A ten moj tari pʌye a mok mʌnʌ' u si'pi, a ten taren in pʌye a mok yʌn u si'pi ti' u sutik u t'ʌn ti' K'uj.
U k'ata' ti' a Jesús yok'o ayuno
(Mr. 2.18-22; Lc. 5.33-39)
14U kʌ'sa winiko' a Juan taro' u k'ato' ti' a Jesús:
—A teno' y yete u winiko' a judíos a ku ya'batio' fariseos ki muk'tiko' in jʌno' ne yap' wʌts', ¿biken a kʌ'sa winiko' tech muj muk'tiko' u jʌno' bex teno'?
15Jesús tu nuka tio':
—¿Wa je'e ne tukrik u bʌjo' a mok pʌya' tu jʌnʌ tuk'in tʌn u chei'ko' u lak' wa ti'ʌ a xi'ra yete tio', a lʌji' u lak' a ch'upra? Chen binukaj tar u k'ini ku bin taka' ti' u xi'rai a ch'upra, a lay u k'ini jeu' u muk'tiko' u jʌno'.
16«Mix mok ku ch'eik u xo't'o nok' a tumen ti' u ch'eik u pʌk'e yok'o jump'e nok' a ne uchmen, wa ku pʌk'ik au xo't'o a tumen nok' bin u más jʌte a uchmen y bin u más koxta tu jata. 17Bexi' mix mok ku t'ʌjik a tumen u ya'ri ts'us yok'o jump'e uchmen ba'ay a menʌ' u yot'e bʌk'; wa ku t'ʌja', a tumen u ya'ri a ts'us jeu' laj jʌntik a uchmen a ba'ay a menʌ' u yot'e bʌk', jeu' laj jochbʌ u ya'ri a ts'us, bexi' ya mu bin k'ʌna' a uchmen a ba'ay a menʌ' u yot'e bʌk', la'jen ti yʌnti' u t'ʌja' a tumen u ya'ri a ts'us yok'o tumen a ba'ay y bex mu kʌxmetik u bʌj tu ka'p'e.»
U ch'upra u ti'a a Jairo y a ch'upra a tu tʌra u nok' a Jesús
(Mr. 5.21-43; Lc. 8.40-56)
18Tuk'in a Jesús tʌn tsikbʌtik a je' a ba', tari junturi' xi'ra a lʌji' u ts'uri a judíos, tu xonkita u pix ti' Jesús y tu ya'ti':
—U ch'upra in ti'a tʌntʌ u kimi, ko'ten ire y tʌk'a a kʌ' ti' y jeu ka' lik'i kuxta.
19Lik'i Jesús ij bini yete, y bexi' bino' u kʌ'sa winiko'. 20Y yok'o u beri, tiʌ junturi' ch'upra yʌn doce yaxk'in mo uts muj xu' u yeme u p'o'ik u nok', xok'i tu pach a Jesús y tu tʌra u xur u nok'. 21Tu tukra: «Wo kin tʌrik u nok', jei ch'ene.» 22Chen a Jesús tu sutubʌj y tu pʌktaj a ch'upra y tu ya'ti':
—Tsoykinte a wor, tech in ch'upra in ti'ech, tu ta ki' aksa ta wor ti' ten, lʌji' tu ch'enech.
23Tuk'in kaj oki Jesús ix u yatoch u ts'uri a judíos, tu yira a mok ku k'ayo' toj u ki' utskimʌ u bʌjo' ti' u mujko' u bojo' y bexi' ne pim winik tʌn u yok'o' ne k'ʌ'm. 24Y tu ya'tio':
Jok'ene'x way, ka wirik a cho ch'upra mo' kimen jay wenuka'.
Y a winiko' tu chejto' a Jesús. 25Chen kaj jok'o a winiko', oki Jesús y tu mʌcha u kʌ' a cho ch'upra y lik'i cho ch'upra. 26Ij ch'ikibini u laj tsikbʌta tu woro yok'o a lay a lu'm, tu woro a ba' a baij tu meta a Jesús.
Jesús ku ch'ensik u wich ka'to' xi'ra a muj yik u ber
27Kaj jok'i a Jesús tita, ka'to' xi'ra a muj yik u ber tu t'u'ro' a Jesús y abotnʌjo':
—¡A tech u ti'ech a David, k'ʌs ch'ae otsi ti' teno'!
28Tuk'in kaj oki Jesús ich nʌj, xok'o ti' a muj yirko' u bero' y Jesús tu k'ata tio':
—¿Ka tukrike'x, a ten jei ts'ʌjke'x?
—Je're ja' ts'ʌjkeno' Ts'uri— Tio' tu nuko'.
29Lʌji' ka tu tʌra a Jesús u wicho' y tu ya'tio':
—Tu ta tukre'x jei ch'enske'x ten, ku bij ch'ene a wiche'x.
30Y je'cho' u wicho'. Y Jesús tu chich a'tio' bex:
—Ma' bin tsikbʌte'x ti' mix mok baij mʌni.
31Chen toj kaj jok'o, tu laj tsikbʌto' yok'o a lay a lu'm a ba' tu meta a Jesús.
A Jesús ku ch'ensik a muj jok'o u t'ʌn
32Tuk'in tʌn u jok'o aj ts'ʌka' u wicho', tasa' ti' a Jesús junturi' a muj jok'o u t'ʌn a akʌ' kisin ti'. 33Tuk'in a Jesús ka tu jara a kisin ti' a xi'ra a muj jok'o u t'ʌn, a xi'ra chu'mpʌ u jok'o u t'ʌn. A winiko' pekno' u yoro' y tu yao':
—¡Mo' naj ira' u meta' ba' bex a je' yok'o Israel!
34Chen u winiko' a judíos a ku ya'batio' fariseos tʌn u yei'ko':
—Lʌji' u ts'uri a kisino', mok ts'ek u muk' a Jesús ti' a u jarik kisin.
Ne ya'p a nʌr ti' u jak'a
35Jesús mʌni tu kʌ'sa ix tu woro a kʌjta y a meje kʌjta, y woro tij tsikbʌnʌj yok'o u nʌji tuku much'ik u bʌjo' a judíos u xake u t'ʌn K'uj. Jesús tʌn u tsikbʌtik u jach tsoyi u t'ʌn K'uj y bexi' tu ts'ʌka u ya'ji a mok mo' utso' y a mok yʌn ba' ku yui'ko'. 36Y ka tu yira ne pim winik tʌn u tar u yire, tu ch'a otsi tio', tu tu yira mix mok ku yʌntiko' y mʌnʌ' u yajkʌnaji, a bex a me' mʌnʌ' u yʌjkʌni. 37Tu ya'ti' u kʌ'sa winiko':
Ne yap' nʌr ti' u jak'a chen mo' pim a mok ku meaj. 38Bein k'ate'x ti' u winki a kor, ka' u tuchi'tej más a mok ku meajo' yok'o u kor ti' u much' nʌr
Obecnie wybrane:
San Mateo 9: PLacNaha
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Sociedad Biblica de México AC
San Mateo 9
9
Jesús ku ch'ensik junturi' a muj xima
(Mr. 2.1-12; Lc. 5.17-26)
1Pachi, oki Jesús yok'o a chem, mʌni tʌtʌjʌn ti' a peta' ij bini yok'o u lu'mi'. 2Pachi tasa ti' a muj xima charakba yok'o ch'ak, ka tu yiraj a Jesús a layo' a tu taso' a xi'ra ku jach aksik tu yoro' ti', tu ya'ti' a muj xima:
—Ti'a, chichkinte a wor, tu woro a si'pi ki laj sa'sik tech.
3A ku kʌ'sko' u t'ʌn K'uj a toj u ts'ibtamʌ a Moisés uchik, tu chu'so' u tukriko': «A ba' tu ya'a a je' tʌn u pach'ik K'uj». 4Jesús tu yueta baij ku tukriko', tu nuka y tu k'ata tio':
—¿Biken bex ka tukrike'x yok'o a pixʌne'x? 5¿Baiki mo' ne mo ya in wei'k: “In sa'sik a si'pi” o in wei'k: “Lik'en y xen”? 6Ti'a wetik u Ti'a Xi'ra yʌn u muk' ix lu'm ti' u sa'sik si'pi,
Lʌji' a Jesús ka tu ya'ti' a xi'ra a muj xima:
—Tech ki wei'k tech, lik'en, ch'ae a mo' ne yaja a ch'ak y xen ta watoch.
7A xi'ra lik'i y bini yok'o u yatoch. 8Tu woro laj peknʌ yoro', tu sʌjto' y tʌn u yei'ko' ne tsoy ba' ti' K'uj, a tu tu ts'a u muk' ti' winik.
Jesús ku pʌyik a Mateo
9Jesús bini tita y tu yira junturi' xi'ra u k'aba' Mateo, ti' kura' tuku kata u bo'ri u ba' a winiko' ti' Roma, Jesús tu ya'ti':
—T'u'ren tu kin bin
Y a Mateo lik'i ij bini yete Jesús.
10Tuk'in Jesús tʌn u jʌnʌ ix nʌj, taro' ne pim a bex a ku k'atik u bo'ri u ba' u bojo' ti' Roma y yete a mok ne yʌn u k'ebʌno' y kurajo' tu' kura' a Jesús y u kʌ'sa winiko' a Jesús. 11Ka tu yiro' u winiko' a judíos a ku ya'batio' fariseos, tu k'ato' ti' u kʌ'sa winiko' a Jesús:
—¿Biken a wʌjkʌ'si ku jʌnʌ yeta bex a ku k'atik u bo'ri u ba' u bojo' a ku meaj tij wes y bexi' yete a mok ne yʌn u k'ebʌno'?
12Ka tu yua Jesús, tu ya'a:
—A mok ne utso' mo' sik u kʌxta' ti' a mok u ye ts'ak ti' u ts'ʌka', jai' ku kʌxta' ti' a mok mo' utso'. 13Xene'x y kʌne'x baiki u nu'ku a je' a t'ʌn a ku yei'k: “In k'at a ch'eik otsi ti' a boje'x y mo' ja'ri' ka tasik a siji ten.” A ten moj tari pʌye a mok mʌnʌ' u si'pi, a ten taren in pʌye a mok yʌn u si'pi ti' u sutik u t'ʌn ti' K'uj.
U k'ata' ti' a Jesús yok'o ayuno
(Mr. 2.18-22; Lc. 5.33-39)
14U kʌ'sa winiko' a Juan taro' u k'ato' ti' a Jesús:
—A teno' y yete u winiko' a judíos a ku ya'batio' fariseos ki muk'tiko' in jʌno' ne yap' wʌts', ¿biken a kʌ'sa winiko' tech muj muk'tiko' u jʌno' bex teno'?
15Jesús tu nuka tio':
—¿Wa je'e ne tukrik u bʌjo' a mok pʌya' tu jʌnʌ tuk'in tʌn u chei'ko' u lak' wa ti'ʌ a xi'ra yete tio', a lʌji' u lak' a ch'upra? Chen binukaj tar u k'ini ku bin taka' ti' u xi'rai a ch'upra, a lay u k'ini jeu' u muk'tiko' u jʌno'.
16«Mix mok ku ch'eik u xo't'o nok' a tumen ti' u ch'eik u pʌk'e yok'o jump'e nok' a ne uchmen, wa ku pʌk'ik au xo't'o a tumen nok' bin u más jʌte a uchmen y bin u más koxta tu jata. 17Bexi' mix mok ku t'ʌjik a tumen u ya'ri ts'us yok'o jump'e uchmen ba'ay a menʌ' u yot'e bʌk'; wa ku t'ʌja', a tumen u ya'ri a ts'us jeu' laj jʌntik a uchmen a ba'ay a menʌ' u yot'e bʌk', jeu' laj jochbʌ u ya'ri a ts'us, bexi' ya mu bin k'ʌna' a uchmen a ba'ay a menʌ' u yot'e bʌk', la'jen ti yʌnti' u t'ʌja' a tumen u ya'ri a ts'us yok'o tumen a ba'ay y bex mu kʌxmetik u bʌj tu ka'p'e.»
U ch'upra u ti'a a Jairo y a ch'upra a tu tʌra u nok' a Jesús
(Mr. 5.21-43; Lc. 8.40-56)
18Tuk'in a Jesús tʌn tsikbʌtik a je' a ba', tari junturi' xi'ra a lʌji' u ts'uri a judíos, tu xonkita u pix ti' Jesús y tu ya'ti':
—U ch'upra in ti'a tʌntʌ u kimi, ko'ten ire y tʌk'a a kʌ' ti' y jeu ka' lik'i kuxta.
19Lik'i Jesús ij bini yete, y bexi' bino' u kʌ'sa winiko'. 20Y yok'o u beri, tiʌ junturi' ch'upra yʌn doce yaxk'in mo uts muj xu' u yeme u p'o'ik u nok', xok'i tu pach a Jesús y tu tʌra u xur u nok'. 21Tu tukra: «Wo kin tʌrik u nok', jei ch'ene.» 22Chen a Jesús tu sutubʌj y tu pʌktaj a ch'upra y tu ya'ti':
—Tsoykinte a wor, tech in ch'upra in ti'ech, tu ta ki' aksa ta wor ti' ten, lʌji' tu ch'enech.
23Tuk'in kaj oki Jesús ix u yatoch u ts'uri a judíos, tu yira a mok ku k'ayo' toj u ki' utskimʌ u bʌjo' ti' u mujko' u bojo' y bexi' ne pim winik tʌn u yok'o' ne k'ʌ'm. 24Y tu ya'tio':
Jok'ene'x way, ka wirik a cho ch'upra mo' kimen jay wenuka'.
Y a winiko' tu chejto' a Jesús. 25Chen kaj jok'o a winiko', oki Jesús y tu mʌcha u kʌ' a cho ch'upra y lik'i cho ch'upra. 26Ij ch'ikibini u laj tsikbʌta tu woro yok'o a lay a lu'm, tu woro a ba' a baij tu meta a Jesús.
Jesús ku ch'ensik u wich ka'to' xi'ra a muj yik u ber
27Kaj jok'i a Jesús tita, ka'to' xi'ra a muj yik u ber tu t'u'ro' a Jesús y abotnʌjo':
—¡A tech u ti'ech a David, k'ʌs ch'ae otsi ti' teno'!
28Tuk'in kaj oki Jesús ich nʌj, xok'o ti' a muj yirko' u bero' y Jesús tu k'ata tio':
—¿Ka tukrike'x, a ten jei ts'ʌjke'x?
—Je're ja' ts'ʌjkeno' Ts'uri— Tio' tu nuko'.
29Lʌji' ka tu tʌra a Jesús u wicho' y tu ya'tio':
—Tu ta tukre'x jei ch'enske'x ten, ku bij ch'ene a wiche'x.
30Y je'cho' u wicho'. Y Jesús tu chich a'tio' bex:
—Ma' bin tsikbʌte'x ti' mix mok baij mʌni.
31Chen toj kaj jok'o, tu laj tsikbʌto' yok'o a lay a lu'm a ba' tu meta a Jesús.
A Jesús ku ch'ensik a muj jok'o u t'ʌn
32Tuk'in tʌn u jok'o aj ts'ʌka' u wicho', tasa' ti' a Jesús junturi' a muj jok'o u t'ʌn a akʌ' kisin ti'. 33Tuk'in a Jesús ka tu jara a kisin ti' a xi'ra a muj jok'o u t'ʌn, a xi'ra chu'mpʌ u jok'o u t'ʌn. A winiko' pekno' u yoro' y tu yao':
—¡Mo' naj ira' u meta' ba' bex a je' yok'o Israel!
34Chen u winiko' a judíos a ku ya'batio' fariseos tʌn u yei'ko':
—Lʌji' u ts'uri a kisino', mok ts'ek u muk' a Jesús ti' a u jarik kisin.
Ne ya'p a nʌr ti' u jak'a
35Jesús mʌni tu kʌ'sa ix tu woro a kʌjta y a meje kʌjta, y woro tij tsikbʌnʌj yok'o u nʌji tuku much'ik u bʌjo' a judíos u xake u t'ʌn K'uj. Jesús tʌn u tsikbʌtik u jach tsoyi u t'ʌn K'uj y bexi' tu ts'ʌka u ya'ji a mok mo' utso' y a mok yʌn ba' ku yui'ko'. 36Y ka tu yira ne pim winik tʌn u tar u yire, tu ch'a otsi tio', tu tu yira mix mok ku yʌntiko' y mʌnʌ' u yajkʌnaji, a bex a me' mʌnʌ' u yʌjkʌni. 37Tu ya'ti' u kʌ'sa winiko':
Ne yap' nʌr ti' u jak'a chen mo' pim a mok ku meaj. 38Bein k'ate'x ti' u winki a kor, ka' u tuchi'tej más a mok ku meajo' yok'o u kor ti' u much' nʌr
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Sociedad Biblica de México AC