मत्ती 6
6
गुप्ट डान
1“होसीयार छान्नी, नाखुरीक भर्मीकोलाक टान्हाक्कीयो लागी धर्म-कर्म माजाट्नी। नभा च नाखुरीकै स्वर्गाङ लेच नाखुरीकुङ बोइलकीङ हीर इनाम माडुप्ले।
2“इटबाटै नाखुरीकै सुकीर दान यान्हाङ टुरही माआरम्हाट्नी, होङ्च च ढोङ्गीकै टी सभाङुच इमकोवाङ र लामकोवाङ भर्मीकोलकीङ प्रशंसा डुप्कीयोलागी जाट्ले। साँच्ची न, ङा नाखुरीककी डेले, होखुरीकै लहे डुप्की पर्च इनाम डुप्म भ्यामने। 3टर नाखुरीकै सुकीर दान यान्हाङ नुओ डोर मीहुटै ही जाट्न न ले होसे डेब्र्या मीहुटै थाहा माडीन्ख्यौ। 4नीये याछ दान गुप्टाङ छान्ख्यौ, अनी गुप्टाङ यान्हाङ डाङ्च परमेश्वर बोये नाङ्की इनाम याल्हे।
प्रार्थना जाट्च बारेयाङ शिक्षा
(लुका ११:२-४)
5“नाखुरीकै प्रार्थना जाट्नाङ ढोङ्गीकै लेखा माजाट्नी, हीजैडेनाङ होखुरीक यहूदीकुङ सभाङुच इमकोवाङ र लामौ छेउ-छावाङ टोङ्हार भर्मीकै डाङ्ख्यौ डेम प्रार्थना जाट्की जाक्ले। साँच्ची न, ङा नाखुरीककी डेले, होखुरीकै डुप्की पर्च लहो इनाम डुप्म भ्यामने। 6टर जब नुओ प्रार्थना जाट्च बेला छान्ले, टब लहो कोठा भीत्री नुङ्ना र गालाम ठुनार गुप्टआङ लेच नुओ परमेश्वर बोइ खाटा प्रार्थना जाटो, र नीये गुप्टाङ ही-ही जाट्नने होसे डाङ्च नुओ परमेश्वर बोये नाङ्की इनाम याल्हे।
7“र प्रार्थना जाट्नाङ अन्यजातिकै लेखा बीट्ठाहा न माफालाक्नी। हीजैडेनाङ होखुरीकै चहीँ लो-लोट्च प्रार्थना जाट्नाङ मट्टै होखुरीकुङ प्रार्थना सेले डेच विचार जाट्ले। 8टर नाखुरीक होखुरीक ल्याक्च माछान्नी। हीजैडेनाङ नाखुरीकै ङेखीडेनाङ अघीलकीङ न नाखुरीककी कुसे-कुसे कुराकुङ खाँचो ले, होसे नाखुरीकुङ परमेश्वर बोये वार्ल्हे। 9टर नाखुरीक चहीँ इटजाट्न प्रार्थना जाट्नी:
‘ए स्वर्गाङ लेच कानुङ परमेश्वर बोइ,
नाको पवित्र परमेश्वर हो डेम भर्मीकै वार्ख्यो।
10र नाकुङ राज्य राख्यौ।
नाकुङ इच्छा स्वर्गाङ कुङ्च ले,
होङ्च न इसे पृथ्वीयाङ र पुरा छान्ख्यौ।
11कानकी डीन-डीनै चहडीस्च ज्याच कुरा छीनी यान्ही।
12कानै जाट्च पापको क्षमा जाट्न यान्ही,
कुटजाट्न कानै र कानुङ विरुधाङ पाप जाट्चकोलाक क्षमा याम्हने।
13कानकी परिक्षाङ पर्की माय्हानी,
टर कानकी शैतानलकीङ जोगडीनी।
[हीजैडेनाङ राज्य, शक्ति र महीमा सढैयो लागी नाकुङ न हो, आमेन।]#६:१३ इसे बाड्को कोस्ट भीट्री लेच सब्डको चहीँ कोइ-कोइ सोरोट बाइबलाङ माले। ’
14“इडीक नाखुरीकुङ विरुधाङ पाप जाट्चकोलाक नाखुरीकै क्षमा जाटा डेनाङ स्वर्गाङ लेच बोये र नाखुरीककी क्षमा जाट्ले। 15टर नाखुरीकै अरुकी क्षमा माय्हा डेनाङ स्वर्गवाङ लेच बोये र नाखुरीकुङ पापको क्षमा माजाट्ले।
उपवास बारे शिक्षा
16“जब नाखुरीक हीर माज्याम उपवास ङुले, टब ढोङ्गीको लेखा मीटाहा उदास खासार माङुनी। हीजैडेनाङ होखुरीक च भर्मीकोलाक उपवास ङुच टान्हाक्कीयो लागी लहो मीटाहा उदास खास्ले। साँच्ची न, ङा नाखुरीककी डेले, होखुरीकै लहे डुप्की पर्च इनाम डुप्म भ्यामने। 17टर नाको चहीँ उपवास ङुनाङ लहो मीटालुवाङ सीडी कानी, र मीटाहा मेस्नी। 18इडीक नाकै याङ्च जाटा डेनाङ नाकुङ उपवास भर्मीकै होइन, टर गुप्टाङ लेच नाकुङ परमेश्वर बोये डाङ्ले। र नाकै गुप्टाङ ही-ही जाट्नने होसे डाङ्च नाकुङ परमेश्वर बोये नाकोकी इनाम याल्हे।
स्वर्गुङ सम्पत्ति
(लुका १२:३३-३४; १६:१३)
19“लहो लागी पृथ्वीयाङ धन-सम्पत्ति जम्मा माजाट्नी। हीजैडेनाङ होला घुनपुटली लक्डीस्ले, खीये ज्याले र खुसै इमभासार खुस्ले। 20टर लहो लागी स्वर्गवाङ धन-सम्पत्ति जम्मा जाट्नी। हीजैडेनाङ होला घुन पुटली मालक्डीस्ले र खीया र मालक्डीस्ले, अनी खुसै र माखुस्ले। 21हीजैडेनाङ कुला नाकुङ धन ले, होला न नाकुङ मीमन र छान्ले।
22“नाकुङ मीमीक चहीँ शरीरौ बट्टी हो। होटबाटै नाकुङ मीमीक सेम्ह#६:२२ यहूदी चलन अनुसार चहीँ सेछ मीमीक डेच चहीँ याछ मीमन लेच र मास्च मीमीक डेच चहीँ लोभ जाट्च मीमन हो। ले डेनाङ, नाकुङ पट्ट न शरीर ट्याङ्छ छान्ले। 23टर इडीक नाकुङ मीमीक मासेछ ले डेनाङ, नाकुङ पुरै शरीर न छुम्छ छान्ले। होटजाट्न न नाकु भीत्री लेच ट्याङ्छ चहीँ छुम्छ छाना डेनाङ, होसे छुम्छ झन कुडीक सार्हो छुम्ल्हे औँला!
24“सुयेर नीस मालीकौ सेवा जाट्की माय्होक्ले। नभा च होचे काट्की जाक्ले र अर्कोकी माजाक्ले। की ट होचे काटौ चहीँ इमान्डार छानार सेवा जाट्ले र अर्कोकी चहीँ हेला जाट्ले। होटबाटै नाखुरीकै र परमेश्वर र धन नीसौ न सेवा जाट्की माय्होक्ले।
सुर्टा माजाट्की
(लुका १२:२२-३१)
25“होटबाटै ङा नाखुरीककी डेले, ‘ही जीङ, ही गइङ’ डेम जीवनौ लागी र ‘ही बील्हीङ’ डेम लहो शरीरौ लागी चीन्टा माजाट्नी। ही जीवन ज्याच कुरा डेनाङ र जीवाङ बील्छ बढीनको डेनाङ र बाड्को होइन र? 26सर्घाङ भुर्च ग्वाजाकोलाक ङोस्नी। होखुरीकै छोयो र माभेरेट्ले, अन्न र माचेले, अनी ढुकुटीयाङ र माठन्कडीले। टर नाखुरीकुङ स्वर्गाङ लेच बोये होखुरीककी कास्ले। होसे ग्वाजाको डेनाङ नाखुरीक ढेरै मोलुङ माले र? 27नाखुरीक मध्याङ सुये सुर्टा जाटार लहो आयुवाङ काट घन्ट र ठप्डीकी य्होक्ले र?
28“हीजै बील्छ बढीनौ लागी नाखुरीक चीन्टा जाट्च? जङ्गलुङ लीली सार्की ङोस्नी, होसे कुटजाट्न ल्होङ्ले। होखुरीकै न ट काम जाट्ले, न ट बढीन न जाल्हे। 29टर ङा नाखुरीककी डेले, सोलोमन राजा छान्नाङ र लहो पट्ट न धन-सम्पत्तियाङ होसे लीली सारको मध्याङ काट लीली सार टडीक र मासीङ्गारीस्नन्या। 30ए अल्पविश्वासीको, छीनी लेच र पीउर्हाक म्हेयाङ लोछ घाँस र सार्की च परमेश्वरै इटजाट्न सीङ्गारीले डेनाङ, ही नाखुरीककी झन वास्टै जाट्न होसकै बढीन बील्हाक्ङ माय्हाले र?
31“होटबाटै ही जीङ, ही गइङ, र ही बील्हीङ डेम चीन्टा माजाट्नी। 32हीजैडेनाङ अन्यजातिकै टी इसे पट्ट न ठोकको पाले ट, नाखुरीकुङ स्वर्गाङ लेच बोये चहीँ नाखुरीककी इसे पट्ट न ठोकौ खाँचो ले डेम वार्ल्हे। 33टर पहीले परमेश्वरौ राज्य र होसकुङ धार्मिकताकी पानी, अनी इसे पट्ट न ठोक नाखुरीकुङ लागी याल्हे। 34होटबाटै पीउर्हाकौ लागी चीन्टा माजाट्नी, पीउर्हाकौ डीनै न लहो चीन्टा जाट्ले। छीनीयुङ चीन्टा छीनीयुङ लागी न ओल्न्हने।”
Obecnie wybrane:
मत्ती 6: EMGP
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2024 (Active), Wycliffe Bible Translators, Inc. All rights reserved.
मत्ती 6
6
गुप्ट डान
1“होसीयार छान्नी, नाखुरीक भर्मीकोलाक टान्हाक्कीयो लागी धर्म-कर्म माजाट्नी। नभा च नाखुरीकै स्वर्गाङ लेच नाखुरीकुङ बोइलकीङ हीर इनाम माडुप्ले।
2“इटबाटै नाखुरीकै सुकीर दान यान्हाङ टुरही माआरम्हाट्नी, होङ्च च ढोङ्गीकै टी सभाङुच इमकोवाङ र लामकोवाङ भर्मीकोलकीङ प्रशंसा डुप्कीयोलागी जाट्ले। साँच्ची न, ङा नाखुरीककी डेले, होखुरीकै लहे डुप्की पर्च इनाम डुप्म भ्यामने। 3टर नाखुरीकै सुकीर दान यान्हाङ नुओ डोर मीहुटै ही जाट्न न ले होसे डेब्र्या मीहुटै थाहा माडीन्ख्यौ। 4नीये याछ दान गुप्टाङ छान्ख्यौ, अनी गुप्टाङ यान्हाङ डाङ्च परमेश्वर बोये नाङ्की इनाम याल्हे।
प्रार्थना जाट्च बारेयाङ शिक्षा
(लुका ११:२-४)
5“नाखुरीकै प्रार्थना जाट्नाङ ढोङ्गीकै लेखा माजाट्नी, हीजैडेनाङ होखुरीक यहूदीकुङ सभाङुच इमकोवाङ र लामौ छेउ-छावाङ टोङ्हार भर्मीकै डाङ्ख्यौ डेम प्रार्थना जाट्की जाक्ले। साँच्ची न, ङा नाखुरीककी डेले, होखुरीकै डुप्की पर्च लहो इनाम डुप्म भ्यामने। 6टर जब नुओ प्रार्थना जाट्च बेला छान्ले, टब लहो कोठा भीत्री नुङ्ना र गालाम ठुनार गुप्टआङ लेच नुओ परमेश्वर बोइ खाटा प्रार्थना जाटो, र नीये गुप्टाङ ही-ही जाट्नने होसे डाङ्च नुओ परमेश्वर बोये नाङ्की इनाम याल्हे।
7“र प्रार्थना जाट्नाङ अन्यजातिकै लेखा बीट्ठाहा न माफालाक्नी। हीजैडेनाङ होखुरीकै चहीँ लो-लोट्च प्रार्थना जाट्नाङ मट्टै होखुरीकुङ प्रार्थना सेले डेच विचार जाट्ले। 8टर नाखुरीक होखुरीक ल्याक्च माछान्नी। हीजैडेनाङ नाखुरीकै ङेखीडेनाङ अघीलकीङ न नाखुरीककी कुसे-कुसे कुराकुङ खाँचो ले, होसे नाखुरीकुङ परमेश्वर बोये वार्ल्हे। 9टर नाखुरीक चहीँ इटजाट्न प्रार्थना जाट्नी:
‘ए स्वर्गाङ लेच कानुङ परमेश्वर बोइ,
नाको पवित्र परमेश्वर हो डेम भर्मीकै वार्ख्यो।
10र नाकुङ राज्य राख्यौ।
नाकुङ इच्छा स्वर्गाङ कुङ्च ले,
होङ्च न इसे पृथ्वीयाङ र पुरा छान्ख्यौ।
11कानकी डीन-डीनै चहडीस्च ज्याच कुरा छीनी यान्ही।
12कानै जाट्च पापको क्षमा जाट्न यान्ही,
कुटजाट्न कानै र कानुङ विरुधाङ पाप जाट्चकोलाक क्षमा याम्हने।
13कानकी परिक्षाङ पर्की माय्हानी,
टर कानकी शैतानलकीङ जोगडीनी।
[हीजैडेनाङ राज्य, शक्ति र महीमा सढैयो लागी नाकुङ न हो, आमेन।]#६:१३ इसे बाड्को कोस्ट भीट्री लेच सब्डको चहीँ कोइ-कोइ सोरोट बाइबलाङ माले। ’
14“इडीक नाखुरीकुङ विरुधाङ पाप जाट्चकोलाक नाखुरीकै क्षमा जाटा डेनाङ स्वर्गाङ लेच बोये र नाखुरीककी क्षमा जाट्ले। 15टर नाखुरीकै अरुकी क्षमा माय्हा डेनाङ स्वर्गवाङ लेच बोये र नाखुरीकुङ पापको क्षमा माजाट्ले।
उपवास बारे शिक्षा
16“जब नाखुरीक हीर माज्याम उपवास ङुले, टब ढोङ्गीको लेखा मीटाहा उदास खासार माङुनी। हीजैडेनाङ होखुरीक च भर्मीकोलाक उपवास ङुच टान्हाक्कीयो लागी लहो मीटाहा उदास खास्ले। साँच्ची न, ङा नाखुरीककी डेले, होखुरीकै लहे डुप्की पर्च इनाम डुप्म भ्यामने। 17टर नाको चहीँ उपवास ङुनाङ लहो मीटालुवाङ सीडी कानी, र मीटाहा मेस्नी। 18इडीक नाकै याङ्च जाटा डेनाङ नाकुङ उपवास भर्मीकै होइन, टर गुप्टाङ लेच नाकुङ परमेश्वर बोये डाङ्ले। र नाकै गुप्टाङ ही-ही जाट्नने होसे डाङ्च नाकुङ परमेश्वर बोये नाकोकी इनाम याल्हे।
स्वर्गुङ सम्पत्ति
(लुका १२:३३-३४; १६:१३)
19“लहो लागी पृथ्वीयाङ धन-सम्पत्ति जम्मा माजाट्नी। हीजैडेनाङ होला घुनपुटली लक्डीस्ले, खीये ज्याले र खुसै इमभासार खुस्ले। 20टर लहो लागी स्वर्गवाङ धन-सम्पत्ति जम्मा जाट्नी। हीजैडेनाङ होला घुन पुटली मालक्डीस्ले र खीया र मालक्डीस्ले, अनी खुसै र माखुस्ले। 21हीजैडेनाङ कुला नाकुङ धन ले, होला न नाकुङ मीमन र छान्ले।
22“नाकुङ मीमीक चहीँ शरीरौ बट्टी हो। होटबाटै नाकुङ मीमीक सेम्ह#६:२२ यहूदी चलन अनुसार चहीँ सेछ मीमीक डेच चहीँ याछ मीमन लेच र मास्च मीमीक डेच चहीँ लोभ जाट्च मीमन हो। ले डेनाङ, नाकुङ पट्ट न शरीर ट्याङ्छ छान्ले। 23टर इडीक नाकुङ मीमीक मासेछ ले डेनाङ, नाकुङ पुरै शरीर न छुम्छ छान्ले। होटजाट्न न नाकु भीत्री लेच ट्याङ्छ चहीँ छुम्छ छाना डेनाङ, होसे छुम्छ झन कुडीक सार्हो छुम्ल्हे औँला!
24“सुयेर नीस मालीकौ सेवा जाट्की माय्होक्ले। नभा च होचे काट्की जाक्ले र अर्कोकी माजाक्ले। की ट होचे काटौ चहीँ इमान्डार छानार सेवा जाट्ले र अर्कोकी चहीँ हेला जाट्ले। होटबाटै नाखुरीकै र परमेश्वर र धन नीसौ न सेवा जाट्की माय्होक्ले।
सुर्टा माजाट्की
(लुका १२:२२-३१)
25“होटबाटै ङा नाखुरीककी डेले, ‘ही जीङ, ही गइङ’ डेम जीवनौ लागी र ‘ही बील्हीङ’ डेम लहो शरीरौ लागी चीन्टा माजाट्नी। ही जीवन ज्याच कुरा डेनाङ र जीवाङ बील्छ बढीनको डेनाङ र बाड्को होइन र? 26सर्घाङ भुर्च ग्वाजाकोलाक ङोस्नी। होखुरीकै छोयो र माभेरेट्ले, अन्न र माचेले, अनी ढुकुटीयाङ र माठन्कडीले। टर नाखुरीकुङ स्वर्गाङ लेच बोये होखुरीककी कास्ले। होसे ग्वाजाको डेनाङ नाखुरीक ढेरै मोलुङ माले र? 27नाखुरीक मध्याङ सुये सुर्टा जाटार लहो आयुवाङ काट घन्ट र ठप्डीकी य्होक्ले र?
28“हीजै बील्छ बढीनौ लागी नाखुरीक चीन्टा जाट्च? जङ्गलुङ लीली सार्की ङोस्नी, होसे कुटजाट्न ल्होङ्ले। होखुरीकै न ट काम जाट्ले, न ट बढीन न जाल्हे। 29टर ङा नाखुरीककी डेले, सोलोमन राजा छान्नाङ र लहो पट्ट न धन-सम्पत्तियाङ होसे लीली सारको मध्याङ काट लीली सार टडीक र मासीङ्गारीस्नन्या। 30ए अल्पविश्वासीको, छीनी लेच र पीउर्हाक म्हेयाङ लोछ घाँस र सार्की च परमेश्वरै इटजाट्न सीङ्गारीले डेनाङ, ही नाखुरीककी झन वास्टै जाट्न होसकै बढीन बील्हाक्ङ माय्हाले र?
31“होटबाटै ही जीङ, ही गइङ, र ही बील्हीङ डेम चीन्टा माजाट्नी। 32हीजैडेनाङ अन्यजातिकै टी इसे पट्ट न ठोकको पाले ट, नाखुरीकुङ स्वर्गाङ लेच बोये चहीँ नाखुरीककी इसे पट्ट न ठोकौ खाँचो ले डेम वार्ल्हे। 33टर पहीले परमेश्वरौ राज्य र होसकुङ धार्मिकताकी पानी, अनी इसे पट्ट न ठोक नाखुरीकुङ लागी याल्हे। 34होटबाटै पीउर्हाकौ लागी चीन्टा माजाट्नी, पीउर्हाकौ डीनै न लहो चीन्टा जाट्ले। छीनीयुङ चीन्टा छीनीयुङ लागी न ओल्न्हने।”
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2024 (Active), Wycliffe Bible Translators, Inc. All rights reserved.