Johan 6
6
Mõṛẽ hajar hoṛe jombi ocoyetʼko
(Mathae 14.13-21; Mark 6.30-44; Luk 9.10-17)
1Ona tayom Jisu do Gạlil doreão hanasae parom calaoena. Noa doreãoge Tiberias doreão hõko metakʼkana. 2Ar ạḍi utạr hoṛ do Jisuko pańja idikedea, ente rugiko cetanre cinhạ kạmi lekate okako hahaṛa kạmiye kạmi akatʼ tahẽkan onko do onakoko ńelakatʼ tahẽkana. 3Ado Jisu ar acʼren celako do mitʼṭecʼ burure rakapʼenteko duṛupʼena. 4Unre Jihudikoakʼ bańcaokʼ porob hõ sor hecʼakan tahẽkana. 5Ado Jisui beṅgetʼ rakapʼketʼ khan gadel hoṛ acʼ ṭhen hijukʼkane ńelketʼkoa. Uni do Philipe metadea, “Noko hoṛ jom ocoko lạgitʼ piṭhạ do oka khon bon kiriń ạgukea?” 6Uni do Philip biḍạue lạgitʼ noa kathae metadea, ente cetʼe cekaea ona doe baḍaekan tahẽkana.
7Philip do Jisui metadea, “Onko mimitʼ hoṛ jauḍicʼkateko ńamlere hõ bar sae Dinar reakʼ piṭhạte ohoko anṭaolena.”
8Jisuren celako modre mitʼ hoṛakʼ ńutum do Andreas tahẽkana. Uni do Simon Patrasren boehae tahẽkana. 9Uni do Jisui metadea, “Nonḍe mitʼṭen huḍiń koṛa ṭhen barea kạṭicʼ hako ar mõṛẽ goṭecʼ jao reakʼ piṭhạ menakʼa, menkhan noate nunạkʼ hoṛakʼ do cetʼ hoyokʼa?”
10Jisui menkeda, “Hoṛko duṛupʼ ocokope.” Ona jaegare ḍher ghãs tahẽkana. Onate gadel hoṛ do ona cetanregeko duṛupʼena. Onḍe do mõṛẽ hajar herel hoṛko tahẽkana. 11Ona tayom Jisu do onako piṭhạ ataṅkate Isore gun manao joharadea ar duṛupʼ akankoe hạṭińatʼkoa. Onkage uni do hako reakʼ hõe ematʼkoa. Ar okoe tinạkʼko khojketʼ unạkʼgeko ńamkeda.
12Adoko jom biyen khan Jisu do acʼren celakoe metatʼkoa, “Sarecʼakʼ kecakʼko halaṅ jarwaepe jemon cetʼge alo nosṭokʼ.” 13Adoko jomketʼ tayom ona mõṛẽ goṭecʼ piṭhạ reakʼ okako kaṭra kuṭrạ sarecʼ tahẽkan celako do onako halaṅ samṭaoketʼte gelbar phạtiạkʼko perecʼkeda.
14Jisuakʼ noa hahaṛa kạmi ńelte gadel hoṛkoko menkeda, “Dhạrtite okoeṭakʼ nạbi hijukʼ reakʼ katha menakʼtae sạrige uni nạbi doe nuikangea.” 15Noate Jisui bujhạukeda, hoṛko do raje lạgitʼko jormoṭe lạgidokʼ kana. Onate acʼ eskarge uni do arhõ ona buruteye rakapʼ calaoena.
Jisu dakʼ cetanteye taṛametʼ
(Mathae 14.22-33; Mark 6.45-52)
16Ạyupʼen khan Jisuren celako do doreão aṛeteko calaoena, 17ar mitʼṭecʼ lạukạre decʼkate onko do Kapharnạhum nagrahate senokʼ lạgitʼ doreão paromokʼko ehopʼena. Unre do ńut akan tahẽkana, ar unhạbicʼ hõ Jisu do onko ṭhen bae hecʼakan tahẽkana. 18Ar ạḍi tạpise hoeyetʼ tahẽkante doreãore maraṅ maraṅ ḍheoko rakabokʼ kan tahẽkana. 19Ado pe se pon mail gan lạukạko calao idiakatʼ tahẽkanre, Jisu do doreão cetante taṛamate lạukạ ṭhen hijukʼkanko ńelkedea. Ar uni ńelte celako do ạḍi bạṛicʼko botorena. 20Unre Jisui metatʼkoa, “Alope botorokʼa, iń kangeạń.”
21Celako do lạukạre Jisu dejeko menletʼgea, ar okateko calakʼkan tahẽkan onḍeko seṭergotʼena.
Hoṛko Jisuko sendrayede
22Ado doreão eṭakʼ aṛere okoeko hoṛko teṅgo akan tahẽkan, dosar hilokʼ onko doko bujhạu daṛekeda je, laha hilokʼ onḍe do mitʼṭecʼ chaḍa ar eṭakʼ jãhãn lạukạ do baṅ tahẽkana. Onko do arhõko bujhạukeda je, Jisu do acʼren celako sãote ona lạukạre bae decʼlena bickom cela motogeko sen akan tahẽkana. 23Menkhan okare Probhu Isor do gun manao joharkate hoṛko piṭhại jom ocoletʼko ona jaegare unre Tibiriạ nagraha khon eṭakʼ lạukạko hecʼena. 24Onate hoṛko do tinreko ńelkeda je, Jisu se uniren cela okoege onḍe bạnukʼkoa unre onko do onako lạukạre decʼkate Jisu ńame lạgitʼ Kapharnạhumteko calaoena.
Jisuge jion reakʼ piṭhạ do
25Onḍe seṭerkate onko do Jisu sendra ńamkedeteko metadea, “E Guru, tinre nonḍe dom hecʼakana?”
26Jisui roṛ ruạṛatʼkoa, “Sạrigeń metape kana, hahaṛa kạmipe ńelletʼ iạte ińpe ńam baṛayediń kana ona do baṅa, bickom piṭhạtepe jom bilen iạtepe ńam baṛayedińa. 27Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.
28Noa iạte Jisuko kulikedea, “Enḍekhan Isorakʼ kạmi lạgitʼ ale do cetʼ cekae hoyokʼ talea?”
29Jisui metatʼkoa, “Isor okoeye kolakade unire pạtiạukʼge hoyokʼ kana Isorakʼ kạmi.”
30Unreko kulikedea, “Enḍekhan cetʼlekan hahaṛa kạmim udukʼ alete amrele pạtiạu daṛekokʼa? Ar am do cetʼkom kạmikana? 31#Exo 16.4,15; Ser 78.24 Aboren hapṛamko ma hahaṅkarre Mannako jomletʼ. Sonot sostorre olakana, ‘Isor do serma khon jom lạgitʼ piṭhại ematʼkoa,’ ”
32Jisu do onkoe metatʼkoa, “Sạrigeń metapekana, serma khon oka piṭhạpe ńamletʼ ona do Mose hõ bae emakatʼpea, menkhan ińren Babage sạri piṭhạ serma khone ematʼpe tahẽkana. 33Serma khon pheḍ hecʼkate manwako okoe jione emakokan unikangeae Isore emokʼkan piṭhạ do.”
34Ado hoṛko uniko metadea, “E Guru, enḍekhan jaoge noa piṭhạ emaleme baṛe.”
35Jisui metatʼkoa, “Ińge ona jion reakʼ piṭhạ do. Okoe iń ṭhene hijukʼ uni do tis hõ baṅ reṅgejea. Ar okoe ińreye pạtiạukʼkan uni do tisge baṅ tetaṅea. 36Iń doń lại akawatʼpea, ńel akadińạpe menkhan enhõ ape do bape pạtiạukʼkana. 37Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea, 38ente ińakʼ sanaleka kạmi lạgitʼ do baṅ, bickom okoeye kol akadiń uniyakʼ monejoṅ leka kạmi lạgitʼge serma khoniń pheḍ hecʼakana. 39Okoeye kol akadiń uniyakʼ sana do noage je, uni okoekoe emakawạdiń onko modre mitʼṭen hõ alo jemoniń atʼko bickom mucạtʼ dinreń jiwetʼ beretʼkoa. 40Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼ hoṛ do jaejug jion tahentako. Ińge onko do mucạtʼ dinreń jiwetʼ beretʼkoa.”
41Unre Jihudi mukhiyạko do uni upạrteko karacʼ kurucʼena, ente Jisui metatʼko tahẽkana, “Serma khon oka piṭhạ pheḍ hecʼakan ona piṭhạ doń ińkangea.”
42Khan onko mukhiyạko do memenko ehopʼena, “Nũi do cetʼ Josephren hopon Jisu doe baṅkana? Nuiren go-babakin ma coṅ bon oromakatʼ kinge. Enḍekhan cekateye meneda, ‘iń do serma khoniń pheḍ hecʼakana?’ ”
43Jisui metatʼkoa, “Ape apere alope karacʼ kurujokʼa. 44Ińren Baba, one okoeye kol akadiń uni bae ore khan okoe hõ iń ṭhen ohoe hecʼ daṛelena. Ar ińge mucạtʼ dinre uniń jiwetʼ beredea. 45#Jes 54.13 Nạbikoakʼ puthire ol akana, ‘onko sanamkoge Isor ṭhen sikhạunako ńama.’ Baba ṭhen khon ańjomkate okoeye cetʼakatʼ unige iń ṭhene hijukʼa. 46Baba do okoe hõ bako ńel akadea, eken okoe Isor ṭhen khone hecʼakan unigeye ńelakadea. 47Sạrigeń metapekana, jãhãege ińreye pạtiạukʼ uni do unrege jaejug jione ńama.”
48“Ińge jion reakʼ piṭhạ do. 49Aperen hapṛamko do hahaṅkarre Mannako jomleda ar enhõko gocʼena. 50Menkhan noa do ona jiwetʼ piṭhạ kana one oka serma khon pheḍ hecʼakan, jemon manwa ona jomkate bańcaoko ńam. 51Ińge ona jiwetʼ reakʼ piṭhạ do one serma khon pheḍ hecʼakan. Ar okoe noa piṭhại jom uni do jaejug hạbicʼ jiwetʼe tahena. Ińakʼ hoṛmo kangea ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”
52Noa katha ańjomkate Jihudi mukhiyạko do reṭe peṭekʼko ehopʼena. Onko doko menkeda, “Cekate nui hoṛ do acʼakʼ hoṛmo jom lạgitʼe em daṛekebona?”
53Jisui metatʼkoa, “Sạrigeń metapekana, Manwa Hoponakʼ jel bape jomle khan ar uniyakʼ mãyãm bape ńule khan apere jion do bạnukʼanaṅ. 54Jãhãege ińakʼ jele jom ar mãyãme ńũi uni do jaejug jione ńama, ar mucạtʼ dinre uni doń jiwetʼ beredea. 55Ińakʼ jel do sạri jomakʼ kana ar ińakʼ mãyãm do sạri ńũiyakʼ kana. 56Okoe ińakʼ jele jom ar ińakʼ mãyãme ńũi uni do ińreye tahẽnkana ar iń hõ unire. 57Iń do jiwetʼicʼ Babageye kol akadińạ ar uni iạtege jiwetʼ minạńa. Onkage iń jojomicʼ hõ iń hotete jiwetʼe tahena. 58Noage serma khon pheḍ hecʼakan piṭhạ do. Aperen hapṛamko okaṭakʼ piṭhạ jomkateko gocʼen onkan piṭhạ noa do baṅkana. Noa okoeye joma uni do jaejug hạbicʼ jiwetʼe tahena.
Hoṛkoakʼ bepạtiạu
59Kapharnạhum reakʼ sunạgogreye cetʼako kan tahẽkanre Jisu do noa kathae roṛleda. 60Ar uniren celako modre ḍher hoṛge noa katha ańjomkateko menkeda, “Noa do ạḍi keṭecʼ sikhạuna kana. Ar noa do okoeye ańjom daṛekea?”
61Jisu do acʼren celako noa reakʼ karacʼ kurujokʼkane bujhạuketʼkoa. Onate uni doe metatʼkoa, “Noa iạte cetʼ monrepe tạkijokʼ kana? 62Enḍekhan Manwa Hopon pạhil okareye tahẽkan onḍe rakapʼ calakʼkanpe ńellere ape do cetʼpe mena? 63Manwa hoṛmo do oka kaj reakʼ hõ baṅkana; sonot Jiuge jione emokʼkana. Okako katha ape ṭheniń roṛakatʼ ona do jiu ar jion kana. 64Menkhan ape modre nonkanko menakʼkoa okoe do ińre bako pạtiạukʼkan.”
Okoeko Jisure bako pạtiạukʼkan ar okoe hoteteye soprot ocokʼ, ona do Jisu pạhil khongeye baḍaekan tahẽkana. 65Ona iạteye menkeda, “Onateń metapekana, Ạpuń daṛe bae emape khan okoe hõ iń ṭhen do ohope hecʼ daṛelena.”
Patras do Jisui aṅgocede
66Jisuakʼ noa katha iạte celako modre ḍher hoṛgeko pạcena ar uni tulucʼ ar bako dãṛãleda. 67Onate Jisu do onko gelbar celakoe metatʼkoa, “Ape hõ cetʼ ruạṛ joṅpe menjoṅ kana?”
68 #
Mat 16.16; Mrk 8.29; Luk 9.20 Simon Patras do Jisui metadea, “E Probhu Isor, ale do okoe ṭhenle calakʼa? Jaejug jion reakʼ katha ma coṅ am ṭhenge. 69Alele biswạs akana arle baḍae akada, am do Isorren uni sonoticʼ kanam.”
70Unre Jisu do onkoe metatʼkoa, “Ape gelbarkoge cetʼ bạń bachao akatʼpea? Menkhan ape modre mitʼṭen bạiri menaea.” 71Jisu do Simon Iskariotren hopon Jihudạwakʼ kathae menetʼ tahẽkana, ente unigeye soprote lạgidokʼkan tahẽkana. Ar uni do gelbarko modren mitʼ hoṛe tahẽkana.
Obecnie wybrane:
Johan 6: SBT
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Santali Bible © Bangladesh Bible Society, 2021.
Johan 6
6
Mõṛẽ hajar hoṛe jombi ocoyetʼko
(Mathae 14.13-21; Mark 6.30-44; Luk 9.10-17)
1Ona tayom Jisu do Gạlil doreão hanasae parom calaoena. Noa doreãoge Tiberias doreão hõko metakʼkana. 2Ar ạḍi utạr hoṛ do Jisuko pańja idikedea, ente rugiko cetanre cinhạ kạmi lekate okako hahaṛa kạmiye kạmi akatʼ tahẽkan onko do onakoko ńelakatʼ tahẽkana. 3Ado Jisu ar acʼren celako do mitʼṭecʼ burure rakapʼenteko duṛupʼena. 4Unre Jihudikoakʼ bańcaokʼ porob hõ sor hecʼakan tahẽkana. 5Ado Jisui beṅgetʼ rakapʼketʼ khan gadel hoṛ acʼ ṭhen hijukʼkane ńelketʼkoa. Uni do Philipe metadea, “Noko hoṛ jom ocoko lạgitʼ piṭhạ do oka khon bon kiriń ạgukea?” 6Uni do Philip biḍạue lạgitʼ noa kathae metadea, ente cetʼe cekaea ona doe baḍaekan tahẽkana.
7Philip do Jisui metadea, “Onko mimitʼ hoṛ jauḍicʼkateko ńamlere hõ bar sae Dinar reakʼ piṭhạte ohoko anṭaolena.”
8Jisuren celako modre mitʼ hoṛakʼ ńutum do Andreas tahẽkana. Uni do Simon Patrasren boehae tahẽkana. 9Uni do Jisui metadea, “Nonḍe mitʼṭen huḍiń koṛa ṭhen barea kạṭicʼ hako ar mõṛẽ goṭecʼ jao reakʼ piṭhạ menakʼa, menkhan noate nunạkʼ hoṛakʼ do cetʼ hoyokʼa?”
10Jisui menkeda, “Hoṛko duṛupʼ ocokope.” Ona jaegare ḍher ghãs tahẽkana. Onate gadel hoṛ do ona cetanregeko duṛupʼena. Onḍe do mõṛẽ hajar herel hoṛko tahẽkana. 11Ona tayom Jisu do onako piṭhạ ataṅkate Isore gun manao joharadea ar duṛupʼ akankoe hạṭińatʼkoa. Onkage uni do hako reakʼ hõe ematʼkoa. Ar okoe tinạkʼko khojketʼ unạkʼgeko ńamkeda.
12Adoko jom biyen khan Jisu do acʼren celakoe metatʼkoa, “Sarecʼakʼ kecakʼko halaṅ jarwaepe jemon cetʼge alo nosṭokʼ.” 13Adoko jomketʼ tayom ona mõṛẽ goṭecʼ piṭhạ reakʼ okako kaṭra kuṭrạ sarecʼ tahẽkan celako do onako halaṅ samṭaoketʼte gelbar phạtiạkʼko perecʼkeda.
14Jisuakʼ noa hahaṛa kạmi ńelte gadel hoṛkoko menkeda, “Dhạrtite okoeṭakʼ nạbi hijukʼ reakʼ katha menakʼtae sạrige uni nạbi doe nuikangea.” 15Noate Jisui bujhạukeda, hoṛko do raje lạgitʼko jormoṭe lạgidokʼ kana. Onate acʼ eskarge uni do arhõ ona buruteye rakapʼ calaoena.
Jisu dakʼ cetanteye taṛametʼ
(Mathae 14.22-33; Mark 6.45-52)
16Ạyupʼen khan Jisuren celako do doreão aṛeteko calaoena, 17ar mitʼṭecʼ lạukạre decʼkate onko do Kapharnạhum nagrahate senokʼ lạgitʼ doreão paromokʼko ehopʼena. Unre do ńut akan tahẽkana, ar unhạbicʼ hõ Jisu do onko ṭhen bae hecʼakan tahẽkana. 18Ar ạḍi tạpise hoeyetʼ tahẽkante doreãore maraṅ maraṅ ḍheoko rakabokʼ kan tahẽkana. 19Ado pe se pon mail gan lạukạko calao idiakatʼ tahẽkanre, Jisu do doreão cetante taṛamate lạukạ ṭhen hijukʼkanko ńelkedea. Ar uni ńelte celako do ạḍi bạṛicʼko botorena. 20Unre Jisui metatʼkoa, “Alope botorokʼa, iń kangeạń.”
21Celako do lạukạre Jisu dejeko menletʼgea, ar okateko calakʼkan tahẽkan onḍeko seṭergotʼena.
Hoṛko Jisuko sendrayede
22Ado doreão eṭakʼ aṛere okoeko hoṛko teṅgo akan tahẽkan, dosar hilokʼ onko doko bujhạu daṛekeda je, laha hilokʼ onḍe do mitʼṭecʼ chaḍa ar eṭakʼ jãhãn lạukạ do baṅ tahẽkana. Onko do arhõko bujhạukeda je, Jisu do acʼren celako sãote ona lạukạre bae decʼlena bickom cela motogeko sen akan tahẽkana. 23Menkhan okare Probhu Isor do gun manao joharkate hoṛko piṭhại jom ocoletʼko ona jaegare unre Tibiriạ nagraha khon eṭakʼ lạukạko hecʼena. 24Onate hoṛko do tinreko ńelkeda je, Jisu se uniren cela okoege onḍe bạnukʼkoa unre onko do onako lạukạre decʼkate Jisu ńame lạgitʼ Kapharnạhumteko calaoena.
Jisuge jion reakʼ piṭhạ do
25Onḍe seṭerkate onko do Jisu sendra ńamkedeteko metadea, “E Guru, tinre nonḍe dom hecʼakana?”
26Jisui roṛ ruạṛatʼkoa, “Sạrigeń metape kana, hahaṛa kạmipe ńelletʼ iạte ińpe ńam baṛayediń kana ona do baṅa, bickom piṭhạtepe jom bilen iạtepe ńam baṛayedińa. 27Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.
28Noa iạte Jisuko kulikedea, “Enḍekhan Isorakʼ kạmi lạgitʼ ale do cetʼ cekae hoyokʼ talea?”
29Jisui metatʼkoa, “Isor okoeye kolakade unire pạtiạukʼge hoyokʼ kana Isorakʼ kạmi.”
30Unreko kulikedea, “Enḍekhan cetʼlekan hahaṛa kạmim udukʼ alete amrele pạtiạu daṛekokʼa? Ar am do cetʼkom kạmikana? 31#Exo 16.4,15; Ser 78.24 Aboren hapṛamko ma hahaṅkarre Mannako jomletʼ. Sonot sostorre olakana, ‘Isor do serma khon jom lạgitʼ piṭhại ematʼkoa,’ ”
32Jisu do onkoe metatʼkoa, “Sạrigeń metapekana, serma khon oka piṭhạpe ńamletʼ ona do Mose hõ bae emakatʼpea, menkhan ińren Babage sạri piṭhạ serma khone ematʼpe tahẽkana. 33Serma khon pheḍ hecʼkate manwako okoe jione emakokan unikangeae Isore emokʼkan piṭhạ do.”
34Ado hoṛko uniko metadea, “E Guru, enḍekhan jaoge noa piṭhạ emaleme baṛe.”
35Jisui metatʼkoa, “Ińge ona jion reakʼ piṭhạ do. Okoe iń ṭhene hijukʼ uni do tis hõ baṅ reṅgejea. Ar okoe ińreye pạtiạukʼkan uni do tisge baṅ tetaṅea. 36Iń doń lại akawatʼpea, ńel akadińạpe menkhan enhõ ape do bape pạtiạukʼkana. 37Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea, 38ente ińakʼ sanaleka kạmi lạgitʼ do baṅ, bickom okoeye kol akadiń uniyakʼ monejoṅ leka kạmi lạgitʼge serma khoniń pheḍ hecʼakana. 39Okoeye kol akadiń uniyakʼ sana do noage je, uni okoekoe emakawạdiń onko modre mitʼṭen hõ alo jemoniń atʼko bickom mucạtʼ dinreń jiwetʼ beretʼkoa. 40Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼ hoṛ do jaejug jion tahentako. Ińge onko do mucạtʼ dinreń jiwetʼ beretʼkoa.”
41Unre Jihudi mukhiyạko do uni upạrteko karacʼ kurucʼena, ente Jisui metatʼko tahẽkana, “Serma khon oka piṭhạ pheḍ hecʼakan ona piṭhạ doń ińkangea.”
42Khan onko mukhiyạko do memenko ehopʼena, “Nũi do cetʼ Josephren hopon Jisu doe baṅkana? Nuiren go-babakin ma coṅ bon oromakatʼ kinge. Enḍekhan cekateye meneda, ‘iń do serma khoniń pheḍ hecʼakana?’ ”
43Jisui metatʼkoa, “Ape apere alope karacʼ kurujokʼa. 44Ińren Baba, one okoeye kol akadiń uni bae ore khan okoe hõ iń ṭhen ohoe hecʼ daṛelena. Ar ińge mucạtʼ dinre uniń jiwetʼ beredea. 45#Jes 54.13 Nạbikoakʼ puthire ol akana, ‘onko sanamkoge Isor ṭhen sikhạunako ńama.’ Baba ṭhen khon ańjomkate okoeye cetʼakatʼ unige iń ṭhene hijukʼa. 46Baba do okoe hõ bako ńel akadea, eken okoe Isor ṭhen khone hecʼakan unigeye ńelakadea. 47Sạrigeń metapekana, jãhãege ińreye pạtiạukʼ uni do unrege jaejug jione ńama.”
48“Ińge jion reakʼ piṭhạ do. 49Aperen hapṛamko do hahaṅkarre Mannako jomleda ar enhõko gocʼena. 50Menkhan noa do ona jiwetʼ piṭhạ kana one oka serma khon pheḍ hecʼakan, jemon manwa ona jomkate bańcaoko ńam. 51Ińge ona jiwetʼ reakʼ piṭhạ do one serma khon pheḍ hecʼakan. Ar okoe noa piṭhại jom uni do jaejug hạbicʼ jiwetʼe tahena. Ińakʼ hoṛmo kangea ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”
52Noa katha ańjomkate Jihudi mukhiyạko do reṭe peṭekʼko ehopʼena. Onko doko menkeda, “Cekate nui hoṛ do acʼakʼ hoṛmo jom lạgitʼe em daṛekebona?”
53Jisui metatʼkoa, “Sạrigeń metapekana, Manwa Hoponakʼ jel bape jomle khan ar uniyakʼ mãyãm bape ńule khan apere jion do bạnukʼanaṅ. 54Jãhãege ińakʼ jele jom ar mãyãme ńũi uni do jaejug jione ńama, ar mucạtʼ dinre uni doń jiwetʼ beredea. 55Ińakʼ jel do sạri jomakʼ kana ar ińakʼ mãyãm do sạri ńũiyakʼ kana. 56Okoe ińakʼ jele jom ar ińakʼ mãyãme ńũi uni do ińreye tahẽnkana ar iń hõ unire. 57Iń do jiwetʼicʼ Babageye kol akadińạ ar uni iạtege jiwetʼ minạńa. Onkage iń jojomicʼ hõ iń hotete jiwetʼe tahena. 58Noage serma khon pheḍ hecʼakan piṭhạ do. Aperen hapṛamko okaṭakʼ piṭhạ jomkateko gocʼen onkan piṭhạ noa do baṅkana. Noa okoeye joma uni do jaejug hạbicʼ jiwetʼe tahena.
Hoṛkoakʼ bepạtiạu
59Kapharnạhum reakʼ sunạgogreye cetʼako kan tahẽkanre Jisu do noa kathae roṛleda. 60Ar uniren celako modre ḍher hoṛge noa katha ańjomkateko menkeda, “Noa do ạḍi keṭecʼ sikhạuna kana. Ar noa do okoeye ańjom daṛekea?”
61Jisu do acʼren celako noa reakʼ karacʼ kurujokʼkane bujhạuketʼkoa. Onate uni doe metatʼkoa, “Noa iạte cetʼ monrepe tạkijokʼ kana? 62Enḍekhan Manwa Hopon pạhil okareye tahẽkan onḍe rakapʼ calakʼkanpe ńellere ape do cetʼpe mena? 63Manwa hoṛmo do oka kaj reakʼ hõ baṅkana; sonot Jiuge jione emokʼkana. Okako katha ape ṭheniń roṛakatʼ ona do jiu ar jion kana. 64Menkhan ape modre nonkanko menakʼkoa okoe do ińre bako pạtiạukʼkan.”
Okoeko Jisure bako pạtiạukʼkan ar okoe hoteteye soprot ocokʼ, ona do Jisu pạhil khongeye baḍaekan tahẽkana. 65Ona iạteye menkeda, “Onateń metapekana, Ạpuń daṛe bae emape khan okoe hõ iń ṭhen do ohope hecʼ daṛelena.”
Patras do Jisui aṅgocede
66Jisuakʼ noa katha iạte celako modre ḍher hoṛgeko pạcena ar uni tulucʼ ar bako dãṛãleda. 67Onate Jisu do onko gelbar celakoe metatʼkoa, “Ape hõ cetʼ ruạṛ joṅpe menjoṅ kana?”
68 #
Mat 16.16; Mrk 8.29; Luk 9.20 Simon Patras do Jisui metadea, “E Probhu Isor, ale do okoe ṭhenle calakʼa? Jaejug jion reakʼ katha ma coṅ am ṭhenge. 69Alele biswạs akana arle baḍae akada, am do Isorren uni sonoticʼ kanam.”
70Unre Jisu do onkoe metatʼkoa, “Ape gelbarkoge cetʼ bạń bachao akatʼpea? Menkhan ape modre mitʼṭen bạiri menaea.” 71Jisu do Simon Iskariotren hopon Jihudạwakʼ kathae menetʼ tahẽkana, ente unigeye soprote lạgidokʼkan tahẽkana. Ar uni do gelbarko modren mitʼ hoṛe tahẽkana.
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Santali Bible © Bangladesh Bible Society, 2021.