Luku 17
17
Sii baraa laanka sii baraa toa boo
(MAT 18.6-7,21-22; MAR 9.42)
1Yezu mà a kialandɛnan ganaa: Sàabaa ba bɛ la wa, siin man die yii, ǹ minin nyanaa ǹ nə ǹ kaa sii baraa zɛnaa ganaa. Sɛnɛ, min mɛn bɛ́ bɛa siin kɛn lɛn lɛ-bɔle lɛa, bɔ̀ndɛnaa n ka bɛ nɛ. 2Bɛ̀ maǹ wii lɔ ǹ gii yii ǹ dɛnaa bɔlɔ-a ǹ zũ yìsi mu gole li, bɛ á soɛ ǹ dɛnaa ganaa, á la nɛnyaanan kɛn goon toto a nyanaa a da sii baraa-n nɛ. 3#MAT 18.15. Bɛ lɛ nɛ, ka yiri bɔ ka dinin li. Bɛ̀ n dɔɔ̃n nə́ sii baraa zɛnaa, a zɛ̀rɛ baa. Bɛ̀ á golee a sii baraa li, n na a sii baraa toa nɛ. 4Ta gunyin sɔbaa nɛ lɛawaa goon gɔ́ɔ̃ nɛ, á sã á wɔ n lon, bɛ̀ á lɛ kɔ á wusoo á daa n li gunyin sɔbaa, á pɛ n nɛ mà asɛ sã, mà n kaarɛ, a sãn toa nɛ.
Golee Lawa li boo
5Dia dí-a wolen lɛn nə́ pɛ Dɛnaa nɛ: «Màn da wɔsɛn golee Lawa li li.»
6Dɛnaa pɛ ǹ nɛ: «Mutardə we mɛn bɛ́ bɔbɔnboɛɛn nɛ, bɛ̀ á daa yaa golee Lawa li n ka lon ka bɛ bɛ́ lɔn, bɛ̀ ka á boe la ka pɛ gɔ́rɔ da kɛ nɛ, mà a n gòonən wɛ̃ a bɔ tán, a wo n din zumu yìsi mu lɛ-a, a n die ka bɔlɔ sii dɔn.»
Dí-nyali a dí bɛ́ màn mɛn nɛ
7Yezu pɛ: «Bɛ̀ dí-nyali tá min lon, a ná a wuru kɔsɛ hinlaa a ná a tɔɔn lɛduĩ. Bɛ̀ dí-nyali lɛ bɔ don, á daa, bɛa dɛnaa lɛ á pii ni mà a da giã tán fufuu a màn bii? 8Haayii! Ka dɔn min kɔ́n ba bɛ zɛnɛɛ wa. Bɛa dɛnaa lɛ n pii dí-nyali lɛ nɛ, mà a na asɛ a màn-bii boso bɔrɔ, a n yɔrɔ bɔ a kɔ asɛ la. Bɛ kio a dɔ á boe la a màn bii. 9A bɛ́ á dí mɛn kɔ dí-nyali lɛ la á nya, á barka diɛ nɛ bɛa lɛa? Haayii! 10Ka dɔn wɔ lɛ n miɛ̃. Lawa dí mɛn din tumaa kɔ ka la, bɛ̀ ka bɛ nya ka nya, ka pɛ mà kasɛn man dí-nyalin dininsɔɔ̃nɔn lɛa. Mà kasɛn man ka kaa wɔ lɛ zɛnaa.»
Yezu n gɔ̀nɔn busu babaraa dɛnaa fù kaka koe
11Yezu bɛ́ zii la woe Zeruzalɛmu, á kɔ Samarii gána laanka Galilee gána gèlè zii lɛ. 12Á wɔ kiwi goon ne yǎa gɔ̀nɔn busu babaraa dɛnaa fù da n da lɛ. Ǹ nə́ n toa tiãlɛa, 13ǹ nə́ n lɛ dɛ ǹ nə́ pɛ: «Yezu, wɔa Mìinaa, makara bɔ wɔ-a!»
14 #
LWS 14.1-32. Yezu nə́ ǹ yɛ, á pɛ ǹ nɛ mà ǹ wo n dinin nyaa Lawa a kion wúlu-bɔlen manɛ.
Ǹ bɛ́ zii la woe walan, ǹ busu nya. 15Ǹ goon bɛ́ á yɛ mà asɛ a busu nya, á wusoo á zii kũ, á n bɔyaa bɛ̀ á n Lawa tɔ boe ka lɛn gole ne. 16Á daa kaa tán Yezu giulun, á n yɔrɔ kɔ tán lɛ, á barka da Yezu ni. Bɛa giĩ kɛ lɛ na á goã Samarii gána min lɛa. 17Yezu tɔ́n pɛ mà ǹ fùmaa lɛ tumaa a busu bie á nya wa ya? Sɛnɛ, mà manangɔrɔ kɛ na á woo maa? 18Mà ǹ kɔ́n nə n taasɛ á wusoo á daa barka da Lawa-n wa, yǎa bɛa tii kɛ lɛ.
19Yezu pɛ bɛa goon kɛ lɛ nɛ mà a yoo lon, a woo. Mà a din a goleemali na a ná a kirisibaa.
Lawa a kiibaa lɛ a daa boo
(MAT 24.23-28,37-41)
20 *Fariziɛ̃n lɛn nə́ nɔ̀n da Yezu la mà Lawa n die a din a kiibaa lɛ koɛ biĩ, mà a na a dí lɛ nya a na a lɛ pã?
Yezu nə́ ǹ lɛ si mà min ba re sii kɔ́n yii a boo la a pɛ, mà *Lawa a kiibaa lɛ a koa dɔ wa. 21Min ba re boe la a pɛ mà á ke kànaa, hinlaa mà á ke kɛnɛn nɛ wa. Mà Lawa ná a kiibaa lɛ koa ǹ bii gɔrɔ dɔn!
22Yezu tɔ́n pɛ kialandɛnan lɛn nɛ: «Biikoo á re die, minin tá re giɛ li mà ǹ goã Min a Nɛgiĩ a kiibaa giulun, haalɛ tá lɛawaa goon toto ne, sɛnɛ, ǹ ba re yii wa. 23Ǹ tá re pii ǹ ni mà á ke kɛnɛn nɛ, mà á ke kànaa. Ka baran baa si bɛ ganaa ka wo kaa kunun ǹ ni wa. 24Sonbore, la a tɛ-pɛ bɛ́ boe lɔn, a kanaa a lɛ̀ gùrù sii wɔlɔ tumaa fulu, Min a Nɛgiĩ a daa sii n die goɛ̃ miɛ̃. 25Sɛnɛ, yǎa ma fuu yii bɔrɔ parsiini, pelo minin nə n piɛ̃ ka ma nɛ.
26 #
SGK 6.5-8. «Màn mɛn nə n zɛnaa Nowee a biikoo li, bɛ lɛ n die n zɛnɛɛ doo Min a Nɛgiĩ a daa biikoo li. 27#SGK 7.6-11. Minin man nə́ goã màn bii, ǹ nə́ màn mii. Giĩn man nə́ goã lɔn we, lɔn nə́ we giĩn li, yǎa Nowee a wɔ goo-n pinaa. Mu gole lɛ tɔ́n daa á ǹ tumaa papaã. 28#SGK 18.20—19.25. Màn mɛn nə n zɛnaa Lɔti dɔ a biikoo li, sii lɛ n die kɔnboe ka bɛ nɛ. Minin man nə́ goã màn bii, ǹ nə́ màn mii, ǹ nə́ mànan pii, ǹ nə́ kɛn siɛ̃, manə goã dan zumi, ǹ nə́ kionən doe. 29Sɛnɛ, Lɔti soo á n bɔ Sodɔmu ǹ mɛn pinaa, Lawa na á tɛ laanka kiribi bɔ lon á kaa kiwi lɛ a minin la ka la bɛ́ lɔn, á ǹ tumaa dɛ. 30A n die n biɛ miɛ̃ Min a Nɛgiĩ a daa pinaa. 31#MAT 24.17-18; MAR 13.15-16. Bɛa pinaa kɛ nɛ, bɛ̀ min mɛn tá kala-n, bɛ̀ bɛa dɛnaa gisĩ, a doamaa bie a wɔ kion mà a na a mànan goɛ wa. Min mɛn dɔ bɛ́ re goɛ̃ wuru-n, bɛ dɔ a dɛnaa doamaa bie a wusoo a wo piɛ wa. 32#SGK 19.26. Lɔti a lɔ na á n yiri koa a gɔn mànan-a á la a din a kirisibaa nɛ, sii mɛn nə yɛ, ka n yiri koa bɛ nɛ. 33#MAT 10.39; 16.25; MAR 8.35; LUK 9.24; ZAÃ 12.25. Min mɛn bɛ́ giɛ li a na a din nyin tamaa, bɛa dɛnaa á die bɔ̀n biɛ a wɔ nɛ. Min mɛn bɛ́ bɔ̀n biɛ a wɔ nɛ, bɛa dɛnaa á die kirisibiɛ.
34«Masɛ n pii ka nɛ máa bɛa pinaa tèlò kɛ nɛ, bɛ̀ min paa tá waa-n tán piì goon la, Lawa á re goon siɛ, a goon kɛ toa walan. 35Bɛ̀ lɔ min paa tá wii loe kun, goon tá re n siɛ, goon kɛ nə n toa walan. [ 36Bɛ̀ giĩ min paa tá wuru-n, goon tá re n siɛ, goon nə n toa walan.]»
37A kialandɛnan nə́ boo saa ǹ nə́ nɔ̀n da la mà Dɛnaa ganaa, mà bɛ n die n zɛnɛɛ maa?
Yezu pɛ: «Á bɛ re n zɛnɛɛ bǎã woo bǎã nɛ, ka á re doɛ̃. Màn gere bɛ́ bǎã mɛn nɛ, zèwon manə n lɛ soekɔn walan.»
Obecnie wybrane:
Luku 17: SCE2013
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
San Catholic Edition Bible © Bible Society of Burkina Faso, 2013.
Luku 17
17
Sii baraa laanka sii baraa toa boo
(MAT 18.6-7,21-22; MAR 9.42)
1Yezu mà a kialandɛnan ganaa: Sàabaa ba bɛ la wa, siin man die yii, ǹ minin nyanaa ǹ nə ǹ kaa sii baraa zɛnaa ganaa. Sɛnɛ, min mɛn bɛ́ bɛa siin kɛn lɛn lɛ-bɔle lɛa, bɔ̀ndɛnaa n ka bɛ nɛ. 2Bɛ̀ maǹ wii lɔ ǹ gii yii ǹ dɛnaa bɔlɔ-a ǹ zũ yìsi mu gole li, bɛ á soɛ ǹ dɛnaa ganaa, á la nɛnyaanan kɛn goon toto a nyanaa a da sii baraa-n nɛ. 3#MAT 18.15. Bɛ lɛ nɛ, ka yiri bɔ ka dinin li. Bɛ̀ n dɔɔ̃n nə́ sii baraa zɛnaa, a zɛ̀rɛ baa. Bɛ̀ á golee a sii baraa li, n na a sii baraa toa nɛ. 4Ta gunyin sɔbaa nɛ lɛawaa goon gɔ́ɔ̃ nɛ, á sã á wɔ n lon, bɛ̀ á lɛ kɔ á wusoo á daa n li gunyin sɔbaa, á pɛ n nɛ mà asɛ sã, mà n kaarɛ, a sãn toa nɛ.
Golee Lawa li boo
5Dia dí-a wolen lɛn nə́ pɛ Dɛnaa nɛ: «Màn da wɔsɛn golee Lawa li li.»
6Dɛnaa pɛ ǹ nɛ: «Mutardə we mɛn bɛ́ bɔbɔnboɛɛn nɛ, bɛ̀ á daa yaa golee Lawa li n ka lon ka bɛ bɛ́ lɔn, bɛ̀ ka á boe la ka pɛ gɔ́rɔ da kɛ nɛ, mà a n gòonən wɛ̃ a bɔ tán, a wo n din zumu yìsi mu lɛ-a, a n die ka bɔlɔ sii dɔn.»
Dí-nyali a dí bɛ́ màn mɛn nɛ
7Yezu pɛ: «Bɛ̀ dí-nyali tá min lon, a ná a wuru kɔsɛ hinlaa a ná a tɔɔn lɛduĩ. Bɛ̀ dí-nyali lɛ bɔ don, á daa, bɛa dɛnaa lɛ á pii ni mà a da giã tán fufuu a màn bii? 8Haayii! Ka dɔn min kɔ́n ba bɛ zɛnɛɛ wa. Bɛa dɛnaa lɛ n pii dí-nyali lɛ nɛ, mà a na asɛ a màn-bii boso bɔrɔ, a n yɔrɔ bɔ a kɔ asɛ la. Bɛ kio a dɔ á boe la a màn bii. 9A bɛ́ á dí mɛn kɔ dí-nyali lɛ la á nya, á barka diɛ nɛ bɛa lɛa? Haayii! 10Ka dɔn wɔ lɛ n miɛ̃. Lawa dí mɛn din tumaa kɔ ka la, bɛ̀ ka bɛ nya ka nya, ka pɛ mà kasɛn man dí-nyalin dininsɔɔ̃nɔn lɛa. Mà kasɛn man ka kaa wɔ lɛ zɛnaa.»
Yezu n gɔ̀nɔn busu babaraa dɛnaa fù kaka koe
11Yezu bɛ́ zii la woe Zeruzalɛmu, á kɔ Samarii gána laanka Galilee gána gèlè zii lɛ. 12Á wɔ kiwi goon ne yǎa gɔ̀nɔn busu babaraa dɛnaa fù da n da lɛ. Ǹ nə́ n toa tiãlɛa, 13ǹ nə́ n lɛ dɛ ǹ nə́ pɛ: «Yezu, wɔa Mìinaa, makara bɔ wɔ-a!»
14 #
LWS 14.1-32. Yezu nə́ ǹ yɛ, á pɛ ǹ nɛ mà ǹ wo n dinin nyaa Lawa a kion wúlu-bɔlen manɛ.
Ǹ bɛ́ zii la woe walan, ǹ busu nya. 15Ǹ goon bɛ́ á yɛ mà asɛ a busu nya, á wusoo á zii kũ, á n bɔyaa bɛ̀ á n Lawa tɔ boe ka lɛn gole ne. 16Á daa kaa tán Yezu giulun, á n yɔrɔ kɔ tán lɛ, á barka da Yezu ni. Bɛa giĩ kɛ lɛ na á goã Samarii gána min lɛa. 17Yezu tɔ́n pɛ mà ǹ fùmaa lɛ tumaa a busu bie á nya wa ya? Sɛnɛ, mà manangɔrɔ kɛ na á woo maa? 18Mà ǹ kɔ́n nə n taasɛ á wusoo á daa barka da Lawa-n wa, yǎa bɛa tii kɛ lɛ.
19Yezu pɛ bɛa goon kɛ lɛ nɛ mà a yoo lon, a woo. Mà a din a goleemali na a ná a kirisibaa.
Lawa a kiibaa lɛ a daa boo
(MAT 24.23-28,37-41)
20 *Fariziɛ̃n lɛn nə́ nɔ̀n da Yezu la mà Lawa n die a din a kiibaa lɛ koɛ biĩ, mà a na a dí lɛ nya a na a lɛ pã?
Yezu nə́ ǹ lɛ si mà min ba re sii kɔ́n yii a boo la a pɛ, mà *Lawa a kiibaa lɛ a koa dɔ wa. 21Min ba re boe la a pɛ mà á ke kànaa, hinlaa mà á ke kɛnɛn nɛ wa. Mà Lawa ná a kiibaa lɛ koa ǹ bii gɔrɔ dɔn!
22Yezu tɔ́n pɛ kialandɛnan lɛn nɛ: «Biikoo á re die, minin tá re giɛ li mà ǹ goã Min a Nɛgiĩ a kiibaa giulun, haalɛ tá lɛawaa goon toto ne, sɛnɛ, ǹ ba re yii wa. 23Ǹ tá re pii ǹ ni mà á ke kɛnɛn nɛ, mà á ke kànaa. Ka baran baa si bɛ ganaa ka wo kaa kunun ǹ ni wa. 24Sonbore, la a tɛ-pɛ bɛ́ boe lɔn, a kanaa a lɛ̀ gùrù sii wɔlɔ tumaa fulu, Min a Nɛgiĩ a daa sii n die goɛ̃ miɛ̃. 25Sɛnɛ, yǎa ma fuu yii bɔrɔ parsiini, pelo minin nə n piɛ̃ ka ma nɛ.
26 #
SGK 6.5-8. «Màn mɛn nə n zɛnaa Nowee a biikoo li, bɛ lɛ n die n zɛnɛɛ doo Min a Nɛgiĩ a daa biikoo li. 27#SGK 7.6-11. Minin man nə́ goã màn bii, ǹ nə́ màn mii. Giĩn man nə́ goã lɔn we, lɔn nə́ we giĩn li, yǎa Nowee a wɔ goo-n pinaa. Mu gole lɛ tɔ́n daa á ǹ tumaa papaã. 28#SGK 18.20—19.25. Màn mɛn nə n zɛnaa Lɔti dɔ a biikoo li, sii lɛ n die kɔnboe ka bɛ nɛ. Minin man nə́ goã màn bii, ǹ nə́ màn mii, ǹ nə́ mànan pii, ǹ nə́ kɛn siɛ̃, manə goã dan zumi, ǹ nə́ kionən doe. 29Sɛnɛ, Lɔti soo á n bɔ Sodɔmu ǹ mɛn pinaa, Lawa na á tɛ laanka kiribi bɔ lon á kaa kiwi lɛ a minin la ka la bɛ́ lɔn, á ǹ tumaa dɛ. 30A n die n biɛ miɛ̃ Min a Nɛgiĩ a daa pinaa. 31#MAT 24.17-18; MAR 13.15-16. Bɛa pinaa kɛ nɛ, bɛ̀ min mɛn tá kala-n, bɛ̀ bɛa dɛnaa gisĩ, a doamaa bie a wɔ kion mà a na a mànan goɛ wa. Min mɛn dɔ bɛ́ re goɛ̃ wuru-n, bɛ dɔ a dɛnaa doamaa bie a wusoo a wo piɛ wa. 32#SGK 19.26. Lɔti a lɔ na á n yiri koa a gɔn mànan-a á la a din a kirisibaa nɛ, sii mɛn nə yɛ, ka n yiri koa bɛ nɛ. 33#MAT 10.39; 16.25; MAR 8.35; LUK 9.24; ZAÃ 12.25. Min mɛn bɛ́ giɛ li a na a din nyin tamaa, bɛa dɛnaa á die bɔ̀n biɛ a wɔ nɛ. Min mɛn bɛ́ bɔ̀n biɛ a wɔ nɛ, bɛa dɛnaa á die kirisibiɛ.
34«Masɛ n pii ka nɛ máa bɛa pinaa tèlò kɛ nɛ, bɛ̀ min paa tá waa-n tán piì goon la, Lawa á re goon siɛ, a goon kɛ toa walan. 35Bɛ̀ lɔ min paa tá wii loe kun, goon tá re n siɛ, goon kɛ nə n toa walan. [ 36Bɛ̀ giĩ min paa tá wuru-n, goon tá re n siɛ, goon nə n toa walan.]»
37A kialandɛnan nə́ boo saa ǹ nə́ nɔ̀n da la mà Dɛnaa ganaa, mà bɛ n die n zɛnɛɛ maa?
Yezu pɛ: «Á bɛ re n zɛnɛɛ bǎã woo bǎã nɛ, ka á re doɛ̃. Màn gere bɛ́ bǎã mɛn nɛ, zèwon manə n lɛ soekɔn walan.»
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
San Catholic Edition Bible © Bible Society of Burkina Faso, 2013.