Rut 2
2
Boozpa ćhakranćhö Rut pallakunqan
1Belén markaćhömi uk rïcu runa Booz shutiyoq käqan. Pëmi Noemípa qosan Elimelecpa castan käqan. 2Uk unaqmi Noemíta Rut ñëqan: “Ëwä cebäda siegaqkuna shikwayanqanta pallapäkamoq.#Levítico 19.9-10; Deuteronomio 24.19. Ćhakraman ćhaptëqa pïllapis kuyapämanqam”.
Tsënö ñiptinmi suegranqa ñëqan: “Wawë, ëwaptiki allićha kanman” ñir.
3Tsënö ëwëkanqanćhömi cebäda siegaqkuna dëjayanqankunata rikar pallapäkoq yëköqan. Tsë ćhakraqa suegrun Elimelecpa castan Boozpam kañaq. 4Rut pallapäkïkaptinmi markapik Booz ćhëkur llapan minkëninkunata napëniköqan: “Teyta Dios yanapëkuyäshunki”.
Tsëmi minkëninkunapis ñiyäqan: “Qamtapis Teyta Dios yanapëkushunki”.
5Tsëmi siegaqkunapa capatazninta Booz tapöqan: “¿Pïpa tsurintan taqë shipash?” ñir.
6Capatazñam ñëqan: “Pëqa Moab nacionpik Noemíwan shamoq shipashmi. 7Ćhëkamurmi pallapäkunanpaq rugamashqa. Ällaqpikmi mana amartsu pallakïkan. Tsëraqmi amashqa”.
8Tsëmi Rut kaqman witiykur Booz ñëqan: “Cosëcha ushakanqanyaq këllaman shamunki sirveqnë shipashkunawan pallapäkunëkipaq. Ukpa ćhakranmanqa ama ëwankitsu. 9Waranpun kutimur siegayanqan qepallankunata pallapäkunki. Minkënë runakunatapis willäqöñam mana mićhäyäshunëkipaq. Yakunarqa pïñućhö këkaq yakuta yakökunki”.
10Tsënö ñiptinmi Rutqa urkunpis patsaman töpanqanyaq qonquriykur ñëqan: “Päyi teytë, uklä warmi këkaptëpis kuyapämanqëkita”.
11Tsëmi Booz ñëqan: “Musyämi qosëki wañuskiptin suegrëkiwan alli kawanqëkita. Tsënöllam musyä mamëkita, papänikita y markëkita dëjaskir kë uklä markaman shamunqëkita. 12Tsënöllam musyä ñoqakuna confiakuyanqä Teyta Diosman confiakunqëkita. Llapanćhöpis pë yanapëkushunki”.
13Tsënö ñiptinmi Rut ñëqan: “Päyi teytë, sirveqniki mana këkaptëpis kuyapämanqëkita” ñir.
14Almuerzu hörañam Rutta Booz ñëqan: “Këllaman shamï poqushqa vïnuta tantantawan mikunëkipaq”.
Tsënö ñiptinmi minkëninkuna uchuräyanqan kaqllaman Rut uchöqan. Tsëćhöñam pëtapis trïgu kamtsata Booz qaräqan. Paćhan unta mikuskiptinpis atskaraqmi sobräqan. 15Tsëpikñam minkëninkunata Booz ñëqan: “Manöjukunapikpis Rut pallakuptin ama mićhäyankitsu. 16Tsëpa rantinqa pallakunanpaq shikwatsiyanki. Imanö pallakuptinpis pëtaqa ama mićhäyankitsu” ñir.
17Tsë unaq patsa tutapanqanyaqmi Rut pallapäköqan. Tsë pallapäkunqanta shaktaskiptinmi ishkë arröbanö yarqöqan. 18Tsë pallapäkunqan cebädata apakurkur suegran kaqman ćhëkurmi rikätsëqan. Tsënöllam ćhurakunqan mikïtapis suegranta qaräqan. 19Tsëmi Noemíqa kushikur ñëqan: “Wawë, ¿mëćhötan këtsikata pallapäkamöqonki? ¿Pïtan kuyapäshöqonki tsëtsikata tarimunëkipaq? Tsë kuyapäshoqniki runataqa Teyta Dios yanapëkutsun” ñir.
Rutñam ñëqan: “Mamë, Booz shutiyoq runapa ćhakranćhömi pallapäkamöqö”.
20Tsënö ñiptinmi Noemí ñëqan: “¡Boozqa qosäpa castanmi këkan! ¡Tsënöllam pë yanapamänantsikpaq këkan!#Levítico 25.25. ¡Teyta Dios pëta yanapëkutsun! ¡Teyta Diosqa qosätapis wamräkunatapis yanapanqannöllam kananpis yanapëkämantsik!”
21Rutñam ñëqan: “Tsënöllam ñimashqa cosëcha ushakanqanyaq sirveqnin shipashkunawan pallapäkamunäpaq”.
22Tsënö ñiptinmi Noemí ñëqan: “Wawë, tsënö kaptinqa pëkunallawan pallapäkamï. Ćhakran ćhakran puriptiki pïpis burlakushunkimanćhi” ñir.
23Tsëmi cebäda cosëchawan trïgu cosëcha ushakanqanyaq Boozpa ćhakrankunallaćhö Rut pallapäköqan. Tsë witsanqa suegranpa paqtanmi täköqan.
Obecnie wybrane:
Rut 2: qcgPB
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2022, Wycliffe Bible Translators, Inc. All rights reserved.
Rut 2
2
Boozpa ćhakranćhö Rut pallakunqan
1Belén markaćhömi uk rïcu runa Booz shutiyoq käqan. Pëmi Noemípa qosan Elimelecpa castan käqan. 2Uk unaqmi Noemíta Rut ñëqan: “Ëwä cebäda siegaqkuna shikwayanqanta pallapäkamoq.#Levítico 19.9-10; Deuteronomio 24.19. Ćhakraman ćhaptëqa pïllapis kuyapämanqam”.
Tsënö ñiptinmi suegranqa ñëqan: “Wawë, ëwaptiki allićha kanman” ñir.
3Tsënö ëwëkanqanćhömi cebäda siegaqkuna dëjayanqankunata rikar pallapäkoq yëköqan. Tsë ćhakraqa suegrun Elimelecpa castan Boozpam kañaq. 4Rut pallapäkïkaptinmi markapik Booz ćhëkur llapan minkëninkunata napëniköqan: “Teyta Dios yanapëkuyäshunki”.
Tsëmi minkëninkunapis ñiyäqan: “Qamtapis Teyta Dios yanapëkushunki”.
5Tsëmi siegaqkunapa capatazninta Booz tapöqan: “¿Pïpa tsurintan taqë shipash?” ñir.
6Capatazñam ñëqan: “Pëqa Moab nacionpik Noemíwan shamoq shipashmi. 7Ćhëkamurmi pallapäkunanpaq rugamashqa. Ällaqpikmi mana amartsu pallakïkan. Tsëraqmi amashqa”.
8Tsëmi Rut kaqman witiykur Booz ñëqan: “Cosëcha ushakanqanyaq këllaman shamunki sirveqnë shipashkunawan pallapäkunëkipaq. Ukpa ćhakranmanqa ama ëwankitsu. 9Waranpun kutimur siegayanqan qepallankunata pallapäkunki. Minkënë runakunatapis willäqöñam mana mićhäyäshunëkipaq. Yakunarqa pïñućhö këkaq yakuta yakökunki”.
10Tsënö ñiptinmi Rutqa urkunpis patsaman töpanqanyaq qonquriykur ñëqan: “Päyi teytë, uklä warmi këkaptëpis kuyapämanqëkita”.
11Tsëmi Booz ñëqan: “Musyämi qosëki wañuskiptin suegrëkiwan alli kawanqëkita. Tsënöllam musyä mamëkita, papänikita y markëkita dëjaskir kë uklä markaman shamunqëkita. 12Tsënöllam musyä ñoqakuna confiakuyanqä Teyta Diosman confiakunqëkita. Llapanćhöpis pë yanapëkushunki”.
13Tsënö ñiptinmi Rut ñëqan: “Päyi teytë, sirveqniki mana këkaptëpis kuyapämanqëkita” ñir.
14Almuerzu hörañam Rutta Booz ñëqan: “Këllaman shamï poqushqa vïnuta tantantawan mikunëkipaq”.
Tsënö ñiptinmi minkëninkuna uchuräyanqan kaqllaman Rut uchöqan. Tsëćhöñam pëtapis trïgu kamtsata Booz qaräqan. Paćhan unta mikuskiptinpis atskaraqmi sobräqan. 15Tsëpikñam minkëninkunata Booz ñëqan: “Manöjukunapikpis Rut pallakuptin ama mićhäyankitsu. 16Tsëpa rantinqa pallakunanpaq shikwatsiyanki. Imanö pallakuptinpis pëtaqa ama mićhäyankitsu” ñir.
17Tsë unaq patsa tutapanqanyaqmi Rut pallapäköqan. Tsë pallapäkunqanta shaktaskiptinmi ishkë arröbanö yarqöqan. 18Tsë pallapäkunqan cebädata apakurkur suegran kaqman ćhëkurmi rikätsëqan. Tsënöllam ćhurakunqan mikïtapis suegranta qaräqan. 19Tsëmi Noemíqa kushikur ñëqan: “Wawë, ¿mëćhötan këtsikata pallapäkamöqonki? ¿Pïtan kuyapäshöqonki tsëtsikata tarimunëkipaq? Tsë kuyapäshoqniki runataqa Teyta Dios yanapëkutsun” ñir.
Rutñam ñëqan: “Mamë, Booz shutiyoq runapa ćhakranćhömi pallapäkamöqö”.
20Tsënö ñiptinmi Noemí ñëqan: “¡Boozqa qosäpa castanmi këkan! ¡Tsënöllam pë yanapamänantsikpaq këkan!#Levítico 25.25. ¡Teyta Dios pëta yanapëkutsun! ¡Teyta Diosqa qosätapis wamräkunatapis yanapanqannöllam kananpis yanapëkämantsik!”
21Rutñam ñëqan: “Tsënöllam ñimashqa cosëcha ushakanqanyaq sirveqnin shipashkunawan pallapäkamunäpaq”.
22Tsënö ñiptinmi Noemí ñëqan: “Wawë, tsënö kaptinqa pëkunallawan pallapäkamï. Ćhakran ćhakran puriptiki pïpis burlakushunkimanćhi” ñir.
23Tsëmi cebäda cosëchawan trïgu cosëcha ushakanqanyaq Boozpa ćhakrankunallaćhö Rut pallapäköqan. Tsë witsanqa suegranpa paqtanmi täköqan.
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2022, Wycliffe Bible Translators, Inc. All rights reserved.