Rut 4
4
Rutwan Booz ćhurakanqan
1Tsëpikñam marka yëkuna punkuman ëwëkur Booz uchurëkaptin Rutpa qosanpa mas legïtimu kaq castan päsëkäqan. Päsëkaqta rikaskirmi Booz qayëkur ñëqan: “Shamï parlashunpaq”.
Tsënö ñiptinmi tsë runa ëwar uchöqan. 2Ñirkurñam tsë markaćhö täkoq ćhunka mayor runakunata Booz qayëkatsir uchuräyänanpaq ñëqan. 3Castan runatañam ñëqan: “Moab nacionpik kutimoq Noemími qosanpa ćhakranta rantikïta munëkan. Tsë ćhakraqa castantsik Elimelecpa kaqmi. 4Tsëmi mas legïtimu castan kaptiki qamta willaq rantiyta munarqa kë mayor runakunapa ñöpanćhö rantinëkipaq. Mana rantiyta munarqa willamë ñoqapis castan këkarqa rantinäpaq”.
Tsënö ñiptinmi tsë runa ñëqan: “Rantishaqmi teytë” ñir.
5Tsëmi Booz ñëqan: “Noemípa ćhakranta rantirqa Moab nacionpik shamoq viüda Rutwanpis ćhurakänëkim. Tsënöpam Rutpa wamran yurir wañoq qosanpa tsurinnö kanqa tsë ćhakrapa duëñun kananpaq”.
6Tsëmi tsë runa ñëqan: “Tsënö kaptinqa manam rantiyta valorätsu. Rutwan ćhurakaptëqa tsë rantinqä ćhakra manam herenciäpaqtsu kanqa, sinöqa pëpa wamrallanpaqmi kanqa. Rantiyta munarqa qam rantiy” ñir.
7Tsë witsan Israel nacionćhö pïpis castanpa ćhakranta rantiyta mana munarqa ćhakra rantiyta munaq kaqtam llanqinta orquskir entregaq. Tsënöpam runakuna musyayaq llanqinta ćhaskeq kaqña ćhakrata rantinanpaq kaqta. 8Tsëmi llanqinta orquskir Boozta makyar ñëqan: “Castantsikpa ćhakranta qam rantiy”.
9Tsënö ñiptinmi Boozqa mayor runakunatawan tsëćhö këkaq wakin runakunata ñëqan: “Qamkuna rikëkäyankim Elimelecpa, Quiliónpa y Mahlónpa ćhakranta Noemípik rantinqäta. 10Tsënöllam qamkuna musyayanki Mahlónpa viüdan Rut ñoqapa warmëña kananpaq kaqta. Tsënöpam Rutpa wamran Mahlónpa tsurinnöña kanqa y Mahlónpa ćhakranpis Rutpa wamranpaña kanqa.#Deuteronomio 25.5-6. Ñinqäkunataqa llapëkim wiyëkäyanki”.
11Tsënö ñiptinmi mayor runakunawan tsëćhö wakin runakunapis ñiyäqan: “Ñinqëkitaqa llapantam wiyëkäyä. Teyta Dios bendicionninta Rutman ćhurëkutsun. Raquelpa y Leapa wamrankuna atska kanqannö pëpapis wamrankuna atska kayätsun. Pëkunapik miraqllam llapantsikpis Israel runakunaqa këkantsik. Qamtapis Teyta Dios yanapëkushunki Efrata ñinqan Belénćhö pïmëpis respetayäshunëkipaq. 12Tsënölla Teyta Dios bendiciykushunki Tamarćhö Judápa tsurin Farespik#Génesis 38.27-30. miraqkuna atska kayanqannö qampapis tsurikikuna Rutćhö atska kayänanpaq” ñir.
13Tsënöpam Rutwan Booz ćhurakäqan. Teyta Dios bendicionninta ćhuraptinmi Rut qeshyaq rikäkur ollqu wamrata qeshyaköqan. 14Tsëmi warmikuna Noemíta ñiyäqan: “¡Teyta Dios alabashqa këkutsun! Pëmi munashqa Rutpa wamran kananta. Tsë wamran willkëkinö kar Israel nacionnintsikćhö respetashqa këkutsun. 15Ćhakwasyaptikipis tsë willkëkim yanaparniki wätashunki. Kuyashoqniki waćhqïkipa wamran karmi qanćhis ollqu wamrëkipikpis mas alli rikäshunki”.
16Noemíñam willkanta alläpa kuyar wätäqan. 17Tsëmi Noemípa vecïnankuna ñiyäqan: “¡Noemíqa wamran aparishqam puriykan!” ñir.
Tsë wamratam shutitsëqan Obedta. Obedmi Jesépa papänin käqan. Jeséñam Davidpa papänin käqan.
Rey Davidpa unë castankuna
18Këkunam Farespik Davidyaq miraqkuna kayäqan:
Farespa tsurinmi Hezrón,
19Hezrónpa tsurinmi Ram,
Rampa tsurinmi Aminadab,
20Aminadabpa tsurinmi Nahasón,
Nahasónpa tsurinmi Salmón,
21Salmónpa tsurinmi Booz,
Boozpa tsurinmi Obed
22y Obedpa tsurinmi Jesé.
Jesépa tsurinñam David käqan.#1 Crónicas 2.5-15; Mateo 1.3-6.
Obecnie wybrane:
Rut 4: qcgPB
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2022, Wycliffe Bible Translators, Inc. All rights reserved.
Rut 4
4
Rutwan Booz ćhurakanqan
1Tsëpikñam marka yëkuna punkuman ëwëkur Booz uchurëkaptin Rutpa qosanpa mas legïtimu kaq castan päsëkäqan. Päsëkaqta rikaskirmi Booz qayëkur ñëqan: “Shamï parlashunpaq”.
Tsënö ñiptinmi tsë runa ëwar uchöqan. 2Ñirkurñam tsë markaćhö täkoq ćhunka mayor runakunata Booz qayëkatsir uchuräyänanpaq ñëqan. 3Castan runatañam ñëqan: “Moab nacionpik kutimoq Noemími qosanpa ćhakranta rantikïta munëkan. Tsë ćhakraqa castantsik Elimelecpa kaqmi. 4Tsëmi mas legïtimu castan kaptiki qamta willaq rantiyta munarqa kë mayor runakunapa ñöpanćhö rantinëkipaq. Mana rantiyta munarqa willamë ñoqapis castan këkarqa rantinäpaq”.
Tsënö ñiptinmi tsë runa ñëqan: “Rantishaqmi teytë” ñir.
5Tsëmi Booz ñëqan: “Noemípa ćhakranta rantirqa Moab nacionpik shamoq viüda Rutwanpis ćhurakänëkim. Tsënöpam Rutpa wamran yurir wañoq qosanpa tsurinnö kanqa tsë ćhakrapa duëñun kananpaq”.
6Tsëmi tsë runa ñëqan: “Tsënö kaptinqa manam rantiyta valorätsu. Rutwan ćhurakaptëqa tsë rantinqä ćhakra manam herenciäpaqtsu kanqa, sinöqa pëpa wamrallanpaqmi kanqa. Rantiyta munarqa qam rantiy” ñir.
7Tsë witsan Israel nacionćhö pïpis castanpa ćhakranta rantiyta mana munarqa ćhakra rantiyta munaq kaqtam llanqinta orquskir entregaq. Tsënöpam runakuna musyayaq llanqinta ćhaskeq kaqña ćhakrata rantinanpaq kaqta. 8Tsëmi llanqinta orquskir Boozta makyar ñëqan: “Castantsikpa ćhakranta qam rantiy”.
9Tsënö ñiptinmi Boozqa mayor runakunatawan tsëćhö këkaq wakin runakunata ñëqan: “Qamkuna rikëkäyankim Elimelecpa, Quiliónpa y Mahlónpa ćhakranta Noemípik rantinqäta. 10Tsënöllam qamkuna musyayanki Mahlónpa viüdan Rut ñoqapa warmëña kananpaq kaqta. Tsënöpam Rutpa wamran Mahlónpa tsurinnöña kanqa y Mahlónpa ćhakranpis Rutpa wamranpaña kanqa.#Deuteronomio 25.5-6. Ñinqäkunataqa llapëkim wiyëkäyanki”.
11Tsënö ñiptinmi mayor runakunawan tsëćhö wakin runakunapis ñiyäqan: “Ñinqëkitaqa llapantam wiyëkäyä. Teyta Dios bendicionninta Rutman ćhurëkutsun. Raquelpa y Leapa wamrankuna atska kanqannö pëpapis wamrankuna atska kayätsun. Pëkunapik miraqllam llapantsikpis Israel runakunaqa këkantsik. Qamtapis Teyta Dios yanapëkushunki Efrata ñinqan Belénćhö pïmëpis respetayäshunëkipaq. 12Tsënölla Teyta Dios bendiciykushunki Tamarćhö Judápa tsurin Farespik#Génesis 38.27-30. miraqkuna atska kayanqannö qampapis tsurikikuna Rutćhö atska kayänanpaq” ñir.
13Tsënöpam Rutwan Booz ćhurakäqan. Teyta Dios bendicionninta ćhuraptinmi Rut qeshyaq rikäkur ollqu wamrata qeshyaköqan. 14Tsëmi warmikuna Noemíta ñiyäqan: “¡Teyta Dios alabashqa këkutsun! Pëmi munashqa Rutpa wamran kananta. Tsë wamran willkëkinö kar Israel nacionnintsikćhö respetashqa këkutsun. 15Ćhakwasyaptikipis tsë willkëkim yanaparniki wätashunki. Kuyashoqniki waćhqïkipa wamran karmi qanćhis ollqu wamrëkipikpis mas alli rikäshunki”.
16Noemíñam willkanta alläpa kuyar wätäqan. 17Tsëmi Noemípa vecïnankuna ñiyäqan: “¡Noemíqa wamran aparishqam puriykan!” ñir.
Tsë wamratam shutitsëqan Obedta. Obedmi Jesépa papänin käqan. Jeséñam Davidpa papänin käqan.
Rey Davidpa unë castankuna
18Këkunam Farespik Davidyaq miraqkuna kayäqan:
Farespa tsurinmi Hezrón,
19Hezrónpa tsurinmi Ram,
Rampa tsurinmi Aminadab,
20Aminadabpa tsurinmi Nahasón,
Nahasónpa tsurinmi Salmón,
21Salmónpa tsurinmi Booz,
Boozpa tsurinmi Obed
22y Obedpa tsurinmi Jesé.
Jesépa tsurinñam David käqan.#1 Crónicas 2.5-15; Mateo 1.3-6.
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2022, Wycliffe Bible Translators, Inc. All rights reserved.