Gníoṁarṫa 21
21
Caibidil XXI
Téid Pól suas go h-Ierusalem. Beireann na h-Iúdaiġ air san teampall.
1Agus ṫárla, nuair a scaramar leo, gur ṡeolamar róṁainn, agus ṫáiniceamar ar ċúrsa ḋíreaċ go Cós, agus an lá ina ḋiaiḋ sin go dtí an Róid, agus as sin go Patara.
2Agus nuair a fuaireamar long ag dul trasna go Peinic, ċuaḋamar ar bórd, agus ṡeolamar inntí.
3Agus nuair a ṫáiniceamar ar aṁarċ na Cufaire, d’ḟágamar ar ár gclí í, agus ṡeolamar ċun na Síre, agus ṫáiniceamar go Tior: óir ba annsin a ḃí ar an luing a lasta a ċur dí.
4Agus ó fuaireamar deisciobail annsin, d’ḟanamar ann seaċtṁain: agus duḃairt siad-san le Pól tríd an Spiorad, gan dul suas go h-Ierusalem.
5Agus nuair a ḃí na laeṫe sin caiṫte, d’imṫiġeamar ċun siuḃail, agus rinne siad uilig, mar aon le n-a gcuid ban agus clann, sinn a ċomóraḋ amaċ as an ċaṫair: agus ġár leigin féin síos ar ár nglúna dúinn ar an tráiġ, rinneamar urnaiġe.
6Agus nuair a d’ḟágamar slán ag a ċéile: ċuaiḋ sinne ar ḃórd na luinge: agus ṗill siad-san aḃaile.
7Aċt ar ċríoċnuġaḋ na seoltóireaċta dúinne, ċuaḋamar síos ó Ṫior go Ptolemáis: agus ḃeannuiġeamar do na bráiṫre, agus d’ḟanamar lá ina gcuideaċta.
8Agus d’imṫiġeamar lá ar n-a ḃáraċ, agus ṫáiniceamar go Caesarea. Agus ċuaḋamar isteaċ i dtiġ Ṗilip, soiscéalaiḋe#21, 8 Soiscéalaiḋe. Is é sin le ráḋ, seaninóiriḋe an tsoiscéil. B’é sin duine de na seaċt ndeoċain, an té a ṫionntuiġ na Samáiriteanáiġ roiṁe sin, agus a ḃaist an seanascal. (VIII)., arḃ é duine de’n tseaċtar é, agus d’ḟanamar aige.
9Agus ḃí ceaṫrar inġeanaċ aige-sean, maiġdeana a ġníoḋ fáiḋeadóireaċt.
10Agus le linn dúinn a ḃeiṫ ag fuireaċ suim laeṫe annsin, ṫáinic ċugainn ó Iudaia fáiḋ áiriṫe, darḃ ainm Agabus.
11Agus ar ṫeaċt ċugainn dó, rug sé ar ċrios Ṗóil: agus ċeangail sé a ċosa agus a láṁa féin, agus duḃairt: Is é seo a deir an Spiorad Naoṁ: Is mar seo a ċeanglóċas na h-Iúdaiġ i n-Ierusalem an fear ar leis an ċrios seo, agus ḃéarfaiḋ siad ar láiṁ do na ciniḋeaċa é.
12Agus nuair a ċualamar sin, d’iarramar féin agus muinntir na h-áite sin air gan dul suas go h-Ierusalem.
13Annsin d’ḟreagair Pól, agus duḃairt: Cad ċuige díḃ a ḃeiṫ ag gol agus ag briseaḋ mo ċroiḋe? Óir tá mé réiḋ ní aṁáin ċun ḃeiṫ ceangailte, aċt fosta ċun bás d’ḟaġáil i n-Ierusalem ar son ainm an Tiġearna Íosa.
14Agus mar naċ dtáinic linn a ċóṁairliuġaḋ, stadamar, ag ráḋ: Toil an Tiġearna go ndéantar.
15Agus i ndiaiḋ na laeṫe sin, ar ḃeiṫ ullaṁ dúinn, ċuaḋamar suas go h-Ierusalem.
16Agus ṫáinic cuid de na deisciobail as Caesarea linn fosta, agus ṫug siad-san leo sean-deisciobal as an Ċufair, darḃ ainm Mnasón, ag a ḃfuiġimís aoiḋeaċt.
17Agus nuair a ṫáiniceamar go h-Ieruṡalem, d’ḟáiltiġ na bráiṫre róṁainn go lúṫġáireaċ.
18Agus lá ar n-a ḃáraċ ċuaiḋ Pól isteaċ linn ċuig Séamus, agus ḃí na seanóirí uilig cruinniġṫe i gcionn a ċéile.
19Agus nuair a ḃeannuiġ sé dóiḃ, d’innis sé faoi seaċ na neiṫe a rinne Dia imeasc na gciniḋeaċ tré n-a ḟrioṫálaṁ.
20Agus ar a ċluinstin sin dóḃṫa-san, ṫug siad glóir do Ḋia, agus duḃairt leis: Tċí tú, a ḃráṫair, cá ṁéad míle imeasc na n-Iúdaċ a ṫáinic ċun creidiṁ, agus tá siad uilig díograiseaċ ar leiṫ an dliġe.
21Anois ċuala siad fá dtaoiḃ díot go mbíonn tú ag teagasc na n-Iúdaċ sin, atá imeasc na gciniḋeaċ, Maoise a ṫréigin: ag ráḋ naċ cóir dóiḃ a gcuiḋ mac a ṫimċeallġearraḋ, ná siuḃal do réir an ġnáis.
22Cad é tá le déanaṁ, dá ḃríġ sin? Gan aṁras is éigean do’n tsluaġ teaċt i gcionn a ċéile: óir cluinfiḋ siad go dtáinic tú.
23Ar an aḋḃar sin, déan an níḋ seo a deirimíd leat. Tá ceiṫre fir againn a ḃfuil móid tugṫa acu.
24Beir leat iad seo, agus naoṁuiġ ṫú féin mar aon leo: agus caiṫ leo ċun go ndéanaiḋ siad a gcinn a ḃearraḋ:#Uiṁ. 6, 18. agus béiḋ a ḟios ag an uile ḋuine gur bréaga na neiṫe a ċuala siad fá dtaoiḃ díot, aċt go siuḃlann tú féin fosta ag coiṁéad an dliġe#21, 24 Ag coiṁéad an dliġe. Giḋ naċ raiḃ an ḋliġe de ḋualgas ní b’ḟuide, ċongḃuiġ na h-Iúdaiġ a ṫionntuiġ ina gCríostaiḋṫe an dliġe ar feaḋ tamaill ar dtús: ba ṁian leo an tsineagóg d’aḋlacaḋ, mar a déarfá, fá onóir..
25Aċt i dtaca leis an méid de na ciniḋeaca a ṫáinic ċun creidiṁ, scríoḃamar agus ċinneamar dóiḃ iad féin a ċongḃáil ó gaċ níḋ dár h-ofráileaḋ do íoḋail, agus ó ḟuil, agus ó neiṫe taċtuiġṫe, agus ó ḋrúis.
26Annsin rug Pól leis na fir, agus lá ar n-a ḃáraċ, nuair a rinne sé é féin a ġlanaḋ mar aon leo, ċuaiḋ sé isteaċ san teampall a ḟuagraḋ go raiḃ laeṫe an ġlanta cóiṁlíonta, nó go dtugtaí ofráil ar son gaċ aoinneaċ acu.
27Aċt nuair a ḃí na seaċt laeṫe ċóṁair a ḃeiṫ caiṫte, agus ċonnaic na h-Iúdaiġ sin as an Aisia san teampall é, ġríosuiġ siad na daoine go léir, agus fuair siad greim air, agus iad ag scairtiġ:
28Ḃur gcaḃair annseo, a ḟeara Israéil: is é seo an fear a ḃíos ag teagasc na n-uile ḋaoine i ngaċ áit i n-aġaiḋ an ṗobail, agus an dliġe, agus na h-áite seo, agus le n-a ċois sin, ṫug sé págánaiġ isceaċ san teampall, agus ṫruailliġ sé an áit naoṁṫa seo.
29Óir ċonnaic siad Troṗimus ó Eṗesus ina ċuideaċta san ċaṫair, agus ṡíl siad go dtug Pól isteaċ san teampall é.
30Agus ḃí an ċaṫair uilig fá ġleo, agus riṫ na daoine i gcionn a ċéile. Agus ag breiṫ ar Ṗól dóiḃ, ṫarraing siad amaċ as an teampall é: agus ar an ḃomaite druideaḋ na doirse.
31Agus nuair a ḃí siad i ḃfáṫaċ le n-a ṁarḃaḋ, h-innseaḋ do ċionn feaḋain na buiḋne go raiḃ Ierusalem go h-uile i ngleo.
32Agus ar an ḃall ṫug seisean leis saiġdiuirí agus ceanntúirí agus riṫ sé síos ċuca. Agus nuair a ċonnaic siad-san an ceann feaḋain agus na saiġdiuirí, stad siad de ḃualaḋ Ṗóil.
33Annsin ar ṫeaċt ċun tosaiġ do’n ċionn feaḋain, rug sé air, agus ḋ’órduiġ sé a ċeangal le ḋá ṡlaḃraḋ: agus d’ḟiafruiġ sé cérḃ é é, agus cad é ḃí déanta aige.
34Agus scairt cuid acu seo, agus cuid acu siúd, imeasc an tsluaiġ. Agus mar naċ dtáinic leis scéal deiṁin d’ḟaġáil mar ġeall ar an ġleo, d’órduiġ sé a ṫaḃairt ċun an ċampa.
35Agus nuair a ṫáinic sé go dtí na scaiġrí, ṫárla go raiḃ sé ar iomċar ag na saiġdiuirí mar ġeall ar ḟoiréigean an ṗobail.
36Óir lean sluaġ de na daoine é, ag scairtiġ: Beir uainn é.
37Agus tráṫ ḃí Pól ar ṡéala ḃeiṫ dá ḃreiṫ isteaċ san ċampa, deir sé leis an ċionn feaḋain: An ceaḋṁaċ daṁ rud éigin a ráḋ leat? Agus duḃairt seisean: An laḃrann tusa Gréigis?
38Naċ tusa an t-Éigipteaċ a ṫóg gleo roiṁe seo, agus a ṫreoruiġ leat amaċ san ḟásaċ ceiṫre ṁíle fear, a ḃí ina ndún ṁarḃṫóirí?
39Agus duḃairt Pól leis: Go deiṁin is Iúdaċ mise as Tarsus i gCilicia, caṫarḋaċ de ċaṫair naċ ḃfuil gan ċáil. Agus guiḋim ṫú, cead a ṫaḃairt daṁ laḃairt leis na daoine.
40Agus nuair a ṫug sé cead dó, ṡeasuiġ Pól ar na staiġrí, agus rinne sé cóṁarṫa le n-a láiṁ do’n ṗobal, agus nuair a ṫáinic tost mór orṫa, laḃair sé leo i dteangaiḋ na h-Eaḃraise, ag ráḋ:
Obecnie wybrane:
Gníoṁarṫa 21: ASN1943G
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
rights held by the Bible Society in Northern Ireland
Gníoṁarṫa 21
21
Caibidil XXI
Téid Pól suas go h-Ierusalem. Beireann na h-Iúdaiġ air san teampall.
1Agus ṫárla, nuair a scaramar leo, gur ṡeolamar róṁainn, agus ṫáiniceamar ar ċúrsa ḋíreaċ go Cós, agus an lá ina ḋiaiḋ sin go dtí an Róid, agus as sin go Patara.
2Agus nuair a fuaireamar long ag dul trasna go Peinic, ċuaḋamar ar bórd, agus ṡeolamar inntí.
3Agus nuair a ṫáiniceamar ar aṁarċ na Cufaire, d’ḟágamar ar ár gclí í, agus ṡeolamar ċun na Síre, agus ṫáiniceamar go Tior: óir ba annsin a ḃí ar an luing a lasta a ċur dí.
4Agus ó fuaireamar deisciobail annsin, d’ḟanamar ann seaċtṁain: agus duḃairt siad-san le Pól tríd an Spiorad, gan dul suas go h-Ierusalem.
5Agus nuair a ḃí na laeṫe sin caiṫte, d’imṫiġeamar ċun siuḃail, agus rinne siad uilig, mar aon le n-a gcuid ban agus clann, sinn a ċomóraḋ amaċ as an ċaṫair: agus ġár leigin féin síos ar ár nglúna dúinn ar an tráiġ, rinneamar urnaiġe.
6Agus nuair a d’ḟágamar slán ag a ċéile: ċuaiḋ sinne ar ḃórd na luinge: agus ṗill siad-san aḃaile.
7Aċt ar ċríoċnuġaḋ na seoltóireaċta dúinne, ċuaḋamar síos ó Ṫior go Ptolemáis: agus ḃeannuiġeamar do na bráiṫre, agus d’ḟanamar lá ina gcuideaċta.
8Agus d’imṫiġeamar lá ar n-a ḃáraċ, agus ṫáiniceamar go Caesarea. Agus ċuaḋamar isteaċ i dtiġ Ṗilip, soiscéalaiḋe#21, 8 Soiscéalaiḋe. Is é sin le ráḋ, seaninóiriḋe an tsoiscéil. B’é sin duine de na seaċt ndeoċain, an té a ṫionntuiġ na Samáiriteanáiġ roiṁe sin, agus a ḃaist an seanascal. (VIII)., arḃ é duine de’n tseaċtar é, agus d’ḟanamar aige.
9Agus ḃí ceaṫrar inġeanaċ aige-sean, maiġdeana a ġníoḋ fáiḋeadóireaċt.
10Agus le linn dúinn a ḃeiṫ ag fuireaċ suim laeṫe annsin, ṫáinic ċugainn ó Iudaia fáiḋ áiriṫe, darḃ ainm Agabus.
11Agus ar ṫeaċt ċugainn dó, rug sé ar ċrios Ṗóil: agus ċeangail sé a ċosa agus a láṁa féin, agus duḃairt: Is é seo a deir an Spiorad Naoṁ: Is mar seo a ċeanglóċas na h-Iúdaiġ i n-Ierusalem an fear ar leis an ċrios seo, agus ḃéarfaiḋ siad ar láiṁ do na ciniḋeaċa é.
12Agus nuair a ċualamar sin, d’iarramar féin agus muinntir na h-áite sin air gan dul suas go h-Ierusalem.
13Annsin d’ḟreagair Pól, agus duḃairt: Cad ċuige díḃ a ḃeiṫ ag gol agus ag briseaḋ mo ċroiḋe? Óir tá mé réiḋ ní aṁáin ċun ḃeiṫ ceangailte, aċt fosta ċun bás d’ḟaġáil i n-Ierusalem ar son ainm an Tiġearna Íosa.
14Agus mar naċ dtáinic linn a ċóṁairliuġaḋ, stadamar, ag ráḋ: Toil an Tiġearna go ndéantar.
15Agus i ndiaiḋ na laeṫe sin, ar ḃeiṫ ullaṁ dúinn, ċuaḋamar suas go h-Ierusalem.
16Agus ṫáinic cuid de na deisciobail as Caesarea linn fosta, agus ṫug siad-san leo sean-deisciobal as an Ċufair, darḃ ainm Mnasón, ag a ḃfuiġimís aoiḋeaċt.
17Agus nuair a ṫáiniceamar go h-Ieruṡalem, d’ḟáiltiġ na bráiṫre róṁainn go lúṫġáireaċ.
18Agus lá ar n-a ḃáraċ ċuaiḋ Pól isteaċ linn ċuig Séamus, agus ḃí na seanóirí uilig cruinniġṫe i gcionn a ċéile.
19Agus nuair a ḃeannuiġ sé dóiḃ, d’innis sé faoi seaċ na neiṫe a rinne Dia imeasc na gciniḋeaċ tré n-a ḟrioṫálaṁ.
20Agus ar a ċluinstin sin dóḃṫa-san, ṫug siad glóir do Ḋia, agus duḃairt leis: Tċí tú, a ḃráṫair, cá ṁéad míle imeasc na n-Iúdaċ a ṫáinic ċun creidiṁ, agus tá siad uilig díograiseaċ ar leiṫ an dliġe.
21Anois ċuala siad fá dtaoiḃ díot go mbíonn tú ag teagasc na n-Iúdaċ sin, atá imeasc na gciniḋeaċ, Maoise a ṫréigin: ag ráḋ naċ cóir dóiḃ a gcuiḋ mac a ṫimċeallġearraḋ, ná siuḃal do réir an ġnáis.
22Cad é tá le déanaṁ, dá ḃríġ sin? Gan aṁras is éigean do’n tsluaġ teaċt i gcionn a ċéile: óir cluinfiḋ siad go dtáinic tú.
23Ar an aḋḃar sin, déan an níḋ seo a deirimíd leat. Tá ceiṫre fir againn a ḃfuil móid tugṫa acu.
24Beir leat iad seo, agus naoṁuiġ ṫú féin mar aon leo: agus caiṫ leo ċun go ndéanaiḋ siad a gcinn a ḃearraḋ:#Uiṁ. 6, 18. agus béiḋ a ḟios ag an uile ḋuine gur bréaga na neiṫe a ċuala siad fá dtaoiḃ díot, aċt go siuḃlann tú féin fosta ag coiṁéad an dliġe#21, 24 Ag coiṁéad an dliġe. Giḋ naċ raiḃ an ḋliġe de ḋualgas ní b’ḟuide, ċongḃuiġ na h-Iúdaiġ a ṫionntuiġ ina gCríostaiḋṫe an dliġe ar feaḋ tamaill ar dtús: ba ṁian leo an tsineagóg d’aḋlacaḋ, mar a déarfá, fá onóir..
25Aċt i dtaca leis an méid de na ciniḋeaca a ṫáinic ċun creidiṁ, scríoḃamar agus ċinneamar dóiḃ iad féin a ċongḃáil ó gaċ níḋ dár h-ofráileaḋ do íoḋail, agus ó ḟuil, agus ó neiṫe taċtuiġṫe, agus ó ḋrúis.
26Annsin rug Pól leis na fir, agus lá ar n-a ḃáraċ, nuair a rinne sé é féin a ġlanaḋ mar aon leo, ċuaiḋ sé isteaċ san teampall a ḟuagraḋ go raiḃ laeṫe an ġlanta cóiṁlíonta, nó go dtugtaí ofráil ar son gaċ aoinneaċ acu.
27Aċt nuair a ḃí na seaċt laeṫe ċóṁair a ḃeiṫ caiṫte, agus ċonnaic na h-Iúdaiġ sin as an Aisia san teampall é, ġríosuiġ siad na daoine go léir, agus fuair siad greim air, agus iad ag scairtiġ:
28Ḃur gcaḃair annseo, a ḟeara Israéil: is é seo an fear a ḃíos ag teagasc na n-uile ḋaoine i ngaċ áit i n-aġaiḋ an ṗobail, agus an dliġe, agus na h-áite seo, agus le n-a ċois sin, ṫug sé págánaiġ isceaċ san teampall, agus ṫruailliġ sé an áit naoṁṫa seo.
29Óir ċonnaic siad Troṗimus ó Eṗesus ina ċuideaċta san ċaṫair, agus ṡíl siad go dtug Pól isteaċ san teampall é.
30Agus ḃí an ċaṫair uilig fá ġleo, agus riṫ na daoine i gcionn a ċéile. Agus ag breiṫ ar Ṗól dóiḃ, ṫarraing siad amaċ as an teampall é: agus ar an ḃomaite druideaḋ na doirse.
31Agus nuair a ḃí siad i ḃfáṫaċ le n-a ṁarḃaḋ, h-innseaḋ do ċionn feaḋain na buiḋne go raiḃ Ierusalem go h-uile i ngleo.
32Agus ar an ḃall ṫug seisean leis saiġdiuirí agus ceanntúirí agus riṫ sé síos ċuca. Agus nuair a ċonnaic siad-san an ceann feaḋain agus na saiġdiuirí, stad siad de ḃualaḋ Ṗóil.
33Annsin ar ṫeaċt ċun tosaiġ do’n ċionn feaḋain, rug sé air, agus ḋ’órduiġ sé a ċeangal le ḋá ṡlaḃraḋ: agus d’ḟiafruiġ sé cérḃ é é, agus cad é ḃí déanta aige.
34Agus scairt cuid acu seo, agus cuid acu siúd, imeasc an tsluaiġ. Agus mar naċ dtáinic leis scéal deiṁin d’ḟaġáil mar ġeall ar an ġleo, d’órduiġ sé a ṫaḃairt ċun an ċampa.
35Agus nuair a ṫáinic sé go dtí na scaiġrí, ṫárla go raiḃ sé ar iomċar ag na saiġdiuirí mar ġeall ar ḟoiréigean an ṗobail.
36Óir lean sluaġ de na daoine é, ag scairtiġ: Beir uainn é.
37Agus tráṫ ḃí Pól ar ṡéala ḃeiṫ dá ḃreiṫ isteaċ san ċampa, deir sé leis an ċionn feaḋain: An ceaḋṁaċ daṁ rud éigin a ráḋ leat? Agus duḃairt seisean: An laḃrann tusa Gréigis?
38Naċ tusa an t-Éigipteaċ a ṫóg gleo roiṁe seo, agus a ṫreoruiġ leat amaċ san ḟásaċ ceiṫre ṁíle fear, a ḃí ina ndún ṁarḃṫóirí?
39Agus duḃairt Pól leis: Go deiṁin is Iúdaċ mise as Tarsus i gCilicia, caṫarḋaċ de ċaṫair naċ ḃfuil gan ċáil. Agus guiḋim ṫú, cead a ṫaḃairt daṁ laḃairt leis na daoine.
40Agus nuair a ṫug sé cead dó, ṡeasuiġ Pól ar na staiġrí, agus rinne sé cóṁarṫa le n-a láiṁ do’n ṗobal, agus nuair a ṫáinic tost mór orṫa, laḃair sé leo i dteangaiḋ na h-Eaḃraise, ag ráḋ:
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
rights held by the Bible Society in Northern Ireland