Евангелле паводле Марка Раздзел 15
Раздзел 15
1 #
Мц. 27:1; Лк. 18:32; Ян. 18:28 І зараз раніцай, Ісуса, па нарадзе першасвятароў са старэйшынамі і кніжнікамі, і ўсяго сангедрыёна, звязаўшы, павялі і перадалі Пілату.
2 #
Мц. 27:11; Лк. 23:2; Ян. 18:29; 1Цім. 6:13 І спытаўся ў Яго Пілат: «Ці Ты – Цар Юдэйскі?» А Ён, адказваючы, гаворыць яму: «Ты кажаш».
3І вінавацілі Яго першасвятары ў многіх рэчах.
4 #
Ян. 19:10
Дык Пілат зноў спытаўся ў Яго, кажучы: «Чаму не адказваеш? Глядзі, як многа супраць Цябе абвінавачанняў».
5Але Ісус больш нічога не адказваў, так што Пілат дзівіўся.
6 #
Мц. 27:15; Лк. 23:18; Ян. 18:39 На свята ён меў звычай вызваляць ім аднаго з вязняў, каго б захацелі.
7Быў жа нейкі адзін, на імя Бараба, увязнены разам з бунтаўнікамі, які ў час бунту ўчыніў забойства.
8І калі сабраўся натоўп людзей, пачаў дамагацца таго, што ім звычайна рабілі.
9Пілат жа звярнуўся да іх і сказаў: «Хочаце, адпушчу вам Цара Юдэйскага?»
10Бо ведаў, што Яго выдалі першасвятары праз зайздрасць.
11 #
Мц. 27:20; Ян. 18:40; Лк. 23:18; Дзеі 3:14 Але першасвятары падбухторылі людзей, каб ім лепш адпусціў Барабу.
12І Пілат, адказваючы, гаварыў ім паўторна: «Дык што хочаце, каб я зрабіў з Тым, Каго называеце Царом Юдэйскім?»
13Але яны зноў закрычалі: «Укрыжуй Яго!»
14Дык Пілат сказаў ім: «Што благога зрабіў Ён?» Але яны тым болей крычалі: «Укрыжуй Яго!»
15 #
Мц. 27:26; Ян. 19:1 І Пілат, жадаючы дагадзіць народу, выпусціў ім Барабу, а Ісуса, пасля бічавання, выдаў на ўкрыжаванне.
16А ваяры ўвялі Яго ў панадворак, што завецца прэторыя, і склікалі ўсю кагорту.
17І апранулі Яго ў пурпур, і, сплёўшы вянок з церняў, усклалі Яму на галаву,
18і пачалі Яго вітаць: «Радуйся, Цар Юдэйскі!»
19І трысцінай білі Яго па галаве, і плявалі на Яго, і, кленчучы, кланяліся Яму.
20І, калі ўжо наздзекаваліся з Яго, знялі з Яго пурпур ды зноў апранулі Яго ў адзенне Яго, ды павялі Яго на ўкрыжаванне.
21 #
Мц. 27:32; Лк. 23:26 І прымусілі нейкага Сімона Цырэнейца, бацьку Аляксандра і Руфа, які ішоў з поля і праходзіў міма, каб нёс крыж Яго.
22 #
Мц. 27:33; Лк. 23:33; Ян. 19:17 І прывялі Яго на Гальготу, што значыць «месца чэрапа».
23І давалі Яму выпіць віно, змяшанае з сокам міры, але не прыняў.
24 #
Пс. 22:19; Лк. 23:34; Ян. 19:23 І ўкрыжаваўшы Яго, дзелілі адзенне Яго, кідаючы жэрабя між сабою, каму што ўзяць.
25 #
Мц. 27:45; Лк. 23:44; Ян. 19:14 А была гадзіна трэцяя, і ўкрыжавалі Яго.
26 #
Мц. 27:37; Ян. 19:19 І быў надпіс віны Яго: «Цар Юдэйскі».
27 #
Мц. 27:38; Лк. 22:37 І ўкрыжавалі разам з Ім двух разбойнікаў, аднаго праваруч, а другога леваруч ад Яго.
28І збылося Пісанне: і да злодзеяў быў залічаны.
29 #
Пс. 22:8; 109:25; Мц. 26:61; Ян. 2:19 І тыя, што міма праходзілі, плявузгалі на Яго, ківаючы галовамі сваімі і кажучы: «Гэй, Ты, што руйнуеш святыню ды зноў узнаўляеш у тры дні,
30уратуй Сябе Самога, зыдзі з крыжа».
31 #
Лк. 7:14; Ян. 3:14 Таксама і першасвятары з кніжнікамі, смеючыся з Яго, казалі адзін аднаму: «Іншых ратаваў, а Сам Сябе ўратаваць не можа.
32Няхай жа Хрыстос, Цар Ізраэля, сыдзе цяпер з крыжа, каб мы ўбачылі і паверылі». Таксама і тыя, што былі з Ім укрыжаваныя, зневажалі Яго.
33А калі настала гадзіна шостая, усю зямлю ахутала цемра аж да гадзіны дзявятай.
34 #
Пс. 22:1; Мц. 27:46 І а дзевятай гадзіне Ісус закрычаў моцным голасам: «Гэлёі, Гэлёі! Лама сабахтані», што значыць: «Божа Мой, Божа Мой, чаму Ты Мяне пакінуў?»
35І некаторыя з тых, што бліжэй стаялі, чуючы гэта, казалі: «Вось, Ён Іллю кліча».
36 #
Пс. 69:22; Мц. 27:48; Ян. 19:29 А адзін, падбегшы, напоўніўшы губку воцатам і ўсклаўшы яе на трысціну, даваў Яму піць, кажучы: «Пачакайце, паглядзім, ці прыйдзе Ілля зняць Яго».
37Ісус жа, закрычаўшы моцным голасам, сканаў.
38 #
Мц. 27:51; Лк. 23:45 І заслона ў святыні разадралася напалам з верху аж да нізу.
39 #
Мц. 27:54; Лк. 23:47 Сотнік жа, што стаяў насупраць, бачачы, што Ісус, так закрычаўшы, сканаў, гаворыць: «Сапраўды, Гэты Чалавек быў Сын Божы».
40 #
Мц. 27:55; Лк. 23:49; Ян. 19:25 А былі там і жанчыны, здалёк паглядаючыя, між імі Марыя Магдалена, і Марыя, маці Якуба меншага і Язэта, і Саламея,
41якія, калі Ісус быў у Галілеі, хадзілі з Ім і паслугавалі Яму, ды многа іншых, што разам з Ім прыйшлі ў Ерузалім.
42І, калі звечарэла, а быў гэта дзень прыгатавання, які бывае перад суботаю,
43 #
Мц. 27:57; Лк. 2:25; Ян. 19:38 прыйшоў Язэп з Арыматэі, знатны член рады, які сам чакаў прыходу Валадарства Божага, і адважна ўвайшоў да Пілата, і прасіў цела Ісуса.
44Але Пілат сумняваўся, ці ўжо памёр, і, паклікаўшы сотніка, спытаўся ў яго, ці ўжо памёр,
45і, даведаўшыся ад сотніка, аддаў цела Язэпу.
46 #
Мц. 27:59; Лк. 23:53; Ян. 19:40 Язэп жа купіў плашчаніцу і, зняўшы Яго, абгарнуў Яго плашчаніцай ды паклаў у магіле, што была высечана ў скале, і падкаціў камень да ўваходу ў магілу.
47Марыя ж Магдалена і Марыя, маці Язэпа, глядзелі, дзе пахавалі Яго.
Obecnie wybrane:
Евангелле паводле Марка Раздзел 15: ББЧ
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© МХРБ «Біблейскае таварыства ў Рэспубліцы Беларусь», 2017