Pin'ilʋg 16
16
Haga nɛ Isimael yɛla
1Abram pu'a Sarai da nam pʋ du'a biiga. Amaa o da mɔr yammʋg onɛ an Egipt pu'asadir ka o yʋ'ʋr buon Haga. 2-3Abram nɛ o yidim la da zin'in Keenan teŋin yʋʋm piiga la nya'aŋ ka Abram pu'a Sarai da yɛl o ye, “Zugsɔb la kɛ ka m an kʋndu'ar. Nɔkimi m yampu'ak la ka daasi'erɛɛ o na du'a biisi tisim.” Ka Abram siak Sara yɛl si'el la. Ala ka Sara nɔk o yammʋg Haga onɛ an Egipt pu'asadir la tis o ka o di. 4Ka o digin nɛ o ka o nɔk pʋʋg. Haga da nyɛ ka o mɔr pʋʋg la ka pin'ili nɛ'ɛsid Sarai. 5Ka Sarai yɛl Abram ye, “Nɛ'ɛskaŋa wʋsa yinɛ fʋ san'an na! Manɛ nɔki m yammʋgi tisif, ka on yʋ'ʋn nyɛ ka o mɔr pʋʋg la o pʋ lɛn na'asid mam ya'asa. Zugsɔb la na gaŋ onɛ mɔr bʋʋd mam nɛ fʋn sʋʋgin!” 6Ka Abram yɛl Sara ye, “Fʋ yammʋg la bɛnɛ fʋ nu'usin. Maalim o fʋn na maal si'em!” Ka Sara namis Haga hali ka o zɔ ka bas o.
7Zugsɔb maliak da nyɛ Haga ka o bɛ mɔɔgin zin'ikanɛ ka ku'om bun, ka li kpi'e suokanɛ ken Seur la. 8Ka maliak la yɛl o ye, “Haga onɛ an Sarai yammʋga, fʋ yi yaanɛ na, ka wa'ae yaanɛ?” Ka o gandig ye, “M zɔtnɛ yiti m zugdaan Sarai san'an.” 9Ka Zugsɔb maliak la yɛl o ye, “Ayei! Lɛm Sarai san'an ka siak o nɔɔr!” 10Ka maliak la lɛn yɛl ya'as ye, “M na kɛ ka fʋ yaas nɔbigi zu'oe hali ka fʋ kʋ nyaŋi kaali ba.” 11Ka o lɛn yɛl o ye, “Fʋn mɔr pʋsi'a nannanna la, fʋ na du'a biribiŋ ka pʋd o yʋ'ʋr ye Isimael, Zugsɔb la nyɛ fʋ namisʋg la zug. 12Biig la na gɔɔnd nwɛnɛ wɛog bʋŋ nɛ ka kisig sɔ' wʋsa, ka sɔ' wʋsa mɛ na kisig o, ka on nɛ o ba'abiis na an dataas nɛ taaba.” 13Ka Haga pʋd Wina'am onɛ pian' tis o la yʋ'ʋr ye, “Fʋnɛ an Wina'am onɛ nyɛtim” Ka yɛl ye, “M sid nyɛ Wina'am ka nan kpɛn vʋe!” 14Lin ka ba buon bulig la ye Berlahairoi la. Li nan kpɛm bɛ Kades nɛ Bered teŋsʋk hali ti paae zina. 15Ka Haga du'a biribiŋi tis Abram, ka Abram pʋd o yʋ'ʋr ye Isimael. 16Abram da anɛ yʋʋm pisnii nɛ ayuobʋ saŋkan ka Haga da du'a Isimael n tis o la.
Obecnie wybrane:
Pin'ilʋg 16: kus_gh
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2023, Ghana Institute of Linguistics, Literacy and Bible Translation
Pin'ilʋg 16
16
Haga nɛ Isimael yɛla
1Abram pu'a Sarai da nam pʋ du'a biiga. Amaa o da mɔr yammʋg onɛ an Egipt pu'asadir ka o yʋ'ʋr buon Haga. 2-3Abram nɛ o yidim la da zin'in Keenan teŋin yʋʋm piiga la nya'aŋ ka Abram pu'a Sarai da yɛl o ye, “Zugsɔb la kɛ ka m an kʋndu'ar. Nɔkimi m yampu'ak la ka daasi'erɛɛ o na du'a biisi tisim.” Ka Abram siak Sara yɛl si'el la. Ala ka Sara nɔk o yammʋg Haga onɛ an Egipt pu'asadir la tis o ka o di. 4Ka o digin nɛ o ka o nɔk pʋʋg. Haga da nyɛ ka o mɔr pʋʋg la ka pin'ili nɛ'ɛsid Sarai. 5Ka Sarai yɛl Abram ye, “Nɛ'ɛskaŋa wʋsa yinɛ fʋ san'an na! Manɛ nɔki m yammʋgi tisif, ka on yʋ'ʋn nyɛ ka o mɔr pʋʋg la o pʋ lɛn na'asid mam ya'asa. Zugsɔb la na gaŋ onɛ mɔr bʋʋd mam nɛ fʋn sʋʋgin!” 6Ka Abram yɛl Sara ye, “Fʋ yammʋg la bɛnɛ fʋ nu'usin. Maalim o fʋn na maal si'em!” Ka Sara namis Haga hali ka o zɔ ka bas o.
7Zugsɔb maliak da nyɛ Haga ka o bɛ mɔɔgin zin'ikanɛ ka ku'om bun, ka li kpi'e suokanɛ ken Seur la. 8Ka maliak la yɛl o ye, “Haga onɛ an Sarai yammʋga, fʋ yi yaanɛ na, ka wa'ae yaanɛ?” Ka o gandig ye, “M zɔtnɛ yiti m zugdaan Sarai san'an.” 9Ka Zugsɔb maliak la yɛl o ye, “Ayei! Lɛm Sarai san'an ka siak o nɔɔr!” 10Ka maliak la lɛn yɛl ya'as ye, “M na kɛ ka fʋ yaas nɔbigi zu'oe hali ka fʋ kʋ nyaŋi kaali ba.” 11Ka o lɛn yɛl o ye, “Fʋn mɔr pʋsi'a nannanna la, fʋ na du'a biribiŋ ka pʋd o yʋ'ʋr ye Isimael, Zugsɔb la nyɛ fʋ namisʋg la zug. 12Biig la na gɔɔnd nwɛnɛ wɛog bʋŋ nɛ ka kisig sɔ' wʋsa, ka sɔ' wʋsa mɛ na kisig o, ka on nɛ o ba'abiis na an dataas nɛ taaba.” 13Ka Haga pʋd Wina'am onɛ pian' tis o la yʋ'ʋr ye, “Fʋnɛ an Wina'am onɛ nyɛtim” Ka yɛl ye, “M sid nyɛ Wina'am ka nan kpɛn vʋe!” 14Lin ka ba buon bulig la ye Berlahairoi la. Li nan kpɛm bɛ Kades nɛ Bered teŋsʋk hali ti paae zina. 15Ka Haga du'a biribiŋi tis Abram, ka Abram pʋd o yʋ'ʋr ye Isimael. 16Abram da anɛ yʋʋm pisnii nɛ ayuobʋ saŋkan ka Haga da du'a Isimael n tis o la.
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2023, Ghana Institute of Linguistics, Literacy and Bible Translation