Luk 22
22
Iran Ya Ko Iko Jesu
(Matiu 26:1-5; Mak 14:1-2; Jọn 11:45-53)
1Ẹghẹ Emwiukpo Ebrẹd Ne ọ ma hue ne a tie ẹre Alagberra ghi bu otọ. 2Avbe igie ohẹn, iran ni ma emwa Uhi, keghi gualọ odẹ vbene iran gha ya gbe Jesu rhunmwuda ohan avbe emwa kẹkan mu iran.
Judas Kue Yo Ne Ọ Rhie Jesu Maa
(Matiu 26:14-16; Mak 14:10-11)
3Setan keghi la uwu Judas ne a tie ẹre Iskariọt, ọkpa vbe uwu iran ne iweva. 4Judas keghi ladian, ọ keghi ya gu avbe igie ohẹn kevbe iran ni winna vbe Ọgua Osa zẹ iro vbene irẹn gha ya rhie Jesu ne iran hẹẹ. 5Iran keghi ghọghọ, iran na wẹ iran gha rhie igho nẹẹn. 6Judas keghi kue yọ, ọ na ghi gha gualọ ẹghẹ ne ọ kere ne irẹn gha ya rhie Jesu maa vbene emwa kẹkan ira na rẹn.
Jesu Mu Egbe Ne Ọ rri Evbare Alagberra
(Matiu 26:17-25; Mak 12:12-21; Jọn 13:21-30)
7Vbe ẹghẹ Emwiukpo Ebrẹd ne ọ ma hue, ọ keghi sẹ ẹdẹ ne a gbe oteghe ohuan Alagberra. 8Jesu keghi tie Pita vbe Jọn, ọ keghi gie iran uhunmwu wẹẹ, “Wa ya le evbare Alagberra ne ima gha re ye otọ khẹ ima.”
9Iran nọ rẹn wẹẹ, “De ehe ne u ho ne ima na muegbe ẹre ye otọ?”
10Rẹn khama iran wẹẹ, “Wa danmwehọ, wa gha wa da la ore ẹvbo, okpia ne ọ mu esago amẹ gha khian vba uwa. Wa lele ẹe la owa ne ọ rhirhi lao. 11Wa ghi tama ne ọ yan owa wẹẹ, ‘Ọmamwaemwi wẹ, De ughugha ne I gha na gu avbe erhuanegbe mwẹ rri evbare ota Alagberra?’ 12Rẹn gha ma uwa ughugha ọkpa ne a mwamwa ye otọ vbe egedege, wa mwamwa emwi hia ye evba.”
13Iran kegha khian, iran na wa miẹn emwi hia vbene Jesu tae ma iran, iran keghi muegbe evbare ota Alagberra ye otọ.
Evbare Ota Nọyaẹnmwa
(Matiu 26:26-30; Mak 14:22-26; I Kọrinti 11:23-25)
14Ugbẹn vbe ẹghẹ ghi sẹ, Jesu keghi gu avbe erhuanegbe ẹre tota ne iran rri evbare. 15Rẹn keghi tama iran wẹẹ, “Ọ te wa khọnmwẹ ẹsẹse ne I gu uwa rri evbare Alagberra na I te ya rrioya. 16Ne I tama uwa wẹ mẹ i ra rriọe rhinrin a te do rhie emwi na mobọ ya ẹe kha ma an vbe Arriọba Osanobua.”
17Ẹkpo nii ọre Jesu na mu ukpu, ọ keghi rhie ekpọnmwẹ ne Osanobua, ọ wẹẹ, “Wa miẹn ne uwa hia gba ghae ẹre. 18Ne I tama uwa mẹ i ra ghi da ayọn na ke ẹghẹ na kpao rhinrin Arriọba Osanobua te rre.”
19Iyeke ọnii, ọ keghi vbe mu ebrẹd, ọ kpọnmwẹ Osanobua, ọ giagia ẹe, ọ keghi viọ ne iran wẹẹ, “Ọnọna ọrọre egbe mwẹ ne a rhie ne uwa. [Wa gha ru ọna ya ye mwẹ rre.” 20Erriọ zẹẹ ọre ọ vbe mu ukpu ne iran, vbe iran rri evbare ota wẹ, “Ukpu na ọrọre ile ọgbọn ọghe Osanobua ne a ya esagiẹn mwẹ ne a gbe ye otọ ne uwa yi ẹre okhi!”]
21“Sokpan, wa ghe, ọmwa ne ọ ra rhie mwẹ maa wa gunmwẹ rri evbare vbe emwa na! 22Rhunmwuda, Ovbi Ọmwa gha gele wu vbene Osanobua khare, sokpan ọse ọmwa nii ne ọ ra rhie ẹre ma an!”
23Ẹghẹ nii iran keghi suẹn gha muan ẹmwẹ ye ọmwa ne ọ ra rhie ẹre ma vbe uwu iran.
Imuaẹmwẹ Vbekpa Ukpọlọmwẹ
24Imuanẹmwẹ keghi do la ẹkpo avbe erhuanegbe ye ẹmwẹ ọmwa ne a roro ighẹ ọre ne ọ kpọlọ sẹ vbe uwu iran. 25Jesu keghi tama iran wẹẹ, “Avbe ọba agbọn na wa mwẹ ẹtin vbe uhunmwu emwa iran, iran ghi vbe gha tie iran ni khaemwisẹ, ‘Ne ọ ru ne ẹvbo.’ 26Sokpan, Ọghe uwa, i yerriọ, sokpan ne ọre ne ọ kpọlọ sẹ vbe uwu uwa, ọ kere ne ọ gha yevbe ne ọ ru ọvbokhan sẹ vbe ehia. 27Gha ọ kpọlọ sẹ yi, ọmwa ne ọ tota gha rri evbare ra ọmwa ne ọ viọ evbare gi ẹe? A rẹnrẹn ighe ne ọ tota nọ. Sokpan vbe adesẹ uwa nian mẹ ọrọre ne ọ ghae evbare!
28“Wa ọre ọ mudia ke mwẹ vbe ẹghẹ edanmwẹ hia. 29Zẹ vbene Erha mwẹ rhie ẹtin mẹ ne I ya gha khaemwisẹ, erriọ zẹ me gha vbe gu uwa hẹnhẹn ọẹn. 30Wa gha gun mwẹ re, wa ghi vbe gun mwẹ da vbe uhunmwu eteburu mwẹ vbe Arriọba mwẹ, wa gha vbe tota ye ẹkete gha bu ohiẹn ẹwae iweva ne ọ re Izrẹl.
Jesu Tae Ye Otọ Ighe Pita Gha Siẹn Irẹn
(Matiu 26:31-35; Mak 14:27-31; Jọn 13:36-38)
31“Saimọn! Saimọn! Danmwehọ. A fan obọ ẹre ne Setan nẹ ne ọ danmwẹ uwa hia ghe zẹ vbene ọgbugbo khan ọka hin uwu ihunhun rre. 32Sokpan mẹ na erhunmwu nuẹn nẹ Saimọn ne iyayi ruẹ ghẹ i fira, u gha ghi hinmwian bu mwẹ rre nẹ, u ghi rhie ẹtin ye avbe etuẹn iwu.”
33Pita wanniẹn wẹẹ, “Nọyaẹnmwa, mẹ mu egbe ne I ya lele uẹ la eghan ra ne I wu lele uẹ.”
34Jesu wanniẹn wẹẹ, “Ne I tama ruẹn Pita, u gha siẹn mwẹ igba eha ẹrẹna vbe ọkpa te viẹ.”
Ẹsiso, Ẹkpo, Kevbe Umozo
35Ẹghẹ nii ọre Jesu na tama iran wẹẹ, “Ẹghẹ ne I na gie uwa ladian, ne I na wẹ ne uwa ghẹ rhie ẹsiso ra ẹkpo ra ibata, emwi rhọkpa vbe uwa ra?” Iran wanniẹn wẹẹ, “Ẹn o.”
36Jesu keghi vbe kha wẹẹ, “Sokpan vbene emwi hia ghi ye na nian, ọmwa ne ọ mwẹ ẹsiso ra ẹkpo, wẹ ne ọ rhie mwẹ, ne ẹ i mwẹ umozo wẹ ne ọ khiẹn ẹwu ẹre ne ọ ya dẹ. 37Ne I tama uwa, ẹmwẹ ne ebe ne ọ huanrẹn tae wẹẹ, ‘A keghi ka ẹe ba avbe izigan,’ ọre ọ khian do sẹ vbe egbe mwẹ na. Rhunmwuda emwi hia ne a gbẹnnẹ vbe ekpa mwẹ ra do sẹ.”
38Avbe erhuanegbe tama rẹn wẹẹ, “Nọyaẹnmwa, ghe umozo eva vbe emwa na.” Rẹn keghi wanniẹn wẹẹ, “Ọnii sẹe!”
Jesu Na Erhunmwu Vbe Uhunmwu Oke Ọliv
(Matiu 26:36-46; Mak 14:32-42)
39Jesu keghi kpaegbe, ọ na gha rrie uhunmwu oke erhan Ọliv, zẹ vbene ọ ka ru de ẹdẹ, avbe erhuanegbe ẹre keghi vbe lele ẹe gha khian. 40Ugbẹn vbe ọ ghi sẹ evba, ọ tama iran wẹẹ, “Wa gha na erhunmwu ne uwa ghẹ de fi edanmwẹ.”
41Ọ keghi sẹ iran rae, ọ na la omwa umọdia kherhe sikẹ odaro, ọ keghi diguẹ ọ na na erhunmwu. 42Ọ wẹẹ, “Evbavba, a deghẹ ọ yẹ ruẹ, mu ukpu na hin mwẹ obọ rre, vbene ọ rhirhi gha ye hẹ, ẹ i re ne I mẹ ho sokpan ne uwẹ ho ọre a gha ru.” [ 43Odibosa ọkpa keghi ke ẹrinmwi rre do rhie egbe ma rẹn, ọ keghi rhie ẹtin ye ọre iwu. 44Ọ keghi kakabọ na erhunmwu vbe uwu omanọ, ọfo ne ọ rre egbe ẹre keghi ye vbe esagiẹn, ọ kegha kharha ku otọ.]
45Ọ ghi kpaegbe vbe ehe ne ọ na na erhunmwu, ọ keghi bu avbe erhuanegbe ẹre, ọ ghi do vba iran vbiẹ, iro gba iran ẹko. 46Ọ keghi tama iran wẹẹ, “Vbọzẹ ne uwa na vbiẹ yi? Wa kpaegbe ne uwa na erhunmwu ne uwa ghẹ de fi edanmwẹ.”
Iran Mu Jesu
(Matiu 26:47-56; Mak 14:43-50; Jọn 18:3-11)
47Vbene ọ wa guan ni, emwa ni bun keghi rre, “Judas, ọkpa vbe uwu iran ne iweva ọ re ọ ma iran odẹ, ọ keghi bu Jesu gha dee ne ọ do mu unu soso ẹre unu. 48Sokpan Jesu tama rẹn, Judas, isoso unu ọre uwẹ ra ya rhie Ovbi Ọmwa ma ra?”
49Ugbẹn vbe avbe erhuanegbe ni gu Jesu rre evba ghi miẹn emwi ne ọra sunu, iran wẹẹ, “Nọyaẹnmwa, ne ima ya umozo fi emwi ra?” 50Ọkpa vbe uwu iran keghi ya yan ọviẹn Ogie Ohẹn, ọ keghi fian ẹre ehọ ne obọ erha ọmwa fua.
51Sokpan Jesu wanniẹn wẹẹ, “Wa dobọ emwi na yi.” Ọ keghi ye obọ kan okpia nii ehọ, ọ keghi mu ẹre egbe rran.
52Jesu keghi tama avbe igie ohẹn kevbe avbe ni gbe aro ghe Ọgua Osa kevbe avbe ediọn ni rre do mu ẹn wẹẹ, “Vbọzẹ ne uwa na hẹ umozo kevbe orhokhua gha de yi vbe ne a miẹn wẹ izigan ọre I khin? 53Mẹ vbe uwa ọre ọ gba gha rre Ọgua Osa ẹdẹgbegbe, wa ma kha ighẹ uwa gha mu mwẹ, sokpan ẹghẹ ọghe uwa ọre ọ na khin kevbe ẹtin ebiebi.”
Pita Siẹn Jesu
(Matiu 26:57-58, 69-75; Mak 14:53-54, 66-72; Jọn 18:12-18, 25-27)
54Iran keghi mu Jesu, iran na si ẹe gha rrie owa Ogie Ohẹn, Pita keghi lele ẹre odieke gbaan. 55Iran keghi hie erhẹn ye adesẹ ẹghodo vbe evba, Pita keghi ye egbe ba iran ni do ga ẹre. 56Ọkpa vbe uwu avbe eguọmwadia ne ikhuo ghi bẹghe ẹre vbe ehe ne ọ na tota ye ọkpẹn erhẹn, ọ keghi ghe ẹre suun, ọ wẹẹ, “Okpia na vbe deba ẹre.”
57Sokpan Pita siẹn wẹẹ, “Okhuo na, mẹ ma kue rẹn ọnrẹn.”
58Ọma ghi he vbe kpẹe, okpia ọkpa keghi vbe ghe ẹre, ọ wẹẹ, “Ọkpa vbe uwu iran ọre uwẹ khin.” Sokpan Pita wanniẹn wẹẹ, “Okpia na I i re ọre.”
59Omwa ẹgogo ọkpa ghi vbe gbe rra nẹ, okpia ọvbehe keghi wa tua unu muẹn wẹẹ, “Vbe ne a i na gbe unu tae, ọkpa vbe uwu iran ọre okpia na khin rhunmwuda ovbi e Galili rẹn vbe khin.”
60Pita wanniẹn wẹẹ, “Okpia na, I ma zẹdẹ rẹn ẹmwẹ ne uta na!”
61Ọwarọkpa nii, vbe ọ ma he tae hin unu rre fo, ọkpa keghi viẹ. E Nọyaẹnmwa keghi gọ akhọe, ọ keghi rhie aro fi Pita aro. Pita keghi ye ẹmwẹ ne Nọyaẹnmwa tae rre wẹẹ, “Vbene ọkpa te viẹ ẹrẹna, u gha siẹ mwẹ igba eha.” 62Pita keghi ladian, ọ keghi ya viẹ eve orriara.
A Yae Gbe Ogie, A Gbe ẹe
(Matiu 26:67-68; Mak 14:65)
63Iran ne a mu Jesu nẹ dayi keghi yae gbe ogiẹ, iran kegha gbe ẹe. 64Iran ghẹ ghi gba ẹre aro nẹ, iran ghi wẹẹ, “Ta ọmwa ne ọ fi uẹ emwi!” 65Iran keghi ya ukpẹ sakan ẹn ẹsẹsẹmwẹse.
Jesu Vbe Odaro Ni Buohiẹn
(Matiu 26:59-66; Mak 14:55-64; Jọn 18:19-24)
66Ẹdẹ ghi gbe, avbe ediọn ọghe Ju, avbe igie ohẹn, kevbe iran ni ma emwa Uhi keghi rrie iko, iran na mu Jesu gha die evba. 67Iran tama rẹn wẹẹ, “Tama ima, wẹ ọrọre nene Mẹzaia ra?”
68Rẹn wanniẹn tama iran wẹẹ, “I gha tama uwa, wa i yayi, o, wa i rhie ewanniẹn mẹ. 69Sokpan ke ẹghẹ na kpao, Ovbi Ọmwa gha tota vbe obọ erha ọmwa Osanobua ne Oghodua.”
70Iran hia keghi kha wẹẹ, “Ọnii rhie ma khekherriọ ighẹ wẹ ọrọre Ovbi Osanobua?” Rẹn wanniẹn tama iran, “Wa ọre ọ tae ighẹ mẹ nọ.” 71Iran keghi kha wẹẹ, “Ma i ghi vbe gualọ avbe osẹe ọvbehe. Ma tobọ mwa họn ẹmwẹ ne unu ẹnrẹn nẹ!”
Obecnie wybrane:
Luk 22: EDO96
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
@ The Bible Society of Nigeria, 1996
Luk 22
22
Iran Ya Ko Iko Jesu
(Matiu 26:1-5; Mak 14:1-2; Jọn 11:45-53)
1Ẹghẹ Emwiukpo Ebrẹd Ne ọ ma hue ne a tie ẹre Alagberra ghi bu otọ. 2Avbe igie ohẹn, iran ni ma emwa Uhi, keghi gualọ odẹ vbene iran gha ya gbe Jesu rhunmwuda ohan avbe emwa kẹkan mu iran.
Judas Kue Yo Ne Ọ Rhie Jesu Maa
(Matiu 26:14-16; Mak 14:10-11)
3Setan keghi la uwu Judas ne a tie ẹre Iskariọt, ọkpa vbe uwu iran ne iweva. 4Judas keghi ladian, ọ keghi ya gu avbe igie ohẹn kevbe iran ni winna vbe Ọgua Osa zẹ iro vbene irẹn gha ya rhie Jesu ne iran hẹẹ. 5Iran keghi ghọghọ, iran na wẹ iran gha rhie igho nẹẹn. 6Judas keghi kue yọ, ọ na ghi gha gualọ ẹghẹ ne ọ kere ne irẹn gha ya rhie Jesu maa vbene emwa kẹkan ira na rẹn.
Jesu Mu Egbe Ne Ọ rri Evbare Alagberra
(Matiu 26:17-25; Mak 12:12-21; Jọn 13:21-30)
7Vbe ẹghẹ Emwiukpo Ebrẹd ne ọ ma hue, ọ keghi sẹ ẹdẹ ne a gbe oteghe ohuan Alagberra. 8Jesu keghi tie Pita vbe Jọn, ọ keghi gie iran uhunmwu wẹẹ, “Wa ya le evbare Alagberra ne ima gha re ye otọ khẹ ima.”
9Iran nọ rẹn wẹẹ, “De ehe ne u ho ne ima na muegbe ẹre ye otọ?”
10Rẹn khama iran wẹẹ, “Wa danmwehọ, wa gha wa da la ore ẹvbo, okpia ne ọ mu esago amẹ gha khian vba uwa. Wa lele ẹe la owa ne ọ rhirhi lao. 11Wa ghi tama ne ọ yan owa wẹẹ, ‘Ọmamwaemwi wẹ, De ughugha ne I gha na gu avbe erhuanegbe mwẹ rri evbare ota Alagberra?’ 12Rẹn gha ma uwa ughugha ọkpa ne a mwamwa ye otọ vbe egedege, wa mwamwa emwi hia ye evba.”
13Iran kegha khian, iran na wa miẹn emwi hia vbene Jesu tae ma iran, iran keghi muegbe evbare ota Alagberra ye otọ.
Evbare Ota Nọyaẹnmwa
(Matiu 26:26-30; Mak 14:22-26; I Kọrinti 11:23-25)
14Ugbẹn vbe ẹghẹ ghi sẹ, Jesu keghi gu avbe erhuanegbe ẹre tota ne iran rri evbare. 15Rẹn keghi tama iran wẹẹ, “Ọ te wa khọnmwẹ ẹsẹse ne I gu uwa rri evbare Alagberra na I te ya rrioya. 16Ne I tama uwa wẹ mẹ i ra rriọe rhinrin a te do rhie emwi na mobọ ya ẹe kha ma an vbe Arriọba Osanobua.”
17Ẹkpo nii ọre Jesu na mu ukpu, ọ keghi rhie ekpọnmwẹ ne Osanobua, ọ wẹẹ, “Wa miẹn ne uwa hia gba ghae ẹre. 18Ne I tama uwa mẹ i ra ghi da ayọn na ke ẹghẹ na kpao rhinrin Arriọba Osanobua te rre.”
19Iyeke ọnii, ọ keghi vbe mu ebrẹd, ọ kpọnmwẹ Osanobua, ọ giagia ẹe, ọ keghi viọ ne iran wẹẹ, “Ọnọna ọrọre egbe mwẹ ne a rhie ne uwa. [Wa gha ru ọna ya ye mwẹ rre.” 20Erriọ zẹẹ ọre ọ vbe mu ukpu ne iran, vbe iran rri evbare ota wẹ, “Ukpu na ọrọre ile ọgbọn ọghe Osanobua ne a ya esagiẹn mwẹ ne a gbe ye otọ ne uwa yi ẹre okhi!”]
21“Sokpan, wa ghe, ọmwa ne ọ ra rhie mwẹ maa wa gunmwẹ rri evbare vbe emwa na! 22Rhunmwuda, Ovbi Ọmwa gha gele wu vbene Osanobua khare, sokpan ọse ọmwa nii ne ọ ra rhie ẹre ma an!”
23Ẹghẹ nii iran keghi suẹn gha muan ẹmwẹ ye ọmwa ne ọ ra rhie ẹre ma vbe uwu iran.
Imuaẹmwẹ Vbekpa Ukpọlọmwẹ
24Imuanẹmwẹ keghi do la ẹkpo avbe erhuanegbe ye ẹmwẹ ọmwa ne a roro ighẹ ọre ne ọ kpọlọ sẹ vbe uwu iran. 25Jesu keghi tama iran wẹẹ, “Avbe ọba agbọn na wa mwẹ ẹtin vbe uhunmwu emwa iran, iran ghi vbe gha tie iran ni khaemwisẹ, ‘Ne ọ ru ne ẹvbo.’ 26Sokpan, Ọghe uwa, i yerriọ, sokpan ne ọre ne ọ kpọlọ sẹ vbe uwu uwa, ọ kere ne ọ gha yevbe ne ọ ru ọvbokhan sẹ vbe ehia. 27Gha ọ kpọlọ sẹ yi, ọmwa ne ọ tota gha rri evbare ra ọmwa ne ọ viọ evbare gi ẹe? A rẹnrẹn ighe ne ọ tota nọ. Sokpan vbe adesẹ uwa nian mẹ ọrọre ne ọ ghae evbare!
28“Wa ọre ọ mudia ke mwẹ vbe ẹghẹ edanmwẹ hia. 29Zẹ vbene Erha mwẹ rhie ẹtin mẹ ne I ya gha khaemwisẹ, erriọ zẹ me gha vbe gu uwa hẹnhẹn ọẹn. 30Wa gha gun mwẹ re, wa ghi vbe gun mwẹ da vbe uhunmwu eteburu mwẹ vbe Arriọba mwẹ, wa gha vbe tota ye ẹkete gha bu ohiẹn ẹwae iweva ne ọ re Izrẹl.
Jesu Tae Ye Otọ Ighe Pita Gha Siẹn Irẹn
(Matiu 26:31-35; Mak 14:27-31; Jọn 13:36-38)
31“Saimọn! Saimọn! Danmwehọ. A fan obọ ẹre ne Setan nẹ ne ọ danmwẹ uwa hia ghe zẹ vbene ọgbugbo khan ọka hin uwu ihunhun rre. 32Sokpan mẹ na erhunmwu nuẹn nẹ Saimọn ne iyayi ruẹ ghẹ i fira, u gha ghi hinmwian bu mwẹ rre nẹ, u ghi rhie ẹtin ye avbe etuẹn iwu.”
33Pita wanniẹn wẹẹ, “Nọyaẹnmwa, mẹ mu egbe ne I ya lele uẹ la eghan ra ne I wu lele uẹ.”
34Jesu wanniẹn wẹẹ, “Ne I tama ruẹn Pita, u gha siẹn mwẹ igba eha ẹrẹna vbe ọkpa te viẹ.”
Ẹsiso, Ẹkpo, Kevbe Umozo
35Ẹghẹ nii ọre Jesu na tama iran wẹẹ, “Ẹghẹ ne I na gie uwa ladian, ne I na wẹ ne uwa ghẹ rhie ẹsiso ra ẹkpo ra ibata, emwi rhọkpa vbe uwa ra?” Iran wanniẹn wẹẹ, “Ẹn o.”
36Jesu keghi vbe kha wẹẹ, “Sokpan vbene emwi hia ghi ye na nian, ọmwa ne ọ mwẹ ẹsiso ra ẹkpo, wẹ ne ọ rhie mwẹ, ne ẹ i mwẹ umozo wẹ ne ọ khiẹn ẹwu ẹre ne ọ ya dẹ. 37Ne I tama uwa, ẹmwẹ ne ebe ne ọ huanrẹn tae wẹẹ, ‘A keghi ka ẹe ba avbe izigan,’ ọre ọ khian do sẹ vbe egbe mwẹ na. Rhunmwuda emwi hia ne a gbẹnnẹ vbe ekpa mwẹ ra do sẹ.”
38Avbe erhuanegbe tama rẹn wẹẹ, “Nọyaẹnmwa, ghe umozo eva vbe emwa na.” Rẹn keghi wanniẹn wẹẹ, “Ọnii sẹe!”
Jesu Na Erhunmwu Vbe Uhunmwu Oke Ọliv
(Matiu 26:36-46; Mak 14:32-42)
39Jesu keghi kpaegbe, ọ na gha rrie uhunmwu oke erhan Ọliv, zẹ vbene ọ ka ru de ẹdẹ, avbe erhuanegbe ẹre keghi vbe lele ẹe gha khian. 40Ugbẹn vbe ọ ghi sẹ evba, ọ tama iran wẹẹ, “Wa gha na erhunmwu ne uwa ghẹ de fi edanmwẹ.”
41Ọ keghi sẹ iran rae, ọ na la omwa umọdia kherhe sikẹ odaro, ọ keghi diguẹ ọ na na erhunmwu. 42Ọ wẹẹ, “Evbavba, a deghẹ ọ yẹ ruẹ, mu ukpu na hin mwẹ obọ rre, vbene ọ rhirhi gha ye hẹ, ẹ i re ne I mẹ ho sokpan ne uwẹ ho ọre a gha ru.” [ 43Odibosa ọkpa keghi ke ẹrinmwi rre do rhie egbe ma rẹn, ọ keghi rhie ẹtin ye ọre iwu. 44Ọ keghi kakabọ na erhunmwu vbe uwu omanọ, ọfo ne ọ rre egbe ẹre keghi ye vbe esagiẹn, ọ kegha kharha ku otọ.]
45Ọ ghi kpaegbe vbe ehe ne ọ na na erhunmwu, ọ keghi bu avbe erhuanegbe ẹre, ọ ghi do vba iran vbiẹ, iro gba iran ẹko. 46Ọ keghi tama iran wẹẹ, “Vbọzẹ ne uwa na vbiẹ yi? Wa kpaegbe ne uwa na erhunmwu ne uwa ghẹ de fi edanmwẹ.”
Iran Mu Jesu
(Matiu 26:47-56; Mak 14:43-50; Jọn 18:3-11)
47Vbene ọ wa guan ni, emwa ni bun keghi rre, “Judas, ọkpa vbe uwu iran ne iweva ọ re ọ ma iran odẹ, ọ keghi bu Jesu gha dee ne ọ do mu unu soso ẹre unu. 48Sokpan Jesu tama rẹn, Judas, isoso unu ọre uwẹ ra ya rhie Ovbi Ọmwa ma ra?”
49Ugbẹn vbe avbe erhuanegbe ni gu Jesu rre evba ghi miẹn emwi ne ọra sunu, iran wẹẹ, “Nọyaẹnmwa, ne ima ya umozo fi emwi ra?” 50Ọkpa vbe uwu iran keghi ya yan ọviẹn Ogie Ohẹn, ọ keghi fian ẹre ehọ ne obọ erha ọmwa fua.
51Sokpan Jesu wanniẹn wẹẹ, “Wa dobọ emwi na yi.” Ọ keghi ye obọ kan okpia nii ehọ, ọ keghi mu ẹre egbe rran.
52Jesu keghi tama avbe igie ohẹn kevbe avbe ni gbe aro ghe Ọgua Osa kevbe avbe ediọn ni rre do mu ẹn wẹẹ, “Vbọzẹ ne uwa na hẹ umozo kevbe orhokhua gha de yi vbe ne a miẹn wẹ izigan ọre I khin? 53Mẹ vbe uwa ọre ọ gba gha rre Ọgua Osa ẹdẹgbegbe, wa ma kha ighẹ uwa gha mu mwẹ, sokpan ẹghẹ ọghe uwa ọre ọ na khin kevbe ẹtin ebiebi.”
Pita Siẹn Jesu
(Matiu 26:57-58, 69-75; Mak 14:53-54, 66-72; Jọn 18:12-18, 25-27)
54Iran keghi mu Jesu, iran na si ẹe gha rrie owa Ogie Ohẹn, Pita keghi lele ẹre odieke gbaan. 55Iran keghi hie erhẹn ye adesẹ ẹghodo vbe evba, Pita keghi ye egbe ba iran ni do ga ẹre. 56Ọkpa vbe uwu avbe eguọmwadia ne ikhuo ghi bẹghe ẹre vbe ehe ne ọ na tota ye ọkpẹn erhẹn, ọ keghi ghe ẹre suun, ọ wẹẹ, “Okpia na vbe deba ẹre.”
57Sokpan Pita siẹn wẹẹ, “Okhuo na, mẹ ma kue rẹn ọnrẹn.”
58Ọma ghi he vbe kpẹe, okpia ọkpa keghi vbe ghe ẹre, ọ wẹẹ, “Ọkpa vbe uwu iran ọre uwẹ khin.” Sokpan Pita wanniẹn wẹẹ, “Okpia na I i re ọre.”
59Omwa ẹgogo ọkpa ghi vbe gbe rra nẹ, okpia ọvbehe keghi wa tua unu muẹn wẹẹ, “Vbe ne a i na gbe unu tae, ọkpa vbe uwu iran ọre okpia na khin rhunmwuda ovbi e Galili rẹn vbe khin.”
60Pita wanniẹn wẹẹ, “Okpia na, I ma zẹdẹ rẹn ẹmwẹ ne uta na!”
61Ọwarọkpa nii, vbe ọ ma he tae hin unu rre fo, ọkpa keghi viẹ. E Nọyaẹnmwa keghi gọ akhọe, ọ keghi rhie aro fi Pita aro. Pita keghi ye ẹmwẹ ne Nọyaẹnmwa tae rre wẹẹ, “Vbene ọkpa te viẹ ẹrẹna, u gha siẹ mwẹ igba eha.” 62Pita keghi ladian, ọ keghi ya viẹ eve orriara.
A Yae Gbe Ogie, A Gbe ẹe
(Matiu 26:67-68; Mak 14:65)
63Iran ne a mu Jesu nẹ dayi keghi yae gbe ogiẹ, iran kegha gbe ẹe. 64Iran ghẹ ghi gba ẹre aro nẹ, iran ghi wẹẹ, “Ta ọmwa ne ọ fi uẹ emwi!” 65Iran keghi ya ukpẹ sakan ẹn ẹsẹsẹmwẹse.
Jesu Vbe Odaro Ni Buohiẹn
(Matiu 26:59-66; Mak 14:55-64; Jọn 18:19-24)
66Ẹdẹ ghi gbe, avbe ediọn ọghe Ju, avbe igie ohẹn, kevbe iran ni ma emwa Uhi keghi rrie iko, iran na mu Jesu gha die evba. 67Iran tama rẹn wẹẹ, “Tama ima, wẹ ọrọre nene Mẹzaia ra?”
68Rẹn wanniẹn tama iran wẹẹ, “I gha tama uwa, wa i yayi, o, wa i rhie ewanniẹn mẹ. 69Sokpan ke ẹghẹ na kpao, Ovbi Ọmwa gha tota vbe obọ erha ọmwa Osanobua ne Oghodua.”
70Iran hia keghi kha wẹẹ, “Ọnii rhie ma khekherriọ ighẹ wẹ ọrọre Ovbi Osanobua?” Rẹn wanniẹn tama iran, “Wa ọre ọ tae ighẹ mẹ nọ.” 71Iran keghi kha wẹẹ, “Ma i ghi vbe gualọ avbe osẹe ọvbehe. Ma tobọ mwa họn ẹmwẹ ne unu ẹnrẹn nẹ!”
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
@ The Bible Society of Nigeria, 1996