Матфей 1
1
Иисусонь шачема юромоц
(Лук. 3:23-38)
1Тя Иисус Христость шачема юромоц, кона ушеды Давид атянь-атянц и сянь атянь-атянц Авраамонь эзда.
2Авраам ульсь алякс Исааконди; Исаак – Иаковонди; Иаков ульсь алякс Иудати и сонь брадонзонды; 3Иудань и Фамарень эзда шачсть Фарес и Зара; Фарес ульсь алякс Есромонди; Есром ульсь алякс Арамонди; 4Арам ульсь алякс Аминадавонди; Аминадав – Наассононди; Наассон – Салмононди; 5Салмононь и Рахавонь эзда шачсь Вооз; Воозонь и Руфень эзда шачсь Овид; Овид ульсь алякс Иессеенди; 6Иессей ульсь алякс Давид оцязорти.
Давид оцязорсь ульсь алякс Соломононди, конань тядяц инголи ульсь Уриянди рьвакс; 7Соломон ульсь алякс Ровоамонди; Ровоам – Авиянди; Авия – Асанди; 8Аса ульсь алякс Иосафатонди, Иосафат – Иорамонди; Иорам – Озиянди; 9Озия ульсь алякс Иоафамонди; Иоафам – Ахазонди; Ахаз – Езекиянди; 10Езекия ульсь алякс Манассиянди; Манассия – Амононди; Амон – Иосиянди; 11Иосия ульсь алякс Иоакимонди, Иоаким – Иехониянди и сонь брадонзонды, Израилень ломаттнень Вавилону эряма ётафтомдост инголе#1:11 Христость шачемда инголе 586 кизоня Вавилон масторсь сяськозе Иерусалимть, и еврейхне ульсть ётафтфт полонц (пленц) Вавилону..
12Вавилону ётафтомдост меле, Иехония арась алякс Салафиилонди; Салафиил – Зоровавеленди; 13Зоровавель арась алякс Авиудонди; Авиуд – Елиякимонди; Елияким – Азоронди; 14Азор – Садоконди; Садок – Ахимонди; Ахим – Елиудонди; 15Елиуд – Елеазаронди; Елеазар – Матфанонди; Матфан – Иаковонди; 16Иаков – Иосифонди, Мариянь мирденцты. Мария шачфтозе Иисусонь, конань кармасть лемнемонза Христоскс#1:16 «Христос» валсь сявф греконь кяльста и сонь фкя смузец евреень «Мессия» валть мархта, конань смузец «ватьф». Еврейхне ваденкшнезь вайса ся ломанть прянц, кона кочксевсь озксвятикс, оцязоркс али прорококс, и тянь вельде синь няфнезь: тя ломанць кочкаф Шкайти оцю тевонь тиема. Иисусонь лемнесазь Христоскс, али Мессиякс, сяс мес Сон кочкафоль тиемс Шкайть сембодонга оцю тевонц: идемс Сонь ломаньтналонц пежеснон эзда и тянь вельде пяшкодемс Шкаень надияфтоматнень..
17Тяфта Авраамонь эзда Давидонди молемс кемнилие юром; и Давидонь эзда Вавилону эряма ётафтомдост инголе кемнилие юром; и Вавилону ётафтомдост меле Христости молемс стане жа кемнилие юром.
Иисус Христость шачемац
(Лук. 2:1-7)
18Иисус Христоссь шачсь тяфта: Сонь тядяц, Мария, ладяфоль Иосифонди, аньцек синь рьвяямдост инголе Мария пекиель ни Иняру Ваймопожфть#1:18 Иняру Ваймопожф – Святой Дух; ваймопожф – дух эзда. 19Иосиф, сонь мирдец, ульсь видексшинь#1:19 видексшинь – праведный ломань и сонь ашель мялец лихтемс Мариянь визьксонц лангти, сяс ёразе салава коламс синь ладямаснон.
20Мзярда Иосиф арьсезевсь тянь колга, онозонза эвондась Азорть#1:20 Азорсь – Господь ангелоц и мярьгсь: «Иосиф, Давидонь юромста цёра! Тят пеле сявомс рьвакс Мариянь; шабась, конань сон каннесы, Иняру Ваймопожфть эзда. 21Мария шачфты Цёра и путат Тейнза лем: Иисус#1:21 Иисус лемсь евреень кяльса кайги кода «Иошуа», конань смузец: «Шкайсь идесамазь». Грекокс тя лемсь кайги «Иесус».; сяс мес Сон идесыне Эсь ломанензон пежеснон#1:21 пеже – грех эзда».
22Сембось тя лиссь, сяс мес эрявсь пяшкодевомс Азорть валонцты, конань Сон азозе пророкть вельде:
23«Аляса апак токак стирсь#1:23 аляса апак токак стирь – девственница пекияй и шачфты Цёра,
и путыхть Тейнза лем Еммануил»#1:23 Исаия 7:14,
кона шарьхкодеви: «Шкайсь мархтонк».
24Мзярда Иосиф сргозсь, сон тись стане, кода мярьгсь тейнза Шкаень кучф ангелсь, сявозе Мариянь рьвакс 25и ашезе сода сонь кода рьвянь, мзярс Мария ашезе шачфта Цёранц, конанди Иосиф путсь лем Иисус.
Obecnie wybrane:
Матфей 1: ОС16
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Библиянь ётафтома институтсь, 2016