MATIUS 9
9
Tau pesu' ripakagassing
9:1-8
(Mark. 2:1-12; Luk. 5:17-26)
1Rimaenna injo nai'mu Isa ri lopi ampai a'limbang. Maeng injo ambattumu Ia mange ri kotaNa to'jua. 2Jari rierammu mange ri Ia se're tau pesu' nutinro mamo ripatinroanna. Rihattu lajanjanna Isa katappakang ri iyai, Ia appaui mange ri tau pesu' injo, ”Pakaterasa nyahamu, oe ana'Ku, maeng ngase'mu riampungi kadorakaammu.” 3Lalangngere'na injo, lohemo guru Tora' appau lalang ri atina, ”Tau inni attua-tua ri Allataala.” 4Mingka Isa latarrusu pikkiranna, jari appaui, ”Ngura kau passala injo mupikkiri lalang ri atimu? 5Anteeang la'bi lo'morang, rikua: Sikonjo kadorakammu maemmu rilappasi, iyareka rikua: Ambaungko na a'lingkako? 6Mingka solanna muisse' ma'nassana ri lino inni Ana' Rupatau kahasa laassare ampung rikadorakaang – jari Ia appaui mange ri tau pesu' injo” –: ”Ambaungko, angka' tampa' patinroammu na muliangko mange ri sapommu!” 7Ambaung toje'mu tau injo ampai muliang. 8Lajanjanna passala injo, malla'mu tau lohe injo ampai lapakala'biri Allataala numaeng assare kahasa assimpole injo mange ri rupatau.
Matius palele sima minahang ri Isa
9:9-13
(Mark. 2:13-17; Luk. 5:27-32)
9Sungka'na Isa a'lampa battu ri injo, Ia anjanjangi se're tau turiareng Matius attolong ri tampa' pa'bajarang sima, jari Ia appaui mange ri ia, ”Minahangko ri Nakke.” Ammentengi Matius na minahangi ri Ia. 10#Luk. 5:30, 15:1-2Rimaenna injo rihattunna Isa nganre ri saponna Matius, rie'mo lohe palele sima na tau doraka na nganre assurangang Ia na ana'-ana' gurunNa. 11Rihattu lajanjanna tau Farisi passala injo, appauimu mange ri ana'-ana' gurunna Isa, ”Ngura gurummu nganre assurangang palele sima na tau doraka?” 12Lalangngere Isa na appaui, ”Gele tau gassing parallu dottoro, mingka tau garring. 13#Hos. 6:6; Mat. 12:7Jari, a'lampako na pilajari battuanna pau inni: NuKukaa'raki iamo intu pangamaseang na gele passidakka, saba' Nakke rie' mae konni gele lakkeo' tau naba, passangadinna ri tau doraka injo.”
Passala appuasa
9:14-17
(Mark. 2:18-22; Luk. 5:33-39)
14Maeng injo rie'mu ana'-ana' gurunna Yahya mange ri Isa na akkuta'nangi, ”Ngura kambe na tau Farisi injo appuasa, mingka ana'-ana' gurumMu gele?” 15Appihali Isa mange ri iyai, ”Akkulleka bahaanna bonting bura'ne inni pa'risi ampa rie' juapai bonting injo assurangang iyai? Mingka larie' hattunna bonting injo larialle battu ri iyai na rihattu injomo iyai lappuasa. 16Gele rie' manna se're tau nampangi silahara kaeng gelepa late ri baju toa, saba' ampa appakonjo kaeng panampanginna lasesse' baju injo, jari pela' bakka'mu sesse'na. 17Appakonjo todo'i anggoro bau inni gele ripuna lalang ri pamunaang toa, saba' ampa appakonjo labettese pamunaang injo sa'genna ta'burusang anggoro injo na pamunaang injo panra' todo'i. Mingka anggoro bau inni ripunai lalang ri pamunaang bau todo', na ri appakonjona salama'i ruaiya.”
Ana' ponggaha sapo passambajangang
Surang bahine garring lalarii rara
9:18-26
(Mark. 5:21-43; Luk. 8:40-56)
18Rihattu a'bisara appakonjona juapa Isa mange ri iyai, rie'mo ponggaha sapo passambajangang, ampai nyomba ri Ia na appaui, ”Ana' bahineku siba'lalopai mate, mingka mangeKi na taro limanTa rateanna, jari ia atallasa.” 19Jari ammentengi Isa na lapinahang tau injo assurang-surang ana'-ana' gurunNa. 20Rihattu injo se're bahine sampulomu ruantaung garring lalarii rara mange laseppaki Isa battu riboko na laseru rombe-rombe baju bakka'Na 21Saba' pauna lalang ri atina, ”Manna kuseruna jua baju bakka'Na, mole garringku.” 22Mingka a'gilingi Isa na latangara bahine injo ampai appau, ”Pakajarre' nyahamu, oe ana'Ku, tappa'mu appakasalama' ri kau.” Pakaramula rihattu injo molemu garrinna bahine injo.
23Rihattu ambattuna Isa mange ri saponna ponggaha sapo passambajangang injo na lajanjangi papui'-pui' na tau lohe injo gorongi, 24Ia appaui, ”A'lampako, saba' ana' inni gele mate, mingka tinro.” Mingka iyai lakekeki Isa. 25Sungka'na maeng ngase' lasuro ansulukang tau lohe injo, Isa antama'i na lateteng limanna ana' injo, jari attallasai muliang ana' injo. 26Na alla'bammu kareba ripassala injo risibatu tampa' ri injo.
Isa appakaanjanjang mata rua tau buta
9:27-31
27Rihattu latarrusanna lingkaNa battu ri injo, rua tau buta minahang ri Ia akkarru'-karru' na appaui, ”Kamaseangkang, oe Ana' Daud.” 28Sungka'na Isa antama' rise're sapo, riekimu tau buta injo mange ri Ia na Isa appau mange ri iyai, ”Tappa'ko ma'nassana Nakke akkullei kugeokang?” Appihalimu, ”Io' kambe tappa'kang, Karaeng.” 29Jari Isa laseru matanna ampai appau, ”A'jarimu ri kau assituru' tappa'mu.” 30Jari anjanjammu matanna. Maeng injo Isa appisangkamu mange ri iyai, ”Katutuilalo solanna anda rie' manna se're tau laisse'i passala inni.” 31Mingka iyai injo ansulukangi na appakala'biri ri Ia mange risibatu tampa' injo.
Tau pepe lapakaallangngere
9:32-34
32Rihattu ansulukanna tau maeng buta injo, rierammu mange ri Isa se're tau pepe lataba setang. 33Sungka'na maeng laga'gara setang injo, tau pepe injo akkullemu appau. Jari lannasa ngase' tau lohe injo, lakua, ”Nuappakonni inni gelepa minang kajanjangang ri tau Israele.” 34#Mat. 10:25, 12:24; Mark. 3:22; Luk. 11:15Mingka tau Farisi injo appau, ”Rikahasa ponggaha setang Ia angga'gara setang.”
Pangamaseanna Isa mange ri tau lohe
9:35-38
35 #
Mat. 4:23; Mark. 1:39; Luk. 4:44 Appakonjomu Isa a'lili' mange risikonjo kota na desa; Ia ngajarai lalang ri sapo passambajangannai na appala'bangi Injili Pakkaraengang Suruga surang appakagassingi lohe tau battu risikonjo kagarringang na kalammaang. 36#Bil. 27:17; 1 Raj. 22:17; 2 Taw. 18:16; Yeh. 34:5; Za. 10:2; Mark. 6:34Lajanjanna tau lohe injo, rie'mo ri atina Isa pangamaseang mange ri iyai, saba' mangngang ngase' na tide' tulapa'daha-dahaangi assimpole jimbala tide' pakalahakinna. 37#Luk. 10:2Jari pauNa mange ri ana'-ana' gurunNa, ”Duruang lohe, mingka siso'di' pajama. 38Injomo saba'na, ngeraiko mange ri opuna duruang, solanna Ia assare pajama riduruang injo.”
Obecnie wybrane:
MATIUS 9: LAI_SLY
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
@LAI 2012 Indonesian Bible Society (Lembaga Alkitab Indonesia)
MATIUS 9
9
Tau pesu' ripakagassing
9:1-8
(Mark. 2:1-12; Luk. 5:17-26)
1Rimaenna injo nai'mu Isa ri lopi ampai a'limbang. Maeng injo ambattumu Ia mange ri kotaNa to'jua. 2Jari rierammu mange ri Ia se're tau pesu' nutinro mamo ripatinroanna. Rihattu lajanjanna Isa katappakang ri iyai, Ia appaui mange ri tau pesu' injo, ”Pakaterasa nyahamu, oe ana'Ku, maeng ngase'mu riampungi kadorakaammu.” 3Lalangngere'na injo, lohemo guru Tora' appau lalang ri atina, ”Tau inni attua-tua ri Allataala.” 4Mingka Isa latarrusu pikkiranna, jari appaui, ”Ngura kau passala injo mupikkiri lalang ri atimu? 5Anteeang la'bi lo'morang, rikua: Sikonjo kadorakammu maemmu rilappasi, iyareka rikua: Ambaungko na a'lingkako? 6Mingka solanna muisse' ma'nassana ri lino inni Ana' Rupatau kahasa laassare ampung rikadorakaang – jari Ia appaui mange ri tau pesu' injo” –: ”Ambaungko, angka' tampa' patinroammu na muliangko mange ri sapommu!” 7Ambaung toje'mu tau injo ampai muliang. 8Lajanjanna passala injo, malla'mu tau lohe injo ampai lapakala'biri Allataala numaeng assare kahasa assimpole injo mange ri rupatau.
Matius palele sima minahang ri Isa
9:9-13
(Mark. 2:13-17; Luk. 5:27-32)
9Sungka'na Isa a'lampa battu ri injo, Ia anjanjangi se're tau turiareng Matius attolong ri tampa' pa'bajarang sima, jari Ia appaui mange ri ia, ”Minahangko ri Nakke.” Ammentengi Matius na minahangi ri Ia. 10#Luk. 5:30, 15:1-2Rimaenna injo rihattunna Isa nganre ri saponna Matius, rie'mo lohe palele sima na tau doraka na nganre assurangang Ia na ana'-ana' gurunNa. 11Rihattu lajanjanna tau Farisi passala injo, appauimu mange ri ana'-ana' gurunna Isa, ”Ngura gurummu nganre assurangang palele sima na tau doraka?” 12Lalangngere Isa na appaui, ”Gele tau gassing parallu dottoro, mingka tau garring. 13#Hos. 6:6; Mat. 12:7Jari, a'lampako na pilajari battuanna pau inni: NuKukaa'raki iamo intu pangamaseang na gele passidakka, saba' Nakke rie' mae konni gele lakkeo' tau naba, passangadinna ri tau doraka injo.”
Passala appuasa
9:14-17
(Mark. 2:18-22; Luk. 5:33-39)
14Maeng injo rie'mu ana'-ana' gurunna Yahya mange ri Isa na akkuta'nangi, ”Ngura kambe na tau Farisi injo appuasa, mingka ana'-ana' gurumMu gele?” 15Appihali Isa mange ri iyai, ”Akkulleka bahaanna bonting bura'ne inni pa'risi ampa rie' juapai bonting injo assurangang iyai? Mingka larie' hattunna bonting injo larialle battu ri iyai na rihattu injomo iyai lappuasa. 16Gele rie' manna se're tau nampangi silahara kaeng gelepa late ri baju toa, saba' ampa appakonjo kaeng panampanginna lasesse' baju injo, jari pela' bakka'mu sesse'na. 17Appakonjo todo'i anggoro bau inni gele ripuna lalang ri pamunaang toa, saba' ampa appakonjo labettese pamunaang injo sa'genna ta'burusang anggoro injo na pamunaang injo panra' todo'i. Mingka anggoro bau inni ripunai lalang ri pamunaang bau todo', na ri appakonjona salama'i ruaiya.”
Ana' ponggaha sapo passambajangang
Surang bahine garring lalarii rara
9:18-26
(Mark. 5:21-43; Luk. 8:40-56)
18Rihattu a'bisara appakonjona juapa Isa mange ri iyai, rie'mo ponggaha sapo passambajangang, ampai nyomba ri Ia na appaui, ”Ana' bahineku siba'lalopai mate, mingka mangeKi na taro limanTa rateanna, jari ia atallasa.” 19Jari ammentengi Isa na lapinahang tau injo assurang-surang ana'-ana' gurunNa. 20Rihattu injo se're bahine sampulomu ruantaung garring lalarii rara mange laseppaki Isa battu riboko na laseru rombe-rombe baju bakka'Na 21Saba' pauna lalang ri atina, ”Manna kuseruna jua baju bakka'Na, mole garringku.” 22Mingka a'gilingi Isa na latangara bahine injo ampai appau, ”Pakajarre' nyahamu, oe ana'Ku, tappa'mu appakasalama' ri kau.” Pakaramula rihattu injo molemu garrinna bahine injo.
23Rihattu ambattuna Isa mange ri saponna ponggaha sapo passambajangang injo na lajanjangi papui'-pui' na tau lohe injo gorongi, 24Ia appaui, ”A'lampako, saba' ana' inni gele mate, mingka tinro.” Mingka iyai lakekeki Isa. 25Sungka'na maeng ngase' lasuro ansulukang tau lohe injo, Isa antama'i na lateteng limanna ana' injo, jari attallasai muliang ana' injo. 26Na alla'bammu kareba ripassala injo risibatu tampa' ri injo.
Isa appakaanjanjang mata rua tau buta
9:27-31
27Rihattu latarrusanna lingkaNa battu ri injo, rua tau buta minahang ri Ia akkarru'-karru' na appaui, ”Kamaseangkang, oe Ana' Daud.” 28Sungka'na Isa antama' rise're sapo, riekimu tau buta injo mange ri Ia na Isa appau mange ri iyai, ”Tappa'ko ma'nassana Nakke akkullei kugeokang?” Appihalimu, ”Io' kambe tappa'kang, Karaeng.” 29Jari Isa laseru matanna ampai appau, ”A'jarimu ri kau assituru' tappa'mu.” 30Jari anjanjammu matanna. Maeng injo Isa appisangkamu mange ri iyai, ”Katutuilalo solanna anda rie' manna se're tau laisse'i passala inni.” 31Mingka iyai injo ansulukangi na appakala'biri ri Ia mange risibatu tampa' injo.
Tau pepe lapakaallangngere
9:32-34
32Rihattu ansulukanna tau maeng buta injo, rierammu mange ri Isa se're tau pepe lataba setang. 33Sungka'na maeng laga'gara setang injo, tau pepe injo akkullemu appau. Jari lannasa ngase' tau lohe injo, lakua, ”Nuappakonni inni gelepa minang kajanjangang ri tau Israele.” 34#Mat. 10:25, 12:24; Mark. 3:22; Luk. 11:15Mingka tau Farisi injo appau, ”Rikahasa ponggaha setang Ia angga'gara setang.”
Pangamaseanna Isa mange ri tau lohe
9:35-38
35 #
Mat. 4:23; Mark. 1:39; Luk. 4:44 Appakonjomu Isa a'lili' mange risikonjo kota na desa; Ia ngajarai lalang ri sapo passambajangannai na appala'bangi Injili Pakkaraengang Suruga surang appakagassingi lohe tau battu risikonjo kagarringang na kalammaang. 36#Bil. 27:17; 1 Raj. 22:17; 2 Taw. 18:16; Yeh. 34:5; Za. 10:2; Mark. 6:34Lajanjanna tau lohe injo, rie'mo ri atina Isa pangamaseang mange ri iyai, saba' mangngang ngase' na tide' tulapa'daha-dahaangi assimpole jimbala tide' pakalahakinna. 37#Luk. 10:2Jari pauNa mange ri ana'-ana' gurunNa, ”Duruang lohe, mingka siso'di' pajama. 38Injomo saba'na, ngeraiko mange ri opuna duruang, solanna Ia assare pajama riduruang injo.”
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
@LAI 2012 Indonesian Bible Society (Lembaga Alkitab Indonesia)