Najə̄ kə́ Majə yā Jeju ń Luk ndang ní 3
3
Ja̰a̰ Batistə ɔjə najə̄
(Á̰a̰ī Mat 3.1-12; Mark 1.1-8; Ja̰a̰ 1.19-28)
1Kem ɓāl̄ kə́ nge ko̰ kutə gidə i mí ń *Tiber Sejar o̰o̰ń ɓē tə́ ní, Po̰sə Pilatə i nge ko̰o̰ ɓē kə́ Jude ō, Herod i nge ko̰o̰ ɓē kə́ Galile ō, ngōkó̰o̰ Herod ń rīn na i Pilipə ní i nge ko̰o̰ ɓē kə́ Iture ō kə́ Tərakonitidə ō, Lijanias i nge ko̰o̰ ɓē kə́ Abilen ō, 2ngol gə̄ kə́ dɔ *ngé tun̄ yá̰a̰ gə̄ tə́ i An ō Kaipə ō, ɓāl̄ ngeé ń noō tə́ ní Nə́ɓā ɔr̄ najə̄ kə Ja̰a̰ kə́ ngōn̄ Jakari kem dəla loo tə́. 3Ni un gō nang malang kə́ kə gō kadə bā Jurdḛ ənīń mbēr̄ *batém kə́ yā kadə̄ de gə̄ tūrəń háĺdə́ ō, Nə́ɓā mā̰yń rɔ̄n dɔ majaĺ yādə́ gə̄ tə́.
4Tītə̄ ń ndangən̄neé kem makətūbə̄ yā Ijai *nge koō ta tə́ na:
Ndū deē kógə̄ḿ ɓār̄ kem dəla loo tə́, əda na:
Ī-rāāī róbə yā Kɔ́ɔ̄ɓē ō,
ī-jɔ̄rə̄rɔ̄ī róbə yān gə̄ ādə̄ ran̄ súmūú ō.
5A utə̄n̄ kum gúr gə̄ malang ō,
a tə́gān̄ dɔ mbal̄ bo gə̄ malang ō,
dɔ ngán mbal̄ gə̄ malang ō, kadə̄ loo asə naā.
Róbə́ kə́ rugə gɔ́lí gɔ́lí gə̄ ní, a rāā kadə̄ ra súmūú ō,
róbə́ kə́ dūn̄ asə naā aĺ gə̄ ní, a jɔ̄r̄yɔ̄n̄ kadə̄ gidə asə naā ō.
6Loo ń noō tə́ de gə̄ malang a a̰a̰n̄ loo kajə ń Nə́ɓā a ajə deē ní.
7Dan ngeé ń noō tə́ ní de gə̄ ngá̰ý reēn̄ rɔ̄ Ja̰a̰ tə́ kadə̄ Ja̰a̰ rāādə́ *batém, anī ni-ədadə́ na:
Sḭḭ̄ gír kaa lī kakə́m gə̄, wōn̄g yā Nə́ɓā ń a reē ní i náā n ɔjəsí loo ka̰ȳ ta tə́ kɔ̄ɔ́ ní? 8Ī-rāāī yá̰a̰ gə̄ kə́ ɔjən̄ kadə̄ sḭḭ̄ i de kə́ ī-tūrī háĺsí rɔ̄kum gə̄, ba ī-lōōī ndi gír̄ kemsí tə́ na sḭḭ̄ i ngán kaa Abəraham gə̄. Ādə̄ m-ə́dásí, m-ādə̄ ōōī Nə́ɓā asə tūr̄ ngán mbal̄ gə̄ ń toō kadə̄ télən̄ ngán kaa Abəraham gə̄ karī. 9Tá á̰a̰ī, kə̄ngā i kə́ kəndā ngəra kāgə̄ tə́ ɓá kɔ̄ɔ́. Adə̄ kāgə̄ malang ń a anə̄n̄ majaĺ ní, a tə́gān̄də́ yā ɓōkə́də́ horoó kɔ̄ɔ́.
10Anī kósə de gə̄ ní dəjen̄ Ja̰a̰ na ké kə n-rāān̄ i rí tā wa. 11Ni tūr̄ ədadə́ na:
Deē ń kūbə̄ yān i jōó anī, ādə̄ adə̄ deē ń nal̄ ní kógə̄ḿ ō, deē ń i kə yá̰a̰ kəsaá ní ādə̄ rāā tītə̄ ń noō ō.
12Ngé lambóo gə̄ reēn̄ kadə̄ Ja̰a̰ rāādə́ *batém ō, anī nin̄-dəjenən̄ na:
Ngoljí, yá̰á̰ ń kadə̄ jḭḭ̄ jə-rāā ní i rí?
13Ni tūr̄ ədadə́ na:
Ī-lōōī taā lambóo kadə̄ mān̄ dɔ kutən ń gāngə̄n̄ ní.
14Anī áskar gə̄ dəjen̄ Ja̰a̰ na:
Ba jḭ̄ ní kə jə-rāā yājí i rí tā? Ni tūr̄ ədadə́ na:
Ī-lōōī kḭḭ gúu dɔ de gə̄ tə́ ō, ī-lōōī rāā yá̰á̰ kə́ gō tə́ aĺ kə deē kógə̄ḿ ō, ə́saī ngarān̄g kum nar yāsí ń əgān̄neésí ní ō.
15Dan ngeé ń noō tə́ ní ngán *Israel gə̄ ndi a ngóōn̄ ta reē deē kógə̄ḿ ɓee, adə̄ nin̄ malang dəjen̄ kə̄ kemdə́ tə́ na ké Ja̰a̰ nəkɔ́ ń toō ní i *Kərist aĺ wa. 16Anī Ja̰a̰ tūr̄ ədadə́ malang na:
Mā m̄-rāāsí *batém, banī deē kógə̄ḿ kə́ tɔ́gən tɔȳ yāḿ a reē noó, kəla sākə̄rā kə́ njan tə́ gə̄gē ní mā m-ásə́ tútə alé. Ni a rāāsí batém kə *Ndíĺ kə́ Táĺ ō, kə horoó ō. 17Ni-əhɔ yá̰á̰ tóó yá̰a̰ jīn tə́. Ni a ɔy njár̄ kōō kə́ kem ngárāá kə̄ kem mō̰ȳ yān tə́, ba təsán tá a róō kum hor kə́ a oy aĺ bátə́ tə́.
18Ja̰a̰ ɔjə ngán Israel gə̄ najə̄ dɔ yá̰á̰ kə́ rang gə̄ tə́ ngá̰ý ɓáý to̰. Ni ɔjədə́ Najə̄ kə́ Majə i tītə̄ ń noō. 19Tá ni-kɔ̄l̄ kə Herod nge ko̰o̰ ɓēé ō, i tām̄ taā kə́ Herod taā Herodiad nə̄yá̰ ngōkó̰o̰n tə́ ō, rāā kə́ ni-rāā yá̰á̰ kə́ rang kə́ majaĺ gə̄ ngá̰ý ɓáý to̰ tə́ ō. 20Loo ń noō tə́ Herod rāā yá̰á̰ kə́ majaĺ kə́ rang kə̄ dɔ madə̄ gə̄ tə́ ɓáý to̰, ni-əhɔ Ja̰a̰ ənīn dəngáyá.
Rāān̄ Jeju batém
(Á̰a̰ī Mat 3.13-17; Mark 1.9-11)
21Dan ń rāān̄ de gə̄ malang *batém anī, rāān̄ Jeju batém ō. Dan ń Jeju ndi a ndɔ̄ȳ anī, ta dɔ rā̰ teē, 22adə̄ *Ndíĺ kə́ Táĺ jə̄ngā dɔn tə́ kə́ dér ndaa tə́ ō, ndū deē kógə̄ḿ ɓār̄ kə̄ dɔ rā̰ tə́ ō, əda na:
Ḭ̄ i ngōn̄ kó tár yāḿ, nelə̄m̄ seí ngá̰ý.
Gír kaa Jeju
(Á̰a̰ī Mat 1.1-17)
23Dan ń Jeju əla gír kəla yān ní ɓālə̄n i kutə mətá. De gə̄ ɔjənə̄ń na ni na i ngōn̄ Jəjep kə́ ngōn̄ Heli, 24kə́ ngōn̄ Matatə, kə́ ngōn̄ Lebi, kə́ ngōn̄ Melsi, kə́ ngōn̄ Janai, kə́ ngōn̄ Jəjep, 25kə́ ngōn̄ Matatias, kə́ ngōn̄ Amos, kə́ ngōn̄ Nahum, kə́ ngōn̄ Hesəli, kə́ ngōn̄ Nagai, 26kə́ ngōn̄ Maatə kə́ ngōn̄ Matatias, kə́ ngōn̄ Semein, kə́ ngōn̄ Joses, kə́ ngōn̄ Joda, 27kə́ ngōn̄ Yohanan, kə́ ngōn̄ Resa, kə́ ngōn̄ Jorobabel, kə́ ngōn̄ Salatiel, kə́ ngōn̄ Neri, 28kə́ ngōn̄ Melsi, kə́ ngōn̄ Adi, kə́ ngōn̄ Kosam, kə́ ngōn̄ Elmadam, kə́ ngōn̄ Er, 29kə́ ngōn̄ Jeju, kə́ ngōn̄ Eliejer, kə́ ngōn̄ Jorim, kə́ ngōn̄ Matatə, kə́ ngōn̄ Lebi, 30kə́ ngōn̄ Simeo̰, kə́ ngōn̄ *Juda, kə́ ngōn̄ Jəjep, kə́ ngōn̄ Jonam, kə́ ngōn̄ Eliakim, 31kə́ ngōn̄ Meleya, kə́ ngōn̄ Mena, kə́ ngōn̄ Matata, kə́ ngōn̄ Natan, kə́ ngōn̄ Dabid, 32kə́ ngōn̄ Jese, kə́ ngōn̄ Obed, kə́ ngōn̄ Boj, kə́ ngōn̄ Sala, kə́ ngōn̄ Naason, 33kə́ ngōn̄ Aminadab, kə́ ngōn̄ Adəmin, kə́ ngōn̄ Arni, kə́ ngōn̄ Hesəron, kə́ ngōn̄ Peres, kə́ ngōn̄ *Juda, 34kə́ ngōn̄ Jakob, kə́ ngōn̄ Isaak, kə́ ngōn̄ Abəraham, kə́ ngōn̄ Tera, kə́ ngōn̄ Nakor, 35kə́ ngōn̄ Serug, kə́ ngōn̄ Rehu, kə́ ngōn̄ Palek, kə́ ngōn̄ Eber, kə́ ngōn̄ Sela, 36kə́ ngōn̄ Kenan, kə́ ngōn̄ Arpaksad, kə́ ngōn̄ Sem, kə́ ngōn̄ Noe, kə́ ngōn̄ Lamek, 37kə́ ngōn̄ Matusala, kə́ ngōn̄ Henok, kə́ ngōn̄ Jered, kə́ ngōn̄ Maleleel, kə́ ngōn̄ Kenan, 38kə́ ngōn̄ Enos, kə́ ngōn̄ Set, kə́ ngōn̄ Adam, kə́ ngōn̄ Nə́ɓā.
Obecnie wybrane:
Najə̄ kə́ Majə yā Jeju ń Luk ndang ní 3: BS
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2006, 2010 Alliance Biblique du Tchad
Najə̄ kə́ Majə yā Jeju ń Luk ndang ní 3
3
Ja̰a̰ Batistə ɔjə najə̄
(Á̰a̰ī Mat 3.1-12; Mark 1.1-8; Ja̰a̰ 1.19-28)
1Kem ɓāl̄ kə́ nge ko̰ kutə gidə i mí ń *Tiber Sejar o̰o̰ń ɓē tə́ ní, Po̰sə Pilatə i nge ko̰o̰ ɓē kə́ Jude ō, Herod i nge ko̰o̰ ɓē kə́ Galile ō, ngōkó̰o̰ Herod ń rīn na i Pilipə ní i nge ko̰o̰ ɓē kə́ Iture ō kə́ Tərakonitidə ō, Lijanias i nge ko̰o̰ ɓē kə́ Abilen ō, 2ngol gə̄ kə́ dɔ *ngé tun̄ yá̰a̰ gə̄ tə́ i An ō Kaipə ō, ɓāl̄ ngeé ń noō tə́ ní Nə́ɓā ɔr̄ najə̄ kə Ja̰a̰ kə́ ngōn̄ Jakari kem dəla loo tə́. 3Ni un gō nang malang kə́ kə gō kadə bā Jurdḛ ənīń mbēr̄ *batém kə́ yā kadə̄ de gə̄ tūrəń háĺdə́ ō, Nə́ɓā mā̰yń rɔ̄n dɔ majaĺ yādə́ gə̄ tə́.
4Tītə̄ ń ndangən̄neé kem makətūbə̄ yā Ijai *nge koō ta tə́ na:
Ndū deē kógə̄ḿ ɓār̄ kem dəla loo tə́, əda na:
Ī-rāāī róbə yā Kɔ́ɔ̄ɓē ō,
ī-jɔ̄rə̄rɔ̄ī róbə yān gə̄ ādə̄ ran̄ súmūú ō.
5A utə̄n̄ kum gúr gə̄ malang ō,
a tə́gān̄ dɔ mbal̄ bo gə̄ malang ō,
dɔ ngán mbal̄ gə̄ malang ō, kadə̄ loo asə naā.
Róbə́ kə́ rugə gɔ́lí gɔ́lí gə̄ ní, a rāā kadə̄ ra súmūú ō,
róbə́ kə́ dūn̄ asə naā aĺ gə̄ ní, a jɔ̄r̄yɔ̄n̄ kadə̄ gidə asə naā ō.
6Loo ń noō tə́ de gə̄ malang a a̰a̰n̄ loo kajə ń Nə́ɓā a ajə deē ní.
7Dan ngeé ń noō tə́ ní de gə̄ ngá̰ý reēn̄ rɔ̄ Ja̰a̰ tə́ kadə̄ Ja̰a̰ rāādə́ *batém, anī ni-ədadə́ na:
Sḭḭ̄ gír kaa lī kakə́m gə̄, wōn̄g yā Nə́ɓā ń a reē ní i náā n ɔjəsí loo ka̰ȳ ta tə́ kɔ̄ɔ́ ní? 8Ī-rāāī yá̰a̰ gə̄ kə́ ɔjən̄ kadə̄ sḭḭ̄ i de kə́ ī-tūrī háĺsí rɔ̄kum gə̄, ba ī-lōōī ndi gír̄ kemsí tə́ na sḭḭ̄ i ngán kaa Abəraham gə̄. Ādə̄ m-ə́dásí, m-ādə̄ ōōī Nə́ɓā asə tūr̄ ngán mbal̄ gə̄ ń toō kadə̄ télən̄ ngán kaa Abəraham gə̄ karī. 9Tá á̰a̰ī, kə̄ngā i kə́ kəndā ngəra kāgə̄ tə́ ɓá kɔ̄ɔ́. Adə̄ kāgə̄ malang ń a anə̄n̄ majaĺ ní, a tə́gān̄də́ yā ɓōkə́də́ horoó kɔ̄ɔ́.
10Anī kósə de gə̄ ní dəjen̄ Ja̰a̰ na ké kə n-rāān̄ i rí tā wa. 11Ni tūr̄ ədadə́ na:
Deē ń kūbə̄ yān i jōó anī, ādə̄ adə̄ deē ń nal̄ ní kógə̄ḿ ō, deē ń i kə yá̰a̰ kəsaá ní ādə̄ rāā tītə̄ ń noō ō.
12Ngé lambóo gə̄ reēn̄ kadə̄ Ja̰a̰ rāādə́ *batém ō, anī nin̄-dəjenən̄ na:
Ngoljí, yá̰á̰ ń kadə̄ jḭḭ̄ jə-rāā ní i rí?
13Ni tūr̄ ədadə́ na:
Ī-lōōī taā lambóo kadə̄ mān̄ dɔ kutən ń gāngə̄n̄ ní.
14Anī áskar gə̄ dəjen̄ Ja̰a̰ na:
Ba jḭ̄ ní kə jə-rāā yājí i rí tā? Ni tūr̄ ədadə́ na:
Ī-lōōī kḭḭ gúu dɔ de gə̄ tə́ ō, ī-lōōī rāā yá̰á̰ kə́ gō tə́ aĺ kə deē kógə̄ḿ ō, ə́saī ngarān̄g kum nar yāsí ń əgān̄neésí ní ō.
15Dan ngeé ń noō tə́ ní ngán *Israel gə̄ ndi a ngóōn̄ ta reē deē kógə̄ḿ ɓee, adə̄ nin̄ malang dəjen̄ kə̄ kemdə́ tə́ na ké Ja̰a̰ nəkɔ́ ń toō ní i *Kərist aĺ wa. 16Anī Ja̰a̰ tūr̄ ədadə́ malang na:
Mā m̄-rāāsí *batém, banī deē kógə̄ḿ kə́ tɔ́gən tɔȳ yāḿ a reē noó, kəla sākə̄rā kə́ njan tə́ gə̄gē ní mā m-ásə́ tútə alé. Ni a rāāsí batém kə *Ndíĺ kə́ Táĺ ō, kə horoó ō. 17Ni-əhɔ yá̰á̰ tóó yá̰a̰ jīn tə́. Ni a ɔy njár̄ kōō kə́ kem ngárāá kə̄ kem mō̰ȳ yān tə́, ba təsán tá a róō kum hor kə́ a oy aĺ bátə́ tə́.
18Ja̰a̰ ɔjə ngán Israel gə̄ najə̄ dɔ yá̰á̰ kə́ rang gə̄ tə́ ngá̰ý ɓáý to̰. Ni ɔjədə́ Najə̄ kə́ Majə i tītə̄ ń noō. 19Tá ni-kɔ̄l̄ kə Herod nge ko̰o̰ ɓēé ō, i tām̄ taā kə́ Herod taā Herodiad nə̄yá̰ ngōkó̰o̰n tə́ ō, rāā kə́ ni-rāā yá̰á̰ kə́ rang kə́ majaĺ gə̄ ngá̰ý ɓáý to̰ tə́ ō. 20Loo ń noō tə́ Herod rāā yá̰á̰ kə́ majaĺ kə́ rang kə̄ dɔ madə̄ gə̄ tə́ ɓáý to̰, ni-əhɔ Ja̰a̰ ənīn dəngáyá.
Rāān̄ Jeju batém
(Á̰a̰ī Mat 3.13-17; Mark 1.9-11)
21Dan ń rāān̄ de gə̄ malang *batém anī, rāān̄ Jeju batém ō. Dan ń Jeju ndi a ndɔ̄ȳ anī, ta dɔ rā̰ teē, 22adə̄ *Ndíĺ kə́ Táĺ jə̄ngā dɔn tə́ kə́ dér ndaa tə́ ō, ndū deē kógə̄ḿ ɓār̄ kə̄ dɔ rā̰ tə́ ō, əda na:
Ḭ̄ i ngōn̄ kó tár yāḿ, nelə̄m̄ seí ngá̰ý.
Gír kaa Jeju
(Á̰a̰ī Mat 1.1-17)
23Dan ń Jeju əla gír kəla yān ní ɓālə̄n i kutə mətá. De gə̄ ɔjənə̄ń na ni na i ngōn̄ Jəjep kə́ ngōn̄ Heli, 24kə́ ngōn̄ Matatə, kə́ ngōn̄ Lebi, kə́ ngōn̄ Melsi, kə́ ngōn̄ Janai, kə́ ngōn̄ Jəjep, 25kə́ ngōn̄ Matatias, kə́ ngōn̄ Amos, kə́ ngōn̄ Nahum, kə́ ngōn̄ Hesəli, kə́ ngōn̄ Nagai, 26kə́ ngōn̄ Maatə kə́ ngōn̄ Matatias, kə́ ngōn̄ Semein, kə́ ngōn̄ Joses, kə́ ngōn̄ Joda, 27kə́ ngōn̄ Yohanan, kə́ ngōn̄ Resa, kə́ ngōn̄ Jorobabel, kə́ ngōn̄ Salatiel, kə́ ngōn̄ Neri, 28kə́ ngōn̄ Melsi, kə́ ngōn̄ Adi, kə́ ngōn̄ Kosam, kə́ ngōn̄ Elmadam, kə́ ngōn̄ Er, 29kə́ ngōn̄ Jeju, kə́ ngōn̄ Eliejer, kə́ ngōn̄ Jorim, kə́ ngōn̄ Matatə, kə́ ngōn̄ Lebi, 30kə́ ngōn̄ Simeo̰, kə́ ngōn̄ *Juda, kə́ ngōn̄ Jəjep, kə́ ngōn̄ Jonam, kə́ ngōn̄ Eliakim, 31kə́ ngōn̄ Meleya, kə́ ngōn̄ Mena, kə́ ngōn̄ Matata, kə́ ngōn̄ Natan, kə́ ngōn̄ Dabid, 32kə́ ngōn̄ Jese, kə́ ngōn̄ Obed, kə́ ngōn̄ Boj, kə́ ngōn̄ Sala, kə́ ngōn̄ Naason, 33kə́ ngōn̄ Aminadab, kə́ ngōn̄ Adəmin, kə́ ngōn̄ Arni, kə́ ngōn̄ Hesəron, kə́ ngōn̄ Peres, kə́ ngōn̄ *Juda, 34kə́ ngōn̄ Jakob, kə́ ngōn̄ Isaak, kə́ ngōn̄ Abəraham, kə́ ngōn̄ Tera, kə́ ngōn̄ Nakor, 35kə́ ngōn̄ Serug, kə́ ngōn̄ Rehu, kə́ ngōn̄ Palek, kə́ ngōn̄ Eber, kə́ ngōn̄ Sela, 36kə́ ngōn̄ Kenan, kə́ ngōn̄ Arpaksad, kə́ ngōn̄ Sem, kə́ ngōn̄ Noe, kə́ ngōn̄ Lamek, 37kə́ ngōn̄ Matusala, kə́ ngōn̄ Henok, kə́ ngōn̄ Jered, kə́ ngōn̄ Maleleel, kə́ ngōn̄ Kenan, 38kə́ ngōn̄ Enos, kə́ ngōn̄ Set, kə́ ngōn̄ Adam, kə́ ngōn̄ Nə́ɓā.
Obecnie wybrane:
:
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2006, 2010 Alliance Biblique du Tchad