Pele-Ata

<div class="version vid969 iso6393ata" data-vid="969" data-iso6393="ata">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s">Iesu Mulai Mumaisou Voxo Tila Noxi'a ta Iutaia sou Tani Alelaxu Tavuna Noxou Lataua</div><div class="p"> 1 # Ioa 5:18 Xe ili'i, la Iesu ununalai no xalee lia tila ne Iutaia uasi. Xo ta tatila noxi'a ta Iutaia ilooxu sou lexe ivau. La sou Anu muxolu mo muxixaoxao no nano no xalee lia tila ne Xalilaiasi. 2#Liv 23:34Io, voxo tila noxi'a ta Iutaia misosovosou voxo e ta totoxosi'a mixolu no tani alelaxu tavuna noxou Lataua no xalee lia vitanisi, muxali 'alai. 3La Iesu ta vimovimou mivikalanu aloxo 'o, &#8220;Mamu nini naxolu lai 'o, nalai nuna no xalee lia tila ne Iutaia mo sou ta molomolomeni imaisou sosovo se'i nini na'oxonu. 4Nini naxali lamana no ie'i ta mitema, la mii ma'ia na'oxonu ne, natalumeu uasi. Napala'alixu mo ta mitema tavu'alo imaisine.&#8221; 5#Apo 1:14Xo ta vimovimou kalumo imulaxu tane'i noxou uasi. 6La sou Iesu muvikalane'i aloxo 'o, &#8220;Voxo noxilo a uxali uao. Ia voxovoxo ne, ngingi nga'angingisi. 7Ta mitema no lia 'o imasaxainge, ia imasaxailo uasi. Xo eni apala'alixu 'ili'ilixo masumasua ane ane'i i'oxo'oxonu. 8Ngingi ngalai no anu voxo tila ne. Ia eni umomomo sou alai uasi. Xo voxo noxilo uxali uao.&#8221; 9La sou Anu muxolu ne Xalilaia.</div><div class="p"> 10Ta vimovimou milutu la milai sou voxo tila ne. Ili'i la anu Iesu mumuline'i mulai, ia upala'a noxi'a ta mitema uasi. Mutalumesi. 11No anu voxo tila ne, la ta tatila noxi'a ta Iutaia imaisou Iesu iou uasi, la mitali'isi'a ta mitema lexe Anu a uxolu ne'ei? 12Ta mitema tavu'alo imunumunu noxi'a ngato'o sou Iesu. Se'i ivikala lexe Anu itema laixe, xe se'i ivikala lexe Anu ukalakalavoine'i ta mitema. 13Ia ane'i ta mitema ivikala tatila uasi. Xo mi'ume'a ta tatila noxi'a ta Iutaia.</div><div class="p"> 14No nixi no anu voxo tila noxi'a ta Iutaia, la Iesu mu'unalai no nano no taasou lalotu noxou Lataua sou musokou mulosi'a ta mitema lavulavu. 15#Mat 13:54; Luk 2:47Ta tatila noxi'a ta Iutaia milomusou vaikala noxou Iesu, la mikuluke la mitali'i aloxo 'o, &#8220;Itema ano 'o uvivikala loxo 'o xo mulai muno'u lavulavu ne'ei?&#8221; 16#Ioa 12:49; 14:10Iesu mukoline'i aloxo 'o, &#8220;Lavulavu e eni elosi'a ta mitema ne, anu noxilo uasi. Anu molu noxou ane mupalusilo ene'e. 17Lexe vile umulinu masaxa noxou Lataua, la anu ulavusou lexe lavulavu noxilo molu noxou Lataua 'o molu noxilosi. 18#Ioa 8:50Anu ane uvikala no anu lavulavu noxousi, la anu umasaxa lexe ta mitema i'itinu ualasou. Ia anu ane umasaxa lexe u'itinu ualasou ane mupalusou une'e 'o, anu uvikala manina mo ukalavoi uasi. 19#Apo 7:53; Rom 2:21-24Mosesi mulosinge lapuloto noxou ne. Ia evile noxinge umulinu lapuloto ne uasi. Ia tava'u loxovaa la ngingi ngavelo asoli?&#8221; 20#Ioa 8:48; 10:20Ane'i mikolinu vaikala noxou aloxo 'o, &#8220;Uleenu vile masua a muxolu noxine! 'Ei umasaxa lexe uvene?&#8221; 21Iesu mukoline'i aloxo 'o, &#8220;Eni e'oxonu xaixai ma'ia tila ne, la sou ngingi ngexavutala piena no anu 'o. 22#Tav 17:9-13; Liv 12:3Mosesi mulosinge vote'isou xooxoo ungasi'a ta molomolo. Ia anu molu noxou Mosesi uasi, molu noxi'a ta totoxosinge. La sou ngingi ngamuli lapuloto noxou sou xooxoo ungasi'a ta molomolo no voxo tavuna. 23#Ioa 5:8-10, 16Ngingi ngavikala lexe ngamulinu lapuloto noxou Mosesi sou xooxoo ungasi'a ta molomolo, la ngingi nga'oxonu no voxo tavuna kalumo. Ia loxovaa la eni epamaulinu itema no voxo tavuna kalumo, la ngingi la'iangenge o? 24Iengi umaisou itemasi ka ngavikala lexe itema anu laixe uasi la anu masua aloxo 'o uasi. Ngalavusou itema laixe ukalu, la sou ngavikala lexe anu itema laixe uasi la anu masua.&#8221;</div><div class="s">Ane'i ta Mitema Mimasaxa Lexe Ilavusou Iesu Anu 'Ei Manina</div><div class="p"> 25Io, ta mitema se'i ne Ielusalemu milomusou vaikala noxou Iesu, la mivikala lexe, &#8220;Anu itema ane ta mitema imasaxa lexe ivau 'ole ane? 26Anu ane uvivikalane'i ane'i tavu'alo ne, ia ane'i ilea vaikala vile noxou uasi. Ta tatila noxi'a ta Iutaia, male ilavusou lexe Anu Kalisito uasi? 27#Ioa 7:41; 9:29Ia nenge telavusou itema ne mo telavusou tualasou. Ia lexe Kalisito uxali, la evile umomomosou ulavusou lexe anu molu ne'ei uasi.&#8221; 28#Mat 11:27; Ioa 8:55Iesu uao ulolosi'a ta mitema lavulavu no nano no taasou lalotu tatila noxou Lataua. Muavuti la mu'ava aloxo 'o, &#8220;Manina, ngingi ngelavusilo mo ngelavusou tualasilo. Ia eni ane'e 'o no anu masaxa noxilo uasi. Eni ene'e no anu masaxa noxou ane mupalusilo. Anu ne manina. Ngingi ngalavusou itema ane ne uasi. 29Ia enisi elavusou. Xo eni melo noxou mo anu mupalusilo ene'e.&#8221; 30#Ioa 7:44No anu vaivaikala noxou ne, la ane'i mitovonu lexe itetelisou, ia evile utetelisou uasi. Xo voxo noxou a uxali uao. 31Ta mitema tavu'alo mimulaxu tane'i noxou la imunumunu sou ivikala aloxo 'o, &#8220;Lexe Kalisito uxali la male anu u'oxonu sosovo se'i uaulixu sosovo noxou itema 'o?&#8221;</div><div class="s">Ta Mitema Mipalusi'a ta Mitema sou Isaxila'u Tani Tila Noxou Lataua sou Itetelisou Iesu</div><div class="p"> 32Ta Palisaio mixolu no taiine'i ta mitema la milomusi'a mimunumunusou Iesu. La sou ane'i ta tatilasi'a ta mitema sou i'elaxa'a ta sipsip ilo'a ta Palisaio mipalusi'a ta mitema sou isaxila'u tani tila noxou Lataua sou lexe ilai itetelisou. 33La Iesu muavuti la muvikalane'i aloxo 'o, &#8220;Nenge nenge'a taxolu maxuvee uasi. Xo eni alivu alai noxou anu ane mupalusilo ene'e. 34#Ioa 8:21; 13:36Ngingi ngakakamulileli la ngaxalisilo uasi mo umomomo sou ngingi ngane'e no tuala e eni alai no anu uasi.&#8221; 35Ta tatila noxi'a ta Iutaia milomu aloxo ne, la mivikalane'i ngato'o aloxo 'o, &#8220;Itema 'o umasaxa lexe ulai ne'ei, la sou nenge tamaisou uasi o. Loxovaa anu ulai noxi'a ta mineminenge se'i mi'ume la milai mixolu no tuala tila ne Elenasi#7:35 Elenasi ne ane'i ta mitema ta Xiliki. sou ulosi'a lavulavu? 36La sou Anu muvikala lexe, &#8216;Ngingi ngakakamulileli, la ngaxalisilo uasi,&#8217; mo &#8216;Umomomo sou ngingi ngane'e no tuala e eni alai no anu uasi.&#8217; Ia laaxu vaikala noxou ne a loxovaa?&#8221;</div><div class="s">Iesu Anu Mulemo Lexa sou Mauli</div><div class="p"> 37 # Liv 23:36; Ais 55:1; Ioa 4:14 No anu voxo kaluxu sou voxo tila noxi'a ta Iutaia, la anu Iesu mutulu mo mu'ava tila aloxo 'o, &#8220;'Ei ane usoliu lexa, la une'e noxilo mo uie. 38#Ais 58:11'Ei ane umulaxu tanu noxilo, la lexa sou mauli usiali no nano no tanu loxo Lavuku Tavuna teinu mulemolu.&#8221; 39#Ioa 16:7; 20:22; Apo 2:4Lexa sou mauli ne, anu Uleenu Tavuna e 'ei ane umulaxu tanu noxou Iesu, la anu uno'u ili'i. Xo no voxo ane ne, la Iesu ulivu ulai noxou Momu teitexi no opo loxotolo uao. La sou Lataua upalusou Uleenu Tavuna ulu'e uasi.</div><div class="s">Ta Mitema Mikalipala Mixali Laoluxa'a Tamei</div><div class="p"> 40 # Ioa 6:14 Ta mitema milomusou vaikala noxou Iesu la se'i mivikala aloxo 'o, &#8220;Manina. Itema 'o Anu itema sou palomatana e Lataua mupalusou mulu'e no lia 'o 'a,&#8221; 41#Ioa 1:46ia se'i mivikala aloxo 'o, &#8220;Anu Kalisito.&#8221; Xe se'i mivikala aloxo 'o, &#8220;Kalisito ne, umomomo sou uxali ne Xalilaia uasi. 42#Lex 89:3-4; Mai 5:2Xo Lavuku Tavuna muvikala lexe Kalisito uxali noxi'a Deviti ta 'ilu'ilusunu mo uxali ne Vetiliemu e Deviti muxolu no anu tei.&#8221; 43La sou xavutalai'a muxali iouiou noxou Iesu la ane'i mikalipala. 44Mose'i mimasaxa lexe itetelisou Iesu, ia evile sou utetelisou uasi.</div><div class="s">Ta Tatilasi'a Imulaxu Tane'i Noxou Iesu Uasi</div><div class="p"> 45Ili'i la ta mitema sou isaxila'u tani tila noxou Lataua milivu mixali noxi'a ta tatilasi'a ta mitema sou i'elaxa'a ta sipsip ilo'a ta Palisaio. La ane'i mitali'isi'a aloxo 'o, &#8220;Loxovaa la ngano'u itema ne une'e ua?&#8221; 46#Mak 1:22Ane'i ta mitema sou isaxila'u tani tila noxou Lataua mikoline'i aloxo, &#8220;Evile uvivikala aloxo itema 'o tatei uasi.&#8221; 47Ta Palisaio milomu aloxo ne, la mivikalane'i aloxo 'o, &#8220;Itema ne mukalavoingengi kalumo ne? 48#Ioa 12:42Ngemaisixe nexi ta tatilasinge mo ta Palisaio o temulaxu tanexi noxou? Uasi manina. 49Ane'i tavu'alo mipita ne ilavusou lapuloto noxou Mosesi uasi. La sou Lataua u'oxo masuane'i ne.&#8221; 50#Ioa 3:1-2Io, vile noxi'a ualasou lexe Nikodimo anu itema e mune'e noxou Iesu tei muvikalane'i aloxo 'o, 51&#8220;No anu lapuloto noxinge, la umomomo sou tatulusou itema vile no anu vaivaikala vitanisi uasi. Talomu noxou laixe mo talavusou mii ma'ia ane anu mu'oxonu, la sou tatulusou no anu vaivaikala.&#8221; 52#Ioa 7:41-42Ane'i miavuti la mivikalanu aloxo 'o, &#8220;Male nini sie Xalilaia kalumo? Namalei laixe no anu Lavuku Tavuna, la sou nini nalavusou lexe itema sou palomatana vile uxali ne Xalilaia uasi.&#8221; 53Aloxo ne, la sou ane'i milivulivu no taataasi'a.</div>
 </div>
 </div>
</div>

Xe ili'i, la Iesu ununalai no xalee lia tila ne Iutaia uasi. Xo ta tatila noxi'a ta Iutaia ilooxu sou lexe ivau. La sou Anu muxolu mo muxixaoxao no nano no xalee lia tila ne Xalilaiasi. Io, voxo tila noxi'a ta Iutaia misosovosou voxo e ta totoxosi'a mixolu no tani alelaxu tavuna noxou Lataua no xalee lia vitanisi, muxali 'alai. La Iesu ta vimovimou mivikalanu aloxo 'o, “Mamu nini naxolu lai 'o, nalai nuna no xalee lia tila ne Iutaia mo sou ta molomolomeni imaisou sosovo se'i nini na'oxonu. Nini naxali lamana no ie'i ta mitema, la mii ma'ia na'oxonu ne, natalumeu uasi. Napala'alixu mo ta mitema tavu'alo imaisine.” Xo ta vimovimou kalumo imulaxu tane'i noxou uasi. La sou Iesu muvikalane'i aloxo 'o, “Voxo noxilo a uxali uao. Ia voxovoxo ne, ngingi nga'angingisi. Ta mitema no lia 'o imasaxainge, ia imasaxailo uasi. Xo eni apala'alixu 'ili'ilixo masumasua ane ane'i i'oxo'oxonu. Ngingi ngalai no anu voxo tila ne. Ia eni umomomo sou alai uasi. Xo voxo noxilo uxali uao.” La sou Anu muxolu ne Xalilaia.
Ta vimovimou milutu la milai sou voxo tila ne. Ili'i la anu Iesu mumuline'i mulai, ia upala'a noxi'a ta mitema uasi. Mutalumesi. No anu voxo tila ne, la ta tatila noxi'a ta Iutaia imaisou Iesu iou uasi, la mitali'isi'a ta mitema lexe Anu a uxolu ne'ei? Ta mitema tavu'alo imunumunu noxi'a ngato'o sou Iesu. Se'i ivikala lexe Anu itema laixe, xe se'i ivikala lexe Anu ukalakalavoine'i ta mitema. Ia ane'i ta mitema ivikala tatila uasi. Xo mi'ume'a ta tatila noxi'a ta Iutaia.
No nixi no anu voxo tila noxi'a ta Iutaia, la Iesu mu'unalai no nano no taasou lalotu noxou Lataua sou musokou mulosi'a ta mitema lavulavu. Ta tatila noxi'a ta Iutaia milomusou vaikala noxou Iesu, la mikuluke la mitali'i aloxo 'o, “Itema ano 'o uvivikala loxo 'o xo mulai muno'u lavulavu ne'ei?” Iesu mukoline'i aloxo 'o, “Lavulavu e eni elosi'a ta mitema ne, anu noxilo uasi. Anu molu noxou ane mupalusilo ene'e. Lexe vile umulinu masaxa noxou Lataua, la anu ulavusou lexe lavulavu noxilo molu noxou Lataua 'o molu noxilosi. Anu ane uvikala no anu lavulavu noxousi, la anu umasaxa lexe ta mitema i'itinu ualasou. Ia anu ane umasaxa lexe u'itinu ualasou ane mupalusou une'e 'o, anu uvikala manina mo ukalavoi uasi. Mosesi mulosinge lapuloto noxou ne. Ia evile noxinge umulinu lapuloto ne uasi. Ia tava'u loxovaa la ngingi ngavelo asoli?” Ane'i mikolinu vaikala noxou aloxo 'o, “Uleenu vile masua a muxolu noxine! 'Ei umasaxa lexe uvene?” Iesu mukoline'i aloxo 'o, “Eni e'oxonu xaixai ma'ia tila ne, la sou ngingi ngexavutala piena no anu 'o. Mosesi mulosinge vote'isou xooxoo ungasi'a ta molomolo. Ia anu molu noxou Mosesi uasi, molu noxi'a ta totoxosinge. La sou ngingi ngamuli lapuloto noxou sou xooxoo ungasi'a ta molomolo no voxo tavuna. Ngingi ngavikala lexe ngamulinu lapuloto noxou Mosesi sou xooxoo ungasi'a ta molomolo, la ngingi nga'oxonu no voxo tavuna kalumo. Ia loxovaa la eni epamaulinu itema no voxo tavuna kalumo, la ngingi la'iangenge o? Iengi umaisou itemasi ka ngavikala lexe itema anu laixe uasi la anu masua aloxo 'o uasi. Ngalavusou itema laixe ukalu, la sou ngavikala lexe anu itema laixe uasi la anu masua.”

Io, ta mitema se'i ne Ielusalemu milomusou vaikala noxou Iesu, la mivikala lexe, “Anu itema ane ta mitema imasaxa lexe ivau 'ole ane? Anu ane uvivikalane'i ane'i tavu'alo ne, ia ane'i ilea vaikala vile noxou uasi. Ta tatila noxi'a ta Iutaia, male ilavusou lexe Anu Kalisito uasi? Ia nenge telavusou itema ne mo telavusou tualasou. Ia lexe Kalisito uxali, la evile umomomosou ulavusou lexe anu molu ne'ei uasi.” Iesu uao ulolosi'a ta mitema lavulavu no nano no taasou lalotu tatila noxou Lataua. Muavuti la mu'ava aloxo 'o, “Manina, ngingi ngelavusilo mo ngelavusou tualasilo. Ia eni ane'e 'o no anu masaxa noxilo uasi. Eni ene'e no anu masaxa noxou ane mupalusilo. Anu ne manina. Ngingi ngalavusou itema ane ne uasi. Ia enisi elavusou. Xo eni melo noxou mo anu mupalusilo ene'e.” No anu vaivaikala noxou ne, la ane'i mitovonu lexe itetelisou, ia evile utetelisou uasi. Xo voxo noxou a uxali uao. Ta mitema tavu'alo mimulaxu tane'i noxou la imunumunu sou ivikala aloxo 'o, “Lexe Kalisito uxali la male anu u'oxonu sosovo se'i uaulixu sosovo noxou itema 'o?”

Ta Palisaio mixolu no taiine'i ta mitema la milomusi'a mimunumunusou Iesu. La sou ane'i ta tatilasi'a ta mitema sou i'elaxa'a ta sipsip ilo'a ta Palisaio mipalusi'a ta mitema sou isaxila'u tani tila noxou Lataua sou lexe ilai itetelisou. La Iesu muavuti la muvikalane'i aloxo 'o, “Nenge nenge'a taxolu maxuvee uasi. Xo eni alivu alai noxou anu ane mupalusilo ene'e. Ngingi ngakakamulileli la ngaxalisilo uasi mo umomomo sou ngingi ngane'e no tuala e eni alai no anu uasi.” Ta tatila noxi'a ta Iutaia milomu aloxo ne, la mivikalane'i ngato'o aloxo 'o, “Itema 'o umasaxa lexe ulai ne'ei, la sou nenge tamaisou uasi o. Loxovaa anu ulai noxi'a ta mineminenge se'i mi'ume la milai mixolu no tuala tila ne Elenasi sou ulosi'a lavulavu? La sou Anu muvikala lexe, ‘Ngingi ngakakamulileli, la ngaxalisilo uasi,’ mo ‘Umomomo sou ngingi ngane'e no tuala e eni alai no anu uasi.’ Ia laaxu vaikala noxou ne a loxovaa?”

No anu voxo kaluxu sou voxo tila noxi'a ta Iutaia, la anu Iesu mutulu mo mu'ava tila aloxo 'o, “'Ei ane usoliu lexa, la une'e noxilo mo uie. 'Ei ane umulaxu tanu noxilo, la lexa sou mauli usiali no nano no tanu loxo Lavuku Tavuna teinu mulemolu.” Lexa sou mauli ne, anu Uleenu Tavuna e 'ei ane umulaxu tanu noxou Iesu, la anu uno'u ili'i. Xo no voxo ane ne, la Iesu ulivu ulai noxou Momu teitexi no opo loxotolo uao. La sou Lataua upalusou Uleenu Tavuna ulu'e uasi.

Ta mitema milomusou vaikala noxou Iesu la se'i mivikala aloxo 'o, “Manina. Itema 'o Anu itema sou palomatana e Lataua mupalusou mulu'e no lia 'o 'a,” ia se'i mivikala aloxo 'o, “Anu Kalisito.” Xe se'i mivikala aloxo 'o, “Kalisito ne, umomomo sou uxali ne Xalilaia uasi. Xo Lavuku Tavuna muvikala lexe Kalisito uxali noxi'a Deviti ta 'ilu'ilusunu mo uxali ne Vetiliemu e Deviti muxolu no anu tei.” La sou xavutalai'a muxali iouiou noxou Iesu la ane'i mikalipala. Mose'i mimasaxa lexe itetelisou Iesu, ia evile sou utetelisou uasi.

Ili'i la ta mitema sou isaxila'u tani tila noxou Lataua milivu mixali noxi'a ta tatilasi'a ta mitema sou i'elaxa'a ta sipsip ilo'a ta Palisaio. La ane'i mitali'isi'a aloxo 'o, “Loxovaa la ngano'u itema ne une'e ua?” Ane'i ta mitema sou isaxila'u tani tila noxou Lataua mikoline'i aloxo, “Evile uvivikala aloxo itema 'o tatei uasi.” Ta Palisaio milomu aloxo ne, la mivikalane'i aloxo 'o, “Itema ne mukalavoingengi kalumo ne? Ngemaisixe nexi ta tatilasinge mo ta Palisaio o temulaxu tanexi noxou? Uasi manina. Ane'i tavu'alo mipita ne ilavusou lapuloto noxou Mosesi uasi. La sou Lataua u'oxo masuane'i ne.” Io, vile noxi'a ualasou lexe Nikodimo anu itema e mune'e noxou Iesu tei muvikalane'i aloxo 'o, “No anu lapuloto noxinge, la umomomo sou tatulusou itema vile no anu vaivaikala vitanisi uasi. Talomu noxou laixe mo talavusou mii ma'ia ane anu mu'oxonu, la sou tatulusou no anu vaivaikala.” Ane'i miavuti la mivikalanu aloxo 'o, “Male nini sie Xalilaia kalumo? Namalei laixe no anu Lavuku Tavuna, la sou nini nalavusou lexe itema sou palomatana vile uxali ne Xalilaia uasi.” Aloxo ne, la sou ane'i milivulivu no taataasi'a.

Ouvir Ioanesi 7