TIBIRIK 12
12
Tapa Bagan Abram
1 #
Png 7.2-3; Heb 11.8 TUHAN nang di Abram, “Tingge rais mu, jurud madis mu ka ramin sama mu, ka di ka tarun tana adi Aku re kiren di kuu. 2Aku re nggen bagŭ sesang di kuu, ka ngara re jadi bangsa adi bās. Aku re nyiberkat kuu ka re bada dŭn mu timagah, isa kuu jadi daya adi biberkat yŭn bangsa bŭkŭn.
3 #
Gal 3.8
Aku re nyiberkat ngara adi nyiberkat kuu,
pak Aku re mangu ngara adi mangu kuu.
Ka so kuu Aku re nyiberkat sopŭrŭg bangsa bŭkŭn.”#12.3 so...bangsa bŭkŭn; puan kah: Sopŭrŭg bangsa re mite Aku nyiberkat ngara nimun Aku mbŭh nyiberkat kuu.
4Kan Abram mbŭh ju puru-rimŭh sawa umbur-i, ayŭh matak bu so Haran, nimun adi TUHAN mbŭh kidaan di ayŭh; ka Lot sua matak ngga ayŭh. 5Abram taban sawŭn-i Sarai, Lot adi anak jurud-i, ka sopŭrŭg buat-rata samŭn sopŭrŭg daya urun adi ngara miris di Haran, ka ngara matak bu ka Canaan.
Kan ngara mbŭh ndŭg Canaan, 6Abram panu mutas tarun tana anŭ ndŭg ka ayŭh mandŭg ka yŭn tŭngŭn kayuh pirapu' di Moreh, tarun anŭ adi kudus di Shechem. (Di jaman anŭ daya Canaan babŭ rŭŭ di abong anŭ.) 7#Png 7.5; Gal 3.16 TUHAN nandŭng di Abram ka nang di ayŭh, “Ati inŭh tarun tana adi Aku re nggen di bara sesang mu.” Komŭnŭ Abram ndai ndi mija-sambah yŭn TUHAN diginŭ, adi ko nandŭng di ayŭh. 8Ripas anŭ, ayŭh bu bipindah di ka siratan ka rais tarun tana sandah di tura ka timor kupo Bethel ka bibari di asah Bethel parad tura ka barat ngga Ai di parad ka timor. Diginŭ gŭh ayŭh ndai ndi mija-sambah ka nyambah TUHAN. 9Komŭnŭ ayŭh bipindah bu so tarun ndi di ka tarun andi nuju parad siratan Canaan.
Abram di Egypt
10Pak agi apag di Canaan, ka-i mbŭh sera ndŭg ka Abram pijuu panu nuju siratan ndŭg Egypt, ka rŭŭ diginŭ nyitiro. 11Kan ayŭh re mutas baat di ka Egypt, ayŭh nang di sawŭn-i Sarai, “Kuu inŭh dayung adi ramus. 12Kan daya Egypt kiris kuu, ngara re nang kuu sawŭn ku, ka re siŭ aku ka tandah kuu udip. 13#Tib 20.2, 26.7 Kidaan di ngara nang adŭp mu sude dayung ku; isa ngara dŭh siŭ aku pak ngasi aku sitagar kuu.” 14Jadi kan ayŭh mbŭh mutas baat di ka Egypt, daya Egypt sawŭ kiris sawŭn-i ramus. 15Kada so daya pritah adi mbŭh kiris ayŭh kidaan di raja nang ayŭh sawŭ ramus; jadi ayŭh dog taban ka istana raja. 16Sabab Sarai raja kana ngga Abram ka nggen di Abram kaban biri ngga kaban kambing, sapi sapi, kaldi, daya urun, ka onta.
17Pak sabab raja mbŭh tambit Sarai, TUHAN pait andam adi raru bisā da dog ayŭh samŭn bara daya-i di istana. 18Komŭnŭ raja bagan Abram ka siken ayŭh, “Ani anŭ mbŭh kuu ndai di aku? Mani kuu dŭh kidaan di aku nang ayŭh sawŭn mu? 19Mani kuu nang ayŭh sude mu, ka bada aku tambit ayŭh jadi sawŭn ku? Ati sawŭn mu; tambit ayŭh ngga bu so ti!” 20Raja nggen pritah di daya daya-i, ka ngara taban Abram ngga ruah so rais anŭ, samŭn sawŭn-i ka sopŭrŭg kayuh adi ayŭh dapu.
Atualmente Selecionado:
TIBIRIK 12: TBVONT
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Hakcipta - Today's Biatah Version New Testament © The Bible Society of Malaysia, 2003.
TIBIRIK 12
12
Tapa Bagan Abram
1 #
Png 7.2-3; Heb 11.8 TUHAN nang di Abram, “Tingge rais mu, jurud madis mu ka ramin sama mu, ka di ka tarun tana adi Aku re kiren di kuu. 2Aku re nggen bagŭ sesang di kuu, ka ngara re jadi bangsa adi bās. Aku re nyiberkat kuu ka re bada dŭn mu timagah, isa kuu jadi daya adi biberkat yŭn bangsa bŭkŭn.
3 #
Gal 3.8
Aku re nyiberkat ngara adi nyiberkat kuu,
pak Aku re mangu ngara adi mangu kuu.
Ka so kuu Aku re nyiberkat sopŭrŭg bangsa bŭkŭn.”#12.3 so...bangsa bŭkŭn; puan kah: Sopŭrŭg bangsa re mite Aku nyiberkat ngara nimun Aku mbŭh nyiberkat kuu.
4Kan Abram mbŭh ju puru-rimŭh sawa umbur-i, ayŭh matak bu so Haran, nimun adi TUHAN mbŭh kidaan di ayŭh; ka Lot sua matak ngga ayŭh. 5Abram taban sawŭn-i Sarai, Lot adi anak jurud-i, ka sopŭrŭg buat-rata samŭn sopŭrŭg daya urun adi ngara miris di Haran, ka ngara matak bu ka Canaan.
Kan ngara mbŭh ndŭg Canaan, 6Abram panu mutas tarun tana anŭ ndŭg ka ayŭh mandŭg ka yŭn tŭngŭn kayuh pirapu' di Moreh, tarun anŭ adi kudus di Shechem. (Di jaman anŭ daya Canaan babŭ rŭŭ di abong anŭ.) 7#Png 7.5; Gal 3.16 TUHAN nandŭng di Abram ka nang di ayŭh, “Ati inŭh tarun tana adi Aku re nggen di bara sesang mu.” Komŭnŭ Abram ndai ndi mija-sambah yŭn TUHAN diginŭ, adi ko nandŭng di ayŭh. 8Ripas anŭ, ayŭh bu bipindah di ka siratan ka rais tarun tana sandah di tura ka timor kupo Bethel ka bibari di asah Bethel parad tura ka barat ngga Ai di parad ka timor. Diginŭ gŭh ayŭh ndai ndi mija-sambah ka nyambah TUHAN. 9Komŭnŭ ayŭh bipindah bu so tarun ndi di ka tarun andi nuju parad siratan Canaan.
Abram di Egypt
10Pak agi apag di Canaan, ka-i mbŭh sera ndŭg ka Abram pijuu panu nuju siratan ndŭg Egypt, ka rŭŭ diginŭ nyitiro. 11Kan ayŭh re mutas baat di ka Egypt, ayŭh nang di sawŭn-i Sarai, “Kuu inŭh dayung adi ramus. 12Kan daya Egypt kiris kuu, ngara re nang kuu sawŭn ku, ka re siŭ aku ka tandah kuu udip. 13#Tib 20.2, 26.7 Kidaan di ngara nang adŭp mu sude dayung ku; isa ngara dŭh siŭ aku pak ngasi aku sitagar kuu.” 14Jadi kan ayŭh mbŭh mutas baat di ka Egypt, daya Egypt sawŭ kiris sawŭn-i ramus. 15Kada so daya pritah adi mbŭh kiris ayŭh kidaan di raja nang ayŭh sawŭ ramus; jadi ayŭh dog taban ka istana raja. 16Sabab Sarai raja kana ngga Abram ka nggen di Abram kaban biri ngga kaban kambing, sapi sapi, kaldi, daya urun, ka onta.
17Pak sabab raja mbŭh tambit Sarai, TUHAN pait andam adi raru bisā da dog ayŭh samŭn bara daya-i di istana. 18Komŭnŭ raja bagan Abram ka siken ayŭh, “Ani anŭ mbŭh kuu ndai di aku? Mani kuu dŭh kidaan di aku nang ayŭh sawŭn mu? 19Mani kuu nang ayŭh sude mu, ka bada aku tambit ayŭh jadi sawŭn ku? Ati sawŭn mu; tambit ayŭh ngga bu so ti!” 20Raja nggen pritah di daya daya-i, ka ngara taban Abram ngga ruah so rais anŭ, samŭn sawŭn-i ka sopŭrŭg kayuh adi ayŭh dapu.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Hakcipta - Today's Biatah Version New Testament © The Bible Society of Malaysia, 2003.