Известные библейские стихи из मत्ती 14

Поделиться

परह् बागुर दे:खियों संत्त-पतरस डरी गुवा, अरह् जबे से डूब्दा लागा, तबे तेने लेल्याऐयों बुलो, “हे प्रभू, मुँह बंचाव!” प्रभू यीशू ऐ तेख्णी तेस दी पाची पाऐयों ऊडा थाँम्ब्ड़ा अरह् बुलो, “ओ कंम-बिश्वाषी, तुँऐं षकं-शुभा किन्देखे करा?”

परह् बागुर दे:खियों संत्त-पतरस डरी गुवा, अरह् जबे से डूब्दा लागा, तबे तेने लेल्याऐयों बुलो, “हे प्रभू, मुँह बंचाव!”

तबे तेख्णी प्रभू यीशू चैले आरी बातो कर्दें लागे, अरह् बुलो, “हिम्मत थंह्! हाँव असो, डरे ने!”

संत्त-पतरस ऐ प्रभू यीशू खे जबाब दिता, “हे प्रभू जे तुँऐं ही असो, तअ मुँह आपु कैई आँणों खे पाँणी गाशी हाँड्णों की अज्ञाँ दियों।” प्रभू यीशू ऐ तेस्खे अज्ञाँ दिती, “आ!” तबे संत्त-पतरस नाव शा ऊतरियों प्रभू यीशू कैई ज़ाँणों खे पाँणी गाशी हाँड्दा लागा।

ईन्दें गाशी तिन्ऐ जुण्जे नाँव गाशी बईठे अंदे थिऐ, तिन्ऐ आप्णों मूँढ नाऐयों प्रभू यीशू खे ढाल-बिनती करियों बुलो, “सत्तिखे तुँऐं पंणमिश्वर का बैटा असो।”

परह् प्रभू यीशू ऐ तिनखे बुलो, “ईनको ज़ाणों जरूरी ने आथी! तुँऐं ही ईनखे किऐ खाणों खे दियो।” तबे चेलै ऐं प्रभू यीशू खे बुलो, “ईथे आँमों कैई पाँच रोटी अरह् दो माँछी के सुवाऐ ऊको किऐ ने आथी।”

प्रभू यीशू ऐ तिन्खे अज्ञाँ दिती, “तिनू ईथै मुँह कैई लियाओं।” तबे तिन्ऐ लोगो खे ज़ुब्ड़ी गाशी बईठाल़्णों की अज्ञाँ दिती, अरह् तिनू पाँच रोटी अरह् दो माँछी लई; अरह् स्वर्गो की ढबे ऊबो दे:खियों धन्यबाद करा अरह् रोटी च़ूड़ी-च़ूड़ियों आप्णें चैले कैई दिती, अरह् तिन चैले लोगों खे दिती।

जबे बादे लोग खाऐयों छ़ह्कि गुऐ, तअ चैले ऐ बंचे अंदे टूक्ड़े की भरी अंदी बारंह् शेक्ड़ी टिपी।