Известные библейские стихи из मरकुस 12

Поделиться

प्रभू यीशू मसीया ऐ तेस्खे जबाब दिता; सभी शी बड़ी “अज्ञाँ ऐजी असो: ‘शुंणों, इस्राएलियों! प्रभू अमाँरा पंणमिश्वर ऐक ही प्रभू असो। अरह् तू प्रभू आप्णे पंणमिश्वर शो, आप्णें बादे मंन शो, अरह् आप्णें पराँण शो, अरह् आप्णी बादी बुद्धी शो, अरह् बादी शक्त्ति शो पियार करह्।’ अरह् दुज़ी अज्ञाँ असो, ‘तू आप्णे पड़ोसी शो आपु जेष्णों पियार करह्’, ईन्दें शी बड़ी अज्ञाँ ओकी किऐ ने आथी।”

तबे प्रभू यीशू ऐ आप्णे चैले नंजीक बईदे अरह् तिनखे बुलो, “हाँव तुँओं खे खास बात बुलू के देऊँठी के भंडार दो दाँण देणो वाल़ी, ऐजी गरीब बिधवा तिरंई असो, ईयों शो जादा भहितो दाँण कुँणिऐं ने देऐ थंई। किन्देंखे के सभिऐं आप्णें भहीते धंनों मुँझ शो किऐ दाँणिक दाँण करी थो; परह् ईऐं तिरंई ऐ आप्णे जीवन गरीबी मुँझ शो जू किऐ ईयों कैई थियो, सेजो बादो कुछ-कुछ दाँण करी दितो।”

प्रभू यीशू मसीया देऊँठी के भंडारो कैई बऐठियों दे:खी लो थियों, के लोगे देऊँठी के भंडारे दो दाँण देऐ लो थिओ, अरह् कंई सेठे भऊँतो दाँण देऐ लो थिओ। तबे तेथै ऐक गरीब बिधवा तिंरऐ आऐ, जिऐं दो-दाँम्बड़ीं दु:पईसी भेंटो खे सन्दुकड़ी दी पाई।

अरह् तिन शो बादे मंन, अरह् बादी बुद्धी, अरह् बादे प्राणश, अरह् बादी शक्त्ति आरी पियार करह्; अरह् आप्णें पड़ोसी शो आपु जेष्णों पियार कर्णो, सभी बल़ी अरह् काटियों छुतोकरू-भूतोकरू शो भे बड़ियों असो।”

प्रभू यीशू ऐ तिनखे बुलो, “जू कैसर को असो, सेजो कैसर खे दियों, अरह् जुण्जो पंणमिश्वर को असो; सेजो पंणमिश्वर खे दियो।” तबे सेजो शुणियों तिनके तूरंबाणच़ूंटे।