မ︀တ︀်တ︀ႄး 2
2
လ︀ွင︀်ႈပ︀ိင︀်ꩥ︀ႃꩬ︀ိၵ︀ဝ် မ︀ႃးဝႆ︀ႈꩡ︀ဝ်ႛယ︀ေꩬ︀ု
1ꩡ︀ူဝ်ႈမ︀ိူဝ်ႈꩡ︀ဝ်ႛꩭူဝ်ၵ︀မ︀်းꩭေရ︀ုတ︀် ꩫ︀င︀်ႈꩭူဝ်ၵ︀မ︀်းꩫ︀ႆ︀ႇꩫ︀မ︀် တ︀ိူင︀်းယ︀ုတ︀၊ ဝီင︀်းပ︀ႅတ︀်လ︀ႄးꩭႅမ︀်မ︀ႆ︀ႛ ꩡ︀ဝ်ႛယ︀ေꩬ︀ုၸ︀ႃးမ︀ႃးꩫ︀ႆ︀ႇ။ မ︀ꩫ︀်းꩡ︀ဝ်ႛၸ︀ႃးမ︀ႃးꩬ︀ီ မ︀ဝ်ꩭိုင︀်က︀ꩬ︀င︀်မ︀ႆ︀ႛ လ︀ုက︀်ႉမ︀ိူင︀်းဝꩫ︀်းဢ︀ွက︀်မ︀ႆ︀ႛ ပ︀ိင︀်ꩥ︀ႃꩬ︀ိဢ︀ꩫ︀်ႈလ︀ႅမ︀်းၵ︀ၢဝ်ႈꩫ︀ၢဝ်ႈꩫ︀ႆ︀ႇၵ︀ဝ် ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ထိုင︀်မ︀ႃးဢ︀ူ။ 2ၵ︀ဝ်ယ︀ႃႇ “လ︀ၵ︀ႃဢ︀ꩫ︀်ႈတ︀ီပ︀ီꩫ︀်ႈ ꩡ︀ဝ်ႛꩭူဝ်ၵ︀မ︀်းက︀ျူးꩫ︀ႆ︀ႇ ဢ︀မ︀ႆ︀ႚꩫ︀ႆ︀ၸ︀ႃးမ︀ႃးꩫ︀ႆ︀ႇ။ ပ︀ႃႛဝꩫ︀်းဢ︀ွက︀်မ︀ႆ︀ႛ ꩫ︀ၢဝ်ႈမ︀ꩫ︀်းꩡ︀ဝ်ႛဢ︀ွက︀်မ︀ႃးꩫ︀ႆ︀ႇ တ︀ူႈꩭꩫ︀်ꩬ︀ီ မ︀ႃးပ︀ႆ︀ၢႛဝႆ︀ႈမ︀ꩫ︀်းꩡ︀ဝ်ႛꩫ︀မ︀်” ꩫ︀ꩬ︀ီထၢမ︀်လ︀ေဢ︀ူ။ 3ၵ︀ၢမ︀်းꩫ︀ႆ︀ႇꩫ︀ႆ︀ႛꩥ︀ိꩫ︀်းက︀ီး ꩡ︀ဝ်ႛꩭူဝ်ၵ︀မ︀်းꩭေရ︀ုတ︀်င︀ႆ︀း က︀ူꩫ︀်းဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း က︀ပ︀်ႉꩡ︀ႂ်ႈက︀ꩫ︀်ႈဢ︀ူ။ 4ꩭေရ︀ုတ︀်ယ︀ႃႇ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်င︀ႆ︀း ꩬ︀ြႃတ︀ြႃးꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛꩭွင︀်ႇꩬ︀ီ “ꩡ︀ဝ်ႛမ︀ေꩬ︀ိယ︀ ဢ︀မ︀ႆ︀ႚꩫ︀ႆ︀တ︀ီၸ︀ႃးမ︀ႃးꩫ︀ႆ︀ႇ” ꩫ︀ꩬ︀ီထၢမ︀်ဢ︀ူ။ 5-6ၵ︀ဝ်ယ︀ႃႇ “ပ︀ရ︀ေႃးၸ︀ႅတ︀်ႉပ︀ႃးလ︀ိူင︀်ႈတ︀ႅမ︀်ႛဝႆ︀ႇꩫ︀ႆ︀ႇယ︀င︀်းတ︀ီၵ︀ႃႛဢ︀ူ။
“ဝီင︀်းပ︀ႅတ︀်လ︀ႄးꩭႅမ︀်၊ တ︀ိူင︀်းယ︀ုတ︀ꩴ︀း
မ︀ႂ်းယ︀ႃႇ ꩭူဝ်က︀ေဝီင︀်း တ︀ိူင︀်းယ︀ုတ︀ꩫ︀ႆ︀ႇၵ︀ဝ်မ︀ႆ︀ႛ ဝီင︀်းဢ︀ꩫ︀်ႈက︀ွႆ︀ႛပ︀ိူꩫ︀်ႈꩵ︀ႈꩡ︀ႂ်ႈ။
က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭူဝ်က︀ေဢ︀ꩫ︀်ႈ က︀ူꩫ︀်းဢ︀ီတ︀်ꩬ︀ြေးက︀ဝ်ႈꩫ︀ႆ︀ႇၵ︀ဝ်မ︀ႆ︀ႛ
တ︀ီဢ︀ွꩫ︀်ႈꩭူဝ်ꩫ︀ႆ︀ႇ လ︀ုက︀်ႉမ︀ႂ်းမ︀ႆ︀ႛ တ︀ီဢ︀ွက︀်မ︀ႃးꩫ︀မ︀်” ꩫ︀ꩬ︀ီဝႃႈဝႆ︀ႇဢ︀ူ။
င︀ႆ︀းꩫ︀ႆ︀ႇꩬ︀ီ တ︀ိူင︀်းယ︀ုတ︀၊ ဝီင︀်းပ︀ႅတ︀်လ︀ႄးꩭႅမ︀်မ︀ႆ︀ႛတ︀ီၵ︀ႃႛꩫ︀မ︀်တ︀ီၸ︀ႃးမ︀ႃးꩫ︀ႆ︀ႇ” ꩫ︀ꩬ︀ီꩬ︀ွက︀်ႉဢ︀ူ။
7ꩫ︀ႆ︀ႇမ︀ႆ︀ႛ ꩭေရ︀ုတ︀်ယ︀ႃႇ ပ︀ိင︀်ꩥ︀ႃꩬ︀ိဢ︀ꩫ︀်ႈလ︀ႅမ︀်းꩫ︀ၢဝ်ႈꩫ︀ႆ︀ႇၵ︀ဝ်မ︀ႆ︀ႛ လ︀ၢက︀်ႉꩬ︀ွတ︀်ႉꩭွင︀်ႇꩬ︀ီ ယ︀ၢမ︀်းဢ︀ꩫ︀်ႈꩫ︀ၢဝ်ႈဢ︀မ︀ႂ်းဢ︀ွက︀်မ︀ႃးꩫ︀ႆ︀ႇ ထၢမ︀်ထီထီꩫ︀ႃꩰဢ︀ူ။ 8ယ︀ၢမ︀်းဢ︀မ︀ႂ်းတ︀ွင︀်းက︀ႃက︀ီး “ꩬ︀ူ လ︀ၵ︀ႃဢ︀မ︀ႂ်းမ︀ႆ︀ႛ က︀ႃၵ︀ႃဢ︀ဝ်ႈꩭꩫ︀်တ︀ႃႉ။ မ︀ွင︀်းꩭꩫ︀်ယ︀ႃႇ က︀ဝ်ႈမ︀ႆ︀ႛ မ︀ႃးၵ︀ႆ︀ႈတ︀ႃႉ။ က︀ဝ်ႈက︀ေႃႇ က︀ႃပ︀ႆ︀ၢႛက︀ွတ︀်” ꩫ︀ꩬ︀ီꩬ︀င︀်ꩬ︀ီ ၵ︀ဝ်မ︀ႆ︀ႛ ပ︀ွႆ︀ꩭႂ်ႛက︀ႃဝီင︀်းပ︀ႅတ︀်လ︀ႄးꩭႅမ︀်ဢ︀ူ။ 9-10ၵ︀ဝ်ဢ︀ွက︀်က︀ႃက︀ီး တ︀ၢင︀်းမ︀ႆ︀ႛꩫ︀ၢဝ်ႈဢ︀ꩫ︀်ႈၵ︀ဝ် ဝꩫ︀်းဢ︀ွက︀်မ︀ႆ︀ႛꩭꩫ︀်မ︀ႃးဢ︀မ︀ႂ်းမ︀ႆ︀ႛ ꩭꩫ︀်ပ︀ွက︀်ႉꩬ︀ီ ꩡ︀ူမ︀်းလ︀ူင︀်ꩡ︀ူမ︀်းလ︀ၢင︀်က︀ႃꩫ︀မ︀်။ ꩫ︀ၢဝ်ႈဢ︀မ︀ႂ်း ၵ︀ဝ်မ︀ႆ︀ႛဢ︀ွꩫ︀်ႈတ︀ၢင︀်းက︀ႃꩬ︀ီ က︀ꩫ︀်ႛꩫ︀ိူဝ်တ︀ီႈဢ︀ꩫ︀်ႈလ︀ၵ︀ႃဢ︀မ︀ႂ်းဢ︀ူမ︀ႆ︀ႛ ထိုင︀်က︀ီးꩫ︀ႂ်ꩬ︀ီဢ︀ူဢ︀ူ။ 11ၵ︀ဝ်က︀ေႃႇꩭိူꩫ︀်းမ︀ႆ︀ႛ ၵ︀ဝ်ႛက︀ႃက︀ီး လ︀ၵ︀ႃဢ︀မ︀ႂ်းမ︀ႆ︀ႛ တ︀င︀်းၸ︀ူႛမ︀ေႈမ︀ꩫ︀်းမ︀ေရ︀ီꩭူမ︀်ႈꩭꩫ︀်ဢ︀ူ။ ꩫ︀ႆ︀ႇမ︀ႆ︀ႛ ၵ︀ဝ်ၵ︀ုပ︀်ႉၵ︀ဝ်ꩬ︀ီ မ︀ꩫ︀်းꩡ︀ဝ်ႛပ︀ၢႆ︀ႛဝႆ︀ႈယ︀ဝ်ႇက︀ီး တ︀ႅက︀်ႉရ︀တ︀ꩫ︀ႃၵ︀ဝ်ပ︀ုတ︀်င︀ႆ︀း ၵ︀မ︀်း၊ ꩬ︀မ︀ီးꩭွမ︀်ဢ︀ꩫ︀်ႈၵ︀ꩫ︀်ယ︀ႂ်လ︀ူင︀်င︀ႆ︀း မ︀ꩫ︀်းꩭွမ︀်ꩫ︀ႆ︀ႇၵ︀ဝ်ဢ︀ဝ်ႈဢ︀ွက︀်ꩬ︀ီ ပ︀ုက︀်ႉꩡ︀ူဝ်ဢ︀ူ။ 12ယ︀ဝ်ႇက︀ီး ꩭႂ်ႛပ︀ူဝ်းၵ︀ဝ် ꩭေရ︀ုတ︀်မ︀ႆ︀ႛ မ︀ဝ်က︀ႃပ︀ွက︀်ႉꩫ︀ႆ︀ႇ ၸ︀ꩫ︀်ꩭꩫ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀တ︀ိꩭႂ်ႛဝႆ︀ႇꩫ︀ႆ︀ႇꩬ︀ီ ၵ︀ဝ်ဢ︀ဝ်ႈတ︀ၢင︀်းတ︀ၢင︀်ဢ︀ꩫ︀်ႈမ︀ိူဝ်းက︀ႃဢ︀ူ။
13ၵ︀ဝ်ပ︀ွက︀်ႉက︀ႃက︀ီး ၵ︀ုꩫ︀်ꩬ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛပ︀ႃးလ︀ိူင︀်ႈ ၸ︀ꩫ︀်ꩭꩫ︀်ယ︀ေႃတ︀ၢတ︀်မ︀ႆ︀ႛ ဢ︀ွက︀်မ︀ႃးꩬ︀ီ “လ︀ုက︀်ႉတ︀ႃႉ။ လ︀ၵ︀ႃꩫ︀ႆ︀ႇမ︀ႆ︀ႛ ꩭေရ︀ုတ︀်ၵ︀ႃꩬ︀ီတ︀ီမ︀ႃးဢ︀ဝ်ႈတ︀ႆ︀ၢႈယ︀ဝ်ႇ။ ꩬ︀ွင︀်ၵ︀ႃမ︀ေႈလ︀ုက︀်ႉမ︀ႆ︀ႛ ꩭွင︀်ႇꩬ︀ီပ︀ႆ︀ၢႈက︀ႃမ︀ိူင︀်းဢ︀ီက︀ျီပ︀်တ︀ႃႉ။ က︀ႃႈက︀ဝ်ႈမ︀ဝ်ဝႃႈယ︀ႃႇ ဢ︀မ︀ႂ်းမ︀ႆ︀ႛဢ︀ူတ︀ႃႉ” ꩫ︀ဝꩫ︀်ႇ။ 14ယ︀ေႃတ︀ၢတ︀်က︀ေႃႇ လ︀ုက︀်ႉꩬ︀ီ ꩬ︀ွင︀်ၵ︀ႃမ︀ေႈလ︀ုက︀်ႉမ︀ႆ︀ႛꩭွင︀်ႇင︀ႆ︀း ၵ︀မ︀်ႈဢ︀မ︀ႂ်း ပ︀ႆ︀ၢႈက︀ႃမ︀ိူင︀်းဢ︀ီက︀ျီပ︀်ဢ︀ူ။ 15ဢ︀မ︀ႂ်းမ︀ႆ︀ႛ က︀ႃႈꩭေရ︀ုတ︀်မ︀ဝ်တ︀ႆ︀ၢႈယ︀ႃႇ ꩬ︀ွꩫ︀်ႈဢ︀ူဢ︀ူ။ လ︀ွင︀်ႈꩫ︀ႆ︀ႇယ︀ႃႇ “လ︀ုက︀်ႉက︀ဝ်ႈမ︀ႆ︀ႛ လ︀ုက︀်ႉမ︀ိူင︀်းဢ︀ီက︀ျီပ︀်မ︀ႆ︀ႛꩫ︀မ︀် ꩭွင︀်ႇမ︀ႃးꩫ︀ႆ︀ႇ” ꩫ︀ꩬ︀ီ ပ︀ရ︀ေႃးၸ︀ႅတ︀်ႉပ︀ႃးလ︀ိူင︀်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ ပ︀ီꩫ︀်ႈမ︀ႃးꩫ︀မ︀်။
လ︀ွင︀်ႈꩭေရ︀ုတ︀်ꩭႂ်ႛဢ︀ဝ်ႈတ︀ႆ︀ၢႈၸ︀ုင︀်လ︀ၵ︀ႃ
16ꩭေရ︀ုတ︀်ယ︀ႃႇ ပ︀ိင︀်ꩥ︀ႃꩬ︀ိꩫ︀ႆ︀ႇၵ︀ဝ် မ︀ꩫ︀်းမ︀ႆ︀ႛ ꩭီတ︀်မ︀ဝ်ၵ︀ၢꩫ︀်းက︀ႃယ︀ဝ်ႇꩫ︀ꩫ︀ႆ︀ႇတ︀ွင︀်းက︀ီး တ︀ေႃးꩬ︀ႃးဝိုတ︀်ႉꩰက︀ႃꩫ︀မ︀်။ င︀ႆ︀းꩬ︀ီ ယ︀ၢမ︀်းဢ︀ꩫ︀်ႈပ︀ိင︀်ꩥ︀ႃꩬ︀ိꩫ︀ႆ︀ႇၵ︀ဝ်ၵ︀ႆ︀ႈ ယ︀ၢꩫ︀်ႈမ︀ိူဝ်ႈꩫ︀ၢဝ်ႈဢ︀မ︀ႂ်းဢ︀ွက︀်မ︀ႃးꩫ︀ႆ︀ႇမ︀ႆ︀ႛတ︀ွတ︀်ႉꩬ︀ီ လ︀ၵ︀ႃၸ︀ူႛꩡ︀ႆ︀ၢး ဢ︀ꩫ︀်ႈလ︀ုက︀်ႉꩬ︀ွင︀်ပ︀ီႈဢ︀ဝ်ႈက︀ႃက︀ꩫ︀်ႛတ︀ႂ်ႛ ဢ︀ꩫ︀်ႈဢ︀ူဝီင︀်းပ︀ႅတ︀်လ︀ႄးꩭႅမ︀်င︀ႆ︀း ဢ︀ꩫ︀်ႈဢ︀ူꩭိမ︀်းဝီင︀်းဢ︀မ︀ႂ်းၵ︀ဝ်တ︀င︀်းမ︀ိူင︀်းမ︀ႆ︀ႛ ꩭႂ်ႛဢ︀ဝ်ႈတ︀ႆ︀ၢႈၵ︀ွတ︀်ဢ︀ူ။ 17-18င︀ႆ︀းꩫ︀ႆ︀ႇꩬ︀ီ
“တ︀ိူင︀်းရ︀ႃမ︀မ︀ႆ︀ႛ ꩬ︀ီင︀်ꩭႆ︀ႛၵ︀ီၵ︀ီၵ︀ုမ︀်ꩰꩫ︀ႆ︀ႇၵ︀ဝ် ꩫ︀ႆ︀ႛꩥ︀ိꩫ︀်းဢ︀ူ။
ရ︀ႃၵ︀ေလ︀ယ︀ႃႇ လ︀ုက︀်ႉမ︀ꩫ︀်းၵ︀ဝ်တ︀ႆ︀ၢႈက︀ႃမ︀ူတ︀်ꩬ︀ီ
ꩭႆ︀ႛဢ︀ူဝ်ႈꩰꩬ︀ီဢ︀ူꩫ︀မ︀်။ မ︀ꩫ︀်းမ︀ႆ︀ႛ ꩭိုဝ်လ︀ိုဝ်က︀ေႃႇလ︀ဝ်ꩵ︀ႈꩫ︀ႆ︀ႛ”
ꩫ︀ꩬ︀ီ ꩫ︀င︀်ဢ︀ꩫ︀်ႈပ︀ရ︀ေႃးၸ︀ႅတ︀်ႉယ︀ေရ︀မ︀ိဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ ပ︀ီꩫ︀်ႈမ︀ႃးဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ု လ︀ုက︀်ႉမ︀ိူင︀်းဢ︀ီက︀ျီပ︀်မ︀ႆ︀ႛပ︀ွက︀်ႉမ︀ႃး
19က︀ꩫ︀်ႛလ︀င︀်ꩭေရ︀ုတ︀်တ︀ႆ︀ၢႈက︀ႃꩫ︀ႆ︀ႇမ︀ႆ︀ႛ မ︀ိူင︀်းဢ︀ီက︀ျီပ︀်မ︀ႆ︀ႛ ယ︀ေႃတ︀ၢတ︀်ၸ︀ꩫ︀်ꩭꩫ︀်မ︀ႃးꩫ︀ႆ︀ႇယ︀ႃႇ မ︀ꩫ︀်းမ︀ႆ︀ႛၵ︀ုꩫ︀်ꩬ︀ၢင︀်ပ︀ႃးလ︀ိူင︀်ႈမ︀ႃးꩬ︀ီ 20“ယ︀ေႃတ︀ၢတ︀်ꩴ︀း ꩬ︀ွင︀်ၵ︀ႃမ︀ေႈလ︀ုက︀်ႉမ︀ႆ︀ႛꩭွင︀်ႇꩬ︀ီ မ︀ိူဝ်းမ︀ိူင︀်းဢ︀ီတ︀်ꩬ︀ြေးတ︀ႃႉ။ က︀ူꩫ︀်းဢ︀ꩫ︀်ႈလ︀ၵ︀ႃꩫ︀ႆ︀ႇမ︀ႆ︀ႛ ၵ︀ႂ်ႈဢ︀ဝ်ႈတ︀ႆ︀ၢႈꩫ︀ႆ︀ႇၵ︀ဝ် တ︀ႆ︀ၢႈက︀ႃမ︀ူတ︀်ယ︀ဝ်ႇ” ꩫ︀ဝꩫ︀်ႇ။ 21င︀ႆ︀းꩬ︀ီ ယ︀ေႃတ︀ၢတ︀်က︀ေႃႇ ꩬ︀ွင︀်ၵ︀ႃမ︀ေႈလ︀ုက︀်ႉမ︀ႆ︀ႛꩭွင︀်ႇꩬ︀ီ လ︀ုက︀်ႉမ︀ိူင︀်းဢ︀ီက︀ျီပ︀်မ︀ႆ︀ႛ မ︀ိူဝ်းမ︀ိူင︀်းဢ︀ီတ︀်ꩬ︀ြေးက︀ႃဢ︀ူ။ 22-23ꩫ︀ႆ︀ႇꩫ︀က︀ေႃႇ မ︀ိူဝ်ႈဢ︀မ︀ႂ်း တ︀ိူင︀်းယ︀ုတ︀မ︀ႆ︀ႛ တ︀ီႈꩭေရ︀ုတ︀်မ︀ႆ︀ႛ ၸ︀ူႛလ︀ုက︀်ႉꩡ︀ႆ︀ၢးမ︀ꩫ︀်းဢ︀ႃၵ︀ေလ︀ꩬ︀ုပ︀်ႉꩬ︀ီ ꩫ︀င︀်ႈꩭူဝ်ၵ︀မ︀်းꩬ︀ီဢ︀ူꩫ︀မ︀်။ လ︀ွင︀်ႈꩫ︀ႆ︀ႇ ယ︀ေႃတ︀ၢတ︀်ꩫ︀ႆ︀ႛꩥ︀ိꩫ︀်းက︀ီး တ︀ိူင︀်ႈဢ︀မ︀ႂ်းမ︀ႆ︀ႛ မ︀ꩫ︀်းၵ︀ဝ်ႛꩵ︀ႈပ︀ီꩫ︀်ႈ။ ꩫ︀ႆ︀ႇꩫ︀က︀ေႃႇ မ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ပ︀ူင︀်ႈၸ︀ꩫ︀်ပ︀ျႃးတ︀ၢင︀်းဢ︀ိက︀်ꩭႂ်ႛꩬ︀ီ ၵ︀ဝ်ပ︀ူဝ်ႈမ︀ေႈလ︀ုက︀်ႉ တ︀ိူင︀်းက︀ႃလ︀ိလ︀ႄ၊ ဝီင︀်းꩫ︀ႃꩡ︀ရ︀ႅတ︀်ꩫ︀ꩫ︀ႆ︀ႇမ︀ႆ︀ႛ က︀ႃဢ︀ူဢ︀ူ။ င︀ႆ︀းꩫ︀ႆ︀ႇꩬ︀ီ “မ︀ꩫ︀်းတ︀ီပ︀ီꩫ︀်ႈက︀ူꩫ︀်းဝီင︀်းꩫ︀ႃꩡ︀ရ︀ႅတ︀်ꩫ︀မ︀်” ꩫ︀ꩬ︀ီ ꩫ︀င︀်ပ︀ရ︀ေႃးၸ︀ႅတ︀်ႉၵ︀ဝ်ဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ပ︀ီꩫ︀်ႈမ︀ႃးဢ︀ူ။
Выбрано:
မ︀တ︀်တ︀ႄး 2: kht
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© 2023 (Active), Wycliffe Bible Translators, Inc. All rights reserved.
မ︀တ︀်တ︀ႄး 2
2
လ︀ွင︀်ႈပ︀ိင︀်ꩥ︀ႃꩬ︀ိၵ︀ဝ် မ︀ႃးဝႆ︀ႈꩡ︀ဝ်ႛယ︀ေꩬ︀ု
1ꩡ︀ူဝ်ႈမ︀ိူဝ်ႈꩡ︀ဝ်ႛꩭူဝ်ၵ︀မ︀်းꩭေရ︀ုတ︀် ꩫ︀င︀်ႈꩭူဝ်ၵ︀မ︀်းꩫ︀ႆ︀ႇꩫ︀မ︀် တ︀ိူင︀်းယ︀ုတ︀၊ ဝီင︀်းပ︀ႅတ︀်လ︀ႄးꩭႅမ︀်မ︀ႆ︀ႛ ꩡ︀ဝ်ႛယ︀ေꩬ︀ုၸ︀ႃးမ︀ႃးꩫ︀ႆ︀ႇ။ မ︀ꩫ︀်းꩡ︀ဝ်ႛၸ︀ႃးမ︀ႃးꩬ︀ီ မ︀ဝ်ꩭိုင︀်က︀ꩬ︀င︀်မ︀ႆ︀ႛ လ︀ုက︀်ႉမ︀ိူင︀်းဝꩫ︀်းဢ︀ွက︀်မ︀ႆ︀ႛ ပ︀ိင︀်ꩥ︀ႃꩬ︀ိဢ︀ꩫ︀်ႈလ︀ႅမ︀်းၵ︀ၢဝ်ႈꩫ︀ၢဝ်ႈꩫ︀ႆ︀ႇၵ︀ဝ် ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ထိုင︀်မ︀ႃးဢ︀ူ။ 2ၵ︀ဝ်ယ︀ႃႇ “လ︀ၵ︀ႃဢ︀ꩫ︀်ႈတ︀ီပ︀ီꩫ︀်ႈ ꩡ︀ဝ်ႛꩭူဝ်ၵ︀မ︀်းက︀ျူးꩫ︀ႆ︀ႇ ဢ︀မ︀ႆ︀ႚꩫ︀ႆ︀ၸ︀ႃးမ︀ႃးꩫ︀ႆ︀ႇ။ ပ︀ႃႛဝꩫ︀်းဢ︀ွက︀်မ︀ႆ︀ႛ ꩫ︀ၢဝ်ႈမ︀ꩫ︀်းꩡ︀ဝ်ႛဢ︀ွက︀်မ︀ႃးꩫ︀ႆ︀ႇ တ︀ူႈꩭꩫ︀်ꩬ︀ီ မ︀ႃးပ︀ႆ︀ၢႛဝႆ︀ႈမ︀ꩫ︀်းꩡ︀ဝ်ႛꩫ︀မ︀်” ꩫ︀ꩬ︀ီထၢမ︀်လ︀ေဢ︀ူ။ 3ၵ︀ၢမ︀်းꩫ︀ႆ︀ႇꩫ︀ႆ︀ႛꩥ︀ိꩫ︀်းက︀ီး ꩡ︀ဝ်ႛꩭူဝ်ၵ︀မ︀်းꩭေရ︀ုတ︀်င︀ႆ︀း က︀ူꩫ︀်းဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း က︀ပ︀်ႉꩡ︀ႂ်ႈက︀ꩫ︀်ႈဢ︀ူ။ 4ꩭေရ︀ုတ︀်ယ︀ႃႇ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်င︀ႆ︀း ꩬ︀ြႃတ︀ြႃးꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛꩭွင︀်ႇꩬ︀ီ “ꩡ︀ဝ်ႛမ︀ေꩬ︀ိယ︀ ဢ︀မ︀ႆ︀ႚꩫ︀ႆ︀တ︀ီၸ︀ႃးမ︀ႃးꩫ︀ႆ︀ႇ” ꩫ︀ꩬ︀ီထၢမ︀်ဢ︀ူ။ 5-6ၵ︀ဝ်ယ︀ႃႇ “ပ︀ရ︀ေႃးၸ︀ႅတ︀်ႉပ︀ႃးလ︀ိူင︀်ႈတ︀ႅမ︀်ႛဝႆ︀ႇꩫ︀ႆ︀ႇယ︀င︀်းတ︀ီၵ︀ႃႛဢ︀ူ။
“ဝီင︀်းပ︀ႅတ︀်လ︀ႄးꩭႅမ︀်၊ တ︀ိူင︀်းယ︀ုတ︀ꩴ︀း
မ︀ႂ်းယ︀ႃႇ ꩭူဝ်က︀ေဝီင︀်း တ︀ိူင︀်းယ︀ုတ︀ꩫ︀ႆ︀ႇၵ︀ဝ်မ︀ႆ︀ႛ ဝီင︀်းဢ︀ꩫ︀်ႈက︀ွႆ︀ႛပ︀ိူꩫ︀်ႈꩵ︀ႈꩡ︀ႂ်ႈ။
က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭူဝ်က︀ေဢ︀ꩫ︀်ႈ က︀ူꩫ︀်းဢ︀ီတ︀်ꩬ︀ြေးက︀ဝ်ႈꩫ︀ႆ︀ႇၵ︀ဝ်မ︀ႆ︀ႛ
တ︀ီဢ︀ွꩫ︀်ႈꩭူဝ်ꩫ︀ႆ︀ႇ လ︀ုက︀်ႉမ︀ႂ်းမ︀ႆ︀ႛ တ︀ီဢ︀ွက︀်မ︀ႃးꩫ︀မ︀်” ꩫ︀ꩬ︀ီဝႃႈဝႆ︀ႇဢ︀ူ။
င︀ႆ︀းꩫ︀ႆ︀ႇꩬ︀ီ တ︀ိူင︀်းယ︀ုတ︀၊ ဝီင︀်းပ︀ႅတ︀်လ︀ႄးꩭႅမ︀်မ︀ႆ︀ႛတ︀ီၵ︀ႃႛꩫ︀မ︀်တ︀ီၸ︀ႃးမ︀ႃးꩫ︀ႆ︀ႇ” ꩫ︀ꩬ︀ီꩬ︀ွက︀်ႉဢ︀ူ။
7ꩫ︀ႆ︀ႇမ︀ႆ︀ႛ ꩭေရ︀ုတ︀်ယ︀ႃႇ ပ︀ိင︀်ꩥ︀ႃꩬ︀ိဢ︀ꩫ︀်ႈလ︀ႅမ︀်းꩫ︀ၢဝ်ႈꩫ︀ႆ︀ႇၵ︀ဝ်မ︀ႆ︀ႛ လ︀ၢက︀်ႉꩬ︀ွတ︀်ႉꩭွင︀်ႇꩬ︀ီ ယ︀ၢမ︀်းဢ︀ꩫ︀်ႈꩫ︀ၢဝ်ႈဢ︀မ︀ႂ်းဢ︀ွက︀်မ︀ႃးꩫ︀ႆ︀ႇ ထၢမ︀်ထီထီꩫ︀ႃꩰဢ︀ူ။ 8ယ︀ၢမ︀်းဢ︀မ︀ႂ်းတ︀ွင︀်းက︀ႃက︀ီး “ꩬ︀ူ လ︀ၵ︀ႃဢ︀မ︀ႂ်းမ︀ႆ︀ႛ က︀ႃၵ︀ႃဢ︀ဝ်ႈꩭꩫ︀်တ︀ႃႉ။ မ︀ွင︀်းꩭꩫ︀်ယ︀ႃႇ က︀ဝ်ႈမ︀ႆ︀ႛ မ︀ႃးၵ︀ႆ︀ႈတ︀ႃႉ။ က︀ဝ်ႈက︀ေႃႇ က︀ႃပ︀ႆ︀ၢႛက︀ွတ︀်” ꩫ︀ꩬ︀ီꩬ︀င︀်ꩬ︀ီ ၵ︀ဝ်မ︀ႆ︀ႛ ပ︀ွႆ︀ꩭႂ်ႛက︀ႃဝီင︀်းပ︀ႅတ︀်လ︀ႄးꩭႅမ︀်ဢ︀ူ။ 9-10ၵ︀ဝ်ဢ︀ွက︀်က︀ႃက︀ီး တ︀ၢင︀်းမ︀ႆ︀ႛꩫ︀ၢဝ်ႈဢ︀ꩫ︀်ႈၵ︀ဝ် ဝꩫ︀်းဢ︀ွက︀်မ︀ႆ︀ႛꩭꩫ︀်မ︀ႃးဢ︀မ︀ႂ်းမ︀ႆ︀ႛ ꩭꩫ︀်ပ︀ွက︀်ႉꩬ︀ီ ꩡ︀ူမ︀်းလ︀ူင︀်ꩡ︀ူမ︀်းလ︀ၢင︀်က︀ႃꩫ︀မ︀်။ ꩫ︀ၢဝ်ႈဢ︀မ︀ႂ်း ၵ︀ဝ်မ︀ႆ︀ႛဢ︀ွꩫ︀်ႈတ︀ၢင︀်းက︀ႃꩬ︀ီ က︀ꩫ︀်ႛꩫ︀ိူဝ်တ︀ီႈဢ︀ꩫ︀်ႈလ︀ၵ︀ႃဢ︀မ︀ႂ်းဢ︀ူမ︀ႆ︀ႛ ထိုင︀်က︀ီးꩫ︀ႂ်ꩬ︀ီဢ︀ူဢ︀ူ။ 11ၵ︀ဝ်က︀ေႃႇꩭိူꩫ︀်းမ︀ႆ︀ႛ ၵ︀ဝ်ႛက︀ႃက︀ီး လ︀ၵ︀ႃဢ︀မ︀ႂ်းမ︀ႆ︀ႛ တ︀င︀်းၸ︀ူႛမ︀ေႈမ︀ꩫ︀်းမ︀ေရ︀ီꩭူမ︀်ႈꩭꩫ︀်ဢ︀ူ။ ꩫ︀ႆ︀ႇမ︀ႆ︀ႛ ၵ︀ဝ်ၵ︀ုပ︀်ႉၵ︀ဝ်ꩬ︀ီ မ︀ꩫ︀်းꩡ︀ဝ်ႛပ︀ၢႆ︀ႛဝႆ︀ႈယ︀ဝ်ႇက︀ီး တ︀ႅက︀်ႉရ︀တ︀ꩫ︀ႃၵ︀ဝ်ပ︀ုတ︀်င︀ႆ︀း ၵ︀မ︀်း၊ ꩬ︀မ︀ီးꩭွမ︀်ဢ︀ꩫ︀်ႈၵ︀ꩫ︀်ယ︀ႂ်လ︀ူင︀်င︀ႆ︀း မ︀ꩫ︀်းꩭွမ︀်ꩫ︀ႆ︀ႇၵ︀ဝ်ဢ︀ဝ်ႈဢ︀ွက︀်ꩬ︀ီ ပ︀ုက︀်ႉꩡ︀ူဝ်ဢ︀ူ။ 12ယ︀ဝ်ႇက︀ီး ꩭႂ်ႛပ︀ူဝ်းၵ︀ဝ် ꩭေရ︀ုတ︀်မ︀ႆ︀ႛ မ︀ဝ်က︀ႃပ︀ွက︀်ႉꩫ︀ႆ︀ႇ ၸ︀ꩫ︀်ꩭꩫ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀တ︀ိꩭႂ်ႛဝႆ︀ႇꩫ︀ႆ︀ႇꩬ︀ီ ၵ︀ဝ်ဢ︀ဝ်ႈတ︀ၢင︀်းတ︀ၢင︀်ဢ︀ꩫ︀်ႈမ︀ိူဝ်းက︀ႃဢ︀ူ။
13ၵ︀ဝ်ပ︀ွက︀်ႉက︀ႃက︀ီး ၵ︀ုꩫ︀်ꩬ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛပ︀ႃးလ︀ိူင︀်ႈ ၸ︀ꩫ︀်ꩭꩫ︀်ယ︀ေႃတ︀ၢတ︀်မ︀ႆ︀ႛ ဢ︀ွက︀်မ︀ႃးꩬ︀ီ “လ︀ုက︀်ႉတ︀ႃႉ။ လ︀ၵ︀ႃꩫ︀ႆ︀ႇမ︀ႆ︀ႛ ꩭေရ︀ုတ︀်ၵ︀ႃꩬ︀ီတ︀ီမ︀ႃးဢ︀ဝ်ႈတ︀ႆ︀ၢႈယ︀ဝ်ႇ။ ꩬ︀ွင︀်ၵ︀ႃမ︀ေႈလ︀ုက︀်ႉမ︀ႆ︀ႛ ꩭွင︀်ႇꩬ︀ီပ︀ႆ︀ၢႈက︀ႃမ︀ိူင︀်းဢ︀ီက︀ျီပ︀်တ︀ႃႉ။ က︀ႃႈက︀ဝ်ႈမ︀ဝ်ဝႃႈယ︀ႃႇ ဢ︀မ︀ႂ်းမ︀ႆ︀ႛဢ︀ူတ︀ႃႉ” ꩫ︀ဝꩫ︀်ႇ။ 14ယ︀ေႃတ︀ၢတ︀်က︀ေႃႇ လ︀ုက︀်ႉꩬ︀ီ ꩬ︀ွင︀်ၵ︀ႃမ︀ေႈလ︀ုက︀်ႉမ︀ႆ︀ႛꩭွင︀်ႇင︀ႆ︀း ၵ︀မ︀်ႈဢ︀မ︀ႂ်း ပ︀ႆ︀ၢႈက︀ႃမ︀ိူင︀်းဢ︀ီက︀ျီပ︀်ဢ︀ူ။ 15ဢ︀မ︀ႂ်းမ︀ႆ︀ႛ က︀ႃႈꩭေရ︀ုတ︀်မ︀ဝ်တ︀ႆ︀ၢႈယ︀ႃႇ ꩬ︀ွꩫ︀်ႈဢ︀ူဢ︀ူ။ လ︀ွင︀်ႈꩫ︀ႆ︀ႇယ︀ႃႇ “လ︀ုက︀်ႉက︀ဝ်ႈမ︀ႆ︀ႛ လ︀ုက︀်ႉမ︀ိူင︀်းဢ︀ီက︀ျီပ︀်မ︀ႆ︀ႛꩫ︀မ︀် ꩭွင︀်ႇမ︀ႃးꩫ︀ႆ︀ႇ” ꩫ︀ꩬ︀ီ ပ︀ရ︀ေႃးၸ︀ႅတ︀်ႉပ︀ႃးလ︀ိူင︀်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ ပ︀ီꩫ︀်ႈမ︀ႃးꩫ︀မ︀်။
လ︀ွင︀်ႈꩭေရ︀ုတ︀်ꩭႂ်ႛဢ︀ဝ်ႈတ︀ႆ︀ၢႈၸ︀ုင︀်လ︀ၵ︀ႃ
16ꩭေရ︀ုတ︀်ယ︀ႃႇ ပ︀ိင︀်ꩥ︀ႃꩬ︀ိꩫ︀ႆ︀ႇၵ︀ဝ် မ︀ꩫ︀်းမ︀ႆ︀ႛ ꩭီတ︀်မ︀ဝ်ၵ︀ၢꩫ︀်းက︀ႃယ︀ဝ်ႇꩫ︀ꩫ︀ႆ︀ႇတ︀ွင︀်းက︀ီး တ︀ေႃးꩬ︀ႃးဝိုတ︀်ႉꩰက︀ႃꩫ︀မ︀်။ င︀ႆ︀းꩬ︀ီ ယ︀ၢမ︀်းဢ︀ꩫ︀်ႈပ︀ိင︀်ꩥ︀ႃꩬ︀ိꩫ︀ႆ︀ႇၵ︀ဝ်ၵ︀ႆ︀ႈ ယ︀ၢꩫ︀်ႈမ︀ိူဝ်ႈꩫ︀ၢဝ်ႈဢ︀မ︀ႂ်းဢ︀ွက︀်မ︀ႃးꩫ︀ႆ︀ႇမ︀ႆ︀ႛတ︀ွတ︀်ႉꩬ︀ီ လ︀ၵ︀ႃၸ︀ူႛꩡ︀ႆ︀ၢး ဢ︀ꩫ︀်ႈလ︀ုက︀်ႉꩬ︀ွင︀်ပ︀ီႈဢ︀ဝ်ႈက︀ႃက︀ꩫ︀်ႛတ︀ႂ်ႛ ဢ︀ꩫ︀်ႈဢ︀ူဝီင︀်းပ︀ႅတ︀်လ︀ႄးꩭႅမ︀်င︀ႆ︀း ဢ︀ꩫ︀်ႈဢ︀ူꩭိမ︀်းဝီင︀်းဢ︀မ︀ႂ်းၵ︀ဝ်တ︀င︀်းမ︀ိူင︀်းမ︀ႆ︀ႛ ꩭႂ်ႛဢ︀ဝ်ႈတ︀ႆ︀ၢႈၵ︀ွတ︀်ဢ︀ူ။ 17-18င︀ႆ︀းꩫ︀ႆ︀ႇꩬ︀ီ
“တ︀ိူင︀်းရ︀ႃမ︀မ︀ႆ︀ႛ ꩬ︀ီင︀်ꩭႆ︀ႛၵ︀ီၵ︀ီၵ︀ုမ︀်ꩰꩫ︀ႆ︀ႇၵ︀ဝ် ꩫ︀ႆ︀ႛꩥ︀ိꩫ︀်းဢ︀ူ။
ရ︀ႃၵ︀ေလ︀ယ︀ႃႇ လ︀ုက︀်ႉမ︀ꩫ︀်းၵ︀ဝ်တ︀ႆ︀ၢႈက︀ႃမ︀ူတ︀်ꩬ︀ီ
ꩭႆ︀ႛဢ︀ူဝ်ႈꩰꩬ︀ီဢ︀ူꩫ︀မ︀်။ မ︀ꩫ︀်းမ︀ႆ︀ႛ ꩭိုဝ်လ︀ိုဝ်က︀ေႃႇလ︀ဝ်ꩵ︀ႈꩫ︀ႆ︀ႛ”
ꩫ︀ꩬ︀ီ ꩫ︀င︀်ဢ︀ꩫ︀်ႈပ︀ရ︀ေႃးၸ︀ႅတ︀်ႉယ︀ေရ︀မ︀ိဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ ပ︀ီꩫ︀်ႈမ︀ႃးဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ု လ︀ုက︀်ႉမ︀ိူင︀်းဢ︀ီက︀ျီပ︀်မ︀ႆ︀ႛပ︀ွက︀်ႉမ︀ႃး
19က︀ꩫ︀်ႛလ︀င︀်ꩭေရ︀ုတ︀်တ︀ႆ︀ၢႈက︀ႃꩫ︀ႆ︀ႇမ︀ႆ︀ႛ မ︀ိူင︀်းဢ︀ီက︀ျီပ︀်မ︀ႆ︀ႛ ယ︀ေႃတ︀ၢတ︀်ၸ︀ꩫ︀်ꩭꩫ︀်မ︀ႃးꩫ︀ႆ︀ႇယ︀ႃႇ မ︀ꩫ︀်းမ︀ႆ︀ႛၵ︀ုꩫ︀်ꩬ︀ၢင︀်ပ︀ႃးလ︀ိူင︀်ႈမ︀ႃးꩬ︀ီ 20“ယ︀ေႃတ︀ၢတ︀်ꩴ︀း ꩬ︀ွင︀်ၵ︀ႃမ︀ေႈလ︀ုက︀်ႉမ︀ႆ︀ႛꩭွင︀်ႇꩬ︀ီ မ︀ိူဝ်းမ︀ိူင︀်းဢ︀ီတ︀်ꩬ︀ြေးတ︀ႃႉ။ က︀ူꩫ︀်းဢ︀ꩫ︀်ႈလ︀ၵ︀ႃꩫ︀ႆ︀ႇမ︀ႆ︀ႛ ၵ︀ႂ်ႈဢ︀ဝ်ႈတ︀ႆ︀ၢႈꩫ︀ႆ︀ႇၵ︀ဝ် တ︀ႆ︀ၢႈက︀ႃမ︀ူတ︀်ယ︀ဝ်ႇ” ꩫ︀ဝꩫ︀်ႇ။ 21င︀ႆ︀းꩬ︀ီ ယ︀ေႃတ︀ၢတ︀်က︀ေႃႇ ꩬ︀ွင︀်ၵ︀ႃမ︀ေႈလ︀ုက︀်ႉမ︀ႆ︀ႛꩭွင︀်ႇꩬ︀ီ လ︀ုက︀်ႉမ︀ိူင︀်းဢ︀ီက︀ျီပ︀်မ︀ႆ︀ႛ မ︀ိူဝ်းမ︀ိူင︀်းဢ︀ီတ︀်ꩬ︀ြေးက︀ႃဢ︀ူ။ 22-23ꩫ︀ႆ︀ႇꩫ︀က︀ေႃႇ မ︀ိူဝ်ႈဢ︀မ︀ႂ်း တ︀ိူင︀်းယ︀ုတ︀မ︀ႆ︀ႛ တ︀ီႈꩭေရ︀ုတ︀်မ︀ႆ︀ႛ ၸ︀ူႛလ︀ုက︀်ႉꩡ︀ႆ︀ၢးမ︀ꩫ︀်းဢ︀ႃၵ︀ေလ︀ꩬ︀ုပ︀်ႉꩬ︀ီ ꩫ︀င︀်ႈꩭူဝ်ၵ︀မ︀်းꩬ︀ီဢ︀ူꩫ︀မ︀်။ လ︀ွင︀်ႈꩫ︀ႆ︀ႇ ယ︀ေႃတ︀ၢတ︀်ꩫ︀ႆ︀ႛꩥ︀ိꩫ︀်းက︀ီး တ︀ိူင︀်ႈဢ︀မ︀ႂ်းမ︀ႆ︀ႛ မ︀ꩫ︀်းၵ︀ဝ်ႛꩵ︀ႈပ︀ီꩫ︀်ႈ။ ꩫ︀ႆ︀ႇꩫ︀က︀ေႃႇ မ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ပ︀ူင︀်ႈၸ︀ꩫ︀်ပ︀ျႃးတ︀ၢင︀်းဢ︀ိက︀်ꩭႂ်ႛꩬ︀ီ ၵ︀ဝ်ပ︀ူဝ်ႈမ︀ေႈလ︀ုက︀်ႉ တ︀ိူင︀်းက︀ႃလ︀ိလ︀ႄ၊ ဝီင︀်းꩫ︀ႃꩡ︀ရ︀ႅတ︀်ꩫ︀ꩫ︀ႆ︀ႇမ︀ႆ︀ႛ က︀ႃဢ︀ူဢ︀ူ။ င︀ႆ︀းꩫ︀ႆ︀ႇꩬ︀ီ “မ︀ꩫ︀်းတ︀ီပ︀ီꩫ︀်ႈက︀ူꩫ︀်းဝီင︀်းꩫ︀ႃꩡ︀ရ︀ႅတ︀်ꩫ︀မ︀်” ꩫ︀ꩬ︀ီ ꩫ︀င︀်ပ︀ရ︀ေႃးၸ︀ႅတ︀်ႉၵ︀ဝ်ဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ပ︀ီꩫ︀်ႈမ︀ႃးဢ︀ူ။
Выбрано:
:
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© 2023 (Active), Wycliffe Bible Translators, Inc. All rights reserved.