Johanni 19වෙතින් ජනප්‍රිය බයිබල් පද

බෙදාගන්න

Har pijas o Jesus koi shutli mool, penas lo: “Me krom lauter, hoi hunte krom.” Un job tchiwas peskro shero glan tele, un meras.

Pal kowa, har o Jesus djinas, kai job halauter kras, penas lo: “Man hi trush!” Kowa penas job, te well kowa tchatcho, hoi an o Debleskro lab glan-wi penlo was.

Har o Jesus peskri dat dikas un pash late peskro males, koles, kai job o djijestar kamas, penas lo ap peskri date: “Romnija, dik, kowa hi kanna tiro tchawo!” Ap peskro maleste penas lo: “Dik, koja hi kanna tiri dai!” Koi las ko maal lat pash peste an peskro kheer.

Har jon pash o Jesuseste wan un dikan, kai job mulo hi, phagan jon leskre herja gar. Jek kol lurdendar das les peskro chareha an i rig tchurje. Koi was pani un rat win.

Kowa was halauter jaake, har an o Debleskro lab glan-wi penlo was: Kek kokalo was leske phagedo, un ninna: Jon dikenn koles, kai dan le an i rig tchurje.

Un job hidjras peskro trushel, un djas dran ko foro win ap ko kotar them, hoi kharella muleskro shero. Kowa kharella ap o biboldengro rakepen Golgata .

I lurde pandan subjengre kashta khetne un tchiwan len leske ap o shero jaake, har i baro rai hidjrell shereskro sonakai ap peskro shero. Un jon tchiwan leske i loli rajeskri plaashka trujel.