Obľúbené biblické verše z Juan 1

Zdieľať

Ngem diya amin nga imawat igina, nga itu diya sipapati iya kinaturay na, ne̍cdan na da ka kalinteggan nga agbalin nga anac ne̍ Apu Diyus.

Sacbay nito rugi niya amin, uwed sigud nga kabulun ne̍ Apu Diyus nga maawagan ka Kagi. Ket Diyus mettas pe̍ yani.

Ket ya wada, agdarang iya gicbet, ket madi mabalinan niya gicbet nga pagicbetten.

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Ket amin nga pinarsuwa ne̍ Apu Diyus, nipaparsuwa na igina. Ngarud, awan met naparsuwa no di gapu was igina. Idi nga maawagan ka Kagi, igina ya pagtaudan niya biyag. Ket idi nga biyag, itu ya arig nga mangwada iya lemlemmet diya toley.

Iya kadamlag niyan, nasingen nito Juan nge̍ Je̍sus nga umbe̍t iya edyan na. Ket to Juan, kinunen na, “Singen nu yan! Igina yanin ya maawagan ka Urbun Karne̍ru ne̍ Apu Diyus nga mangipac kadiya basbasul diya uwed idi nga lubung!

Ngarud, ya mangwada, uwed idi nga lubung itun. Ket amin nga uwed iya lubung, naparsuwa gapu igina. Ngem orey pe̍ no agten iyan, diya toltoley iya lubung, madi da met naawatan ya maipanggep igina itun. Ket ito inumbe̍t iya mismu nga ili na, madi met inawat diya kailiyan na.

Ket ya pudnu nga maawagan ka wada, igina ya umbe̍t iya lubung ngi nga mangwada iya orey nagan na nga toley.

Ta agten idi: To Linteg tida nga Hudyu, nipaibilin ne̍ Apu Diyus itun ito Muyse̍s. Ngem ya siaayat nga panangaasi se̍ kinapudnu nga gennung nga nipakaemmu ne̍ Apu Diyusin, ket e̍ Je̍su Kristu met ya nakaigapu kadiyan.