Obľúbené biblické verše z Juan 4

Zdieľať

Ta e̍ Apu Diyus, ket madi masingen. Itu nga diya agdaydayaw igina, masapul nga agdayaw da iya lemlemmet da nga maikanatad iya pudnu nga panagdayaw e̍ Apu Diyus,” kunen na.

Ngem nad mettas, winno orey ita, madatngan ya timpu nga ya kustu nga panagdayaw iya Ama, itu ya maariman iya lemlemmet toley nga maikanatad iya napudnu nga gangey ne̍ Apu Diyus. Ta agten iyan ya gabay niya Ama nga panagdayaw igina.

Ngem diya amin nga uminum iya danum nga e̍cde̍c igida, madi da nad mewwew win. Ta ya danum nga e̍cde̍c, agbalin nga arig nga ubbug nga kumkumbuwar manipud iya uneg niya toley, ket mange̍cde̍ igina ka makabiyag nga danum, nga itu ya biyag nga agnanayun,” kunen na.

Ket kinunen ne̍ Je̍sus igina, “No emmum kuma ngas ya sagut nga ipaay ne̍ Apu Diyus, se̍ no nagan ku nga agad-adeng ikew ka inumec nga danum, ikew kuma ngin ya umadeng iyaken, ket e̍cdan naka ka makabiyag nga danum,” kunen na.

Dikad pe̍ e̍ Je̍sus, kinunen na igida, “Ya pagbiyag ku nga kunec, itu ya panangtungpal ku iya tarigagay niya nangibon iyaken, se̍ ya panangilpas ku iya ipawangel na iyaken.

Ket kinunen nito babey igina, “Ay, nauneg met ya bitu nga idi, apu, ket awan met ngarud pagsacdum. Awac ngarud ya pamettam ka makabiyag nga danum?

Ket to babey, kinunen na e̍ Je̍sus, “Emmuc met nga umbe̍t nad ya Me̍siyas nga maawagan ka Kristu. Ket nad no umbe̍t, ipakaemmu na dactida diya amin nga banbanag,” kunen na. Ket e̍ Je̍sus, kinunen na, “Iyaken nga katkatbar mun, iyaken met ya kinunem,” kunen na.

“Umbe̍t nu singen, ta uwed lalaki nga nangipakaemmu iyaken kadiya amin nga winangwangel ku. Di igina kid ya Kristu?” kunen na.