Obľúbené biblické verše z Juan 5

Zdieľať

“Tutu met yani nga kunec dakayu: Ya mangipangag kadiya kagic se̍ mamati iya nangibon iyaken, uwed iginan ya biyag nga agnanayun. Ket madi nad maukum, no di lugud nailisi yin iya pannakaukum na, ket naiyalisin iya turay niya biyag, manipud iya turay niya patey.

Ket nasingen ne̍ Je̍sus to lalaki nga nakaida antuni, se̍ naemmuwan na nga nabayagin nga agsagsagaba. Itu nga kinunen na ito lalaki, “Gabay mu ya malaingan?” kunen na.

“Dakayu, ad-adalen nu met diya naisurat iya Bibliya, gapu ta pagarupen nu nga itu ya pakaaskuran nu iya makae̍cde̍ ka biyag nga agnanayun. Ket ya kinapudnu na, diya naisurat iya Bibliya, itu mettas diya mangipanecnec maipanggep iyaken. Ngem orey agten iyan, madi kayu met gabay ya umadenni nga sumurut iyaken, tasun mae̍cdan kayu kuma iyan nga biyag.

Ket e̍ Je̍sus, kinunen na ito lalaki, “Bumangun ka ngarudin! Bacrunem ya idam, se̍ manalan kan,” kunen na. Ket sigida met nga nalaingan to lalaki. Dikad binacrun na ngarud to ida na, ket nanalanin. Ket Algew Ngilin met ito napasamac yan.

Itu nga kinunen ne̍ Je̍sus kadito pangpangulu diya Hudyu, “Pudnu met yani nga ibagac dakayu: Awan mawangel niya Anac nga bucbukud na. Ya masingen na nga wangwanglen niya Ama na, itu ngas ya mawangel na. Ta ya orey nagan na nga wanglen niya Ama, itu met ya tuladen niya Anac.