Obľúbené biblické verše z Lukas 22

Zdieľať

Ket kinunen na iya panagkararag na, “Ama, no tarigagay mu nga maipac yani nga panagsagaba nga lak-amec, nga rigat nga arig nga inumec, ket ipac mu kuma ngarud. Ngem bekken kuma ngarud nga ya tarigagay ku ya matungpal, no di lugud ya tarigagay mu,” kunen na.

Ngem nikararagan naka e̍ Apu Diyus, Pe̍dru, tasun madi kuma mapukaw ya panamatim. Ket no sumoli nad ikew ya nabileg nga panamatim iyaken, masapul nga ikew mettas ya mangpabileg kadiya padam nga adalan,” kunen na.

Ket namet pe̍ ka tinapay, se̍ nagkararag nga nagyaman manin e̍ Apu Diyus. Pinisepisey na to tinapay, se̍ na ne̍cde̍ igida nga kinunen na, “Idi ya beggic, nga mae̍cde̍ nga maipaay dakayu. [Agten idi nga pannangan ya wanglen nu kuma nga panangilagip nu iyaken,” kunen na.

Se̍ manin, kalpasan niya pannangan da, ne̍cde̍ na igida ya paginuman, ket kinunen na, “Idi nga binasu nga mainum, itu ya pakaemmuwan nu nga uwed kabarbaru nga tulag ne̍ Apu Diyus dakayu, nga mapalagdaan gapu iya pannakaiyayus niya dagac para dakayu.]

Ket nipaspasnec pekkem ne̍ Je̍sus ya panagkararag na, ta nadagsen nga unayin ya ricna na, ket naglinget met ka agten iya daga nga agtedted iya ginet tin.]

Ngem bekken kayu kuma nga agten iyan, ta ya maibilang nga kangrunaan dakayu, masapul nga agten kuma iya kababaan. Ket ya maibilang nga pangulu nu, masapul nga agten kuma iya agsirsirbi dakayu.

Ngem kinunen ne̍ Je̍sus, “Ya kinapudnu na, Pe̍dru, ita mettas nga gabi, sacbay niya panagtataraut diya kawitan no parbangun, name̍tlu nac nad met nga nilibac kin, nga kunem nad nga madi nac em-emmu,” kunen na.