Lukas 23
23
To pannakaisangu ne̍ Je̍sus e̍ Pilatu
Mat. 27:1-2, 11-14; Mar. 15:1-5; Juan 18:28-38
1Ket itun, amin dito pangpangulu nga naur-urnung iyan, nawe̍ da nipen nge̍ Je̍sus iya edyan nito Gube̍rnadur Pilatu. 2Ket ito uwed da iya sangu nan, pinabpabasul da nge̍ Je̍sus, nga kinunen da e̍ Pilatu, “Natiliwan mi yani nga toley nga mangiyaw-awan kadiya pada mi nga Hudyu. Ket iparit na met ya panagbayad mi ka buis e̍ Ari Se̍sar, se̍ kunen na met nga igina kanu ya Kristu, nga isa nga ari,” kunen da.
3Ket e̍ Pilatu, sinaludsud na ngarud e̍ Je̍sus, “Tutu kad nga ikew ya Ari diya Hudyu?” kunen na.
Ket kinunen ne̍ Je̍sus igina, “Nakagi mun,” kunen na.
4Ket itun, kinunen ne̍ Pilatu kadito pangulu diya agsirsirbi iya Te̍mplu, se̍ kadito amin nga duduma nga naur-urnung ennan, “Awan met masmac ku nga basul nidi nga toley nga gapu niya pakaukuman na,” kunen na.
5Ngem nilallalu da met ya nangipapilit maipanggep igina, nga kinunen da, “Ngem riribuken na met diya toltoley iya amin nga pagiliyan mi nga Hudyu, gapu iya panangisursuru na. Nirugi na enna prubinsiya nga Galilya, ket dimateng met pe̍ idi nin,” kunen da.
To pannakaisangu ne̍ Je̍sus ito Ari He̍rude̍s
6Ket ito nagicna ne̍ Pilatu yan nga kunen da, kinunen na, “Ay, taga-Galilya kad yani nga toley?” kunen na. 7Ket ito naemmuwan ne̍ Pilatu nga gayat nga tutu nge̍ Je̍sus iya sakup nga iturayan ne̍ Ari He̍rude̍s, nipaipen na ngarud iya edyan ne̍ He̍rude̍s, ta uwed pe̍ ka He̍rusale̍m itun.
8Ket to He̍rude̍s, naragsakan met nga unay ito naidateng da nge̍ Je̍sus ito edyan na. Ta madamdamag na maipanggep igina, ket nabayagin nga gabay na nga em-emmuwen, se̍ pe̍nya na met no makasingen kuma ka nakaskasdaaw nga arimanen kuma ne̍ Je̍sus. 9Itu nga adu ya sinaludsud ne̍ He̍rude̍s e̍ Je̍sus, ngem awan met nisungbat ne̍ Je̍sus.
10Ket dito pangpangulu diya agsirsirbi iya Te̍mplu, se̍ dito manursuru iya Linteg, nagsisikad da iyan, ket sipipinget da nga nangpabpabasul e̍ Je̍sus.
11Ket de̍ He̍rude̍s se̍ dito suldadu na, linais da met nge̍ Je̍susin, se̍ nigalgalec da pe̍. Ket kalpasan na, pinakawwessan nito He̍rude̍s nge̍ Je̍sus ka napaw-is nga sutana ari, se̍ na pinaisoli ito Pilatu win.
12Ket manipud iyan mettas nga algew, aggayyem met de̍ He̍rude̍s nge̍ Pilatu win, orey no nagginnura da sacbay niyan nga algew.
To pannakaukum ne̍ Je̍sus
Mat. 27:15-26; Mar. 15:6-15; Juan 18:39-19:16
13Ket to Gube̍rnadur Pilatu, pinaguurnung na dito pangpangulu diya agsirsirbi iya Te̍mplu, se̍ dito duduma nga pangpangulu diya Hudyu, se̍ diya duduma nga toltoley. 14Ket kinunen na igida, “Nisangu nu met yani nga toley iyaken, ta kunen nu nga allilawen na diya toltoley tasun agsalungasing da iya gubiye̍rnu. Ket sinumaryac ngarud iya imatang nu, ngem pudnu nga awan met nasmac ku nga basul na nga gapu niya pakaukuman na nga maikanatad kadito nipabasul nu igina. 15Se̍ awan pe̍ emmu ne̍ He̍rude̍s nga basul na, itu nga nipasoli na manin dactida. Ngarud, awan naariman nidi nga toley nga maitutup nga pakatayan na. 16Dikad pe̍ dusaec nga pasaplit ku ngasin, se̍ yac iruwarin,” kunen na. 17[Gabay na ngamin nga iruwar, ta ugali met diya Hudyu nga pairuwar da ya isa nga balud kada timpu niya Padaya Nitatalib.]
18Ngem nagkaykaysa dito toltoley nga nangip-ipkaw, nga kinunen da, “Ipapatey mu yan nga toley! Ya balud nga Barabas ya gabay mi nga iruwar mu!” kunen da nga ne̍cre̍s. 19Ket yan nga Barabas, nabalud gapu iya isa nga riribuc itun nga napasamac iyan mettas nga siyudad, ket pimatey met itun.
20Ngem e̍ Je̍sus met ya gabay ne̍ Pilatu nga iruwar. Itu nga binaliwan na ngarud manin to kinagi na kadito toltoley. 21Ngem dito toltoley, nip-ipkaw da manin nga kinunen da, “Pailansam! Pailansam ka krus!” kunen da.
22Ket pine̍tlu manin ne̍ Pilatu nga kinunen igida, “Ape̍ kadi? Nagan ngarud ya basul na? Awan met nasmac ku nga basul na nga tumutup nga pakatayan na. Dikad pe̍ dusaec nga pasaplit ku ngasin, se̍ yac iruwarin,” kunen na.
23Ngem nilallalu lugud dito toltoley to panangipapilit da, nga nip-ipkaw da nga mailansa kuma kanu nge̍ Je̍sus ka krus. Ket nikasu ngarud ne̍ Pilatu win to nipkaw da nga adeng da. 24Dikad pe̍ nibilin ne̍ Pilatu nga matungpal kanu to nipapilit dito toltoley. 25Itu nga to Barabas nga naibalud gapu iya panangriribuc na kadiya toltoley, se̍ nakapatey, ket igina met ya pinairuwar ne̍ Pilatu sigun ito inadeng dito toltoley. Ngem e̍ Je̍sus nga gennung, niyawat met ne̍ Pilatu tasun matungpal to kalikagum dito toltoley.
To pannakailansa ne̍ Je̍sus ito krus
Mat. 27:32-44; Mar. 15:21-32; Juan 19:17-27
26Ket niruwar da ngarud nge̍ Je̍sus. Ket ito uwed da iya dalan, uwed met nasabet da nga isa nga iSire̍ne̍ nga agnagan ka Simon. Sumungsungad yani nga toley iya siyudadin, nga naggayat iya away. Ket nimet da to Simon, se̍ da nipaagtu to krus igina, se̍ da nipasarunu e̍ Je̍sus.
27Ket adu diya toley nga nip-ipuyut e̍ Je̍susin, ket uwed da pe̍ babey nga nagladladingit nga nangberberrit e̍ Je̍sus. 28Ket linaw-ing ne̍ Je̍sus da, nga kinunen na igida, “Dakayu nga babey nga iHe̍rusale̍m, bekken met nga iyaken ya masapul nga berritan nu, no di lugud diya begbeggi nu mettas, se̍ diya an-anac nu. 29Ta pudnu met nga uwed nad umbe̍t nga timpu nga agten idi ya kunen diya toltoley maipanggep kadiya babey: ‘Nagasat diya lupes se̍ diya madi pekkem nga naganac, se̍ diya madi pekkem nagsagibi,’ kunen da nad gapu iya panagrigat da. 30Ket iyan nad nga timpu, kunen diya toltoley maipanggep kadiya tageytey, ‘Ay, migdey kuma ngin dakami,’ se̍ maipanggep kadiya mung-ul, kunen da nad nga, ‘Gaboran dakami kuma ngarudin,’ kunen da nad gapu iya panagrigat da. 31Pudnu met nad ya panagrigat nu, ta no agten kadidi nga panagrigat ya ar-arimanen da ita iyaken nga maiyarig ka nabiyag nga kayu, nagan ngarud ya maariman nad dakayu nga maiyarig iya nacrit nga kayu?” kunen na.
32Ket uwed pe̍ duwa nga managbasul nga balud nga nipen da pe̍, tasun ikumpas da da e̍ Je̍sus nga patayen. 33Ket ito nakadateng da iya lugar nga maawagan ka Bangabanga, ket itu ya nangilansaan da e̍ Je̍sus ka krusin. Ket nilansa da pe̍ kadiya krus da dito duwa nga managbasul, nga ya isa, uwed iya madiwanan ne̍ Je̍sus, ket ya isa, uwed iya makatigid na.
34Ket e̍ Je̍sus, kinunen na, “Ama, pakawanem kay diya mangwangel idi iyaken, ta di da maawatan ya banag niya wangwanglen da,” kunen na.
Ket uwed da met nagbibinnunut nga nagbibingayan da diya luput ne̍ Je̍sus. 35Ket uwed pe̍ diya toltoley nga nagsisikad iyan, nga nagbuybuya. Ket dito pangpangulu diya Hudyu, inuy-uyaw da nge̍ Je̍sus nga kinunen da, “Naisalakan na kanu met diya duduma. Ket no tutu nga igina ya Kristu nga pinili ne̍ Apu Diyus, ape̍ nga di na lugud isalakan ya beggi na mettasin?” kunen da.
36Ket inuy-uyaw pe̍ dito suldadu nge̍ Je̍sus, nga nawe̍ da dinawawaan ka suka, 37ket kinunen da e̍ Je̍sus, “Isalakan mu was ya beggim a, no tutu nga ikew ya Ari diya Hudyu!” kunen da.
38Ket iya ngatuwen niya ulu ne̍ Je̍sus ito krus, uwed pakaemmu nga naisurat. Agten idi to naisurat: “Idi ya Ari diya Hudyu.”
39Ket to isa kadito duwa nga managbasul nga nailansa pe̍ antuni, linais na met pe̍ nge̍ Je̍sus, nga kinunen na, “Se̍pe̍? Bekken kad nga ikew tun ya Kristu? Isalakan mu man ya beggim, se̍ pati dakami,” kunen na.
40Ngem to kabulun na nga managbasul, nilbec na nga kinunen na, “Ape̍ awan ansing mu e̍ Apu Diyus? Singem, ket agpapada tida nga maukumin. 41Ket dacta, rumbeng met yani nga dusa ta, ata itu ya tumutup nga supapac dito winangwangel ta. Ngem iyan nga toley nga gennung, awan met winangel na nga dake̍c,” kunen na.
42Ket se̍ na kinunen e̍ Je̍sus, “Je̍sus, lagipen nac kay nad no agparang ka nga agari yin,” kunen na.
43Ket kinunen ne̍ Je̍sus igina, “Pudnu met yani nga ibagac ikew: Ita mettas nga algew, makipagedyan ka iyaken nin ka Paraisu,” kunen na.
To pannakatey ne̍ Je̍sus
Mat. 27:45-56; Mar. 15:33-41; Juan 19:28-30
44Ket ito agmatuunin, gimicbet mettin ya amin nga lubung antuni nin. Ket nagpaut to gicbet agingga ka alas tre̍s iya gidam, 45ta nagpukaw met ya darang niya sinag. Ket enna Te̍mplu, napigis met itun nga nagudduwa ngin to kurtina nga nanglinged iya uneg na.
46Ket e̍ Je̍sus ito krus na, nagpekkaw met nga kinunen na ka nabileg, “Ama, italec ku ikew ya kararuwac,” kunen na. Ket ito nakagi na yanin, awan anges nan.
47Ket ito nasingen niya kapitan dito suldadu to napasamac kin, sidadayaw e̍ Apu Diyus nga kinunen na, “Pudnu met nga nalinteg yani nga toley!” kunen na.
48Ket amin dito toltoley nga naur-urnung nga nagbuybuya, nasingen da met pe̍ to napasamac. Ket nagawir dan nga nangdandantugin iya barukung da gapu iya ladingit da.
49Ket amin dito gagayyem ne̍ Je̍sus se̍ dito babey nga simursurut igina nanipud ka Galilya, ket nagasisikad da met itun iya nabay-at ka e̍teng. Ket nasingen da pe̍ diyan nga napasamac.
To pannakaitamen ne̍ Je̍sus
Mat. 27:57-61; Mar. 15:42-47; Juan 19:38-42
50Ket uwed toley itun nga agnagan ka Huse̍. Isa nga kunse̍hal diya Hudyu nge̍ Huse̍, ket nanacman se̍ nalinteg. 51Madi met nakipagkanunung kadito panggep se̍ wangel dito pada na nga kunse̍hale̍s nga maikuntra e̍ Je̍sus. E̍ Huse̍, taga-Arimatiya, nga isa nga ili diya Hudyu. Ket isa met pe̍ nga mangpadpadaan nga sinanama iya umbe̍t nga panangituray ne̍ Apu Diyus.
52Ket to Huse̍, nawe̍ iya edyan ne̍ Gube̍rnadur Pilatu, ket nagadeng ka pammalubus nga alac na ya bangkay ne̍ Je̍sus. 53Ket ito naidsag nan to bangkayin, kinubit na met ka luput nga maawagan ka line̍n, se̍ na nipisuc iya isa nga tamen nga nailiyang ka batu, nga awan pekkem naitamen iyan. 54Ket Biye̍rne̍s met itun, nga itu ya algew nga maawagan ka Algew Panagisagana. Ket gidamin itun, nga dandani yin ya panangrugi niya Algew Ngilin.
55Ket dito babey nga simurut e̍ Je̍sus nanipud ka Galilya, nipuyut dan ito Huse̍. Ket nasingen da to nakaitamennan, se̍ to pannakaitalipen nito bangkay ne̍ Je̍sus. 56Kalpasan na, simoli da iya siyudad, ket nangisagana da ka pangbalsamar da nga bangbanglu se̍ sapsapu. Ket ito nadatnganin ya Algew Ngilin, nagimang da ngarud maikanatad ito bilin niya Linteg Hudyu.
Aktuálne označené:
Lukas 23: YBT
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© 1990 New Tribes Mission, Sanford, FL 32771-1487, USA.
Printed in the Philippines.
Lukas 23
23
To pannakaisangu ne̍ Je̍sus e̍ Pilatu
Mat. 27:1-2, 11-14; Mar. 15:1-5; Juan 18:28-38
1Ket itun, amin dito pangpangulu nga naur-urnung iyan, nawe̍ da nipen nge̍ Je̍sus iya edyan nito Gube̍rnadur Pilatu. 2Ket ito uwed da iya sangu nan, pinabpabasul da nge̍ Je̍sus, nga kinunen da e̍ Pilatu, “Natiliwan mi yani nga toley nga mangiyaw-awan kadiya pada mi nga Hudyu. Ket iparit na met ya panagbayad mi ka buis e̍ Ari Se̍sar, se̍ kunen na met nga igina kanu ya Kristu, nga isa nga ari,” kunen da.
3Ket e̍ Pilatu, sinaludsud na ngarud e̍ Je̍sus, “Tutu kad nga ikew ya Ari diya Hudyu?” kunen na.
Ket kinunen ne̍ Je̍sus igina, “Nakagi mun,” kunen na.
4Ket itun, kinunen ne̍ Pilatu kadito pangulu diya agsirsirbi iya Te̍mplu, se̍ kadito amin nga duduma nga naur-urnung ennan, “Awan met masmac ku nga basul nidi nga toley nga gapu niya pakaukuman na,” kunen na.
5Ngem nilallalu da met ya nangipapilit maipanggep igina, nga kinunen da, “Ngem riribuken na met diya toltoley iya amin nga pagiliyan mi nga Hudyu, gapu iya panangisursuru na. Nirugi na enna prubinsiya nga Galilya, ket dimateng met pe̍ idi nin,” kunen da.
To pannakaisangu ne̍ Je̍sus ito Ari He̍rude̍s
6Ket ito nagicna ne̍ Pilatu yan nga kunen da, kinunen na, “Ay, taga-Galilya kad yani nga toley?” kunen na. 7Ket ito naemmuwan ne̍ Pilatu nga gayat nga tutu nge̍ Je̍sus iya sakup nga iturayan ne̍ Ari He̍rude̍s, nipaipen na ngarud iya edyan ne̍ He̍rude̍s, ta uwed pe̍ ka He̍rusale̍m itun.
8Ket to He̍rude̍s, naragsakan met nga unay ito naidateng da nge̍ Je̍sus ito edyan na. Ta madamdamag na maipanggep igina, ket nabayagin nga gabay na nga em-emmuwen, se̍ pe̍nya na met no makasingen kuma ka nakaskasdaaw nga arimanen kuma ne̍ Je̍sus. 9Itu nga adu ya sinaludsud ne̍ He̍rude̍s e̍ Je̍sus, ngem awan met nisungbat ne̍ Je̍sus.
10Ket dito pangpangulu diya agsirsirbi iya Te̍mplu, se̍ dito manursuru iya Linteg, nagsisikad da iyan, ket sipipinget da nga nangpabpabasul e̍ Je̍sus.
11Ket de̍ He̍rude̍s se̍ dito suldadu na, linais da met nge̍ Je̍susin, se̍ nigalgalec da pe̍. Ket kalpasan na, pinakawwessan nito He̍rude̍s nge̍ Je̍sus ka napaw-is nga sutana ari, se̍ na pinaisoli ito Pilatu win.
12Ket manipud iyan mettas nga algew, aggayyem met de̍ He̍rude̍s nge̍ Pilatu win, orey no nagginnura da sacbay niyan nga algew.
To pannakaukum ne̍ Je̍sus
Mat. 27:15-26; Mar. 15:6-15; Juan 18:39-19:16
13Ket to Gube̍rnadur Pilatu, pinaguurnung na dito pangpangulu diya agsirsirbi iya Te̍mplu, se̍ dito duduma nga pangpangulu diya Hudyu, se̍ diya duduma nga toltoley. 14Ket kinunen na igida, “Nisangu nu met yani nga toley iyaken, ta kunen nu nga allilawen na diya toltoley tasun agsalungasing da iya gubiye̍rnu. Ket sinumaryac ngarud iya imatang nu, ngem pudnu nga awan met nasmac ku nga basul na nga gapu niya pakaukuman na nga maikanatad kadito nipabasul nu igina. 15Se̍ awan pe̍ emmu ne̍ He̍rude̍s nga basul na, itu nga nipasoli na manin dactida. Ngarud, awan naariman nidi nga toley nga maitutup nga pakatayan na. 16Dikad pe̍ dusaec nga pasaplit ku ngasin, se̍ yac iruwarin,” kunen na. 17[Gabay na ngamin nga iruwar, ta ugali met diya Hudyu nga pairuwar da ya isa nga balud kada timpu niya Padaya Nitatalib.]
18Ngem nagkaykaysa dito toltoley nga nangip-ipkaw, nga kinunen da, “Ipapatey mu yan nga toley! Ya balud nga Barabas ya gabay mi nga iruwar mu!” kunen da nga ne̍cre̍s. 19Ket yan nga Barabas, nabalud gapu iya isa nga riribuc itun nga napasamac iyan mettas nga siyudad, ket pimatey met itun.
20Ngem e̍ Je̍sus met ya gabay ne̍ Pilatu nga iruwar. Itu nga binaliwan na ngarud manin to kinagi na kadito toltoley. 21Ngem dito toltoley, nip-ipkaw da manin nga kinunen da, “Pailansam! Pailansam ka krus!” kunen da.
22Ket pine̍tlu manin ne̍ Pilatu nga kinunen igida, “Ape̍ kadi? Nagan ngarud ya basul na? Awan met nasmac ku nga basul na nga tumutup nga pakatayan na. Dikad pe̍ dusaec nga pasaplit ku ngasin, se̍ yac iruwarin,” kunen na.
23Ngem nilallalu lugud dito toltoley to panangipapilit da, nga nip-ipkaw da nga mailansa kuma kanu nge̍ Je̍sus ka krus. Ket nikasu ngarud ne̍ Pilatu win to nipkaw da nga adeng da. 24Dikad pe̍ nibilin ne̍ Pilatu nga matungpal kanu to nipapilit dito toltoley. 25Itu nga to Barabas nga naibalud gapu iya panangriribuc na kadiya toltoley, se̍ nakapatey, ket igina met ya pinairuwar ne̍ Pilatu sigun ito inadeng dito toltoley. Ngem e̍ Je̍sus nga gennung, niyawat met ne̍ Pilatu tasun matungpal to kalikagum dito toltoley.
To pannakailansa ne̍ Je̍sus ito krus
Mat. 27:32-44; Mar. 15:21-32; Juan 19:17-27
26Ket niruwar da ngarud nge̍ Je̍sus. Ket ito uwed da iya dalan, uwed met nasabet da nga isa nga iSire̍ne̍ nga agnagan ka Simon. Sumungsungad yani nga toley iya siyudadin, nga naggayat iya away. Ket nimet da to Simon, se̍ da nipaagtu to krus igina, se̍ da nipasarunu e̍ Je̍sus.
27Ket adu diya toley nga nip-ipuyut e̍ Je̍susin, ket uwed da pe̍ babey nga nagladladingit nga nangberberrit e̍ Je̍sus. 28Ket linaw-ing ne̍ Je̍sus da, nga kinunen na igida, “Dakayu nga babey nga iHe̍rusale̍m, bekken met nga iyaken ya masapul nga berritan nu, no di lugud diya begbeggi nu mettas, se̍ diya an-anac nu. 29Ta pudnu met nga uwed nad umbe̍t nga timpu nga agten idi ya kunen diya toltoley maipanggep kadiya babey: ‘Nagasat diya lupes se̍ diya madi pekkem nga naganac, se̍ diya madi pekkem nagsagibi,’ kunen da nad gapu iya panagrigat da. 30Ket iyan nad nga timpu, kunen diya toltoley maipanggep kadiya tageytey, ‘Ay, migdey kuma ngin dakami,’ se̍ maipanggep kadiya mung-ul, kunen da nad nga, ‘Gaboran dakami kuma ngarudin,’ kunen da nad gapu iya panagrigat da. 31Pudnu met nad ya panagrigat nu, ta no agten kadidi nga panagrigat ya ar-arimanen da ita iyaken nga maiyarig ka nabiyag nga kayu, nagan ngarud ya maariman nad dakayu nga maiyarig iya nacrit nga kayu?” kunen na.
32Ket uwed pe̍ duwa nga managbasul nga balud nga nipen da pe̍, tasun ikumpas da da e̍ Je̍sus nga patayen. 33Ket ito nakadateng da iya lugar nga maawagan ka Bangabanga, ket itu ya nangilansaan da e̍ Je̍sus ka krusin. Ket nilansa da pe̍ kadiya krus da dito duwa nga managbasul, nga ya isa, uwed iya madiwanan ne̍ Je̍sus, ket ya isa, uwed iya makatigid na.
34Ket e̍ Je̍sus, kinunen na, “Ama, pakawanem kay diya mangwangel idi iyaken, ta di da maawatan ya banag niya wangwanglen da,” kunen na.
Ket uwed da met nagbibinnunut nga nagbibingayan da diya luput ne̍ Je̍sus. 35Ket uwed pe̍ diya toltoley nga nagsisikad iyan, nga nagbuybuya. Ket dito pangpangulu diya Hudyu, inuy-uyaw da nge̍ Je̍sus nga kinunen da, “Naisalakan na kanu met diya duduma. Ket no tutu nga igina ya Kristu nga pinili ne̍ Apu Diyus, ape̍ nga di na lugud isalakan ya beggi na mettasin?” kunen da.
36Ket inuy-uyaw pe̍ dito suldadu nge̍ Je̍sus, nga nawe̍ da dinawawaan ka suka, 37ket kinunen da e̍ Je̍sus, “Isalakan mu was ya beggim a, no tutu nga ikew ya Ari diya Hudyu!” kunen da.
38Ket iya ngatuwen niya ulu ne̍ Je̍sus ito krus, uwed pakaemmu nga naisurat. Agten idi to naisurat: “Idi ya Ari diya Hudyu.”
39Ket to isa kadito duwa nga managbasul nga nailansa pe̍ antuni, linais na met pe̍ nge̍ Je̍sus, nga kinunen na, “Se̍pe̍? Bekken kad nga ikew tun ya Kristu? Isalakan mu man ya beggim, se̍ pati dakami,” kunen na.
40Ngem to kabulun na nga managbasul, nilbec na nga kinunen na, “Ape̍ awan ansing mu e̍ Apu Diyus? Singem, ket agpapada tida nga maukumin. 41Ket dacta, rumbeng met yani nga dusa ta, ata itu ya tumutup nga supapac dito winangwangel ta. Ngem iyan nga toley nga gennung, awan met winangel na nga dake̍c,” kunen na.
42Ket se̍ na kinunen e̍ Je̍sus, “Je̍sus, lagipen nac kay nad no agparang ka nga agari yin,” kunen na.
43Ket kinunen ne̍ Je̍sus igina, “Pudnu met yani nga ibagac ikew: Ita mettas nga algew, makipagedyan ka iyaken nin ka Paraisu,” kunen na.
To pannakatey ne̍ Je̍sus
Mat. 27:45-56; Mar. 15:33-41; Juan 19:28-30
44Ket ito agmatuunin, gimicbet mettin ya amin nga lubung antuni nin. Ket nagpaut to gicbet agingga ka alas tre̍s iya gidam, 45ta nagpukaw met ya darang niya sinag. Ket enna Te̍mplu, napigis met itun nga nagudduwa ngin to kurtina nga nanglinged iya uneg na.
46Ket e̍ Je̍sus ito krus na, nagpekkaw met nga kinunen na ka nabileg, “Ama, italec ku ikew ya kararuwac,” kunen na. Ket ito nakagi na yanin, awan anges nan.
47Ket ito nasingen niya kapitan dito suldadu to napasamac kin, sidadayaw e̍ Apu Diyus nga kinunen na, “Pudnu met nga nalinteg yani nga toley!” kunen na.
48Ket amin dito toltoley nga naur-urnung nga nagbuybuya, nasingen da met pe̍ to napasamac. Ket nagawir dan nga nangdandantugin iya barukung da gapu iya ladingit da.
49Ket amin dito gagayyem ne̍ Je̍sus se̍ dito babey nga simursurut igina nanipud ka Galilya, ket nagasisikad da met itun iya nabay-at ka e̍teng. Ket nasingen da pe̍ diyan nga napasamac.
To pannakaitamen ne̍ Je̍sus
Mat. 27:57-61; Mar. 15:42-47; Juan 19:38-42
50Ket uwed toley itun nga agnagan ka Huse̍. Isa nga kunse̍hal diya Hudyu nge̍ Huse̍, ket nanacman se̍ nalinteg. 51Madi met nakipagkanunung kadito panggep se̍ wangel dito pada na nga kunse̍hale̍s nga maikuntra e̍ Je̍sus. E̍ Huse̍, taga-Arimatiya, nga isa nga ili diya Hudyu. Ket isa met pe̍ nga mangpadpadaan nga sinanama iya umbe̍t nga panangituray ne̍ Apu Diyus.
52Ket to Huse̍, nawe̍ iya edyan ne̍ Gube̍rnadur Pilatu, ket nagadeng ka pammalubus nga alac na ya bangkay ne̍ Je̍sus. 53Ket ito naidsag nan to bangkayin, kinubit na met ka luput nga maawagan ka line̍n, se̍ na nipisuc iya isa nga tamen nga nailiyang ka batu, nga awan pekkem naitamen iyan. 54Ket Biye̍rne̍s met itun, nga itu ya algew nga maawagan ka Algew Panagisagana. Ket gidamin itun, nga dandani yin ya panangrugi niya Algew Ngilin.
55Ket dito babey nga simurut e̍ Je̍sus nanipud ka Galilya, nipuyut dan ito Huse̍. Ket nasingen da to nakaitamennan, se̍ to pannakaitalipen nito bangkay ne̍ Je̍sus. 56Kalpasan na, simoli da iya siyudad, ket nangisagana da ka pangbalsamar da nga bangbanglu se̍ sapsapu. Ket ito nadatnganin ya Algew Ngilin, nagimang da ngarud maikanatad ito bilin niya Linteg Hudyu.
Aktuálne označené:
:
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© 1990 New Tribes Mission, Sanford, FL 32771-1487, USA.
Printed in the Philippines.