New Testament in Muinane (CO:bmr:Muinane)

Muinane - WBT Edition (NT) Non Drama

Muinane - WBT Edition (NT) Drama

<div class="version vid523 iso6393bmr" data-vid="523" data-iso6393="bmr">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s">Jua Nit&#616;m&#616;naafi Guijeveque &#407;j&#616;&#616;bogono.</div><div class="r">(Mr 6.14-29; Lc 9.7-9)</div><div class="p"> 1Tusumi Herode onoobo Galilea aivoj&#616;&#616;bot&#616; icauhi. Jaabo guubuuhi Jesudit&#616;. 2Jaaboro iicoj&#616;ri iicaumoco nuubo: Diiboro Jua Nit&#616;m&#616;naafi siino ubuuheteebe guijevet&#616;. Jaama&#241;o jino sihid&#616; ejeevano mityama icaabo, nooboro.</div><div class="p"> 3M&#616;&#616;ro diibo Herode Jua Nit&#616;m&#616;naafico isis&#616;suuboro c&#616;vojafa&#241;o ficusuuhi. Herodia onoogo inahabo Felipe taabaco unuuneguiiha. 4Jaabo Jua Nit&#616;m&#616;naafi Herodeque nuuhi: Diigoco taabavadino, nooboro.</div><div class="p"> 5Jaanegui Herode Juaco guijen&#616;ujirahi. Jaaruubo miyam&#616;naaco &#241;&#616;hicuguehicauhi; famooro miyam&#616;naa: Juaco Moocaani iimaam&#616;naafi, noomoro eneehicaunot&#616;. 6Jaanaa ifiivu ficabav&#616; &#616;&#616;futusumi j&#616;&#616;baimoco Herode eheetavuuh&#616;go Herodia aic&#616;gai diibo ucuuhuvaumo &#616;megav&#616; gahaseguere fuuhi. Jaanoco aivo Iherode sihid&#616; iimuguubo. 7Jaaboro diigoco Moocaanifa&#241;od&#616; unuuboro ac&#616;guubo fanooco conoocohacho diigo idilluguunoco. 8Jaanegui diigo seej&#616; diigoco afaj&#616;&#616;n&#616;ubad&#616;, ufuugoro Herodeque nuutuuhi: Uco butajefa&#241;o Jua Nit&#616;m&#616;naafi niga&#616;co daac&#616;, noogoro.</div><div class="p"> 9Jill&#616; unuuno diibo aivoj&#616;&#616;bo Herodeque sihid&#616; &#616;daasuvusuuhi. Jaarunofa&#241;o Moocaani momofa&#241;od&#616; unuucuuma&#241;o, bu diibo coj&#616;ri iicaumo jaanoco uguubucuuma&#241;o icano, taj&#616;&#616;baubo ihac&#616;qui. 10Jaanegui taj&#616;&#616;baubo Jua niga&#616;co iquit&#616;c&#616;qui c&#616;vojafa&#241;o icauboco. 11Jaay&#616;co &#616;s&#616;vaumoro tobagocajaco ac&#616;vauhi. Jaanoco bu diigo seej&#616;co ac&#616;tuuhi.</div><div class="p"> 12Jaanoco ij&#616;&#616;bogom&#616;naa uguubuumoro Jua Nit&#616;m&#616;naafi ifiico asatyumoro c&#616;&#616;jeuhi. Jaad&#616; ufuumoro Jesuco j&#616;&#616;bugutuumo.</div><div class="s">Jesu Cinco Mild&#616;moco Machusuhi.</div><div class="r">(Mr 6.30-44; Lc 9.10-17; Jn 6.1-14)</div><div class="p"> 13Jaanoco Jesu uguubuuboro iinoro sih&#616;gov&#616; tehesino fuuhi meenegari. Jaarunoco miyam&#616;naa agaajac&#616;umoro cuuminot&#616; diiboco bucasiuhi isid&#616;. 14Jaanaa Jesu imeenegat&#616; ihiinuuh&#616;go aty&#616;meuhi sihid&#616; miyam&#616;naa iicaunoco. Jaaboro diitoco &#616;daasuguubo. Jaaboro iguihuvama iicamoco diibojaa &#616;s&#616;vamoco buheesuhicaubo. 15Jaanaa iij&#616;cuunegui ij&#616;&#616;bogom&#616;naa diibojaa asaaumoro diiboco noovauhi: Aivo mihiij&#616;cuuhi, bu m&#616;&#616;hai&#241;ooba jima&#241;eri chahahi. Jaanegui miyam&#616;naaco galluucu ofoomoro cuuminot&#616; maahunoco anaajemere imachuqui, noomoro.</div><div class="p"> 16Jaanegui Jesu diitoco nuuhi: M&#616;ll&#616; bu feejirumo am&#616;&#616;hai mahac&#616; imachuqui, nooboro.</div><div class="p"> 17Jaanegui diito nuuhi: M&#616;&#616;ro m&#616;&#616;haima chahano, &#616;d&#616;&#616;noro jino sahused&#616;bava momaahuno, bu miim&#616;siic&#616;ro taavaabom&#616;si icano, noomoro.</div><div class="p"> 18Jaanegui Jesu nuuhi: Juu tajaa m&#616;s&#616;va, nooboro.</div><div class="p"> 19Jaaboro miyam&#616;naaco taj&#616;&#616;baubo &#241;aavahuhall&#616;v&#616; icas&#616;&#616;camaaiqui. Jaaboro ihusefa&#241;o &#616;c&#616;ubo toono sahused&#616;bava imaahunoco, bu itaavaabom&#616;sico icano. Jaaboro niquejeque emeec&#616;uboro Moocaanico toonohall&#616;v&#616; iimuuboro toonoco iquisicuuboro ij&#616;&#616;bogom&#616;naaco ac&#616;ubo. Jaanoco diito imiyam&#616;naama &#616;fuuhi. 20Jaanoco famooro amachuumoro tuvauhi. Jaano atyuuvoco anan&#616;umo gahafusuuhi j&#616;iibai&#241;ooco fahuseec&#616; mot&#616;hait&#616; siino miibaic&#616; &#616;d&#616;&#616;no. 21Jaanoco amachuumo cinco mild&#616;mou sano gaifiim&#616;ro. Jaanot&#616; gaigoom&#616;, bu seeme icano oovaraut&#616;hi.</div><div class="s">Jesu N&#616;faihuhall&#616;d&#616; &#407;guehi.</div><div class="r">(Mr 6.45-52; Jn 6.16-21)</div><div class="p"> 22Jaaboro Jesu ij&#616;&#616;bogom&#616;naaco imeenegafa&#241;o &#616;j&#616;cuuboro galluuhi ih&#616;mega oonogoomuuaiv&#616; ifeequi, diibo miyam&#616;naaco ifitacuunohachuta. 23Jaad&#616; diitoco ifitacuuboro Jesu fuuhi ifaba&#616; nigac&#616;v&#616; Moocaanima ihiimaaqui. Jaad&#616; mihiij&#616;cuunaaca Jesu tah&#616; iinoro icauhi. 24Jaanaaca imeenegafeene muuairi icaunaaca sefano guibuhuba guibuhicauhi togahall&#616;v&#616;. 25Jaanaaca Jesu cuujetav&#616; jari diitojaagov&#616; saauhi, n&#616;faihuhall&#616;d&#616; &#616;gooboro. 26Jaaboco ij&#616;&#616;bogom&#616;naa n&#616;faihuhall&#616;d&#616; &#616;gooboro asaaunoco aaty&#616;meumoro gaihivuumo iigutuumoro: &#161;Ajaan&#616; &#616;j&#616;! noomoro.</div><div class="p"> 27Jaarunofa&#241;o Jesu diitoco nuuhi: Mequehecu mihiguetedino, uujoho, nooboro.</div><div class="p"> 28Jaanegui Pedro diiboco nuuhi: Aivoj&#616;&#616;bo, miyaano &#616;&#616;joho idiicahachiij&#616; taca, taj&#616;&#616;ba bu uujoho dijaa saaqui n&#616;faihuhall&#616;d&#616; &#616;gooboro, nooboro.</div><div class="p"> 29Jii, disaa taca, nooboro. Jaanegui Pedro imeenegat&#616; iniituuboro t&#616;covauhi n&#616;faihuhall&#616;d&#616; &#616;&#616;guubo Jesujaagov&#616; ifeequi. 30Jaarunaaca guibuhuba sefano iguibuunoco aaty&#616;meuboro igutuubo. Jaasumiro t&#616;covaubo in&#616;faihufa&#241;o iniituubo. Jaanegui gaihivuubo: &#161;Aivoj&#616;&#616;bo, uco taajasu! nooboro.</div><div class="p"> 31Jaasumiro Jesu diiboco ihuset&#616; iguiiy&#616;c&#616;uuboro diiboco nuuhi: &#161;Ajashucani dimiyaavogo! &#191;Coll&#616;hi miyaavogot&#616;hi? nooboro.</div><div class="p"> 32Jaad&#616; diit&#616;si imeenegafa&#241;o &#616;j&#616;cafutuusumiro iguibuhuba ll&#616;&#616;v&#616;uhi. 33Jaanegui imeenegafa&#241;o iicaumo Jesuguiino ememu&#616;&#616;vuumoro nuuhi: Miyaano &#616;&#616;joho Moocaani Achi, noomoro.</div><div class="s">Jesu Iguihuvamoco Buheesuhi Genesarev&#616;.</div><div class="r">(Mr 6.53-56)</div><div class="p"> 34Jaamo imuuaico afatyuud&#616; &#616;&#616;futuumo Genesare jiin&#616;jev&#616;. 35Jaanaa toojiin&#616;jeo miyam&#616;naa Jesu iicaunoco agaajac&#616;umoro pary&#616; toojiin&#616;jeri j&#616;&#616;bohocasiumo. Jaamoro Jesujaagov&#616; s&#616;vaumo pary&#616; iguihuvamehejeque. 36Jaamoro diiboco dilluhicaumo jill&#616; igaachehuj&#616;niba nijequegay&#616;co idud&#616;&#616;c&#616;tequi. Jaanoco pary&#616; famooro udud&#616;&#616;c&#616;ud&#616;mo buheeuhi.</div>
 </div>
 </div>
</div>

Tusumi Herode onoobo Galilea aivojɨɨbotɨ icauhi. Jaabo guubuuhi Jesuditɨ. Jaaboro iicojɨri iicaumoco nuubo: Diiboro Jua Nitɨmɨnaafi siino ubuuheteebe guijevetɨ. Jaamaño jino sihidɨ ejeevano mityama icaabo, nooboro.
Mɨɨro diibo Herode Jua Nitɨmɨnaafico isisɨsuuboro cɨvojafaño ficusuuhi. Herodia onoogo inahabo Felipe taabaco unuuneguiiha. Jaabo Jua Nitɨmɨnaafi Herodeque nuuhi: Diigoco taabavadino, nooboro.
Jaanegui Herode Juaco guijenɨujirahi. Jaaruubo miyamɨnaaco ñɨhicuguehicauhi; famooro miyamɨnaa: Juaco Moocaani iimaamɨnaafi, noomoro eneehicaunotɨ. Jaanaa ifiivu ficabavɨ ɨɨfutusumi jɨɨbaimoco Herode eheetavuuhɨgo Herodia aicɨgai diibo ucuuhuvaumo ɨmegavɨ gahaseguere fuuhi. Jaanoco aivo Iherode sihidɨ iimuguubo. Jaaboro diigoco Moocaanifañodɨ unuuboro acɨguubo fanooco conoocohacho diigo idilluguunoco. Jaanegui diigo seejɨ diigoco afajɨɨnɨubadɨ, ufuugoro Herodeque nuutuuhi: Uco butajefaño Jua Nitɨmɨnaafi nigaɨco daacɨ, noogoro.
Jillɨ unuuno diibo aivojɨɨbo Herodeque sihidɨ ɨdaasuvusuuhi. Jaarunofaño Moocaani momofañodɨ unuucuumaño, bu diibo cojɨri iicaumo jaanoco uguubucuumaño icano, tajɨɨbaubo ihacɨqui. Jaanegui tajɨɨbaubo Jua nigaɨco iquitɨcɨqui cɨvojafaño icauboco. Jaayɨco ɨsɨvaumoro tobagocajaco acɨvauhi. Jaanoco bu diigo seejɨco acɨtuuhi.
Jaanoco ijɨɨbogomɨnaa uguubuumoro Jua Nitɨmɨnaafi ifiico asatyumoro cɨɨjeuhi. Jaadɨ ufuumoro Jesuco jɨɨbugutuumo.


Jaanoco Jesu uguubuuboro iinoro sihɨgovɨ tehesino fuuhi meenegari. Jaarunoco miyamɨnaa agaajacɨumoro cuuminotɨ diiboco bucasiuhi isidɨ. Jaanaa Jesu imeenegatɨ ihiinuuhɨgo atyɨmeuhi sihidɨ miyamɨnaa iicaunoco. Jaaboro diitoco ɨdaasuguubo. Jaaboro iguihuvama iicamoco diibojaa ɨsɨvamoco buheesuhicaubo. Jaanaa iijɨcuunegui ijɨɨbogomɨnaa diibojaa asaaumoro diiboco noovauhi: Aivo mihiijɨcuuhi, bu mɨɨhaiñooba jimañeri chahahi. Jaanegui miyamɨnaaco galluucu ofoomoro cuuminotɨ maahunoco anaajemere imachuqui, noomoro.
Jaanegui Jesu diitoco nuuhi: Mɨllɨ bu feejirumo amɨɨhai mahacɨ imachuqui, nooboro.
Jaanegui diito nuuhi: Mɨɨro mɨɨhaima chahano, ɨdɨɨnoro jino sahusedɨbava momaahuno, bu miimɨsiicɨro taavaabomɨsi icano, noomoro.
Jaanegui Jesu nuuhi: Juu tajaa mɨsɨva, nooboro.
Jaaboro miyamɨnaaco tajɨɨbaubo ñaavahuhallɨvɨ icasɨɨcamaaiqui. Jaaboro ihusefaño ɨcɨubo toono sahusedɨbava imaahunoco, bu itaavaabomɨsico icano. Jaaboro niquejeque emeecɨuboro Moocaanico toonohallɨvɨ iimuuboro toonoco iquisicuuboro ijɨɨbogomɨnaaco acɨubo. Jaanoco diito imiyamɨnaama ɨfuuhi. Jaanoco famooro amachuumoro tuvauhi. Jaano atyuuvoco ananɨumo gahafusuuhi jɨiibaiñooco fahuseecɨ motɨhaitɨ siino miibaicɨ ɨdɨɨno. Jaanoco amachuumo cinco mildɨmou sano gaifiimɨro. Jaanotɨ gaigoomɨ, bu seeme icano oovarautɨhi.


Jaaboro Jesu ijɨɨbogomɨnaaco imeenegafaño ɨjɨcuuboro galluuhi ihɨmega oonogoomuuaivɨ ifeequi, diibo miyamɨnaaco ifitacuunohachuta. Jaadɨ diitoco ifitacuuboro Jesu fuuhi ifabaɨ nigacɨvɨ Moocaanima ihiimaaqui. Jaadɨ mihiijɨcuunaaca Jesu tahɨ iinoro icauhi. Jaanaaca imeenegafeene muuairi icaunaaca sefano guibuhuba guibuhicauhi togahallɨvɨ. Jaanaaca Jesu cuujetavɨ jari diitojaagovɨ saauhi, nɨfaihuhallɨdɨ ɨgooboro. Jaaboco ijɨɨbogomɨnaa nɨfaihuhallɨdɨ ɨgooboro asaaunoco aatyɨmeumoro gaihivuumo iigutuumoro: ¡Ajaanɨ ɨjɨ! noomoro.
Jaarunofaño Jesu diitoco nuuhi: Mequehecu mihiguetedino, uujoho, nooboro.
Jaanegui Pedro diiboco nuuhi: Aivojɨɨbo, miyaano ɨɨjoho idiicahachiijɨ taca, tajɨɨba bu uujoho dijaa saaqui nɨfaihuhallɨdɨ ɨgooboro, nooboro.
Jii, disaa taca, nooboro. Jaanegui Pedro imeenegatɨ iniituuboro tɨcovauhi nɨfaihuhallɨdɨ ɨɨguubo Jesujaagovɨ ifeequi. Jaarunaaca guibuhuba sefano iguibuunoco aatyɨmeuboro igutuubo. Jaasumiro tɨcovaubo inɨfaihufaño iniituubo. Jaanegui gaihivuubo: ¡Aivojɨɨbo, uco taajasu! nooboro.
Jaasumiro Jesu diiboco ihusetɨ iguiiyɨcɨuuboro diiboco nuuhi: ¡Ajashucani dimiyaavogo! ¿Collɨhi miyaavogotɨhi? nooboro.
Jaadɨ diitɨsi imeenegafaño ɨjɨcafutuusumiro iguibuhuba llɨɨvɨuhi. Jaanegui imeenegafaño iicaumo Jesuguiino ememuɨɨvuumoro nuuhi: Miyaano ɨɨjoho Moocaani Achi, noomoro.


Jaamo imuuaico afatyuudɨ ɨɨfutuumo Genesare jiinɨjevɨ. Jaanaa toojiinɨjeo miyamɨnaa Jesu iicaunoco agaajacɨumoro paryɨ toojiinɨjeri jɨɨbohocasiumo. Jaamoro Jesujaagovɨ sɨvaumo paryɨ iguihuvamehejeque. Jaamoro diiboco dilluhicaumo jillɨ igaachehujɨniba nijequegayɨco idudɨɨcɨtequi. Jaanoco paryɨ famooro ududɨɨcɨudɨmo buheeuhi.

Terera ku San Mateo 14