Mavhesi emuBhaibheri Ane Mukurumbira kubva kuna LUKAS 17

Pakurirana nevamwe

Yega lagagerek, Ar Yesus nen ap ir inogarak eti yoga dogolir, “Kar nen An noba ebebar andagen paga, u koba dek aga o, ma melatuk kuma lano!” yiluk yorige.

Nen Ar maduk inggi tujuh paga, hari omanggi paga ar, kar koba maduk erogo bagaluk, nen inggi tujuh paga ar, kar koba watuk, ‘An maduk erkaki o, ma maga banu nggino yigi o,’ yiluk yega kalok, omaduk eberek dogu tagalogo dambe kalok, maga bino ar o.”

Ir inogar ambi u oba arar dek agage kega lagagerek, iliti adeknggen nen, Ar Allah endaga ane nggogar wogokdir iyok paga waga lagagerek, Ar Yesus apma ur wandu yiluk dogolir, ae wa, yiluk keyagi wakige. Ar ap eti, ai o Samaria mende.

Eta ma, kir tuwam panorogo wakwi dogoni o! Kogar ambi maduk eka kalok, aruk watno ar o! Ap ambi nen an maduk eki o, nen yabungga erigin dek o, yiluk yega kalok, oba mi erogo dambe kalok, maga bino ar o.

Ma Ar Yesus nen yega dogolir, “Ir ap inebe sepuluh paga enogo inobogar u dek agiya a? Ir inebe nggoma werek?

Yorugwama Ar Yesus nen wene onggo yoraga dogolir, “Kir kiniliti ebebar andagop eti, ebe sesawi enggen eti ndak-ndak kalok, ‘Kir nen, o ara yi kenogo laut ima eloma yaktari lan o, yiluk yorumo, o ara eti kenogo laut ima etoma yatari ligin arar o.’ Ma o ara yi, ebebar kinane aruk kolaligin o.”

Ir akuni nen ndil kodawok nen yiluk erugun mende, ir inebe ndilaurak ndak dek arar arigin o. Ogwe, ir akuni inebe dek erogo batagun kalok, ir inebe ndilkodagun o.

Ar Yesus nen aworomi ane waganggwi mende yoraga dogolir, “Akuni yoma maduk eruak nen yiluk etari taga mende edo eti werek o. Ma, ar ap maduk edo wulabir taga eti, wene andugi edo oba bigin o! Ir akuni bugudakndak mende yoma, ar eti paga maduk eku dogu eti maduk o. Ma pano kwak eti, ar ap eti yigom paga engganok kede yidilogo nen, i laut akla etoma mbo lakbumo kwak perak, mondok pano arar o.

Ar Akuni Inakbur ao telek ari waga paga, ir akuni inobabur, ar Nuh werek kigik eku lagugwa ndak-ndak etari warigin o. Akuni inarom nunggwi, inagwi nunggwi, kwe kodagwi, etegerogon erir lagwi dagik, ar Nuh to akla unggirige kudi. Nen i utuk waga dogolir, akuni etoma obogar i paga warinakige o.