Mavhesi emuBhaibheri Ane Mukurumbira kubva kuna Matthew 7

Pakurirana nevamwe

“Aaptek, allgeghullequsi; ivaghitek, naalkullequsi; tenglugtughtek amigkun, qelpeghulleqiisi.

Qayughllak kina alngunak aapleghhii, allgeghusaghqaaguq; kina alngunak ivaghilghii, naalkusaghqaaguq, kina alngunak tenglugtulghii amigkun, qelpeghulleqaa.

“Kina alngunak nagallghii apeghtughillemnun, qaatkegkumiki peghqinelghiitun yugtun ayuquq mangteghangllaqaq uyghagem qaayngakun.

“Enkaam yulgutegpesinun pinitun pistesukufsi, elpesillu pinitun piiqiteki. Tawaten apeghtughinguut Moses‑em Liilightuusiillu, uuknaliqistetlu igaqegkiit.”

Iwernga amik unguvalleghmun ayuqelghii kagpestaaghhaaguq, tuumllugmetuqlu enkaam qafsinkuuraghhaam naalkaqii tumet unguvalleghmun ayuqelghiit.

Taagken Jesus‑em pikii, “Iteghtek kagpestaaghhaghqun amigkun. Amik hell‑mun ayuqelghii nuqutuuq, tuumkegtuqlu enkaam uglaq taakwagun igleghtaquq.

Seghleghughngaaghpesi, avaqutasi tuunyaghqaqasi pinilghiimeng tunusameng. Atazi qilagmelnguq tuuniyugataghaghluni ayuquq pinilghiimeng tunusameng tamaakunun aapleghhinun ellminun.

Jesus‑em apeghtuusani nagneghutkii, “Nanqigtigpenasi ilagpesineng enkaam Kiyaghneghem nanqiggneghillisi, qayughllak Kiyaghneghem nanqiglleqiisi tawatengngwaaq nanqigtilleghpesistun ilagpesineng. Atuqelleqiillu elpesinun ataasit tamaakut pikasi ilagpesinun.

“Iwernga kina alngunak nagateghngaaghmi apeghtughillemnun, qaatkenghilkumiki, nalluqatun yugtun ayuquq mangteghangllaqaq qenaaghllugkun.

Sangan esghaghsigu yulgutegpek iisqughutnga, elpek katam iisqughuten unaghsighllak avelghaghluku? Salghiimeng yulguten pizigu, ‘Entaa‑a iisqughutngiqaghlaken’, elpek paninang iisqughutelguluten unaghsighllagmeng?

“Kelengalusi uuknaliqistesighwaaghneng. Takulleqiisi penniighsugnighqelluteng, taawanginaq ugighsalghiistun amaastun ayuqut. Liigikelleqasi nangaghneghitgun liigikelleghpesistun uqfiget sameng piitestillghitgun. Sikughlluget piitestingigatut grapes‑meng nalighmeng figs‑meng, tawateghpigaq seghleghet yuget pinitun pingigatut.

Uqfik pinilghii piitestiyaghqaaguq pinilghiimeng, taawanginaq uqfik seghleq piitestiyaghqaaguq seghleghmeng.

Uqfik pinilghii piitestinaanghituq seghleghmeng, uqfik seghleq piitestinaanghituq pinilghiimeng.

Enkaam alngunak uqfik piitestinghilnguq pinilghiimeng kepluni kumaghsaghqaaguq.