Zenez 5
5
Desandans Adan ziska Noe
1Sa lalis bann desandan Adan: Kan Bondye ti kree bann imen, i ti fer zot dan resanblans Bondye. 2Bondye ti kree zot zonm ek fanm. Zour i ti kree zot, Bondye ti beni zot e apel zot imen.
3Kan Adan ti annan 130 an, i ti ganny en garson ki ti vreman resanble li. I ti apel li Set. 4Apre nesans Set, Adan ti viv ankor 800 an e i ti ganny ankor lezot garson ek fiy. 5Adan ti viv an tou 930 an e apre i ti mor.
6Set ti annan 105 an ler i ti ganny en garson, Enos. 7Apre nesans Enos, Set ti viv ankor 800 an e i ti ganny ankor lezot garson ek fiy. 8Set ti viv an tou 912 an e apre i ti mor.
9Enos ti annan 90 an kan i ti ganny Kenann. 10Apre nesans Kenann, Enos ti viv ankor 815 an e i ti ganny ankor lezot garson ek fiy. 11Enos ti viv an tou 905 an e apre i ti mor.
12Kenann ti annan 70 an kan i ti ganny en garson, Mahalaleel. 13Apre nesans Mahalaleel, Kenann ti viv ankor 840 an e i ti ganny ankor lezot garson ek fiy. 14Kenann ti viv an tou 910 an e apre i ti mor.
15Mahalaleel ti annan 65 an ler i ti ganny en garson, Yered. 16Apre nesans Yered, Mahalaleel ti viv ankor 830 an e i ti ganny ankor lezot garson ek fiy. 17Mahalaleel ti viv an tou 895 an e apre i ti mor.
18A laz 162 an Yered ti ganny en garson, Henok. 19Apre nesans Henok, Yered ti viv ankor 800 an e i ti ganny lezot garson ek fiy. 20Yered ti viv an tou 962 an e apre i ti mor.
21Henok ti annan 65 an ler i ti ganny en garson, Matousalenm. 22Apre nesans Matousalenm, Henok ti viv e mars avek Bondye ankor 300 an. I ti ganny ankor lezot garson ek fiy. 23Henok ti viv an tou 365 an. 24I ti mars avek Bondye tou son lavi e apre i ti disparet, akoz Bondye ti pran li.
25Matousalenm ti annan 187 an ler i ti ganny en garson, Lemek. 26Apre nesans Lemek, Matousalenm ti viv ankor 782 an e i ti ganny ankor lezot garson ek fiy. 27Matousalenm ti viv an tou 969 an e apre i ti mor.
28Lemek ti annan 182 an ler i ti ganny en garson. 29I ti apel li Noe. I ti dir: I pou en konsolasyon pour nou dan nou travay ek fatig lo sa later modi. 30Apre nesans Noe, Lemek ti viv ankor 585 an. I ti ganny lezot garson ek fiy. 31Lemek ti viv an tou 777 an, apre, i ti mor.
32Noe ti annan 500 an ler i ti ganny trwa garson, Senm, Kanm ek Zafet.
Zvasarudzwa nguva ino
Zenez 5: BSK
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Labib An Kreol Seselwa © Seychelles Bible Society, 2013.