Mt 7
7
Ənû nɨ saʼ bə̂d cherə
(Lk 6.37-38, 41-42)
1“Tɨ mbə̀ saʼ e bə̂d cherə, ɨmbə̀ʼ tɨ Ŋwìə̀ bɨ saʼ i əwən. 2Ɨchî nɨ mbə̀ə saʼə bə̂d cherə, yɨə bə̀ ɨchî nɨ Ŋwiə̀ bɨrɨ saʼ əwən. Ŋwìə̀ bɨrɨ nɨŋ ɨchî nɨ mbə̀ saʼ bə̂d cherə saʼ əwən əŋgu. 3Əton nɨ àwɔ̀ ə zə əchəb əghɨ ze nɨ yeʼ ɨŋga ɨghə we aŋgɔb, àyɨə chəi àwɔ̀ ə zə əkwirɨ ɨwəŋ ze nɨ yeʼ ɨŋga e ɨghə kɨ ɨmbə̀ʼ ə yè ə? 4Kɨ̀ tɨ à ghà əmbɨ we aŋgɔb ni, 'Sɨ mə chɨ əchəb əghɨ ze nɨ yeʼ ɨŋga e ɨghə', nɨ əkwirɨ ɨwəŋ ə yeʼ ɨŋga we ə? 5Àwɔ̀ yɨ əbekɨ ə wə̀d! Fə be chɨ̀ əkwirɨ ɨwəŋ ze nɨ yeʼ ɨŋga e ɨghə, əne à bɨrɨ zə ɨsɨ ɨchî chɔ̀m bɔŋ chɨ əchəb əghɨ ze nɨ yeʼ ɨŋga ɨghə we aŋgɔb.
6“Tɨ mbə̀ nàʼ ə ɨghɨ Ŋwiə̀ əmbɨ ə bu, njɨ tɨ bɨrɨ su əbɔʼ nən nombɨ əwən. Tɨ mbə̀ bɨ maʼ ə mbə mɨ̀pə̂l əmbɨ mɨ̀kuŋə, njɨ mbɨ bɨrɨ yen ɨgun.
Mbə̀ nɔn, kə̀b bə̀ goŋgɨ
(Lk 11.9-13)
7“Mbə̀ nɔn, Ŋwìə̀ bɨrɨ naʼ ɨ nən. Mbə̀ kəbə, mbə bɨrɨ zə. Mbə̀ goŋgɨ, Ŋwìə̀ bɨrɨ fiʼ ɨ nən. 8Ɨmbə̀ʼ ɨghəm nɨ wə̀d jìm we nɨ nɔnɨ, Ŋwìə̀ bɨrɨ naʼ ɨ bɔ, we nɨ kəbɨ bɨrɨ zə, we nɨ goŋgɨ, Ŋwìə̀ bɨrɨ fiʼ ɨ bɔ. 9À kɨə we rəbɔʼ nən nɨ wan məd mɨ nɔn ŋgə̀ŋ, wɨ̀ naʼ yeʼ ɨti ɨ bɔ ə? 10Kɨ̀ nɨ wɨ̀ mɨ nɔn ɨgwi, wɨ̀ nàʼ yeʼ jɔ ɨ bɔ ə? 11Əne mbə̀n mbe nɨə ghɨ̀ ɨnû rɨbɔ̀ŋ mɨ kyerɨ ɨchî nɨ naʼ ɨghɨ chɔ̀m əmbɨ mbə bɔn, njɨ ə Mbǎʼ we nɨ yeʼ ɨkaŋ bɨrɨ kaŋ naʼ ɨghɨ chɔ̀m əmbɨ ə bə̂d mbe nɨ nɔnɨ!
12“Əne ənû ze nɨ mbə̀ kəbɨ ni bə̂d cherə ghɨ ənɨ ə nən, mbə̀ bə̀ ghɨ ənɨ mɨ̀mə̌d. Mbɔ̂ yɨ ənû mbe nɨ yeʼ ɨŋga tɨkə rɨ Mose bə̀ fɔrɨ ɨŋga tɨkə te nɨ bə̂d ɨ̀kə̀n Ŋwiə̀ nyaʼə chwiə.
Mbə̀ nyɨ ɨchû ɨkam kwa
(Lk 13.24)
13“Mbə̀ nyɨ ɨŋga ənû ɨfɔ̀n ə Ŋwiə̀ ɨchû ɨkam kwa, ɨmbə̀ʼ ɨghəm nɨ ɨchû ɨkam kyeŋ wɨə wò əsɨ ɨchə, ɨnə̂njɨ̀ we nɨə wò əŋgu rɨka bɨ se i nɨ yen ɨgun. Bə̂d mɨ̀nɔnɔʼ mbɨə nyɨ àmei ɨchû ɨkam we. 14Ɨchû ɨkam we nɨə wò əsɨ ze nɨ bə̂d bɨrɨ jɨg ɨ̀tènɨ̀ yɨ wɨ kwa. Ɨnə̂njɨ̀ we nɨə wò əŋgu ə kàŋ sè nɨ yen ɨgun. Àmei bə̂d rɨpiî mbe ə zə ɨnə̂njɨ̀ we.
Ənû ɨmbə̀ʼ əzed mbɨ ti rɨtamɨ
(Lk 6.43-44)
15“Mbə̀ we əwən mbɨ ə bə̂d ɨ̀kə̀n mɨghab. Ɨ mbɨə yeʼe əsɨ nən ɨŋga gôb rɨ njɨ̀g, àyɨə ɨŋga fîŋ tɨ mɨ̀mə̌d mbɨ yɨ ɨghabɨ ɨfɔn nɨ njì tɨə zaŋə. 16Mbə̀ bɨrɨ kyerɨ mɨ̀mə̌d tɨ ənɨ ɨnû mbe nɨ mbɨə ghɨ̀ə̀. Təŋgwin njəŋ wɨə wa kɔə mɨ̀namsɨ̀ ə? Fə̀kyi fə wa kɔ əkwebɨ ə? 17Əzed ə chɔ̀m ə zɨə kɔ rɨtam chɔ̀m. Əzɨ rɨbɔ̀ŋ ə bə̀ kɔ rɨtam rɨbɔ̀ŋ. 18Ka əzed ə chɔ̀m ə bɨrɨ kɔ i rɨtam rɨbɔ̀ŋ. Ka əzed rɨbɔ̀ŋ ə bɨrɨ bɨ kɔ i rɨtam chɔ̀m. 19Mbɨ bɨrɨ wad əzed ze nɨ chəi zɨə kɔ rɨtam chɔ̀m màʼ ɨŋga ɨwid. 20Əne mbə bɨrɨ kyerɨ mɨ̀mə̌d tɨ ənɨ ɨnû mbe nɨ mbɨə ghɨ̀ə̀.
Bə̂d mbe nɨ chəi Yeso kyerɨ mɨ̀mə̌d
(Lk 13.25-27)
21“Kaʼi wə̀d jìm we nɨə tɔŋ əmɨ ni, 'Ə̀nùŋɨ̀sɨg, Ə̀nùŋɨ̀sɨg,' bɨrɨ nyɨ ɨŋga ənû ɨfɔ̀n rɨkaŋ. Àmei we nɨə ghɨ̀ ɨnû mbe nɨ mɨ Mbǎʼ rɨkaŋ kəbɨ bɨrɨ nyɨ. 22Bə̂d mɨ̀nɔnɔʼ bɨrɨ gha ɨ num əni ze nɨ Ŋwìə̀ ə sob mɨsaʼi ni, 'Ə̀nùŋɨ̀sɨg, Ə̀nùŋɨ̀sɨg, ɨmbə̀ʼ tɨ̀ nyaʼa ghà ɨkə̂n Ŋwiə̀ ənɨ e ɨkum, bə̀ chɨ̀ ɨzwî rɨbɔ̀ŋ ənɨ e ɨkum, bə̀ ghɨ̀ ɨnû yiirɨ ənɨ e ɨkum ə?' 23Mbɨ mɨ ghà əne, mə bɨrɨ ghà əmbɨ mɨ̀mə̌d ni, 'Chəi mə kweʼ kyerɨ əwən. Mbə̀ nɔʼ rɨ ɨban num, mbə̀n bə̂d nɨə ghɨ̀ ɨnû rɨbɔ̀ŋ.'
Bə̂d mɨ̀be nɨ nyaʼa bɔm nəb
(Lk 6.47-49)
24“Wə̀d jìm we nɨ zu ɨnû mbɔ̂ nɨ mə gha bə̀ ghɨ̀ ɨnû rəŋgu, yɨ ɨghabɨ wə̀d ɨwe nɨ nyaʼa bɔm i nəb ɨgun ɨwɔ̌. 25Mbə̀ŋ nyaʼa nɔ, mɨgyɨ̂ swi gwèə̀, əfim ə chè nun nəb ze, àyɨə chəi zɨ̀ nyaʼa buʼ ə, ɨmbə̀ʼ ɨghəm nɨ mbɨ nyaʼa bɔm ɨgun ɨwɔ̌. 26Àyɨə wə̀d jìm we nɨ zu ɨnû mbɔ̂ nɨ mə ghamɨ əne chəi wɨ̀ ghɨ ɨnû mbe nɨ mə̀ ghǎ yɨ ɨghabɨ əneŋ nɨ nyaʼa bɔm i nəb ɨgwɨ rɨsi. 27Mbə̀ŋ nyaʼa nɔ, mɨgyɨ̂ swi gwèə̀, əfim ə chè nun nəb ze, əne zɨ̀ nyaʼa buʼ ə si rɨ bììm.”
28Ənɨ Yeso nyaʼa fə gha ɨnû mbɔ̂ màànɨ̀, mɨnɔ̂n bə̂d mbe nyaʼa yiirɨ ɨchî nɨ wɨ̀ nyaʼə chwi ɨnû, 29ɨmbə̀ʼ ɨghəm nɨ ɨ wɨə nyaʼə chwiə ɨnû əmbɨ mɨ̀mə̌d ɨghabɨ ə wə̀d nɨ berɨ ɨka nɨ ghɨ əne, kaʼi ɨghabɨ ɨchî nɨ məchwiə̀ rɨ̀kə̌ mɨ̀mə̌d nyaʼə chwiə.
Zvasarudzwa nguva ino
Mt 7: mgo
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2013, Cameroon Association for Bible Translation and Literacy
Mt 7
7
Ənû nɨ saʼ bə̂d cherə
(Lk 6.37-38, 41-42)
1“Tɨ mbə̀ saʼ e bə̂d cherə, ɨmbə̀ʼ tɨ Ŋwìə̀ bɨ saʼ i əwən. 2Ɨchî nɨ mbə̀ə saʼə bə̂d cherə, yɨə bə̀ ɨchî nɨ Ŋwiə̀ bɨrɨ saʼ əwən. Ŋwìə̀ bɨrɨ nɨŋ ɨchî nɨ mbə̀ saʼ bə̂d cherə saʼ əwən əŋgu. 3Əton nɨ àwɔ̀ ə zə əchəb əghɨ ze nɨ yeʼ ɨŋga ɨghə we aŋgɔb, àyɨə chəi àwɔ̀ ə zə əkwirɨ ɨwəŋ ze nɨ yeʼ ɨŋga e ɨghə kɨ ɨmbə̀ʼ ə yè ə? 4Kɨ̀ tɨ à ghà əmbɨ we aŋgɔb ni, 'Sɨ mə chɨ əchəb əghɨ ze nɨ yeʼ ɨŋga e ɨghə', nɨ əkwirɨ ɨwəŋ ə yeʼ ɨŋga we ə? 5Àwɔ̀ yɨ əbekɨ ə wə̀d! Fə be chɨ̀ əkwirɨ ɨwəŋ ze nɨ yeʼ ɨŋga e ɨghə, əne à bɨrɨ zə ɨsɨ ɨchî chɔ̀m bɔŋ chɨ əchəb əghɨ ze nɨ yeʼ ɨŋga ɨghə we aŋgɔb.
6“Tɨ mbə̀ nàʼ ə ɨghɨ Ŋwiə̀ əmbɨ ə bu, njɨ tɨ bɨrɨ su əbɔʼ nən nombɨ əwən. Tɨ mbə̀ bɨ maʼ ə mbə mɨ̀pə̂l əmbɨ mɨ̀kuŋə, njɨ mbɨ bɨrɨ yen ɨgun.
Mbə̀ nɔn, kə̀b bə̀ goŋgɨ
(Lk 11.9-13)
7“Mbə̀ nɔn, Ŋwìə̀ bɨrɨ naʼ ɨ nən. Mbə̀ kəbə, mbə bɨrɨ zə. Mbə̀ goŋgɨ, Ŋwìə̀ bɨrɨ fiʼ ɨ nən. 8Ɨmbə̀ʼ ɨghəm nɨ wə̀d jìm we nɨ nɔnɨ, Ŋwìə̀ bɨrɨ naʼ ɨ bɔ, we nɨ kəbɨ bɨrɨ zə, we nɨ goŋgɨ, Ŋwìə̀ bɨrɨ fiʼ ɨ bɔ. 9À kɨə we rəbɔʼ nən nɨ wan məd mɨ nɔn ŋgə̀ŋ, wɨ̀ naʼ yeʼ ɨti ɨ bɔ ə? 10Kɨ̀ nɨ wɨ̀ mɨ nɔn ɨgwi, wɨ̀ nàʼ yeʼ jɔ ɨ bɔ ə? 11Əne mbə̀n mbe nɨə ghɨ̀ ɨnû rɨbɔ̀ŋ mɨ kyerɨ ɨchî nɨ naʼ ɨghɨ chɔ̀m əmbɨ mbə bɔn, njɨ ə Mbǎʼ we nɨ yeʼ ɨkaŋ bɨrɨ kaŋ naʼ ɨghɨ chɔ̀m əmbɨ ə bə̂d mbe nɨ nɔnɨ!
12“Əne ənû ze nɨ mbə̀ kəbɨ ni bə̂d cherə ghɨ ənɨ ə nən, mbə̀ bə̀ ghɨ ənɨ mɨ̀mə̌d. Mbɔ̂ yɨ ənû mbe nɨ yeʼ ɨŋga tɨkə rɨ Mose bə̀ fɔrɨ ɨŋga tɨkə te nɨ bə̂d ɨ̀kə̀n Ŋwiə̀ nyaʼə chwiə.
Mbə̀ nyɨ ɨchû ɨkam kwa
(Lk 13.24)
13“Mbə̀ nyɨ ɨŋga ənû ɨfɔ̀n ə Ŋwiə̀ ɨchû ɨkam kwa, ɨmbə̀ʼ ɨghəm nɨ ɨchû ɨkam kyeŋ wɨə wò əsɨ ɨchə, ɨnə̂njɨ̀ we nɨə wò əŋgu rɨka bɨ se i nɨ yen ɨgun. Bə̂d mɨ̀nɔnɔʼ mbɨə nyɨ àmei ɨchû ɨkam we. 14Ɨchû ɨkam we nɨə wò əsɨ ze nɨ bə̂d bɨrɨ jɨg ɨ̀tènɨ̀ yɨ wɨ kwa. Ɨnə̂njɨ̀ we nɨə wò əŋgu ə kàŋ sè nɨ yen ɨgun. Àmei bə̂d rɨpiî mbe ə zə ɨnə̂njɨ̀ we.
Ənû ɨmbə̀ʼ əzed mbɨ ti rɨtamɨ
(Lk 6.43-44)
15“Mbə̀ we əwən mbɨ ə bə̂d ɨ̀kə̀n mɨghab. Ɨ mbɨə yeʼe əsɨ nən ɨŋga gôb rɨ njɨ̀g, àyɨə ɨŋga fîŋ tɨ mɨ̀mə̌d mbɨ yɨ ɨghabɨ ɨfɔn nɨ njì tɨə zaŋə. 16Mbə̀ bɨrɨ kyerɨ mɨ̀mə̌d tɨ ənɨ ɨnû mbe nɨ mbɨə ghɨ̀ə̀. Təŋgwin njəŋ wɨə wa kɔə mɨ̀namsɨ̀ ə? Fə̀kyi fə wa kɔ əkwebɨ ə? 17Əzed ə chɔ̀m ə zɨə kɔ rɨtam chɔ̀m. Əzɨ rɨbɔ̀ŋ ə bə̀ kɔ rɨtam rɨbɔ̀ŋ. 18Ka əzed ə chɔ̀m ə bɨrɨ kɔ i rɨtam rɨbɔ̀ŋ. Ka əzed rɨbɔ̀ŋ ə bɨrɨ bɨ kɔ i rɨtam chɔ̀m. 19Mbɨ bɨrɨ wad əzed ze nɨ chəi zɨə kɔ rɨtam chɔ̀m màʼ ɨŋga ɨwid. 20Əne mbə bɨrɨ kyerɨ mɨ̀mə̌d tɨ ənɨ ɨnû mbe nɨ mbɨə ghɨ̀ə̀.
Bə̂d mbe nɨ chəi Yeso kyerɨ mɨ̀mə̌d
(Lk 13.25-27)
21“Kaʼi wə̀d jìm we nɨə tɔŋ əmɨ ni, 'Ə̀nùŋɨ̀sɨg, Ə̀nùŋɨ̀sɨg,' bɨrɨ nyɨ ɨŋga ənû ɨfɔ̀n rɨkaŋ. Àmei we nɨə ghɨ̀ ɨnû mbe nɨ mɨ Mbǎʼ rɨkaŋ kəbɨ bɨrɨ nyɨ. 22Bə̂d mɨ̀nɔnɔʼ bɨrɨ gha ɨ num əni ze nɨ Ŋwìə̀ ə sob mɨsaʼi ni, 'Ə̀nùŋɨ̀sɨg, Ə̀nùŋɨ̀sɨg, ɨmbə̀ʼ tɨ̀ nyaʼa ghà ɨkə̂n Ŋwiə̀ ənɨ e ɨkum, bə̀ chɨ̀ ɨzwî rɨbɔ̀ŋ ənɨ e ɨkum, bə̀ ghɨ̀ ɨnû yiirɨ ənɨ e ɨkum ə?' 23Mbɨ mɨ ghà əne, mə bɨrɨ ghà əmbɨ mɨ̀mə̌d ni, 'Chəi mə kweʼ kyerɨ əwən. Mbə̀ nɔʼ rɨ ɨban num, mbə̀n bə̂d nɨə ghɨ̀ ɨnû rɨbɔ̀ŋ.'
Bə̂d mɨ̀be nɨ nyaʼa bɔm nəb
(Lk 6.47-49)
24“Wə̀d jìm we nɨ zu ɨnû mbɔ̂ nɨ mə gha bə̀ ghɨ̀ ɨnû rəŋgu, yɨ ɨghabɨ wə̀d ɨwe nɨ nyaʼa bɔm i nəb ɨgun ɨwɔ̌. 25Mbə̀ŋ nyaʼa nɔ, mɨgyɨ̂ swi gwèə̀, əfim ə chè nun nəb ze, àyɨə chəi zɨ̀ nyaʼa buʼ ə, ɨmbə̀ʼ ɨghəm nɨ mbɨ nyaʼa bɔm ɨgun ɨwɔ̌. 26Àyɨə wə̀d jìm we nɨ zu ɨnû mbɔ̂ nɨ mə ghamɨ əne chəi wɨ̀ ghɨ ɨnû mbe nɨ mə̀ ghǎ yɨ ɨghabɨ əneŋ nɨ nyaʼa bɔm i nəb ɨgwɨ rɨsi. 27Mbə̀ŋ nyaʼa nɔ, mɨgyɨ̂ swi gwèə̀, əfim ə chè nun nəb ze, əne zɨ̀ nyaʼa buʼ ə si rɨ bììm.”
28Ənɨ Yeso nyaʼa fə gha ɨnû mbɔ̂ màànɨ̀, mɨnɔ̂n bə̂d mbe nyaʼa yiirɨ ɨchî nɨ wɨ̀ nyaʼə chwi ɨnû, 29ɨmbə̀ʼ ɨghəm nɨ ɨ wɨə nyaʼə chwiə ɨnû əmbɨ mɨ̀mə̌d ɨghabɨ ə wə̀d nɨ berɨ ɨka nɨ ghɨ əne, kaʼi ɨghabɨ ɨchî nɨ məchwiə̀ rɨ̀kə̌ mɨ̀mə̌d nyaʼə chwiə.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2013, Cameroon Association for Bible Translation and Literacy