Genese 16
16
1HABA Sarai öiö Aberama ame ca hnoköa, ke e unyin ke athnyabainy a at Aigupito, Hagara ien. 2Ke Sarai ame ha kö Aberama, ka habe, Wâ ju, ame musö Iehova a oge me ca he ka hnokoâ; ö u he thö ka anyik hlu; ame ne he ka hu lakuk ûnyi gan. Me Aberama ame löng hwan Sarai. 3Ke a hia, but Aberama laba libenyita ta je huna hnyi hnyei Kanana, ke Sarai öiö Aberama ame hum Hagara at Aigupito a anyin hlu, me ham e kö Aberama âiân, me me âiân bi. 4Ke e ame hum Hagara, me e ame erkin dut: ka löng ut e a ga erkin dut, me e ame hûkötiâ momo at a musö e. 5Ke haingö Sarai kö Aberama, ka habe, Ûnyi gam hna okongu nya: oge ham köu anyik hlu, ke a löng ut a ga erkin dut, me e ame hûkötiö nya: bamö Iehova he ka owisa kötu. 6Ke haingö Aberama kö Sarai, ka habe, Wâ bi, e unyâm ânyâm hlu, më ânyâ kâu hoton wem. Ke Sarai ame ovecâ e, me e ame kec ut gan. 7Ke ame ö e hnen angela anyi Iehova hnyi an ame pupua hnyi hnyebuba, wale ame pupua hnyi gethen ka he Sura ai. 8Ke e ame ha, ka habe, Hagara lö, hlu anyi Sarai, u je mʼ ua? ke u me he kâ? Me e ame ha, ka habe, oge me kec ga Sarai, momo ame musi nya. 9Ke haingen angela anyi Iehova kâu, ka habe, Hmetu ju ka at ame musi u, me löng hoton. 10Ke haingen angela anyi Iehova kâu, ka habe, Oge me he ka ti osehia mâtrânâm, ke ca hnân öû ödra, anyin a ödra se hia. 11Ke haingen angela anyi Iehova kâu, ka habe, Wâ bi, u erkin dut, ke u ma he ka hnokoâ da; me hwenyi ien Isamaela, anyin a löng ut Iehova ânyâm vec. 12Ke e ame he ka tha ûcû me asina ae hiny unyin tavat; kʼ ame he hnyamen ka iwahnaihmiöny me tavat hia, kʼ ame he hnyamen tavat hia ka iwahnahmiöny më; ke e ame he ka laba hnyi hnyimakan je liamekeiny më. 13Haba momo ame hwenyi iö Iehova at ame fuc kâu, ka habe, U thibi Khong at ame wâ: anyin a haingen, ka habe, Hawa oge hap wâ ju ang at ame ö nya? 14Anyin a wale, adre hwenyi ien an ka habe, Bere-lahai-roi; wâ bi, e hnyi wanben Kadesi me Bareda. 15Ke Hagara ame hnokoâ da nöku Aberama: ke Aberama ame hwenyi ien nokon, a hnokoâ Hagara, me Isamaela. 16Ke eite siks hunai Aberama hnyi hnö Hagara hna hnöku Isamaela nöku Aberama.
Zvasarudzwa nguva ino
Genese 16: IAAI
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
maintained by the British and Foreign Bible Society