EFETIKILO 7
7
1Yehova wa popia la Noha hati, Iñila vocimbaluku, ove lonjo yove yosi, momo nda mõla okuti vocitumbulukila cilo ove wukuesunga kokuange. 2Povinyama viosi via yela nolapo alume epanduvali, lolomange epanduvali; povinyama ka via yelele nolapo ño vivali vivali, ulume lomange yaco; 3lolonjila viovusenge laviovo, alume epanduvali lolomange epanduvali, oku popela ombuto yavio kilu lieve liosi. 4Momo pa kamba oloneke epanduvali oco ndokisa ombela kilu lieve akui akuãla kovotanya lakui akuãla kovoteke si nyõli kilu lieve oviluvo viosi nda lulika. 5Noha wa linga cosi co sapuila Yehova.
6Noha wa tẽla ovita epandu kanyamo eci etande liovava lieya kilu lieve. 7Oco Noha wa iñila vocimbaluku kumue lomãla vaye valume, lukãi waye, lakãi vomãla vaye, ha va puluka ketande. 8Kuenda ovinyama via yela lovinyama ka vio yelele lolonjila lovipuka viosi vi likoka posi; 9vivali vivali via iñila la Noha vocimbaluku, ulume lomange ndeci Suku a sapuila Noha. 10Eci oloneke epanduvali via pita etande lieya kilu lieve.
11Kunyamo wovita epandu komuenyo wa Noha kosãi yavali keteke liekui lepanduvali kosãi, eteke liaco halio, olono viosi viokalunga kanene via tuika lapangu okilu a yuluka. 12Kuenje ombela ya kala kilu lieve akui akuãla kovotanya lakui akuãla kovoteke. 13Eteke liaco hailio Noha a iñila vocimbaluku kumue la Semi la Hama kuenda Yafete, omãla va Noha, kuenda ukãi wa Noha, lakãi vomãla vaye vatatu, 14ovo muẽle kuenda ovinyama viosi viovusenge ndapata avio, lovinyama viosi viovimbo ndapata avio, lapuka osi a likoka posi ndapata avio, lolonjila viosi ndapata avio, otunjila tuosi tuiñi tuiñi. 15Kuenje via iñila la Noha vocimbaluku vivali vivali, oviendalomuenyo viosi vi kasi lefuimo liomuenyo. 16Evi via iñila via kala ulume lomange koviendalomuenyo viosi ndeci co sapuila Suku; kuenje Yehova wo yikilamo.
17Etande liaco lia kala kilu lieve akui akuãla koloneke; ovava aco a futuka, a yelula ocimbaluku kuenje ca tunda posi, ca telela kilu liovava. 18Ovava a piãla a lua enene kilu lieve ndokuti ocimbaluku ca telela kilu liovava. 19Kuenje ovava a piãla cakahandangala kilu lieve; olomunda viosi visõvisõvi vi kasi vemẽhi lilu liosi, viosi via takatamo. 20Ekui liovikeya kovikeya vitãlo kilu ovava a piãlako kuenje olomunda via takatamo. 21Oviendalomuenyo viosi via ñuala ñuala posi via fa, lolonjila lovinyama viovimbo lovinyama viovusenge lovipuka vi likoka posi, kuenda omanu vosi; 22cosi ca kaile lefuimo liofela yomuenyo vanyulu ca fa. 23Oviendalomuenyo viosi via kaile kilu lieve via kunduka, lomanu lovinyama viovimbo lapuka lolonjila viovusenge, via kunduka kilu lieve; kua siala lika Noha lava va kala laye vocimbaluku. 24Kuenje ovava a kala kilu lieve ocita coloneke kakui atãlo.
Zvasarudzwa nguva ino
EFETIKILO 7: EMB63
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Umbundu Bible © United Bible Societies, 1963.
EFETIKILO 7
7
1Yehova wa popia la Noha hati, Iñila vocimbaluku, ove lonjo yove yosi, momo nda mõla okuti vocitumbulukila cilo ove wukuesunga kokuange. 2Povinyama viosi via yela nolapo alume epanduvali, lolomange epanduvali; povinyama ka via yelele nolapo ño vivali vivali, ulume lomange yaco; 3lolonjila viovusenge laviovo, alume epanduvali lolomange epanduvali, oku popela ombuto yavio kilu lieve liosi. 4Momo pa kamba oloneke epanduvali oco ndokisa ombela kilu lieve akui akuãla kovotanya lakui akuãla kovoteke si nyõli kilu lieve oviluvo viosi nda lulika. 5Noha wa linga cosi co sapuila Yehova.
6Noha wa tẽla ovita epandu kanyamo eci etande liovava lieya kilu lieve. 7Oco Noha wa iñila vocimbaluku kumue lomãla vaye valume, lukãi waye, lakãi vomãla vaye, ha va puluka ketande. 8Kuenda ovinyama via yela lovinyama ka vio yelele lolonjila lovipuka viosi vi likoka posi; 9vivali vivali via iñila la Noha vocimbaluku, ulume lomange ndeci Suku a sapuila Noha. 10Eci oloneke epanduvali via pita etande lieya kilu lieve.
11Kunyamo wovita epandu komuenyo wa Noha kosãi yavali keteke liekui lepanduvali kosãi, eteke liaco halio, olono viosi viokalunga kanene via tuika lapangu okilu a yuluka. 12Kuenje ombela ya kala kilu lieve akui akuãla kovotanya lakui akuãla kovoteke. 13Eteke liaco hailio Noha a iñila vocimbaluku kumue la Semi la Hama kuenda Yafete, omãla va Noha, kuenda ukãi wa Noha, lakãi vomãla vaye vatatu, 14ovo muẽle kuenda ovinyama viosi viovusenge ndapata avio, lovinyama viosi viovimbo ndapata avio, lapuka osi a likoka posi ndapata avio, lolonjila viosi ndapata avio, otunjila tuosi tuiñi tuiñi. 15Kuenje via iñila la Noha vocimbaluku vivali vivali, oviendalomuenyo viosi vi kasi lefuimo liomuenyo. 16Evi via iñila via kala ulume lomange koviendalomuenyo viosi ndeci co sapuila Suku; kuenje Yehova wo yikilamo.
17Etande liaco lia kala kilu lieve akui akuãla koloneke; ovava aco a futuka, a yelula ocimbaluku kuenje ca tunda posi, ca telela kilu liovava. 18Ovava a piãla a lua enene kilu lieve ndokuti ocimbaluku ca telela kilu liovava. 19Kuenje ovava a piãla cakahandangala kilu lieve; olomunda viosi visõvisõvi vi kasi vemẽhi lilu liosi, viosi via takatamo. 20Ekui liovikeya kovikeya vitãlo kilu ovava a piãlako kuenje olomunda via takatamo. 21Oviendalomuenyo viosi via ñuala ñuala posi via fa, lolonjila lovinyama viovimbo lovinyama viovusenge lovipuka vi likoka posi, kuenda omanu vosi; 22cosi ca kaile lefuimo liofela yomuenyo vanyulu ca fa. 23Oviendalomuenyo viosi via kaile kilu lieve via kunduka, lomanu lovinyama viovimbo lapuka lolonjila viovusenge, via kunduka kilu lieve; kua siala lika Noha lava va kala laye vocimbaluku. 24Kuenje ovava a kala kilu lieve ocita coloneke kakui atãlo.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Umbundu Bible © United Bible Societies, 1963.