Matius 17
17
Yesus tom oba dageisikhesik werekma elokhoken ninat hagatlageikhe wene
(Markus 9:2-13; Lukas 9:28-36)
1At Yesus nen itithogon yogeisasikhesik nen, noge iniki 6 iluk nen, Petrus men, Yakobus men, agot Yohanes ipisak men, inarligat wogosik tom uan ageikhe baga dageisikhe. 2Dageisikhesik werekma at ebe it iniloba, ninat hagatlaga dogolik, elokhoken o mulikin hakene hagatlageik, asu ugu meke kut motok a'bi'baleak hagatlageik, hagatlageikhe. 3Itithogon hagatlagunem, at agarumi eranogo nen inileken lakhasukha meke, Musa men, Elia men, winam agoukhasik Yesus inom wenekak isinem inileken hisasukha. 4Itithogon hisasukhasik, at Petrus nen Yesus men yogokhikhe,
“Noe. Nit o yoma hano welago higi. Hat nen erlok apegen halok he, yoma orlisa henagan, hat hobasik ageikhe, Musa obasik ageikhe, Elia obasik ageikhe, halhisagein o,” iluk yogokhikhe. 5Itithogon yogokhunem eranogoat, oisa kut meke thebelinabi ageikhesik, Allah ane oisa etnogo akla nen men yogeisasikhe,
“An na'but netaiken hunik meke noba hotok egerek ebe ithiat o. Halok he, at ane holek dogono o,” iluk yogeisasikhemo, 6Yesus agarumi inom dageisukha meke emenogo inasuk holhukhasik, inayuk nen, initibagal yukukhogon inelokhe agatma thogoum iluk werekma 7at Yesus inoba wageikhesik, inebe iki hageinakhe dogolik,
“Hinayuk dekhogon melatni o,” iluk yogeisasikhemo, 8inut oak leklarik inileken 'bikhasukha meke, it aperek inom dek. At Yesus arligat anek werekma hasukha.
9Itithogon hagatluk, tom ukul oba etnogo nen usa'aga dogolik, at Yesus nen men yogeisasikhe,
“An abat itaklasi agagi etnogo, nebe nakhunem watlatluk werekma, Allah nen nilugutnakhidek werek korlek, an hagatlagunem hinileken neegep etnogo akhuni aperek motok yogeisugup o. Yabokane Allah nen nilugutnakhe halok nen, yogeisausak o,” iluk inasuk warik warik usageikhe. 10Inasuk wakhikhemo, it agarumi emenogo nen, men yogokhukha,
“Halok he, it ap Allah ane holal waganek iteerek meke emenogo nen,
Elia tak wisigin, iluk iliogei iti nikithogon nen,” iluk hinok waganhukhama, 11at nen men yogeisasikhe,
“Elia tak witluk, at nen yi hagakhik, ti hagakhik, karelisigin, iliogei iti, eberogonat mekeat, 12an wene eberogonat yokhisak. At Elia ebe arat wageikhe mekeat he, it akhuni nen motok hutdigidek naldekhe dogolik, itithogon hagasu warlok nen, at ebe weagatdisukha hagat, an abat itaklasi agagi etnogo, nebe itithogon weagatnabugunat o,” iluk yogeisasikhemo, 13it agarumi emenogo nen men isukha,
“Iti, at Yohanes ima usa'isekhe lageikhe meke etnogo hasik yoknisekhe o,” iluk inakla hutdisukha.
Yesus nen mokat obabut weak meke yekerek ageikhe akla ukiluk werekma mukhogo ula'isikhe wene
(Markus 9:14-29; Lukas 9:37-43)
14Itithogon hutdiluk nen, akhuni doalegat emenogo inoba usa'agoukhama, ap ageikhe Yesus oba wageikhesik, at apma itibagal yukukhogon heagei wakhe dogolik, men yogokhikhe,
15“Noe. An na'but yi hakmurasin o. Ilhurluk 'bekhe dogolik, ebe watlageik, iluk ageik, hagakhe dogolik, hibiku-yogokuat hetumo ukigik, ima lageik, hagakhe dogolik weak motok welagarek iti nen, 16hat hagarumi hane waganiogei meke inoba wolok wagei mekeat he, it nen hagasusak erlok dek aga,” iluk yogokhikhe. 17Itithogon yogokhikhemo, at Yesus nen, men yogokhikhe,
“Hit akhuni o yogotak welagap meke yi, hinetaiken noba hakotdigidek dogolik nuk akhekhe lagap yoma re! An hit ninom niki meren oba dogogun nogo. Hit nen nakla pugurakhe korlek nobakhanini hapugutdiluk niki meren dogogin,” iluk yogeisasikhesik nen,
“Yekerek ithi an noba wolok witni o,” iluk yogeisasikhemo 18yekerek etnogo wolok wagoukhama mokat obabut weak meke akla ukiluk werekma Yesus nen wenagakhikhemo, dukhi lageikhemo eranogoat hano ageikhe. 19Hano ageikhemo re, it Yesus agarumi ane waganhe lagoukha meke emenogo oba wagoukhasik inom inarligat dogolik, men yogokhukha,
“Nit nen, at mokat obabut weak meke iti mukhogo ula'usak erlok dek iti nikithogon nen,” iluk oba hinok waganhukhama, 20-21at Yesus nen,
“Hit hinetaiken hutukhogon noba hakotdekhe lagap dek iti nen o. Ki'bi-ki'bi ai motok 'bugurlaktek meke iti hak, hinetaiken an noba 'bugurlaktek anek hakotdiluk nen, tom ithi yogokhe dogolik,
Ethoma nen higilogo werlekma etoma asi lan o, iluk yogosugun halok he, etoma nen werlekma etoma asi lausagat o. Hit nen yi meke ti meke hagasumo, ageikhe erlok dek ageidek hano anek asigin, iluk eberogonat yokhisigi. [Meke re, mokat obabut weak meke yi hakene inakla ukiluk werekma hipiri nikidek sembayan umo anek he, erlok mukhogo ula'usak o,”] iluk yogeisasikhe.
Yesus nen, “An nasugunat o,” iluk alep yogeisasikhesik nen, yabokane yogeisasikhe wene
(Markus 9:30-32; Lukas 9:43-45)
22Yabokane, at Yesus agarumi inom o Galilea etoma natogokhukhasik dogolik, men yogeisasikhe,
“An abat itaklasi agagi etnogo, ap nen yoko lalok it akhuni aperek iniki baga 'banumo, 23nasugun o. Nasumo, nebe niki pere warek dogoluk, ageikhe baga nen he, Allah nen nilugutnabigin o,” iluk yogeisasikhemo, inakla motok weak arik lagoukha.
Yesus nen Allah ai halekma hasik oko uang 'bisikhe wene
24Itithogon hagatluk, o Kapernaum wagoukhama, it Allah ai halek hasik oko uang kino iluk waganhe lagoukha meke nen, at Petrus oba wagoukhasik nen, men yogokhukha,
“Hinoe Allah ane yakulhisekherek meke iti nen Allah ai halek hasik oko uang 'begarek etnogo meke ageikhe 'bekherek a? Dek a,” iluk yogokhukhama, 25at Petrus nen,
“'Bekheregat o,” iluk yogeisasikhe. Yogeisalok uma ukisikhesik, at nen igidek werek korlek, Yesus nen tak men yogokhikhe,
“Simon. Hat he, nikithogon apegen. It ap agat oba meke inetagapogot iti inobasik, akhuni thani nen uang 'biliogei. Inekaerek inagarumi nen 'biliogei apegen a? E a, at he, it ninat meke nen 'biliogei apegen a,” iluk yogokhikhemo 26at Petrus nen,
“It ap ninat meke nen 'biliogei o,” iluk yogokhikhemo, at Yesus nen,
“Halok he, it inekaerek inagarumi iti nen, 'busak dek higi. 27Meke re, it nen ina'it nisaunogo nen, i yekelekma lalok ikan wakharek meke herle etnogo ima usa'isinem alebageik wasigin meke etnaga hikimo waganiluk ape lanethasinem, uang apema werekma higin o. Halok he, itiat waganogo hat hasik inom, an hasik inom, it ap iti wogeisano,” iluk yogokhikhe.
Zvasarudzwa nguva ino
Matius 17: LAIDNT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Matius 17
17
Yesus tom oba dageisikhesik werekma elokhoken ninat hagatlageikhe wene
(Markus 9:2-13; Lukas 9:28-36)
1At Yesus nen itithogon yogeisasikhesik nen, noge iniki 6 iluk nen, Petrus men, Yakobus men, agot Yohanes ipisak men, inarligat wogosik tom uan ageikhe baga dageisikhe. 2Dageisikhesik werekma at ebe it iniloba, ninat hagatlaga dogolik, elokhoken o mulikin hakene hagatlageik, asu ugu meke kut motok a'bi'baleak hagatlageik, hagatlageikhe. 3Itithogon hagatlagunem, at agarumi eranogo nen inileken lakhasukha meke, Musa men, Elia men, winam agoukhasik Yesus inom wenekak isinem inileken hisasukha. 4Itithogon hisasukhasik, at Petrus nen Yesus men yogokhikhe,
“Noe. Nit o yoma hano welago higi. Hat nen erlok apegen halok he, yoma orlisa henagan, hat hobasik ageikhe, Musa obasik ageikhe, Elia obasik ageikhe, halhisagein o,” iluk yogokhikhe. 5Itithogon yogokhunem eranogoat, oisa kut meke thebelinabi ageikhesik, Allah ane oisa etnogo akla nen men yogeisasikhe,
“An na'but netaiken hunik meke noba hotok egerek ebe ithiat o. Halok he, at ane holek dogono o,” iluk yogeisasikhemo, 6Yesus agarumi inom dageisukha meke emenogo inasuk holhukhasik, inayuk nen, initibagal yukukhogon inelokhe agatma thogoum iluk werekma 7at Yesus inoba wageikhesik, inebe iki hageinakhe dogolik,
“Hinayuk dekhogon melatni o,” iluk yogeisasikhemo, 8inut oak leklarik inileken 'bikhasukha meke, it aperek inom dek. At Yesus arligat anek werekma hasukha.
9Itithogon hagatluk, tom ukul oba etnogo nen usa'aga dogolik, at Yesus nen men yogeisasikhe,
“An abat itaklasi agagi etnogo, nebe nakhunem watlatluk werekma, Allah nen nilugutnakhidek werek korlek, an hagatlagunem hinileken neegep etnogo akhuni aperek motok yogeisugup o. Yabokane Allah nen nilugutnakhe halok nen, yogeisausak o,” iluk inasuk warik warik usageikhe. 10Inasuk wakhikhemo, it agarumi emenogo nen, men yogokhukha,
“Halok he, it ap Allah ane holal waganek iteerek meke emenogo nen,
Elia tak wisigin, iluk iliogei iti nikithogon nen,” iluk hinok waganhukhama, 11at nen men yogeisasikhe,
“Elia tak witluk, at nen yi hagakhik, ti hagakhik, karelisigin, iliogei iti, eberogonat mekeat, 12an wene eberogonat yokhisak. At Elia ebe arat wageikhe mekeat he, it akhuni nen motok hutdigidek naldekhe dogolik, itithogon hagasu warlok nen, at ebe weagatdisukha hagat, an abat itaklasi agagi etnogo, nebe itithogon weagatnabugunat o,” iluk yogeisasikhemo, 13it agarumi emenogo nen men isukha,
“Iti, at Yohanes ima usa'isekhe lageikhe meke etnogo hasik yoknisekhe o,” iluk inakla hutdisukha.
Yesus nen mokat obabut weak meke yekerek ageikhe akla ukiluk werekma mukhogo ula'isikhe wene
(Markus 9:14-29; Lukas 9:37-43)
14Itithogon hutdiluk nen, akhuni doalegat emenogo inoba usa'agoukhama, ap ageikhe Yesus oba wageikhesik, at apma itibagal yukukhogon heagei wakhe dogolik, men yogokhikhe,
15“Noe. An na'but yi hakmurasin o. Ilhurluk 'bekhe dogolik, ebe watlageik, iluk ageik, hagakhe dogolik, hibiku-yogokuat hetumo ukigik, ima lageik, hagakhe dogolik weak motok welagarek iti nen, 16hat hagarumi hane waganiogei meke inoba wolok wagei mekeat he, it nen hagasusak erlok dek aga,” iluk yogokhikhe. 17Itithogon yogokhikhemo, at Yesus nen, men yogokhikhe,
“Hit akhuni o yogotak welagap meke yi, hinetaiken noba hakotdigidek dogolik nuk akhekhe lagap yoma re! An hit ninom niki meren oba dogogun nogo. Hit nen nakla pugurakhe korlek nobakhanini hapugutdiluk niki meren dogogin,” iluk yogeisasikhesik nen,
“Yekerek ithi an noba wolok witni o,” iluk yogeisasikhemo 18yekerek etnogo wolok wagoukhama mokat obabut weak meke akla ukiluk werekma Yesus nen wenagakhikhemo, dukhi lageikhemo eranogoat hano ageikhe. 19Hano ageikhemo re, it Yesus agarumi ane waganhe lagoukha meke emenogo oba wagoukhasik inom inarligat dogolik, men yogokhukha,
“Nit nen, at mokat obabut weak meke iti mukhogo ula'usak erlok dek iti nikithogon nen,” iluk oba hinok waganhukhama, 20-21at Yesus nen,
“Hit hinetaiken hutukhogon noba hakotdekhe lagap dek iti nen o. Ki'bi-ki'bi ai motok 'bugurlaktek meke iti hak, hinetaiken an noba 'bugurlaktek anek hakotdiluk nen, tom ithi yogokhe dogolik,
Ethoma nen higilogo werlekma etoma asi lan o, iluk yogosugun halok he, etoma nen werlekma etoma asi lausagat o. Hit nen yi meke ti meke hagasumo, ageikhe erlok dek ageidek hano anek asigin, iluk eberogonat yokhisigi. [Meke re, mokat obabut weak meke yi hakene inakla ukiluk werekma hipiri nikidek sembayan umo anek he, erlok mukhogo ula'usak o,”] iluk yogeisasikhe.
Yesus nen, “An nasugunat o,” iluk alep yogeisasikhesik nen, yabokane yogeisasikhe wene
(Markus 9:30-32; Lukas 9:43-45)
22Yabokane, at Yesus agarumi inom o Galilea etoma natogokhukhasik dogolik, men yogeisasikhe,
“An abat itaklasi agagi etnogo, ap nen yoko lalok it akhuni aperek iniki baga 'banumo, 23nasugun o. Nasumo, nebe niki pere warek dogoluk, ageikhe baga nen he, Allah nen nilugutnabigin o,” iluk yogeisasikhemo, inakla motok weak arik lagoukha.
Yesus nen Allah ai halekma hasik oko uang 'bisikhe wene
24Itithogon hagatluk, o Kapernaum wagoukhama, it Allah ai halek hasik oko uang kino iluk waganhe lagoukha meke nen, at Petrus oba wagoukhasik nen, men yogokhukha,
“Hinoe Allah ane yakulhisekherek meke iti nen Allah ai halek hasik oko uang 'begarek etnogo meke ageikhe 'bekherek a? Dek a,” iluk yogokhukhama, 25at Petrus nen,
“'Bekheregat o,” iluk yogeisasikhe. Yogeisalok uma ukisikhesik, at nen igidek werek korlek, Yesus nen tak men yogokhikhe,
“Simon. Hat he, nikithogon apegen. It ap agat oba meke inetagapogot iti inobasik, akhuni thani nen uang 'biliogei. Inekaerek inagarumi nen 'biliogei apegen a? E a, at he, it ninat meke nen 'biliogei apegen a,” iluk yogokhikhemo 26at Petrus nen,
“It ap ninat meke nen 'biliogei o,” iluk yogokhikhemo, at Yesus nen,
“Halok he, it inekaerek inagarumi iti nen, 'busak dek higi. 27Meke re, it nen ina'it nisaunogo nen, i yekelekma lalok ikan wakharek meke herle etnogo ima usa'isinem alebageik wasigin meke etnaga hikimo waganiluk ape lanethasinem, uang apema werekma higin o. Halok he, itiat waganogo hat hasik inom, an hasik inom, it ap iti wogeisano,” iluk yogokhikhe.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda