Mateu 16
16
Navalomba Yesu asolole chinjikizo
(Mako 8:11-13; Luka 12:54-56)
1Jino vaFwaliseu navaSatuse vejile nakweseka Yesu, kaha vamulombele #12:38avasolwele chinjikizo chakufuma mwilu.
2Ikiye avakumbulwile ngwenyi, Hakulauka chalikumbi, namwamba ngwenu, Kakweshi kupwa vulako, mwomwo lilu linachilana.
3Kaha nachimene namwamba ngwenu, Lelo nakupwa vula napeho yayipi mwomwo lilu linelava nakufwindasana#16:3 MuchiHelase ngwavo, lilu linachilana, mwomwo mulifuchi lyavaIsalale, nge mavwi nawachilana, kaha vula yili hakamwihi.. Mwatachikiza mwakulumbunwina kupwa chalilu, oloze kamwahasa kulumbununa vinjikizo vyajingondeko.
4 #
12:39
Chisemunwino chachipi chaujila chinasake chinjikizo, oloze chinjikizo kaveshi kuvasolwelachoko, shina #Yona 3:4-5chinjikizo chaYona kaha. Kaha avasezele nakuliyila.
Chimbalwila chavaFwaliseu navaSatuse
(Mako 8:14-21)
5Omu tumbaji twenyi vahetele musali, vanukile ngwavo twavulyamanga kumbata jimbolo.
6Yesu avambile ngwenyi, Nyingililenu, #Luka 12:1zangamenunga nachimbalwila chavaFwaliseu navaSatuse.
7Kaha vaputukile kushimutwila mwavo mwavo ngwavo, Nahanjika ngocho mwomwo katwambatanga jimboloko.
8Oloze Yesu hakutachikiza vishinganyeka vyavo, ambile ngwenyi, #Mat 6:30; 8:26; 14:31Enu vaka-lufwelelo lwalundende, mwomwo ika muli nakushimutwila mukachi kenu ngwenu, Katweshi najimboloko?
9Kumana noholili kamwachimweneko? Kamwanukile #14:17-21tuze tumbolo tutanu valile vaze vatu makombakaji atanu (5,000), nakuvula chajimbango javize vihanda mwakungulwileko?
10Kaha nawa, kamwanukile #15:34-35jize jimbolo jitanu najivali valile vaze vatu makombakaji awana (4,000), nakuvula chajimbango jajinene javize vihanda mwakungulwileko?
11Chinazeneka ngachilihi kumilumbunukila ngwenu kangwahanjikile vyajimboloko? Zangamenunga nachimbalwila chavaFwaliseu navaSatuse.
12Jino chavalumbunukilile ngwavo, Yesu kavalwezele ngwenyi vazangamenga nachimbalwila chajimboloko, oloze nakunangula chavaFwaliseu navaSatuse.
Yesu Ikiye Kulishitu
(Mako 8:27-30; Luka 9:18-21)
13Jino omu Yesu ahetele mungalila yakuKesaliya ya Fwilipu ahulishile tumbaji twenyi ngwenyi, Vatu veji kwambanga ngwavo Mwanamutu Ikiye Iya?
14Kaha vakiko vamukumbulwile ngwavo, #14:2Vamwe veji kwambanga ngwavo, Yove Yowano, muka-kujimika vatu. Veka ngwavo, #Mako 6:14-15; Luka 9:7-8; Yowa 1:21Elija. Vakwavo ngwavo, Yelemiya, chipwe umwe wavapolofweto.
15Avahulishile ngwenyi, Nyi enu mweji kwambanga ngwenu Yami iya?
16Shimona Petulu amukumbulwile ngwenyi, #Samu 42:2; Mat 26:63; Vili 14:15; Loma 9:26; 2 Koli 3:3; 6:16; 1 Teso 1:9; 1 Chim 3:15; 4:10; Hepe 3:12; 9:14; 10:31; 12:22; Kuso 7:2Yove Kulishitu, MwanaKalunga Ou #1:16; Yowa 11:27ayoya.
17Yesu amwambile ngwenyi, Unatokwa ove Shimona Mbala-Yona#16:17 Mbala-Yona, nge ngwavo, mwana Yona., mwomwo kavakusolwelelecho kuli #1 Koli 15:50; Ngal 1:16; Efwe 6:12; Hepe 2:14ukwechi nyama namanyingako, oloze kuli Tata átwama mwilu.
18Kaha Ami nangukulweza ngwami, #Yowa 1:40-42Ove yove Petulu, kaha halilolwa lino nangukatungilaho liuka lyami, kaha vikolo vyaHetese#16:18 Tala ha11:23. kavyeshi kukalifungululako.
19Nangukuhana #Isa 22:22; Kuso 1:18; 18:18; Yowa 20:23jisapi jawangana wamwilu, kaha #18:18cheshocho naukasa hano hamavu chapwa chakukasa lyehi mwilu, kaha cheshocho naukasununa hano hamavu chapwa chakukasununa lyehi mwilu.
20 #
8:4; Mako 3:12; 5:43; 7:36; 8:30; 9:9; Luka 9:21 Jino akanjile tumbaji twenyi chikuma vazeneke kulwezako chipwe umwe ngwavo Ikiye Kulishitu.
Yesu mwavuluka kufwa nakusanguka chenyi
(Mako 8:31—9:1; Luka 9:22-27)
21Kufuma haze Yesu aputukile kulweza tumbaji twenyi ngwenyi kuvanga akaye kuYelusalema, #17:9, 12, 22-23; 20:17-19; Mako 9:12, 31; Luka 17:25; 18:32akamone makava mwamuvulu kuli vakulwane javaYuleya navapilishitu vavalemu navaka-kusoneka nakumujiha, kaha halikumbi lyamuchitatu navakamusangula kuli Kalunga.
22Petulu amutwalile kupenge nakuputuka kumuhanjikila ngwenyi, Chijila Ove Mwata! Echi kacheshi kukasoloka kuli Oveko.
23Oloze Ikiye alumukile nakwamba Petulu ngwenyi, Fuma kumeso ami ove Satana#16:23 Chipwe ngwavo, Hita kunyima yami ove Satana.. Unapu uchimbunji kuli Ami, mwomwo kawajikile muchima wove havyuma vyaKalungako, oloze havyautu kaha.
24 #
16:24-26; 10:38-39; Luka 14:27; 17:33; Yowa 12:25 Kaha Yesu alwezele tumbaji twenyi ngwenyi, Weshowo mwasaka kungukava, alikanyise vize áfwila ivene kaha, alitwike kulusu yenyi nakungukavangizanga.
25Mwomwo weshowo mwasaka kulwila mwono wenyi mwaujimbalisa. Oloze weshowo mwajimbalishila mwono wenyi hali Ami, mwauwana.
26Mwomwo mutu mwawanyinaho ika nge mwaheta kaye kosena oloze mwavindama mwono wenyi? Nyi mutu mwatambasana mwono wenyi naka?
27Mwomwo Mwanamutu mweza navangelo jenyi muupahu waIse, kaha #10:33; Luka 12:9; 1 Yowa 2:28; Loma 2:6mwafweta mutu himutu kutesa navilinga vyenyi.
28Mwamuchano nangumilweza ngwami, kuli vamwe vanemana hano, kaveshi kufwako#16:28 MuchiHelase ngwavo, kaveshi kukamakila kufwako., swi-i nakukumona Mwanamutu ali nakwiza muwangana wenyi.
Zvasarudzwa nguva ino
Mateu 16: LUE
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Bible Society of Zambia